تعبااااااااااااااااااااااان.. خد العلاج ده..

10/08/2009

:: حب الله .. أعظم دواء ::

دواعي الإستعمال............ ......... uses

لما تعوز يبقالك معــــــنى.... وحياه صافيه الصدق مـــــــاليها
لما تضيق حولـــيك الدنيا.... ويكون قلبك ضايع فـــــــــــــيها
لما تضيع أحــــــــلامك منك....والأيام تدبـــــــل أمــــــانيها
لما تموت جواك أحاســــيسك....وبقيت مــــش قـــادر تحييها
لما الناس في المحنه تسيبك....وتروح مهمـــــــا تنادي عليها
لما جروحك تفضل تنـزف.... ومافيش شئ في الكون يداويها
إوعى تروح للناس في الـدنيا ...هىّ الناس فيه ايه في إيديـها
سيب الخلق وروح لخالــقهم .....سيب الأرض وروح لـباريها

أثار الدواء............ ......... actions

هيخليك إنسان له معــنى.....هيخلـــــــــيك فعلا إنسان
ياخد قلبك فوق ويـــــــرفرف.....وسط قلوب مليــــانه ايمان
هيخليلك روحــــــــك تبقى.... أسمى و أقوى من الأحزان
هيخليلك قلــــــــبك ثابت.... ولا يستسلم مـهما ان كان
أنا مش هفضل أعد فوايـده..... أصل فوايده فوق الحسبان
بس كفايه أقولك إنك يومها..... هتبقى......... مع الرحمن

التركيب............ ......... composition

حبة صبر وحبة تــــــقوى... وتدوبهم في الإخــــــلاص
لازم يبقى الصبر في قلبك …ثابت مش مكتوب برصــاص
و الأفعال هي اللي تعـــبر....مش شعارات تنقال وخــلاص
وكفايه تعرف مهما الدنيــا.....فضيت حوليك مـ الحــــراس
لازم تعرف إننا لينــــــــا.....رب مافيش من حكمه خلاص

الجرعه............ ......dose

خد على قد ماتقدر مــــنّه ....خد مــــا تقولشي إزاي ولا ليه
عوّد عقلك..روحك.. قـلبك.....طول أيامـك يمــــــــــشوا عليه
إوعى تسيب ولا ثـانيه تعدي .....من غير قلبــك ما يعيش بيه
و أن أدمنته دا شئ من حظك ...طـب فيه أجمل من كده ايه؟

التحضيرات......... .........preperations

ركعه في قلب الليل تخفــــيها.... ولا دمـــــــوع تبكيها بقلبك
صدقه ماحدش يبقى شايفها.... علشان تطـــلع خالصه لربك
فرّج كربة حد في أزمــــة.... حتى إن صدفة قابلته في دربك
الأعمال لو حتى بسيــطة..... بس تكون ممـــــزوجه بحبك
رب الكون ده هيقبل مـنك..... والأجمل...... ربنا هــيحبك

الآثار الجانبيه ......... ......side effects

كل آثاره انك مـ الفرحـــه....... قلبك مكن نبضـــــه يزيد
و كمان ممكن تشعر إنك....... جرى في عروقك دم جديد
ممكن وشك يبقى منـور....... باسم وكأن إنـــت في عيد
يعني عيوبه مجرد إنــــك ......تلقى كيانك كلـــــه سعيد

موانع الإستعمال............ .......contra indication

مش ممنوع للدنيا بحـالها....... حتى العاصي مـاهوش ممنوع
عمر زمان ومكان ما هيمنع....... طول ما في قلبك لسه خشوع
لو جه يوم أخطأت طريقـــك....... لسه بإيــــــدك تاني رجـوع
دايماً دايماً خليك فاكــــــر....... لسه بإيدك تاني رجــــــــــوع

لسه بإيدك تاني رجوع
لسه بإيدك…… تاني رجوع

منتظر رأيكم في هذه الأبيات

الموضوع : تعبااااااااااااااااااااااان.. خد العلاج ده.. المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

26/06/2010

السلام عليكم ورحمة الله وبركاتة

تعبااااااااااااااااااااااان.. خد العلاج ده.. 742172

رااااااااااااااااااااااااااااااااااااااااااااااااااااااااااااااااااااااائع

الموضوع : تعبااااااااااااااااااااااان.. خد العلاج ده.. المصدر : مسجد الهدي المحمدي الكاتب: مشتاقة للجنة
توقيع العضو/ه :مشتاقة للجنة

10/08/2009

وعليكم السلام ورحمة الله وبركاته

جزاك الله كل خير

ومشكور على المتابعة

الموضوع : تعبااااااااااااااااااااااان.. خد العلاج ده.. المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

تعبااااااااااااااااااااااان.. خد العلاج ده..

تعبااااااااااااااااااااااان.. خد العلاج ده..

مواضيع مماثلة

مواضيع مماثلة