أحلى حياةمدير عام المنتدى
تاريخ التسجيل : 10/08/2009
 |  موضوع: اصحي يا نايـــم ! كفايه نووم  الجمعة 13 أغسطس 2010, 12:39 am | |
|
بسم الله والحمد لله والصلاة والسلام علي رسول الله صلي الله عليه وسلم
أما بعد
فابتداء
أقول لكل إخواني وأخواتي
كل عام أنتم بخير
وأسأل الله العلي القدير ان يجعلنا في رمضان من عتقائه من النار
آمين
موضوع صغير كده قلت أذكر نفسي واياكم به
وهو موضوع استثنائي يعني مش يعتبر موضوع اوي يعني
"سنن منسية في رمضان "
1- تفطير الصائم : مش لازم ياأخي تعزم اصحابك يعني
إنما ممكن تاخد في ايدك كده كام تمرة وتطلع في أذان المغرب تفطر انت وهتلاقي ناس ماشية رايحة بيوتهم
فتديهم كده بابتسامة ودعاء ان يتقبل الله منك ومنه الصيام
في ناس بقة طيبين اوي فتيجي تديهم التمرة ياخدها عادي
بس مياكلهاش انما يخليها معاه لغاية ميروح يفطر في بيته وبعد كده ممكن ياكل التمرة
يقوللك :
ليه وهو ياخد حسنات علي قفايا ليه ؟؟!!
يا اخي هو انت اللي هتدفعله حاجة من جيبك ولا هتديله حسنات من عندك ؟
في ناس مثلا تقوللهم سنة مثلا سنة الركوب مثلا يقوللك لا انا لو قلت الدعاء في العربية
هو هياخد حسنات لا مش قايل
وهو بذلك يضيع الأجر علي نفسه اولا
الناس دي لو عرفت الحديث ده مش هيعملوا كده
{من فطر صائما كان له مثل أجرهم من غير أن ينقص من أجورهم شيئا}
الراوي: زيد بن خالد الجهني المحدث: الألباني - المصدر: صحيح ابن ماجه - الصفحة أو الرقم: 1428
خلاصة الدرجة: صحيح
زائد ان سواء انت كلت التمرة اللي الأخ اداهالك او مكلتهاش فبفضل الله
هو هياخد الأجر بالنية
والله المستعان
2-دعاء الفطر - عشان ناس بتقوله مش صح
كان النبي - صلى الله عليه وسلم - إذا أفطر قال : ذهب الظمأ ، وابتلت العروق ، وثبت الأجر – إن شاء الله -
الراوي: عبدالله بن عمر المحدث: الألباني - المصدر: مشكاة المصابيح - الصفحة أو الرقم: 1934
خلاصة الدرجة: إسناده حسن
أما الرواية اللي فيها " اللهم لك صمت " فضعيفة
كان إذا أفطر قال : اللهم لك صمت ، و على رزقك أفطرت
الراوي: معاذ بن زهرة المحدث: الألباني - المصدر: ضعيف الجامع - الصفحة أو الرقم: 4349
خلاصة الدرجة: ضعيف
فياريت نلتزم بالدعاء بصيغته الصحيحة عشان ناخد الأجر كاملا
آه صحيح حاجة كمان في ناس بتقوله قبل ما تاكل
انما الحديث بيقول "ذهب الظمأ " يعني بعد ما تاكل تقول .
3- اوعي تفوت صلاة المغرب في جماعة ،،صلاة المغرب في رمضان هي صلاة المغرب في اي شهر تاني
في ناس بتفتكر ان صلاة جماعة المغرب في رمضان بتسقط عشان الأكل لا
انت غير ريقك بتمرة بشربة لبن بشوية مياه بأي حاجة وقم للصلاة
4-طبعا عارفين تأخير السحور زي مااحنا عارفين ان علي عهد النبي كان يتسحرون قبل الفجر
بمقدار 50 ايه يعني حوالي نص ساعة كده قبل الفجر
لكن انا عايز اقول الحديث ده :
نعم سحور المؤمن التمر
الراوي: أبو هريرة المحدث: الألباني - المصدر: صحيح أبي داود - الصفحة أو الرقم: 2345
خلاصة الدرجة: صحيح
اتسحر علي تمر وخلي في نيتك اصابة السنة بأكلك للتمر
انا عارف ان السحور عندنا لابد ان يكون بالأسمنت المسلح _أقصد الفول _
لكن مفيش مانع انه يكون مع الحببيب الغالي تمرتين تلاتة تصيب بيهم السنة
5- بعد صلاة الوتر في دعاء كان النبي يقوله :
أن رسول الله ، كان يوتر ب { سبح اسم ربك الأعلى } و { قل يا أيها الكافرون } و { قل هو الله أحد } وكان يقول إذا سلم : سبحان الملك القدوس ثلاثا ويرفع صوته بالثالثة
الراوي: عبدالرحمن بن أبزى المحدث: الألباني - المصدر: صحيح النسائي - الصفحة أو الرقم: 1731
خلاصة الدرجة: صحيح
سبحان الملك القدوس 3 مرات وتمد وترفع صوتك في تالت مرة
بتصلي جنب واحد صاحبك علمهاله
"بلغوا عني ولو آية "
6- ياريت مننساش ندعي لاخواننا المستضعفين اللي مش لاقيين ياكلوا ،،وننتذكر بذلك نعمة الله علينا ان أطعمنا كفانا وآوانا
فاللهم لك الحمد
7-أخيرا مش هوصيكم بالقرآن
و لا تنسوني بدعوة صالحة عند الافطار ان يرزقني الله شهادة في سبيله وحياة وموتا في بلد حبيبه
صلي الله عليه وسلم
طبعا الأخيرة دي مش من السنن المنسية ،، انما دي صدقة علي اخيكم بس كلما تذكرتموه
والحمد لله رب العالمين
والسلام عليكم ورحمة الله
[/color]  الموضوع : اصحي يا نايـــم ! كفايه نووم المصدر : مسجد الهدي المحمدي الكاتب: أحلى حياة |
|
