أحلى حياةمدير عام المنتدى
تاريخ التسجيل : 10/08/2009
 |  موضوع: ما أجمل الإستغفار  الأحد 03 أكتوبر 2010, 11:54 pm | |
| تقول أحد الأخوات
أتذكر في يوم
كان عندي إمتحان فى الكلية
وكان إمتحان العملى النهائي عليه 20 درجة من 100
!!
وكان عندى ظروف كده
وما قدرتش أراجع ليلة الإمتحان
المهم
قلت لنفسي مش مشكلة ولما أصحى أصلى الفجر اقعد أراجع لحد الامتحان
وكان الإمتحان الساعة 8 الصبح
المهم
صحيت الفجر
وبعد ما صليت حسيت إنى تعبانة وعايزة لسة أنام
فقلت أنا كده مش هعرف أذاكر وأنا تعبانة
فنمت وظبطت المنبه على 6 عشان أقوم أذاكر
المهم المنبه ضرب
ومن كتر تعبي طفيته ونمت وأنا مش حاسة
وفجأة لقيت أختى بتصحينى بتقولى
يا فلانة إنتى مش عندك إمتحان الساعة 8
قمت مخضوضة جدا وببص فى الساعة
لقيتها 8:10
المهم قمت بسررررررعة
ولبست بأسرع ما يمكن
ووأنا واقفة قدام المراية
إفتكرت حديث النبي صلى الله عليه وسلم
من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب
الراوي: - المحدث: ابن باز - المصدر: مجموع فتاوى ابن باز - لصفحة أو الرقم: 210/11
خلاصة حكم المحدث: صحيح
فالمهم
قعدت استغفر كتييييييير
وطول ما أنا فى الطريق
إستغفار إستغفار
المهم وصلت الكلية
لقيت بعض البنات من دفعتى قاعدين برة على السلالم
استغربت جدا وقلت لنفسي أكيد قسمونا على مجموعات
دخلت جوة شوية
لقيت بنات السكشن بتاعي
ما كنتش مصدقة اللى بشوفه
قلتلهم هو في إيه يا جماعة
قالولى الإمتحان إتأجل بقى الساعة 9
يااااااااااااااه
بقيت أقول لنفسي
يااااااااه يارب .. إنت سمعتنى يا رب .. ياااااااه رب .. بالسرعة دى
فعلا يا جماعة
ربنا بيقف جنبنا فى أشد الأوقات اللى بنكون محتاجينه فيها
وبيحللنا مشاكلنا
لكن المشكلة إن إحنا بنعصيه وبننكر الجميل
أنا فى واحدة صاحبتى
فيها عيب
كل ما أعملها خير تنساه
وتنسى إنى فى يوم من الايام ساعدتها ووقفت جنبها وما كنش فى حد خالص واقف جنبها من البشر
فكنت بزعل جدا منها
لكن فى مرة قعدت مع نفسي
وقلت ياااااااه ده أنا وحشة أوى
ربنا ادانى كل النعم دى
وبيقف جنبي كتيييييير
وأنا أصلا لولاه مش هعرف أعيش
أنا كلى على بعضي كده من فضله ومنه عليا
ومع ذلك مقصرة جدا فى شكره
وبكسل أقول الحمد لله 33 مرة بعد الصلاة أو قبل النوم
ومش بس كده
لا كمان بعصيه
ومع ذلك ربنا ما زعلش وعاقبنى
وما زال بينعم عليا بنعم عظيمة
فعلا ربنا ده كرييييم
ربنا يرزقنا حبه وحب من يحبه وحب كل عمل صالح يقربنا لحبه
اللهم آمين
 الموضوع : ما أجمل الإستغفار المصدر : مسجد الهدي المحمدي الكاتب: أحلى حياة |
|
مشتاقة للجنةالمراقبة العامة
تاريخ التسجيل : 26/06/2010
| | موضوع: رد: ما أجمل الإستغفار الإثنين 04 أكتوبر 2010, 4:47 pm | |
|  امييييييييييييين جزاكم الله خيرا توقيع العضو/ه :مشتاقة للجنة | |
|
|
أحلى حياةمدير عام المنتدى
تاريخ التسجيل : 10/08/2009
| | موضوع: رد: ما أجمل الإستغفار الإثنين 04 أكتوبر 2010, 5:15 pm | |
| وعليكم السلام ورحمة الله وبركاته
جزاناواياكم
اللهم تقبل منا
|
|
