اجري جري الوحوش غير رزقك متخدوش

10/08/2009

السلام عليكم ورحمة الله وبركاته

يعني خاطرة كده تجمعت من حتت كتير ...

خاطرة تدور حول حديث : " إن روح القدس نفث في روعي أن نفسا لن تموت حتي تستوفي رزقها وتستكمل أجلها "

او كما قال الحبيب صلي الله عليه واله وسلم

اللي معناه شوية المقولة اللي عملتها عنوان للموضوع

حتي تستوفي أجلها...... محدش هيموت الا لما ياخد رزقه .... أكيد

طيب ،، في حد شاكك في كده ؟؟!!! ابدا ابدا

هحكي كام قصة كده يوضحوا النقطة دي لعلها تكون ذات فائدة ان شاء الله :

أول قصة تنطبق عالحديث تماما سبحان الله وحصلت قريبا

مع شيخ كان بيغسل ميت هو بعض اقارب الميت

المهم وهما بيغسلوه ..... بصوا لقوا......... لقوا

لقوا لميت قام علي خشبة الغسل قام قعد !!!!!!!!!

منظر مرعب .... موقف خطير

تخيل نفسك كنت بين الناس اللي بيغسلوا دول شوف كنت هتعمل ايه؟؟!!!!!!

المهم الناس عملوا اللي انت كنت هتعمله ..طبعا جريوا وخافوا جدا

وثبت الله الشيخ جابر هذا الذي تحكي القصة عنه

وإذا بالراجل اللي كان بيتغسل علي خشبةالغسل بيقول :

كوباية مياه يا شيخ جـــابر!!!!!!

سبحان الملك !!!

فالشيخ اعطي له كوباية مياه شربها ثم ....

ثم مــــــــــــــات !!!!!!

سبحان مقدر الأقدار سبحان المحيي المميت

سبحان الحي الذي لا يموت

...... طيب كفاية كدا دلوقت ... لسة الموضوع فيه كتير لسة عايز اقوله ان شاء الله

لكن عايز اشوف رد فعلكم ان شاء الله

يتـــــــــــــــــــــــــــــــــــــبع
ان شاء الله

والسلام عليكم ورحمة الله

الموضوع : اجري جري الوحوش غير رزقك متخدوش المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

10/08/2009

قيل للحسن البصري: ما سر زهدك في الدنيا؟
فقال: (علمت بأن رزقي لن يأخذه غيري فأطمأن قلبي له،و علمت بأن عملي لا يقوم بهغيري فأشتغلت به، و علمت أن الله مطلع علي فأستحييت أن أقابله على معصية،و علمت أن الموت ينتظرني فأعددت الزاد للقاء الله).
صحيح ماحدش هياخد رزق حد ابدا
مواقف كتير بتحصل ليا وليك وليكي تحس ان رزقك بتاعك انت وبس

يعني مثلا واحد بيقول كان بيتخانق هو واخوه الصغير علي رمانة وكانت آخر رمانة فالمهم عرفوا ان الأخ الأكبر لم يأكل نصيبه منه

فسابوها ،، بعدها الأخ الأكبر ده راح الجيش وفضلت الرمانة يومين في التلاجة

وفي الآخر الأخ الصغير هو اللي اكل الرمانة

دي عشان مقسوماله هو

وغيرها مواقف كتير
في أخت في منتدي تاني كانت بتقول انها كنت في بلد خارج مصر وكانوا بياكلوا سمك في مرة فوالدها قال :

قال "سبحان الله احنا جايين من مصر علشان نأكل السمك ده !" و ضحك!"

سبحان الله ،، مش بس كده والله ،، دا مقسوم مين اللي هيصطاد السمكة دي ومين اللي هيبيعها ومين اللي هيطهيها

كل واحد ورزقه بقه

لكن الإنسان بيعجل ،، ويستعجل

بعض الناس بيدعوهم خوفهم علي رزقهم ان ياكل بعضهم بعضا
هحكي قصة

فقد حكي عن الإمام علي رضي الله عنه انه كان ماشي هووخادمه ودابته فدخل علي رضي الله عنه يصلي وترك دابته مع الخادم علي أنيعطيه درهمين

فأخذ الخادم لجام الدابة وهرب

فلما جاء علي - رضي الله عنه - ورأي اللجام قد أخذ دعا غلامه ليشتري لجاما آخر فاشتراه من الخادم واعطاه درهمين

فلما علم الأمام علي بذلك
قال عجبا لابن آدم يدعوه خوفه علي رزقه ان يقع في الحرام

سبحان الله ماهو كان هياخد اجره بالحلال لكن لأ استعجل فاخده بالحرام ....

فسبحان الملك ....

واكمل ان شاء الله المرة القادمة مع شوية نقط كده في الموضوع

وبرده عايز الناس تشارك بأي شئ

تزيد من يقيننا في امر الرزق

يتــــــــــــــــــــــــــــــــــبع

الموضوع : اجري جري الوحوش غير رزقك متخدوش المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

10/08/2009

السلام عليكم ورحمة الله

نكمل موضوعنا ان شاء الله وكنت عايز اتكلم عن نقطة في الموضوع الا وهي :

معنــــــى الــرزق؟؟!!!!

للأسف في بعض الناس فاكرة ان الرزق بس معناه مقصور فقط علي المال والمرتب والقبض والماهية واليومية

وفي ناس ارقي شوية تزيد الرزق في الأكل والشرب !!!!

لكن الرزق اوسع من هذا بكثير جدا

هل تعلمون ان كلامي الآن وما اكتبه انما هو رزق من الله؟؟!

نعم ، كل شئ في حياتنا ممكن يندرج تحت باب الرزق اللي يندرج بدوره تحت باب القدر

الدرجات بتاع كل واحد فينا رزق وبيحصل لينا مواقف في امتحانات من توفيقوعدم توفيق او مرض او تيسير عشان احنا مقدر لينا رزق من درجات معينة لازمهناخدها

وألتفت إلي أخياتي وأقول :

الزواج ايضا رزق ،،، اي وربي رزق

زوجتك اللي هتكون زوجتك دي رزق فمتستعجلش رزقك اللي هيجيلك هيجيلك لكن ... كما قلت قبل كده ان بعض الناس تستعجل رزقها

وتعمل حاجات مخالفة عشان خايفة علي فوات الرزق !! دا زي اللي بيحصل من بعضالأخوات اللي بيخرجوا في زينة بحجة منها او من الأهل ان عشان الخطباءيشوفوها فيتقدمولها

لكن لو تدبرنا يقينا هذه الآية لما كان هذا حالنا :
"وفي السماء رزقكم وما توعدون "
واكتفي بكده عشان انا طولت جامد

يتبـــــــــــــــــــــــــــــــــــــــع بإذن الله

الموضوع : اجري جري الوحوش غير رزقك متخدوش المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

10/08/2009

السلام عليكم

تكملة للموضوع

كنا اتكلمنا المرة اللي فاتت عن " معني الرزق " وانه بيتضمن حاجاات كتيرة جدا مش بس الفلوس

المرة دي هنتكلم ان شاء الله عن حاجة مهمة جدا ودي لو احنا عرفناها واعتقدناها في قلوبنا مش هيكون في سخط في حياتنا ابدا

ورسالتي موجهة للي ربنا ما كتبلهمش رزق واسع - في ظنهم - يعني الناس اللي مثلا حالتهم المادية ضعيفة - واحد درجاته قليلة

اخت لسة ما اتخطبتش او خطابها قليل او كثير لكن ما بيحصلش نصيب - كما يقال - ناس لسة ما انجبوش

امثلة كتيرة جدا - انتم ادري مني بها ،،، لكل دول اقول لهم رسالتي اليوم !!

هل الحالة اللي انتوا فيها دي -او الرزق اللي انتوا اخدتوه او ربنا كاتبهلكم دا شئ مش كويس ليكم ؟؟؟

والجواب : ابدا والله .... واسمع قول ربنا الكريم العليم الخبير :

" ولو بسط الله الرزق لعباده لبغوا في الأرض ... ولكن ينزل بقدر ما يشاء .. إنه بعباده خبير بصير "

عايز نقف وقفة بسيطة مع كل مقطع من الآية اللي في سورة الشوري آية رقم 27 للي عايز يشوفها في المصحف

وعلي فكرة سورة الشوري فيها معاني كتير للموضوع ده

المهم : هل تدبرتم الآية ؟؟!!!

يا من حالتك المادية بسيطة : اعلم ان ده هو احسن حال ليك في وقتك الحاضرمش يمكن لو رزقك كتير شوية كنت ممكن تطغي علي العباد وتتكبر وتتجبر

إن الله بعباده خبير بأحوالهم بصير بما يصلحهم -سبحانه وتعالي -
ياللي انت درجاتك قليلة -مع انك اخدت بالأسباب واجتهدت - ارضي بما قسمه الله لك واعلم ان هذا هو اختيار الله لك
ربما لو كنت جبت درجات كبيرة كان حصلك حاجة -حسد حقد اي مصيبة من جراء هذا
ان الله بعباده خبير بصير

اخياتي اللي لسة ما اتخطبوش ماتزعليش اوي كده يمكن ربنا كاتبلك واحد احسنبس لسة لم يأت الأوان ،، او مش يمكن لو كنت اتخطبت لواحد كان هيبقي وبالعليك في حيتك

إن الله بعباده خبير بصير

الناس اللي متزوجين ولم يكتب الله لهم بذرية الي الآن ربما لو انجبوا كان الولد ده كان هيبقي سبب في شقائهم " وتذكروا قصة الخضر"

إن الله بعباده لخبير بصير

وهكذا إخوتاه ... اي واحد رزقه قليل لازم يعرف ان ده هو الأحسن ليه

لكن لازم برده كل واحد يوجه قلة رزقه لشيء تاني برده ....

نتكلم عنه ان شاء الله المرة الجاية

يتــــــــــــــــــــــــــــــــــــبع

ان شاء الله

السلام عليكم

الموضوع : اجري جري الوحوش غير رزقك متخدوش المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

10/08/2009

نكمل ان شاء الله
محدش قال لنا يعني علي اي تجارب ليه او لأي حد يعرفه

طيب عموما احنا كنا وقفنا المرة اللي فاتت علي ان المفروض ان قليل الرزقيعلم ان ده مش شئ وحش بالنسبة له بالعكس دا لو فكر فيها بعين صائبة لوجد انده هو عين الخير له

وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لا تعلمون

لكن كنا قلنا ان احنا لازم نوجه قلة الرزق دي لحاجة مهمة جدا

والحاجة دي في الحديث ده :

لا يرد القدر إلا الدعاء ، ولا يزيد في العمر إلا البر ، وإن الرجل ليحرم الرزق بالذنب يصيبه
الراوي: ثوبان مولى رسول الله - خلاصة الدرجة: حسن - المحدث: الألباني - المصدر: شرح الطحاوية - الصفحة أو الرقم: 144

صحيح والله ان الرجل ليحرم الرزق بالذنب يصيبه

آيات كتيرة تدل علي ان اي شيء مش كويس يحصل لنا دا بيكون من عندنا احنا

عملت حاجة كده ولا كده

اي ذنب تقع فيه اعلم ان بعده حرمان رزق

اغتبت واحد .... نظرت نظرة محرمة ..... سمعت أغاني ...

غشيت في الامتحان

اوع تفتكر انك هتجيب درجة حلوة بالعكس ممكن يحصللك اي حاجة في المادة دي او في غيرها

اي ذنب تعمله هيكون سبب في حرمان رزق كان هيجيلك

آيات كتيرة تدل علي أن الذنوب سبب لوقوع المصائب

قال تعالي :
" وما أصابكم من مصيبة فبما كسبت أيديكم ويعفو عن كثير "
" ظهر الفساد في البر والبحر بماكسبت أيدي الناس ليذيقهم بعض الذي عملوا "

" ما أصابك من حسنة فمن الله وما أصابك من سيئة فمن نفسك "

وغيرها كتير من الآيات

لذلك اقولك يا اخي

دور في نفسك وابحث انت بتعمل ايه ممكن يكون سبب في قلة رزقك

وحسن حالك مع ربك يأتيك الرزق الواسع إن شاء الله

وانت يا اختي يلا دلوقت حالاً اسألي نفسك ها في ايه ؟؟

ليه انت حالك كده ؟؟

يمكن لسة يقينك في الرزق لسة لم يثبت

يمكن حجابك لسة مش علي ما يرام ؟؟

يمكن لسة ما التزمتيش بالصلاة كويس ؟؟

يمكن يمكن

وكل واحد أدري بنفسه طبعا

وربنا يعفو عن الجميع .. امين

طيب بالراحة بالراحة انت عمال تتكلم كده عالفاضييعني انت قصدك كده ان كل اللي ربنا رازقهم دول وعندهم فلوس كتير وبيجيبواتقديرات عالية دول ناس كويسة وطائعين

ومبيعملوش معاصي ؟؟!!

اعتقد ان السؤال ده ربما يتوارد لمن يقرأ كلامي

وان شاء الله ارد عليه المرة
يتبـــــــــــــــــــــــــــع

إن شاء الله

فتابعونا

الموضوع : اجري جري الوحوش غير رزقك متخدوش المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

10/08/2009

نكمل إن شاء الله

كنت قلت سؤال كده ربما يتوارد لبعض الناس بعدما قلنا ان لازم كلنا نوجه قلة الرزق عند بعضنا الي ذنوبنا ومعاصينا

ولازم نتهم أنفسنا دائما بالتقصير في حق الله تعاالي ونذكر نفسنا بقول الله :

(ولو أن أهل القرى آمنوا واتقوا لفتحنا عليهم بركات من السماء والأرض ولكن كذبوا فأخذناهم بما كانوا يكسبون)

وذكرنا بقول الله تعالي :

(وما أصابكم من مصيبة فبما كسبت أيديكم ويعفو عن كثير)

لكن بعد كده قلت سؤال مهم جدا وربما يتوارد لبعضنا الا وهو :

طيب بالراحة بالراحة انت عمال تتكلم كده عالفاضي يعنيانت قصدك كده ان كل اللي ربنا رازقهم دول وعندهم فلوس كتير وبيجيبواتقديرات عالية دول ناس كويسة وطائعين

ومبيعملوش معاصي ؟؟!!

ممكن واحد يقول انا اعرف ناس اصحابي وغير اصحابي كتير جدا

بيجيب امتياز عالي ماشاء الله

واعرف ناس ربنا فاتحها عليهم

وبرغم ذلك ملهمش في الالتزام اوي

فأقول وبالله التوفيق

أن هذا سؤال ربما يكون بالفعل عند بعض سبب تذبذب اليقين في الرزق شوية لكن لو فهم معناه

هيحمد الله علي ما هو فيه

ياشباب إن الله أعطي الدنيا لمن أحب ومن لا يحب

لكنه أعطي الدين فقط لمن يحب

لذلك انا مش هقوللك اخوك او صاحبك انا هقوللك

غير المسلمين من اليهود والنصاري وعباد الأوثان

بنشوفهم كلهم عندهم من الأموال ما لا حصر لها

ومن متاع الدنيا الكثير والكثير

مع انهم اييه

مش مسلمين

ماشي

ولو كانت الدنيا تساوي عند الله جناح بعوضة ما سقي كافرا منها شربة ماء

خلاص

برده انت ليه بتبعد عن السؤال ؟؟

انا بكلمك عن أصحابنا وجيراننا ملهمش في الدين اوي وبيعملوا معاصي وذنوب لكن برده ربنا فاتح عليهم من الأرزاق كتير ؟؟

طيب يا أخي انا هجاوبك

بس اولا لازم تعرف أن الله عز وجل لا يسأل عما يفعل وهم يسألون

لكن أقوللك عن الحكمة إن شاء الله

وهيا وردت في حديث ما معناه :
قال صلى الله عليه وسلم
(إذا رأيت الله سبحانه وتعالى يعطي العبد على معاصي هو مقيم على المعاصي؛ فاعلم أنه استدراج، ثم تلا قوله تعالى: (( حَتَّى إِذَا فَرِحُوا بِمَا أُوتُوا أَخَذْنَاهُمْ بَغْتَةً فَإِذَا هُمْ مُبْلِسُونَ )

شفت يا اخي ؟؟!!!!

مقيم علي معاصي الله عز وجل وبرغم ذلك ربنا بيديه

ياااه شفت ربنا كريم اد اييه

لكن اعلم أن ذلك استدراج لهذا الرجل

ربنا بيقول ايييه .؟

وأملي لهم إن كيدي متين "

وقال رسولك برده اييه :

إن الله ليملي للظالم ، حتى إذا أخذه لم يفلته . قال : ثم قرأ : { وكذلك أخذ ربك إذا أخذ القرى وهي ظالمة إن أخذه أليم شديد }

سبحانه وتعالي
اللهم إنا نعوذ بك منك
اللهم آمين

ايه ده ايه ده

طيب انا الحمد لله ربنا موسع عليا مال وجمال وتقديرات عالية

انت كده خوفتني اوي !!

طيب اعرف منين بقة ان ده استدراج ليا ولا دا نعمة من ربنا عليا ؟؟

اقوللك ياسيدي بس

تصلي علي الحبيب عشان قلبك يطيب

صليت !!!

طيب معلش بقة نؤجلها للمشاركة الجاية إن شاء الله عشان مطولش عليكم

يتـــــــــــــــــــــــــــــــبع

إن شاء الله

فتابعونا

الموضوع : اجري جري الوحوش غير رزقك متخدوش المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

10/08/2009

هتكلم عن نقطة النهاردة بعنوان

" أنا حظــــــــــي وحش "

الحقيقة

بعض الناس لما يحصلهم حاجة حلوة يقوللك يااه ده حظه حلو

والتاني لو حصل شيء وحش يقول يااه حظي وحش

لكن أقول ان لو فهمنا صح الدنيا محدش فينا هيؤمن بحاجة اسمها حظ

ولا حد هيندم لو كان حظه وحش أو هيفرح لو كان حلو

" كلمة حظه " بتفكيره هو "

أوضح أول حاجة بمثال من القرآن " عشان اللي عايز اقوله يتضح ان شاء الله

في قصة قارون اللي كلنا عارفينها في سورة القصص

بعد ما خرج عليهم بزينته

ربنا قال ايه "

" قال الذين يريدون الحياة الدنيا وزينتها

....

ياريت نتدبر الأول الحتة دي
يريدون الحياة الدنيا وزينتها
قالوا ايه

... ياليت لنا مثل ما أوتي قارون

إنه لذو حـــــــــــــظ عظيم "

آآآآآآه

بصوا لحالهم فمرضيوش بيه

وبصوا لحال قارون فزاد همهم علي همهم وتمنوا أن لو كان لهم من النصيب والحظ ما كان لقارون

لكن شوف الناس الفاهمة قالت ايه

" قال الذين أوتوا العلم

ويــــــــــلكم
.....

ياجماعة اتقوا الله مش كده

احمدوا ربنا

.... ويلكم ثـــــــــــــــــــــواب الله خير لمن آمن وعمل صالحا ولا يلقاها إلا الصابرون "

شفتوا بيفكروا ازاي
وهنا وقفة ثم أكمل
هنا بقة تشوف قول لنبي

" إن الله يحب معالي الأمور ويكره سفسافها "

شفتوا ناس بتفكر في ايه والناس التانية بيفكروا في ايه

ناس فاهمين وناس فهمهم قاصر ومحتاج يتقوم

بعد المشهد ده ربنا قال

" فخسفنا به وبداره الأرض ......

الي آخر الأية

ثم قال

"وأصبح الذين تمنوا مكانه بالأمس يقولون ويكأن الله يبسط الرزق لمن يشاء من عباده ويقدر .....

آآآآآه

هنا فهموا ،،وبدأوا يفهموا حقيقة الأمر

ثم قالوا

لولا أن منًّ الله علينا لخسف بنا

فهموا ان ربنا من عليهم -يعني أنعم عليهم - - بعدم المن

بعدها ربنا قال

تلك الدار الآخرة نجعلها للذين لا يريدون علوا في الأرض ولا فسادا والعاقبة للمتقين

يا شباب

إن الله يعطي الدنيا لمن يحب ومن لا يحب

ولا يعطي الدين إلا لمن أحب

ياريت نفهم الموضوع ده

فلا ينبغي ابدا لأي واحد فينا بيقول انه حظه وحش لأن

اللي بيحصلله واللي حصلله إنما هو من تقدير الله له
وزي ما عارفين ان قضاء ربنا كله خير

سواء كان خير ظاهر او خفي
وليحمد الله تعالي علي كل حال

وندعو بدعاء النبي

وأسألك الرضا بعد القضاء
ولا ينبغي أبدا لواحد تاني يقول انه حظي حلو

لأن دا برده من تقدير الله وتوفيقه له وليس له ولا لغيره أي شأن في هذا
وليحمد الله أيضا علي نعمه عليه وتوفيقه له ولا يكون كقارون الذي قال

إنما أوتيته علي علم عندي
وكان نفسي أتكلم هنا عن التفاؤل والتشاؤم

واحد حصل له حاجة وحشة أنا حظي وحش انا اصطبحت بوش مين النهاردة يارب

وواحد تاني يقول انا هلبس اللبس ده عشان بيبقي حظي حلو لما البسه

وهكذا لكن أنا حاسس اني طولت عليكم

وهكمل موضوع التفاؤال والتشاؤم ان شاء الله

يتــــــــــــــــــــــــــــــــــبع
إن شاء الله
والسلام عليكم ورحمة الله

الموضوع : اجري جري الوحوش غير رزقك متخدوش المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

10/08/2009

تعليق جيد أنقله للفائدة :

سبحان الله مسألة الفرح بالرزق والصبر على تأخر الرزق والجزع لفوات الرزق من المسائل الحساسة جدا في علاقتنا بالله تبارك وتعالى
لأن كل منهم لها ميزان حساسيا طالع يا نازل...ولكل منهم عقوبته الخاصة من جنس الخلل الذي فعله ولايفرق بين العقوبة والإبتلاء إلا متدبر لحاله مع الله!

حقا كلما أردد هذا الدعاء بعد الصلاة وأركز في كلماته أشعر بمعنى الإستسلام لله تعالى والرضا بقضاءه
أن رسول الله صلى الله عليه وسلم كان يقول في دبر كل صلاة إذا سلم : ( لا إله إلا الله وحده لا شريك له ، له الملك ، وله الحمد ، وهو على كل شيءقدير ، اللهم لا مانع لما أعطيت ، ولا معطي لما منعت ، ولا ينفع ذا الجدمنك الجد ) .
الراوي: المغيرة بن شعبة - خلاصة الدرجة: [صحيح] - المحدث: البخاري - المصدر: الجامع الصحيح - الصفحة أو الرقم: 6330

سبحان الله تتجلى عزة الله عز وجل العليم القدير في أوجز العبارات في هذا الدعاء!
اللهم لا مانع لما أعطيت ، ولا معطي لما منعت

فعلام أحزن لتأخر الرزق طالما علمت أنه إن قدّره الله لي وأعطانيه فلا مانع له؟
وعلام أحزن لفوات رزق منعه الله عنِّي لأنه سبحانه -شئت أم أبيت- لا معطي لما منع؟
قال الله تعالى:
" أَمَّنْ هَذَا الَّذِي يَرْزُقُكُمْ إِنْ أَمْسَكَ رِزْقَهُ بَل لَّجُّوا فِي عُتُوٍّ وَنُفُورٍ (21) "من سورة الملك

وكيف أفرح برزق أتاني وقد يسلب مني في لحظة؟
ولعل حرماني منه قد يكون لذنوب أصبتها أو رحمة من الله لئلا أنشغل به عنه سبحانه والآيات هنا كثيرة!
وهذه الآية أسميها معادلة الإتزان:
" لِكَيْلَا تَأْسَوْا عَلَى مَا فَاتَكُمْ وَلَا تَفْرَحُوا بِمَا آتَاكُمْ وَاللَّهُ لَا يُحِبُّ كُلَّ مُخْتَالٍ فَخُورٍ (23) " من سورة الحديد

تعرضتم في الموضوع لنقطة "أنا حظي وحش"وذكرتم قبلها أنه ليس شرطا أن يكون من رزق برزق معين أنه أحسن حالا منكلأن الله يعطي الدنيا لمن يحب ومن لا يحب...لكن أريد أن أنظر لهذه النقطةنظرة آخرى
أنه الأفضل من أن ننشغل برزق غيرنا أن ننشغل بأنفسنا
لشواهد كثيرة في القرآن...قال تعالى:
" اللّهُ أَعْلَمُ حَيْثُ يَجْعَلُ رِسَالَتَهُ " من سورة الأنعام
فاخرج الحسد من قلبك واقطعالطمع فيما في أيدي الناس من قلبك بسكين اليأس.. فالله يختص برحمته منيشاء وهو أعلم من المستحق ومن لا يستحق!

وقال سبحانه:
"وَلَاتَمُدَّنَّ عَيْنَيْكَ إِلَى مَا مَتَّعْنَا بِهِ أَزْوَاجًا مِّنْهُمْزَهْرَةَ الْحَيَاةِ الدُّنيَا لِنَفْتِنَهُمْ فِيهِ وَرِزْقُ رَبِّكَخَيْرٌ وَأَبْقَى 131"من سورة طه
سبحان الله الآية كأنها موجهة لكل مبتلى بقلة الرزق !
علاجها المبدأي>>> وَلَا تَمُدَّنَّ عَيْنَيْكَ ...انتهى!
وسبحان الله المقابلة العجيبة في الآية !
يصور الله تعالى متعة الحياة الدنيا في صورة زهرة مصيرها إلى الذبول والزوال
في حين صور رزقه سبحانه بأنه خير وأبقى

نقطة آخرى...وهي قاعدة عامة لكل عبد:
"وَاللَّهُ يَرْزُقُ مَن يَشَاء بِغَيْرِ حِسَابٍ "
وهذا تصرف الملك...فما لك أنت يا مملوك؟

فعلاجك:
أولا :وَلَا تَمُدَّنَّ عَيْنَيْكَ (لا تنظر من الأساس)
ثانيا : وَلاَ تَتَمَنَّوْاْ مَا فَضَّلَ اللّهُ بِهِ بَعْضَكُمْ عَلَى بَعْضٍ (إذا نظرت لا تتمنى)
ثالثا: مَّايَوَدُّ الَّذِينَ كَفَرُواْ مِنْ أَهْلِ الْكِتَابِ وَلاَ الْمُشْرِكِينَأَن يُنَزَّلَ عَلَيْكُم مِّنْ خَيْرٍ مِّن رَّبِّكُمْ (لا تحسد وأعلم أن الحسد من صفات اليهود)
رابعا :وَاللّهُ يَخْتَصُّ بِرَحْمَتِهِ مَن يَشَاء وَاللّهُ ذُو الْفَضْلِ الْعَظِيمِ (ارض بما قسمه الله لك واسعد بفقرك إلى الله وغناك بالله)
خامسا:وَاسْأَلُواْ اللّهَ مِن فَضْلِهِ إِنَّ اللّهَ كَانَ بِكُلِّ شَيْءٍ عَلِيمًا (أقصر الطرق للرزق اطرق باب الكريم)

الموضوع : اجري جري الوحوش غير رزقك متخدوش المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

10/08/2009

المقصود بالفرح بالرزق: الفرح الذي يؤدي إلى نسيان شكر وحمد الله سبحانه وتعالى على الرزق وعدم إستخدامه في طاعته
والدليل على هذا المعنى (الفرح المذموم)
"وَلَئِنْ أَذَقْنَاهُ نَعْمَاء بَعْدَ ضَرَّاء مَسَّتْهُ لَيَقُولَنَّ ذَهَبَ السَّيِّئَاتُ عَنِّي إِنَّهُ لَفَرِحٌ فَخُورٌ 10"من سورة هود
وجاء في تفسير الآية في السعدي:
(وأنهإذا أذاقه رحمة من بعد ضراء مسته، أنه يفرح ويبطر، ويظن أنه سيدوم له ذلكالخير، ويقول: { ذَهَبَ السَّيِّئَاتُ عَنِّي إِنَّهُ لَفَرِحٌ فَخُورٌ }أي: فرح بما أوتي مما يوافق هوى نفسه، فخور بنعم الله على عباد الله، وذلكيحمله على الأشر والبطر والإعجاب بالنفس، والتكبر على الخلق، واحتقارهموازدرائهم، وأي عيب أشد من هذا؟)

بالنسبة للآية الكريمة
" لِكَيْلَا تَأْسَوْا عَلَى مَا فَاتَكُمْ وَلَا تَفْرَحُوا بِمَا آتَاكُمْ وَاللَّهُ لَا يُحِبُّ كُلَّ مُخْتَالٍ فَخُورٍ (23)" من سورة الحديد
والمعنى الذي ذكرته قبلها
وكيف أفرح برزق أتاني وقد يسلب مني في لحظة؟
فكما سميتها هي معادلة الإتزان فلا نأسى على فوات رزق لأنه مكتوب ومقسوم.. ولا نفرح بنيله فرح بطر وأشر...
وسبحان الله هذه الجزئية أستشعر أن فيه حد فاصل بين نفسكِ وتعلقها بما تحب وتريد.. وبين تعلقكِ بالله
ولذلك قلت بعدها
ولعل حرماني منه قد يكون لذنوب أصبتها أو رحمة من الله لئلا أنشغل به عنه سبحانه والآيات هنا كثيرة!
فالحرمان هنا مقتضى الرحمة.. فمن تعلق قلبه بشئ غير الله عُذِّب به ولا بد !
وانظري للطف الله قد يزوي عنكِ ما تحبين تفريغا وتهيئة لقلبكِ لإستيعاب حبه وحده!

الموضوع : اجري جري الوحوش غير رزقك متخدوش المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

10/08/2009

السلام عليكــم ورحمـة الله وبركاتــه ،،

أنا جي عشان اقول

اجري جري الوحوش غير رزقك متخدوش

اوعي تزعل يا اخي والله دا كله مقدر ومكتوب من قبل خلق آدم أصلا

فلم الحزن

سواء الناس اللي جابت جيد جدا وكان نفسها في امتياز

والناس اللي جابت جيد وكان نفسها جيد جدا

او الناس اللي جابت دور تاني

محدش يزعل والله

اعلم يا اخي ان كل واحد فينا ميسر لما خلق له

جبت الدرجة دي عشان ربنا ميسرلك عمل خير ليك بالدرجة اللي انت جبتها دي

واحمد ربك علي كل حال

وياريت محدش يبص للي هو اكتر منه عشان ميزدريش نعمة الله عليه

بأكد تاني ان اللي جاب دور تان دا خير ليه والله

ايه خير ازاي انت يعم اللي بتتكلم انت ؟؟!!

آه والله خير ان شاء الله

ما من محنة الا وبعدها منحة

إن بعد العسر يسرا

عسي فرج يكون عسي نعلل نفسنا بعسي

وعسي أن تكرهوا شيئا ويجعل الله فيه خيرا كثيرا
تصبر إن عقبى الصبر خير ولاتجزع لنائبة تنوب ..

فإن اليسر بعد العسر يأتي وعند الضيق تنكشف الكروب ..

وكم جزعت نفوس من أمور أتى من دونها فرج قريب ...

اما الناس اللي بفضل الله جابوا امتيازات واوائل الدفعة

فيحمدون الله عز وجل علي توفيقه اياهم

ولئن شكرتم لأزيدنكم

وإياك اياك ان تكون كقارون لما قال

إنما أوتيته علي علم عندي

دا انا كنت بذاكر 20 ساعة في اليوم عشان كده

انا طلعت من الأوائل

لا اوعي حد يحط الكلمة دي في دماغه

يعني لازم الواحد مهما عمل يقول يارب اللي انا فيه ده كله منك يارب وانا مليش فيه اي يد

إلا اني أخذت بالأسباب كما أمرتني

عشان الناس اللي بتقول انا عملت وعملت

ربنا بيكلها الا نفسها

والعياذ بالله

فأسأله تعالي الحي القيوم أن يصلح شؤوننا كلها ولا يكلنا الي أنفسنا طرفة عين ولا أقل من ذلك

ومبارك للناجحين

وأهدي لكل الناس اللي زعلانة هذا الشريط ياريت الناس كلها تسمعه

للتحميل من هنا

إن شاء الله الموضوع لسة فيه كام نقطة زي ما قلتلكم ابقي اكملهم بعدين

والسلام عليكم ورحمة الله

الموضوع : اجري جري الوحوش غير رزقك متخدوش المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

10/08/2009

دي بس قصة ذكرها الشيخ ابو اسحاق في احد شرائطه

لها صلة بما الموضوع الي حد ما

يارب نستفيد منها

(ذكر يحيى بن عاصم الغرناطي في كتاب (جنة الرضا في التسليم لما قدر اللهوقضى) عن بعض الكتب الإسرائيلية: أن نبياً من أنبياء بني إسرائيل كان يجلسعلى قمة جبل، فرأى فارساً وبيده صُرة مال، وأتى على بئرٍ فوضع الصرة علىحافة البئر ونزل فشرب، ثم نسي المال وانصرف، فجاء راعي غنم يسقي غنمه فوجدالمال فالتقطه، وسقى الغنم وانصرف، ثم جاء رجلٌ شيخٌ كبير، فجاء البئر بعدانصراف الراعي فشرب وجلس، وتذكر الفارس مالَه فرجع، فوجد ذلك الرجلَ يجلسعلى حافة البئر، قال: أين المال؟ قال: ما أعرف شيئاً، قال: المال معك. ولميشك الفارس أنه التقط المال، فلما أنكر الرجلُ أخرج الفارسُ رمحاً وقتله،فقال النبي صلى الله عليه وسلم: أيُقْتَل البريء ويفر الآخذ؟ فقال الله عزوجل له: إن لي حكمةً جَلَّت؛ أما هذا المال فكان مِلْكاً لوالد الراعيأعطاهُ والدَ الفارس، ولا يدري الراعي ولا الفارس، وأما هذا الذي قُتِل؛فإنه قتل أبا الفارس، فسلطت ولي الدم عليه، فأخذ بثأر أبيه، فبَكى ذلكالنبي وقال: لا أعود!)

وهذه قصة ايضا تتعلق بموضوع الرزق وأن ما عند الله خير

جلس رجلان قد ذهب بصرهما على طريق أم جعفر زبيدة العباسية لمعرفتهما بكرمها.

فكان أحدهما يقول: اللهم ارزقني من فضلك..

وكان الآخر يقول: اللهم ارزقني من فضل أم جعفر.

وكانت أم جعفر تعلم ذلك منهما وتسمع، فكانت ترسل لمن طلب فضل الله درهمين،
ولمن طلب فضلها دجاجة مشوية في جوفها عشرة دنانير.
وكان صاحب الدجاجة يبيع دجاجته لصاحب الدرهمين، بدرهمين كل يوم،
وهو لا يعلم ما في جوفها من دنانير.

وأقام على ذلك عشرة أيام متوالية، ثم أقبلت أم جعفر عليهما،

وقالت لطالب فضلها: أما أغناك فضلنا؟

قال: وما هو؟

قالت مائة دينار في عشرة أيام،

قال: لا، بل دجاجة كنت أبيعها لصاحبي بدرهمين.
فقالت: هذا طلب من فضلنا فحرمه الله، وذاك طلب من فضل الله فأعطاه الله وأغناه.

يتبع لا حقا ان شاء الله

اراكم علي خير

والسلام عليكم

الموضوع : اجري جري الوحوش غير رزقك متخدوش المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

10/08/2009

اسمعوا معي الحديث ده بس صلوا علي الحبيب :
صلي الله عليه وسلم
سمعت رسول الله صلى الله عليه وسلم يقول " مامن عبد تصيبه مصيبة فيقول : إنا لله وإنا إليه راجعون . اللهم ! أجرني فيمصيبتي وأخلف لي خيرا منها - إلا أجره الله في مصيبته . وأخلف له خيرامنها " . قالت : فلما توفي أبو سلمة قلت كما أمرني رسول الله صلى اللهعليه وسلم . فأخلف الله لي خيرا منه . رسول الله صلى الله عليه وسلم .
الراوي: أم سلمة هند بنت أبي أمية المحدث: مسلم - المصدر: المسند الصحيح - الصفحة أو الرقم: 918
خلاصة الدرجة: صحيح

الله حديث جميل ومبشر جدا

تأمله شوية كده اقراه تاني

المنصور بن أبي عامر الملك الأندلسي حكم بقتل عالم من العلماء وأعطى السياف ورقه أراد أن يكتب فيها: يقــتل

فكتب يطــــلق

فردها السياف إليه فشطبها وأراد ان يكتب يقتل فكتب يطلق

فردها إليه فشطبها وأراد أن يكتب يقتل

فكتب يطلق يريد يقتل ,

فلما كتب يطلق تعجب وقال والله أنه لأمر الله جل في علاه والله ماأردت ألا قتله وأنه ليطلق رغم أنفي فأطلقه

ايش رأيك يا اخي

احمد ربنا بقة وارض بقضاء الله وقل

انا لله وانا اليه راجعون اللهم اجرني في مصيبتي واخلف لي خيرا منها

ممكن المصحح :

يريد ان يكتب :1

فيكتبها :10

واذا اراد ان يكتب 5

فيكتبها 15

ايه انا مش بهزر

وماذلك علي الله بعزيز

لكن تقول الدعاء بقلبك وترضي

الموضوع : اجري جري الوحوش غير رزقك متخدوش المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

10/08/2009

واحد بيحكي ان في واحد مكنش حاطط قلم في الورقة المهم جت ورقته في ورقة دكتور كان مستعجل فكان بيصحح السؤال ده مبصش

وراح مديله

full mark
!!!
واحد تاني كان ماشاء الله كان بيساعد اخوانه في الكلية دينيا وعلميا

المهم قبل الامتحان حصل له ظرف طارئ كده

فالمهم قال انا هتوكل علي الله ولعل الله ان ييسر لي ولن يضيع تعبي

المهم جه الامتحان وفي حاجات كتير مش مذاكرها

المهم

استرجع وحمد الله

ثم في النتيجة وجد نفسه جايب "جيد جدا "
!!!
فراح يتأكد من الدكتور لأنه كان متصور نفسه هيشيل المادة

فالدكتور قال له ايه ده هو انت اللي مكنتش مجاوب خالص وسايب الورقة والاسئلة

قال له ايوة يادوك ازاي انا اخدت جيد جدا

المهم الدكتور قال له: ان زوجته كانت كل لما تحمل تسقط الجنين

فبينما كان بيصحح جاله خبر ان زوجته وضعت علي خير

فقال خلاص ،، اول خمس كراسات هديهم امتياز
عشان فرحتي بالجنين ده

فورقته جت منهم

لكن الدكتور اداله جيد جدا عشان مكنش مجاوب

القصص دي حقيقية مش اي كلام
،،،
وممكن قصص تحصل معاك وتكون حصلت معاك لكن انت مبتعرفش

ولطف الله بعباده لا ينتهي

قل الدعاء وارض وثق في الله تعالي انه لن يضيعك واللي هيكون هو ده الخير ليك

زي مقلت في بداية الموضوع " لو مكنش شفت ياريت تروح تقراه "

خلاص

ايضا تعليق واحد من الاوائل ماشاء الله :

انا هنقص 30 ،،40 درجة غير الام سي كيو

فقلت ليه متحمدش ربنا وتنظر لمن هينقص 50 ،،60 درجة

اللي هينقص كده يبص للناس اللي ربما تشيل المادة عياذا بالله

وهكذا

فهذا احرى الا نزدري نعمة الله علينا

إي وربي

اما لو كنت من الناس اللي بتقعد تقول :

يااااه دا تلاقي فلان مش هينقص غير درجتني تلاتة وانا ياحسرة عليا هنقص كذا وكذا

وتقعد تبص لفلان وعلان هتتعب جدا نفسيا زائد ان ده من السخط علي قضاء الله

وممكن تقع في الحسد وانت مش داري

انما تدعو لأخيك ولنفسك بالبركة

وتحمد الله علي كل حال هترتاح جدا

يااخي انت ليه مش بتحمد ربنا علي اللي انت فيه

طيب ايه رأيك لو أن الله طلعك الأول لكن اخذ منك صحتك او شيئا من نفسك ؟؟

تحب كده ؟؟
يبقي انت تحمد ربنا وتثق ان االلي حصللك ده خير ليك وكان مقدر ليك من قبل خلق آدم

لكن ترمي نفسك بالتقصير وتجتهد بعد كده

والله المستعان

يلا يا اخي يلا يا اختاه

قل بقلبك الان قل وردد :

الحمد لله علي كل حال

إنا لله وإنا اليه راجعون

اللهم أجرني في مصيبتي وأخلف لي خيرا منها

آمين

وأعوذ بالله ان أذكركم به وانساه
آمين

والحمد لله رب العالمين

الموضوع : اجري جري الوحوش غير رزقك متخدوش المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة