أمة اللهعضو جديد
تاريخ التسجيل : 28/10/2010
 |  موضوع: متكبرهاش دى زى أخـــتى  الأربعاء 25 مايو 2011, 7:28 pm | |
| امير وحسام اصدقاء
انتيم زى ما بيقولو
امير متجوز سوسن
وحسام متجوز داليا
وداليا وسوسن اصحاب قوووى
امير زميل حسام فى الشغل
وداليا زميلتهم فى نفس الشغل
واما سوسن مش معاهم فى الشغل
وايمن صديق امير
امير وايمن قاعدين كافتيرتا الشغل بيشربوا شاى
وفجاة تدخل عليهم داليا مرات حسام
داليا:- سلام عليكم ازيك يا امير عامل ايه اخبارك؟
امير:- الحمد لله انتى عاملة ايه
داليا:- الحمد لله
امير:- فين حسام؟
داليا:- مش جاى النهاردة اصلة صحى متاخر
امير:- هو حسام طول عمرة كسول وبياخر حتى من ايام الكلية ههههههه
داليا:- هههههههههههههههههههههههههههههههههههههههه
امير:- طيب انتى مش عاوزة اى حاجة؟
داليا:- الله يا يخليك يا امير بص انا عوزاك تقضى لى المشوار دة معلش
امير:- بس كدة حاضر افطر واخلص لك المشوار ان شاء الله
داليا:- شكرا يا امير طول عمرك امير طيب اسيبك تفطر مع صاحبك سلام عليكم
امير:- وعليكم السلام
>>>>>>>>>>>>>>>>>>>>><<<<<<<<<<<<<<<<<<<
ايمن:- ايه دة ؟ مين دى يا امير باشا؟
امير:- متفهمش غلط يا ايمن دى داليا مرات حسام صديق عمرى واخويا
ايمن:- ما انا عارف انها داليا مرات حسام انا بقول ايه اللى انتوا بتعملوه دة؟
امير:- بنعمل ايه يا ايمن ؟
ايمن:- ايه هو اللى اذيك اخبارك ايه عامل ايه وايه الهزار والضحك دة
وايه اللى انت تقول ههههههه وهى تقول ههههه وتضحك وايه التهريج
وايه اللى ربنا يخليك وطول عمرك امير
ايه يا عم امير دة كلام يرضى ربنا دة؟
امير:- ايــــــــــــــــــــــمن دى زى اختى وانا صديق زوجها الانتيم يعنى اخوة
وهى بتعاملنى عاى انى اخوة واخوها واى حاجة بتحتاجها بتقولها لى
ايمن:- صلى على النبى يا امير ومتتنرفزش عليه بلا زى اختك بلا زى اخوها
كفاية جدل انت عارف ان الكلام دة غلط بس بتكابر.
امير:- اللهم صلى وسلم وبارك على سيدنا محمد
ايمن:- بص يا امير لو داليا دى مرات اخوك بن امك وابوك
مينفعش تتكلم معاها كدة ولا تعاملها كدة ولا تهزر معاها ولا تهرج معاها ولا تضحك معاها ولا حتى هزار خفيف
ولا ضحك بسيط مينفعش
لو هى مرات اخوك بن امك وابوك اخرك تقولها سلام عليكم
وتعامل فى اضيق الحدود وفى الضرورة
مش هزار وتهريج وضحك وعاملة ايه وعاوزة حاجة
شوف النبى عليه الصلاه والسلام قال ايه
إياكم والدخول على النساء . فقال رجل من الأنصار : يا رسول الله ، أفرأيت الحمو ؟ قال : الحمو الموت
الراوي: عقبة بن عامر المحدث: البخاري - المصدر: صحيح البخاري - الصفحة أو الرقم: 5232
خلاصة حكم المحدث: [صحيح]
الدخول على النساء مش بس المقصود بيها الخلوة لاء
بردة التعامل وتقول عادى زى اختى وزى اخويا
فاذا كان الحمو اللى هما اخو الزوج وابو الزوج واقاربة اتقال عليهم الحمو الموت
امال اصحاب الزوج تقول عليهم
دى مصيبة
امير:- مصيبة؟
ايمن:- ايوة مصيبة لما تبقى مرات صاحبك عادى كانها بقيت محرمة عليك وبتقول دى زى اختى
وتسال عليها وتتكلم معاها وتاخد عليها وممكن تضحك وتهزر معاها
وتقول زى اختى
ومش شايف ان فيها مشكلة مع ان فيها مشاكل
دة حرام
دة اختلاط محرم
يعنى انت ممكن تعامل اى واحدة تانى زى ما بتعامل داليا؟
امير:- لاء
ايمن:- ممكن بقى تقولى النص اللى اباح لحضرتك تعامل داليا كدة؟
ولا هو استثناء خاص لحضرتك وداليا اعقل واتقى الله يا امير الكلام دة حرام
امير:- بس حسام عارف وموافق وهى بتعاملنى كدة قدامة عادى
ايمن:- دقيقة اتصل بسوسن اسال عليها واشوف ان كانت عاوزة حاجة
امير:- سوسن مين؟
ايمن:- مراتك
امير:- وانت مالك ومال مراتى
ايمن:- اسال عليها واطمن عليها مش انتى زى اخويا وهى مراتك يبقى خلاص هى اختى
امير:- انت هتستهبل ملكش دعوة بمراتى وجبت رقمها منين ان شاء الله؟
ايمن:- يا عم اهدى انت هتدفنى ولا ايه اهدى انا لا معايا رقم مراتك ولا هاكلمها انا بس كنت عاوز ابين لك الموضوع
واعرفك انة غلط وانك انت نفسك متقبلش ان مراتك تتعامل مع اصدقائك كدة
امير:- ايوة طبعا مقبلش
ايمن:- يعنى انت متقبلش ان حسام ولا انا حتى نكلم مراتك ونخدمها ونكون زى اخواتها زى ما انت بتعمل لداليا؟
امير:- لاء طبعا مقبلش نهاااااائى
ايمن:- ليه بس امال قابل ليه على مرات حسام
امير:- هو راضى وسايبها هو حر انا مالى وبعدين ذنبى انا ايه
هى اللى بتيجى تكلمنى وتطلب منى حاجات وتهرج معايا وتضحك عادى معايا
اعمل لها ايه واخلص منها ازاى انا مالى هى اللى بتكلمنى
وبعدين بتكلمنى قدام حسام كدة وعادى مش بيعلق وساكت خلاص هو راضى
اما انا مرضاش كدة لمراتى واتخانق فيها لو عملت كدة
غير انى واثق فى انها مش هتعمل كدة اصلا
ايمن:- بس بس اسكت يعنى انت عارف ان كل دة غلط ومفيش راجل يقبل كدة على مراتة
امير:- متغلطش حسام راجل بردة بس واثق فيه
ايمن:- يعنى انت مش واثق فيه؟
امير:- لا واثق بس انا راجل صعيدى مقبلش كدة ودمى سخن ومتشدد
ايمن:- اوعى ياض على التشدد اللى انت فيه هههههههههه
بص يا عم امير زى ما انت متقبلش كدة على مراتك ومتقبلش على مرات غيرك
وعلشان تعرف حدودك صح وانت بتتعامل مع اى واحدة
غمض عينك للحظة وتخيل ان مراتك هى اللى فى الموقف دة مع واحد وانت بتتفرج عليهم
وشوف ايه اللى ممكن تقبلة فى الكلام والتعامل فى الموقف وترضى وتحس ان مراتك انت راضى عنها
وعامل بيه اللى واقفة قدامك فهمت؟
امير:- ايوة فهمت يعنى اتخيل ان اللى قدامى دى سوسن واشوف هارضى الراجل اللى هيتعامل معاها يتعامل ازاى ويقول ايه
واعملة انا مع البنت اللى هتعامل معاها
بس يا ايمن داليا هى اللى بتكلمنى وانت شوفت بنفسك يعنى اعمل ايه؟
ايمن:- بص انت الاول اعترف لربنا ان الاختلاط دة غلط وتوب منه
وقرر انك متعاملهاش كدة تانى
واستعين بالله وكلم جوزها وقول له انى كلمتك النهاردة وقولت لك ان الكلام دة غلط
وحرام وفهمه واقنعة وخليه هو يكلمها ويمنعها من انها تكلمك
ولم مقتنعش خلينى اقعد انا معاه اكلمة
امير:- خايف يزعل منى ولا يفهم غلك
ايمن:- يا عم استعين بالله واخلص النيه لله وتوكل على الله واصدق الله يصدقك
وتوب الى الله
وربنا هيسهلك وتلاقى الامور سهلة خالص
امير:- يا ميسر خلاص ان شاء الله اكلمه واقول له
ولا اخلى سوسن تكلم داليا احسن؟
ايمن:- لا بلاش يحسن داليا تفتكر ان سوسن بتغيير منها والامور تبوظ
امير:- على رايك خلاص ربنا يسهل وجزاك الله خير يا ايمن ربنا يبارك فيك
ايمن:- طيب حاسب على الفطار يا حدق ههههههههه
امير:- هى فيها حساب طيب استأذن انا بقى الحق اقضى المشوار اللى ورايا سلام هههههههه
ايمن:- خد ياض ادفع الحساب
امير:- طيب حاضر ........... انت يا عم يا بتاع الكافتيرا
الجرسون:- نعم
امير:-الحساب
الجرسون:- 20جنية
امير:- ليه ان شاء الله خد حسبى الله ونعم الوكيل منكم لله
ايمن:- ههههههههههههههههههههههههههههههههههههههههههههه
 الموضوع : متكبرهاش دى زى أخـــتى المصدر : مسجد الهدي المحمدي الكاتب: أمة الله |
|
