أمة اللهعضو جديد
تاريخ التسجيل : 28/10/2010
 |  موضوع: جهزوا الشنط :)  الأحد 03 يوليو 2011, 12:37 pm | |
| جهزوا الشنط :)
و اوعوا تنسوا اي حاجة
ممكن تحتاجوها في طريقكم
ليه هو احنا مسافرين ؟!
احنا على طول في سفر :)
بس عشان مش بنحضر الشنط كويس
بنتعب و بنتوه و بنرجع لنقطة الصفر
لازم و احنا في طريقنا لربنا
ناخذ معانا اي حاجه ممكن تعينا
عشان نقدر نتجاوز كل العوائق
باذن الله تعالى
تخيل انك مسافر في عربيتك
لازم كل مرة تقف عشان تزودها بالوقود
و تاكل و تنام عشان تقدر تكمل رحلتك
هو كده طريقنا لربنا
لازم تكون عندنا محطات ايمانية
نتزود منها بكل ما يعيننا و يقوينا
على طاعة الله و البعد عن معصيته
عشان ميحصلش لينا فتور او انتكاسة
زي اللي مسافر من غير ماء و اكل
ده اكيد هيموت في اول الطريق
فالمحطات الايمانية دي هي عبارة
عن الماء و الاكل الروحي
تمام كده
طيب ندخل في الاهم
المحطات دي عبارة عن ايه؟
عشان هي دي المحطات اللي هتعينا
باذن الله
اول محطة باذن الله هي
彡 .. الدعآء ..彡
لاننا منقدرش نعمل حاجة غير بعون الله
هو اللى هيعينك وهيثبتك
ولازم يبقى مع الدعاء اليقين بالإجابة
النقطة دى مهمة جدا
تاني محطة معانا
彡 ..الاستغفآر .. 彡
عشان لما يكون عندنا ثقل على ظهرنا
هنتعب بسرعة في الطريق
فالاستغفار ده بينظفك من الذنوب و بيحط عنك ثقلها
فخلى دايما ً الإستغفار على لسانك
الحكاية دى هتفرق معاكم كتير أوي بإذن الله
ثالث محطة
彡 ..الإكثار من ذكر الله .. 彡
في كل الامور الدنيوية
عشان على طول نستشعر نظره لينا
و اللي بيحب لا يتوقف عن ذكر الحبيب
وهتشعر دايما ً إنك مع الله فى كل أمورك
رابع محطة
彡 ..القرآن .. 彡
اول متحس انك مخنوق
او خلاص مش عارف تتغير
اجري و احضن القرآن
لا يمكن يكون طريقنا لربنا
من غير مانقرأ كلامه و نفهمه
بجد بجد القرآن ده خير جليس
بس المرة دى حاول تقرأ القرأن بتركيز
خامس محطة
彡 ..الصحبة الصالحة .. 彡
عشان لما العربية تتعطل في الطريق
تلاقي اللي يزقها :)
لازم يكون ليكم صحبة صالحة تعينكم
وتاخد بإيدكم للطريق الصح
وتتعاونوا وتتنافسوا للوصول إلى الجنة
سادس محطة
彡 ..طلب العلم الشرعي.. 彡
و في الغالب الصحبة الصالحة هتلاقيها هناك
بجد العلم ده نعمة كبيرة
ومفيش أجمل من إنك تعبد ربنا على بصيرة
و خلاص مبقاش في مبرر
العلم بقى بيوصلنا لحد بيتنا
يلا بقى كل واحد يحضر شنطته كويس :)
" تزودوا فإن خير الزاد التقوى"
و لا تنسوا ان خير الاعمال ادومها و ان قل
اعاننا الله و اياكم و رزقنا الاخلاص في القول و العمل
اللهم آمين
 الموضوع : جهزوا الشنط :) المصدر : مسجد الهدي المحمدي الكاتب: أمة الله |
|
BebOعضو جديد
تاريخ التسجيل : 19/11/2010
 الموقع : الهدى المحمدى
| |
أمة اللهعضو جديد
تاريخ التسجيل : 28/10/2010
| |
أحلى حياةمدير عام المنتدى
تاريخ التسجيل : 10/08/2009
| | موضوع: رد: جهزوا الشنط :) الأحد 03 يوليو 2011, 10:38 pm | |
| جزاكم الله كل خير
الشنكه بفضل الله شامله
ربنا يجعله في ميزان حسناتك الموضوع : جهزوا الشنط :) المصدر : مسجد الهدي المحمدي الكاتب: أحلى حياة |
|
مصطفى احمدعضو جديد
تاريخ التسجيل : 21/06/2011
| |
أمة اللهعضو جديد
تاريخ التسجيل : 28/10/2010
| | موضوع: رد: جهزوا الشنط :) الإثنين 04 يوليو 2011, 12:36 pm | |
| يارب اللهم آميييييين
جزاكم الله خيرا |
|
