أمة اللهعضو جديد
تاريخ التسجيل : 28/10/2010
 |  موضوع: كله يجمع هنا ... انتبااااااه .. !!!!!  الخميس 30 يونيو 2011, 10:51 pm | |
|
كابتن حلمبوزو يحييكم من القسم العام ويقول لكم ..
كل سنه وانتم طيبين بمناسبة اقتراب شهر رمضان الكريم ..
اللهم سلمنا إلى رمضان وسلم رمضان لنا واستلمه منا على خير ..
احنا متجمعين في الموضوع ده ليه ؟؟
وعاوزين نتكلم في إيه ؟
أنا أقولكم ..
واللي مش هيكمل الموضوع للآخر بالله عليه ما هو كاتب رد ..
طرطقوا ودانكو
وفنجلوا عيونكو ..
واضربوا عيالكو
واسمعوا وعوا وع وعوا
في حاجه خطيرة هنتكلم عنها ..
خطيرة أوي .. أوي أوي .. أوي أوي أوي ..
انتوا داخلين الموضوع ده ليه ؟
أيوه بقولكم انتوا داخلين الموضوع ده ليه ؟
والموضوع اللي قبله ؟
واللي قبله ؟
واللي دخلتوه امبارح وأول امبارح و.................. الخ؟؟
ليه ؟
خد السؤال بطريقة تانيه ..
انتوا داخلين المنتدى ليه ؟
آعد طول النهار عليه ليه ؟
الأسئلة دي اسألها لنفسك قبل ما تكمل الموضوع عشان على أساس الإجابه هيتحدد حاجات كتييييييير جدااااااا..
صلوا عالنبي ..
اللهم صل على محمد وآل محمد ..
زيد النبي صلاة ..
صلى الله عليه وآله وسلم ..
زيد النبي كمان صلاة ..
اللهم صل عليك يا نبي .. صلى الله عليه وسلم ..
في ناس كتيييير مننا دخلت هنا تدور على الصحبة الصالحة .. شيء كويس وجميل ..
وفي ناس دخلت تفيد غيرها وتستفاد من غيرها .. شيء برده جميل ..
وفي ناس بئى دخلت تتفرج عالناس اللي هنا عشان تتعلم منهم .. شيء برده جميييل ..
لكن في ناس حبايبنا بئى .. شغلهم طول النهار ..
جزاك الله خيرا
بارك الله فيك
متشكرين ..
منفضين .. مطنشين ..
في ناس شغلها هنا يزود مشاركات .. وبس!!!!
في ناس شغلها الشاغل ثناء ومدح الناس على موضوعاته وبس !!!!
طيب دول بيعملوا في نفسهم كده ليه ؟؟
عشان محددش هدفه من المنتدى !
وفي الغالب الشخص ده حياته من غير هدف أصلا !!
لأن اللي حياته ليها هدف وغاية بيسعى ليها دايما وبيجدد نيته قبل كل عمل .. لأنه عارف إن كل ثانيه في حياته ربنا هيسأله عنها ..
هيسأله ( عن عمره فيما أفناه ؟ )
فياترى كام واحد مننا كتب مشاركه هنا خالصة لوجه الله ؟
كام موضوع كتبناه لله فقط .. مش لأي غرض تاني !
كام كلمة شكر كتبناها لأننا استفدنا من الموضوع مش عشان العضو ده يرد على موضوعاتي ويشكرني ويديني تقييم ؟
احنا قرأنا مئات المواضيع .. اتعلمت كام معلومه ؟
طبقت اللي اتعلمته ؟
هقولكم كلمة خطييييييرة جدا قالتها أم الأاوزاعي رحمه الله تعالى له عندما كان طفلا صغيرا يذهب ليتعلم العلم الشرعي ،
قالت له ( يا بني إذا كتبت عشرة أحرف فانظر إلى أثرها في قلبك فإن لم تجد لها أثرا فاعلم أنها وبال عليك يوم القيامة )
إيه .. عشرة أحرف .. !!
شوفتوا الأامر خطير ازاي !
بلاش يبقى هدفنا من أعمال ظاهرها الآخره هو الدنيا وفقط ..
بلاش نبقى من غير هدف ..
بلاش نضيع الأعمار عالفاضي !
لازم نجدد النية قبل كل عمل يا إخواني ..
لأن الله عزوجل لا يقبل من الأعمال إلا ما كان
1- خالصا لوجهه سبحانه وتعالى
2- وعلى سنة النبي صلى الله عليه وسلم ..
لازم الشرطين دول مينفعش واحد بس منهم ..
الامر خطير ..
عشان كده كابتن حلمبوزو قرر إن هو اللي يكلمكم بنفسه انهارده بمناسبة اقتراب الشهر الكريم ..
حب يقول لكم ..
يلا نجدد النوايا .. عشان نضاعف بيها الأجور ..
ويلا نقرأ الموضوع ده تاني واللي قرأه قبل كده يقرأه تاني لأنه مهم جدااااا
النية الذكية ( تحويل العادات الى عبادات )
عاوزين نتاجر مع ربنا عزوجل صح الصح ..
احسبها صح تعيشها صح الصح ..
بس بلاش جبنة بريزيدن
بحبكم في الله ..
وإياك حد يكتب جزاك الله خيرا ويجري
من غير ما يكون قرأ الموضوع
لازم تسمع الدرس ده لو عاوز تتعلم الإخلاص صح الصح
من هنا
أنا والله مش عاوز ردود بس ياريت نجدد النوايا كل مرة قبل ما ندخل المنتدى .. وياريت كل مره قبل ما تقفل المنتدى تعمل تسجيل خروج عشان لما تفتحه تاني مرة وتسجل دخول تلاقي الرسالة اللي بتقولك ..
السلام عليكم يا ( .... ) جدد النية ولا تجعل المنتدى يشغلك عن إقامة الصلاة في وقتها وتذكر ما يلفظ من قول إلا لديه رقيب عتيد ..
وخلوا بالكم من النية بتاعتكم
في حفظ الله ورعايته ...
وإلى لقاء آخر مع كابتن حلمبوزو اللي مبيظهرش إلا مع المواضيع الحساسه اوي ..
أسألكم الدعاء .
وأستودعكم الله
والسلام عليكم ورحمة الله وبركاته .
 الموضوع : كله يجمع هنا ... انتبااااااه .. !!!!! المصدر : مسجد الهدي المحمدي الكاتب: أمة الله |
|
أحلى حياةمدير عام المنتدى
تاريخ التسجيل : 10/08/2009
| | موضوع: رد: كله يجمع هنا ... انتبااااااه .. !!!!! الخميس 30 يونيو 2011, 11:07 pm | |
| |
|
أمة اللهعضو جديد
تاريخ التسجيل : 28/10/2010
| |
| |
أمة اللهعضو جديد
تاريخ التسجيل : 28/10/2010
| | موضوع: رد: كله يجمع هنا ... انتبااااااه .. !!!!! الثلاثاء 05 يوليو 2011, 2:46 pm | |
| |
|
