حاجة صحيح مدايقنى
دنيا اغلبها شغلانى
ناس بتروح وناس بتيجى
والكل بيحلم بأمانى
ياترى عربيتى جديدة
ولا اجيب احدث موديل وافرس جيرانى
الشاليه قدم والكل بيصيف
فى مرينة وانا واقف فى مكانى
حاجة صحيح مدايقنى
يا ترى حاكل فسدق
ولا حفضل اكل فى سودانى
يووووووووه منخيرى طويلة
وعاوزة ابقى جميلة والكل يبصلى فى ثوانى
وانا فى اشارة لقيت طفل شوارع
بينف فى كمه قدامى
رجعت وقلت يع قرف عصبح من تانى
حاجة صحيح مدايقنى
وانا اعد على الكفيه شغلوا
مجاعة وفقر ليه يا بعدى تنكدوا ايامى
هاتوا لنا حاجة تروشنا واسرح انا فى احلامى
حاجة صحيح مدايقنى
سمعت صرخة من طفل بتقول
حسوا بى وشوفوا عيشتى وايامى
اللقمة متعاصة بطين بمسحها واكلها
وبمد ايدى والاقيكم
تدونى الظهر وتقولوا سلامى
حاجة صحيح مدايقنى :(
الموضوع : حاجة صحيح مدايقنى المصدر : مسجد الهدي المحمدي الكاتب: أمة الله
موضوع: حاجة صحيح مدايقنى 
الأحد 17 يوليو 2011, 11:07 pm
