أكيد في سر

10/08/2009

أكيد فيي سر!!!!!!!!!! أكيد في سر Entzar

قبل ما أقولكم على السر!!!

تعالوا نفكر تفتكروا ممكن واحد يعمل حاجة بإرادته الحرة
وتكون شاقة على نفسه ومش بيحبها؟؟؟؟

آه ممكن أحيانا نعمل حاجة مش بنحبها لإننا مضطرين وساعتها بنعملها يدوب أداء واجب..مش كدة؟

طيب لو لقيت واحد بيعمل حاجة ومهتم بيها قوى وعمال يحسن فيها.وبيعملها باختياره...هتقول إيه؟

هتقول أكيد مستمتع بالحاجة دى وبيحبها
وحتى لو الحاجة دى فى نظرك متعبة أكيد فى حاجة تانية مهونة عليه التعب دة!!

أكيد في سر 45832ccb29

مقدمة طويلة بس معلش عشان نوصل للسر

لما تشوف واحد ...مبيدخنش سجاير....

مبيعرفش بنات....

مبيسمعش أغانى ....

مبيشفش أفلام...

وبيصلى فى المسجد ويصوم وبيحفظ قرآن

تبص له وتقول إيه ده هو مقفلها كدة ليه؟؟ وبعدين هو ثابت وميزهقش ليه؟؟

أكيييييييييييييييد فى سر!!!!!!! أكيد في سر Entzar

صحيح واحده فى عز الحر الى أحنا فيه
ولابسه إسدال ولا عباية وخمار طويل ولا نقاب وملحفة سوداء ...طب والموضة
واللبس والمكياج و..و...

دى معقدة دى ولا إيه ؟؟

أكيييييييييييييد فى سر!!!!!!!! أكيد في سر Entzar

فى ناس بتعتقد إن يمكن الناس دى معقدة !! أو مضطرة ومعندهاش خيارات غير كدة!!!

طيب لو لما تلاقيه واحد متعلم ومثقف ومستواه الإجتماعى كويس جدا ومستواه المادى ممتاز وسهل عليه لو عايز إنه يعمل أى ذنب

وأما تكون واحده جميلة ومتعلمة ومثقفة ومن عيلة وتقدر تلبس على أحدث موضة ولو عايزه ممكن تعيش حياتها بشكل مختلف

أكيد في سر 45832ccb29

[b][b]

[/b][/b] تبقى إيه الحكايه؟؟؟ إيه السر؟؟؟؟

أكيد الناس دي سعيدة

أكيد مستمتعة بالحاجات الي ممكن نكون شيفنها تقيد !

هنحاول نفهم السر ..

****

قال تعالى"مَنْ
عَمِلَ صَالِحًا مِنْ ذَكَرٍ أَوْ أُنثَى وَهُوَ مُؤْمِنٌ
فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ
بِأَحْسَنِ مَا كَانُوا يَعْمَلُونَ "

طبعا احنا بنصدق ربنا
ربنا قال (( فَلَنُحْيِيَنَّهُ حَيَاةً طَيِّبَةً))

حياه طيبة يعنى راضى...يعنى مستمتع بطاعته
يعنى مرتاح....يعنى لما حاجة بتتعبه فى الدنيا
حلها عنده بسيط هيقوم يتوضأ ويصلى ركعتين وربنا يفرج همه

أكيد كل واحد لما كان بيعمل ذنب كان بيعمله علشان يحصل على لذة ..
.الى صاحب واحدة والى مقضى حياته شات والى بيسهر فى ملهى ليلى ومقضيها أغانى ورقص

كل دول بيدوروا على لذة ......على سعادة

حتى الى بيشرب سجاير بيقول انه بيشربها عشان تريحه نفسيا
والى بيشرب مخدرات بيحاول يبقى مبسوط
ويهرب من الواقع

بس لذة المعصية لها خاصية
وهى إنك ممكن(لو أنت بعيد عن ربنا) فى لحظتها تحس إنك مبسوط
بس شوية وتحس إنك قرفان وزهقان ومخنوق
مع إن كل حاجه ماشيه كويس

تقوم تهرب من الإحساس ده بذنب جديد وشوية ويجيلك نفس الإكتئاب وهكذا

أنت عايز تبقى مبسوط!!!!!!

وكلنا نبحث عن نفس الشىء
عايزين الراحة والسعادة

بس ينفع تدور على أهرامات الجيزه فى إيطاليا؟؟؟

لو لفيت إيطاليا شبر شبر مش هتلاقيها ...ليه؟؟
لإنك بتدور فى المكان الغلط.. لإنها بكل بساطة فى الجيزه!!

يبقى لو دورنا على السعادة والراحة فى كل مكان مش هنلاقيها إلا فى العمل الصالح زى الايه ما قالت

يبقى الى شكله ممكن تشوفه معقد هو مبسوط لإنه دور فى المكان الصح

لكن الى بيدور فى مكان غلط
( َمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكاً وَنَحْشُرُهُ يَوْمَ الْقِيَامَةِ أَعْمَى )

****

قال رسول الله صلى الله عليه وسلم

((- من كانت الآخرة همه جعل الله غناه في قلبه وجمع له شمله وأتته الدنيا وهي راغمة ، ومن كانت الدنيا همه جعل الله فقره بين عينيه ، وفرق عليه شمله ، ولم يأته من الدنيا إلا ما قدر له))

الراوي: أنس بن مالك المحدث: الألباني - المصدر: صحيح الترمذي - الصفحة أو الرقم: 2465
خلاصة الدرجة: صحيح

[center]ركز((غناه في قلبه وجمع له شمله وأتته الدنيا وهي راغمة))

مرتاااااااااح
مفوض أمره لربه
والدنيا مش هتضيع منه هتجيله ومن غير ما يتعب ويجرى وراها...إلى جانب ثواب ورضا ربنا

((فقره بين عينيه ، وفرق عليه شمله ، ولم يأته من الدنيا إلا ما قدر له))

تعباااااااااااان
بيجرى فى كل اتجاهه
وفى الأخر برضه مش هياخد أكثر من رزقه..إلى جانب عقاب ربنا

بنحارب عشان الدنيا وفى الأول والأخر مش هناخد منها أكثر من المقسوم لنا !!

****

ولهذا قال أحد السلف الصالح :

( لو يعلم الملوك وأبناء الملوك ما نحن فيه من النعيم لجالدونا عليه بالسيوف )

وقال آخر مبديًا حزنه وتأسفه على الذين لم يشهدوا هذا المشهد:
مساكين أهل الدنيا، خرجوا منها وما ذاقوا أطيب ما فيها.. قيل: وما أطيب ما فيها؟ قال: محبة الله ومعرفته وذكره.

وكان شيخ الإسلام ابن تيمية – رحمه الله تعالى – يقول: إن في الدنيا جنة من لم يدخلها لم يدخل جنة الآخرة..

***

بعضنا جرب طعم مرارة المعصية ؟
فهل حسيت قبل كده بلذة الطاعة ؟ .. جربها !

أسمع...

أقرأ ....

فكر...

وجرب...

وافتكر!!!

لا خير فى ذنب سيألمك فى الدنيا ويدخلك النار فى الاخرة
وإن
فرق كبير بين (معيشة ضنكة )و( حياة طيبة)

وفرق كبير بين

((غناه في قلبه وجمع له شمله وأتته الدنيا وهي راغمة))

وبين

((فقره بين عينيه ، وفرق عليه شمله ، ولم يأته من الدنيا إلا ما قدر له))

اللهم أرزقنا السعادة فى الدنيا والأخرة

قولوا أمين

الموضوع : أكيد في سر المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

عضو جديد عدد المساهمات : 2238

اللهم آمين

بارك الله فيك اخي علي الموضوع الراااااائع

الموضوع : أكيد في سر المصدر : مسجد الهدي المحمدي الكاتب: أمة الله
توقيع العضو/ه :أمة الله

10/08/2009

وفيكم بارك ربي

ربنا يتقبل منا ومنكم صالح الاعمال

الموضوع : أكيد في سر المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

عضو جديد عدد المساهمات : 426

اللهم امين

جزاك الله خيرا

الموضوع : أكيد في سر المصدر : مسجد الهدي المحمدي الكاتب: nada
توقيع العضو/ه :nada

10/08/2009

جزانا الله واياكم خير الجزاء

الموضوع : أكيد في سر المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

أكيد في سر

أكيد في سر

مواضيع مماثلة

مواضيع مماثلة