أمة اللهعضو جديد
تاريخ التسجيل : 28/10/2010
 |  موضوع: احنـــــــــــا فيـــــــــــن؟؟؟؟؟؟  السبت 24 سبتمبر 2011, 8:41 pm | |
| السلام عليكم ورحمة الله وبركاته
احنا فين يا جماعة
احنا فين من الدين
فين من الدعوة
فين من خدمة الاسلام
احنا فييييييييين
فين من الجهاد
فين من ربع اللي كانوا بيعملوه الصحابة
احنا علينا مسئولية كبيرة
في ناس بتضيع
في ناس مالهاش اهل يوجهوهم
في ناس ماعندهمش صحبة صالحة
في ناس بتغرق وعايزة حد يلحقها
احنا فيييييييييين من الناس دي
الناس دي ممكن يكون واحد منهم جارك
ممكن يكون واحد منهم معاك في كليتك او في شغلك
ممكن يكون واحد منهم معاك في البيت
بنعمل ايه؟
بناخد بايد الناس دي ولا بنسيبهم يغرقوا اكتر
بنعمل الحاجة واحنا ساكتين ولا بنشجع حد معانا
لما بتروح تحفظ قرآن بتاخد حد معاك ولا بتروح لوحدك
لما بتعرف ان حاجة حرام
بتقول لاصحابك ولا ماشي مع نفسك
احنا فييييييين من الدعوة
الرسول عليه الصلاة والسلام عمل ايييييييييه؟
طيب بعد اللي عمله 23 سنة
احنا عملنا ايه؟
سكتنا؟
ولا بوظنا اكتر؟
عملنا ايه؟
احنا فين من الصحابة اللي قضوا عمرهم في الجهاد
احنا فين من سيدنا عمر بن الخطاب اللي كان بيلف على البيوت عشان مفيش حد ينام جعان
احنا فين من ابو بكر؟
فين من الناس دي
الناس اللي ماكانتش بتعرف تنام
عشان شايلة هم الدعوة
احنا فين
طيب قربنا من الطريق الصح ولا لا؟
بدأنا ندعو الناس لله؟
بدأنا نحس بالمشاكل اللي احنا فيها عشان نحلها؟
ولا همنا حاجات تانية
ياترى ايه هو حلم عمرك؟
ليه علاقة بالدعوة وخدمة الدين؟
ولا بعيد كل البعد عن الكلام ده؟
عايزين نفوق شوية
ونحس بالمسئولية شوية ناحية نفسنا وناحية الناس التانية
عايزين نبقى أمة واحدة
كلنا قلبنا على بعض
كلنا خايفين على بعض
لما تشوف واحد بيغش في الامتحان بيبقى همك انه كده بيرتكب ذنب
ولا بيبقى همك انه هيحل احسن منك بالغش وهيجيب درجة اعلى منك؟
عايزة اختم بحاجة تعرفنا اد ايه الصحابة كان همهم على بعض وحاسين انهم فعلا امة واحدة
عبد الله بن مسعود لما سُرق والناس كانت مستنية بقى تشوف هيعمل ايه ، وهو قال يارب لو كان اللي سرق الفلوس ده محتاجها باركله فيها، ولو كان مش محتاجها خليه يكون آخر ذنب يذنبه
اللهم استعملنا ولا تستبدلنا
واجعل همنا الدعوة وخدمة دينك يارب
جزاكم الله خيرا  الموضوع : احنـــــــــــا فيـــــــــــن؟؟؟؟؟؟ المصدر : مسجد الهدي المحمدي الكاتب: أمة الله |
|
أحلى حياةمدير عام المنتدى
تاريخ التسجيل : 10/08/2009
| | موضوع: رد: احنـــــــــــا فيـــــــــــن؟؟؟؟؟؟ السبت 24 سبتمبر 2011, 9:42 pm | |
| اللهم امين جزانا واياكم خير الجزاء
كلمات رائعه
ربنا ينفعنا بها يارب
ولو كان مش محتاجها خليه يكون آخر ذنب يذنبه
يااااااه دعاله إنه يكون أخر ذنب مش دعا عليه سبحان الله
هما دول الصحابه رضي الله عنهم
جزاكي الله كل خير وبارك الله فيكي
الموضوع : احنـــــــــــا فيـــــــــــن؟؟؟؟؟؟ المصدر : مسجد الهدي المحمدي الكاتب: أحلى حياة |
|
أمة اللهعضو جديد
تاريخ التسجيل : 28/10/2010
| |
