آه،،،،، يازهرة
يازهرة روحي لصلاح الدين
عارفاة يا زهرة؟؟؟
اللي حرر فلسطين وبطل حطين
آه ،،،، يازهرة
لو عرف اللي حصل فى دير ياسين
لقام وحارب ،،،
فى شبعا وصيدا ،،، وصد المعتدين
أما إحنا يازهرة
خسارة حتى نبقى،،،مسلمين
آه يا زهرة
هوة اللي ضاع بس فلسطين
أمال لوعر فتى
اللي حصل فى بلاد الرافدين
ولو عرفتى
اللي حصل بلبنان وأطفاله المشردين
أصل إحنا يا زهرة
على المعاهدة موقعين
وفى المعاهدة
لو ضربوا أي حد نبقى ساكتين
يا ترى يا زهرة
إحنا مسيرين ولا مخيرين
أصل الجهاد أصبح تخلف
وإحنا متقدمين
ولما ينضرب أطفال فى قانا
نبقى بس زعلانين
بس لازم نسمع الكلام
ونقول آمين
أصل إحنا متعودين
فى كل صلاتنا
بنقول آمين
آه يازهرة
ممكن نحارب
ولا إحنا لسه صغيرين
آه يا زهرة
أصل الرجالة ماتوا
واللي عايشين الحريم
****************
الموضوع : آه يا زهرة المصدر : مسجد الهدي المحمدي الكاتب: على حسن عبد الهادى توقيع العضو/ه :على حسن عبد الهادى |
|
موضوع: آه يا زهرة 
الثلاثاء 18 أكتوبر 2011, 5:28 am
