العمر كله = شهر الأحلام !!

10/08/2009

تخيل كدا معايا الموقف

واحد كان مسكين ..

ساكن في حتة كلها مجاري

وشقة صغيرة عبارة عن اوضة وصالة..

مع ابوه وامه واخواته ونكد وعكننة وألم وفقر وكل حاجة

فربنا اكرمه بعقد للسعودية في مكة

ب اربعة ألاف دولار ..

بيقول عاش الشهر ده في سعادة بالغة

اما جه يدخل ناحية البيت ويلاقي المجاري مغرقة الشارع

وحاطين طوب ينط عليه

بيقول : بنط على الطوب وانا مبتسم

ويقول كلها شهر واسافر

وتبقى الدنيا كلها نظااافة وابقى راكب عربية
يدخل الشقة مولد وهيصة الاقي نفسي

ببتسم وانشرح جدا

وكلها شهر واخد شقة ..

عشت يعني اسعد شهر في حياتي

ده هو شهر الاحلام ده

_ _ _ _ _ _ _ _ _

هو ده الي انا بقوله.. انك انت لو حسيت ..

فما بالك بقى لو حسيت انك رايح

الجنة

" فما تعلَمُ نَفسٌ مآ أُخفِيَ لَهُم مِن قُرَّةِ أَعيُنٍ جَزَآءً بِمَا كِانُوا يَعلمونَ "

يبقى العمر كله = هو الشهر ده

يعني لما الاقي حد بيضايقني ويعكنني

أقول لنفسي:

كلها كام يوم

( يارب ارزقني حسن الخاتمة واياكم )

لو الإنسان حس انها كلها كام يوم ويروح الجنة

الي جعان هيشبع .. والي تعبان هيرتاح ..

والي مريض هيُشفى .. والي حد آذاه هياخد حقه

يفيض عليك احساسك ان في آخرة

تجعل للانسان نوع من انواع السلام الداخلي

يبقى الانسان جواه كده رضا ملوش حــــدود

عشان كده الرسول – صلى الله عليه وسلم –

ركز على

تعمــــيـــــق الـــيقـــيـــن بــــالله

ربنا يرزقنا اليقين