100 عربية BMW

10/08/2009

عربية BMW

ميت عربية بى ام دبليو هدية للشركة الفائزة

كان فى يوم من الأيام فى شركتين دعايا لعربيات ال BMW

وبعدين كان ليهم مدير واحد لنفس الشركتين

كان عامل شركة فيهم لأى حد يدلع من الموظفين يحطهم فيها
وكان ينزل مهام للعمال والموظفين كلهم واللى يعانده ويتكبر عليه علطول يحطوا فى شركة المدلعين
وشركة تانية للعمال المخلصين اللى بيحاولو على قد ميقدروا يعملو كل اللى عليهم ولو غلطوا بيصلحو الشغل علطول

وطبعا كعادة الكسالى

كانت الشركة اللى مليئة بالمدلعين فى الشغل بيحسدوا الشركة التانية لأنها بدأت تتشهر وتكبر ولأن المدير كان علطول يديهم حوافز ومكافأت والناس بقت بتحبهم

وفى يوم قرر المدير ياخد قرار حازم تجاه شركة المدلعين وقالهم خلاص براحتكم انتو حرين لكن انا هعمل شهر فى السنة أدى فيه لشركة المخلصين المتواضعين حوافز مش موجودة فى السنة كلها وهنزلهم هدايا خيالية ميحلموش بيها و........الخ
والمدلعين فى الشهر ده هحبسهم عشان يبقوا يدلعوا اوى

زاد الغل والحقد فى قلوب شركة الكسالى أكتر وبدل ميكون همهم يرضوا صاحب العمل ويبطلو عند وتكبر عليه
بدأو يشغلوا نفسهم إزاى يخلوا أكبر عدد ممكن من الشركة التانية يعملو زيهم عشان يرميهم معاهم فى الشركة بتاعتهم وعشان ميتسمتعش بالمنح اللى عمالين ياخدوها طول السنة وخاصة فى الشهر اللى هيتحبسوا فيه

وأعدوا يتكتكوا ويخططوا

!!!!!!!

شركة BMW قالت للمدير الشركة اللى بتعملنا الدعايا زودتلنا المبيعات أوى
وعلشان كده

إحنا قررنا ندي لكل الموظفين اللى فيها 100 عربية من اى دوديل يختاروه
وكمان 100 بيت على أى حتة فى الارض يختاروها

ودى كانت حاجة واحدة من هدايا الشهر ده

صاحب العمل فكر
وقالهم هدية الشهر اللى فسنة الاولى 100 عربية و100 بيت
لكن عشان تاخدوهم
فى شوية حاجات هتعملوها لمدة شهر الأول بعدها تاخدوا الشهر اللى فيه الهدايا كلها واللى طلبتكو فيه مجابة كلها
أول حاجة لازم تخلصوا أوراق العربيات دى
تانى حاجة متشغلوش نفسكو بأى حاجة غير بالحاجات اللى هتطلبوها منى فى الشهر ده وتكتبوها وتذاكروها كويس
تالت حاجة تدبروا على المشى كتير لان هدية من هدايا الشهر اننا هنروح على جزيرة مفيهاش اى مواصلات كل 100 متر فى كنز لو مدربتوش تمشوا مش هتقدروا تاخدوا اكتر عدد ممكن من الكنوز
وكمان فى اخر الجزية فى طيارة هتوديكى على أعلى جبل فى العالم لو موصلتوش لاخر الجزيرة مش هتعرفوا تروحوا ولا تروحوا الجبل اللى عليه كنز بردو مش ممكن تتوقعوه

ورابعا
وخامسا
وسادسا
................الخ

وبدأ عمال الشركة يحلموا بكل المنح اللى المدير هيدهلهم
وبدأ اخوانا الكسالى متغاظين ومتكادين عايزين بأى طريقة يضيعوا عليهم كل الفرص دى بأى طريقة

وكان الحل الوحيد
إنهم يشغلوهم عن اللى المدير نبهم عليه
وإنهم ينسوهم بأى طريقة انهم يسجلوا بيانتهم والاستمارات
وانهم يدربوا فيدخلوا الجزيرة ويتوهوا بدل ميستمتعوا بالكنوز اينعم هيتعبوا فى المشى لكن هياخداو متع وفرص وهيروحوا اماكن عمرهم ماشافوها فى حياتهم

وفعلا
بدأ شركة الكسولين يوزعوا نفسهم كل كسول حقود على كل مثابر مصابر من الشركة التانية
يشغلوا عن انه يلحق يجهز هدوم الرحلة والاحبال والشنط اللى هيحط فيها الهدايا والاستمارات اللى هيملى بيها

بدأوا يشغلوهم بحاجات تافهة الشهر ده
بدأ يقول كاوتش العربية الفيات بايظ ازاى كده هتروح تشترى الاكياس اللى انت عايزها
انت كده طول عمرك منحوس ..
يجيلو التانى يقوله انا شوفت مين صحبك اللى خرملك كاوتش العربية صحبك المثابر اللى معاك فى الشركة

اوعو نبقى هبل

بقلكم 100 عربية بى ام
هنعد نعيط على كاوتش عربية فيات

أيوة

أيوة

شهر رمضان شهر المنح دى

وأيوة لو مأعدناش ليه فى شعبان هيضيع مننا وهنتوه فى النص

والشيطان هيتجنن لان اعمالنا بترفع لو تبنا بس بس هيتغفرلنا كل ذنوبنا
والاعمال بالخواتيم
غير ان كل شغله 11 شهر ممكن يضيع كلو فى رمضان لو مشغلناش بحاجات فى شعبان تضيعلنا رمضان
يقوم شوشو بقى يعمل ايه
؟؟؟؟؟

ايوة يعد يخلينا نعمل ذنب دلوقتى حالا فيشيع توبتنا او ان اعمالنا تطلع اخر عمل فيها التوبة فيغفر السنة كلها
وكمان يدخلنى رمضان بالذنب ده فمنبقاش مستقرين فنعبد ربنا صح

وكمان يشغلنا على اننا نعد شنطة الرحلة اللى فيها منح كتير جداااااااااااا
بس لازم ندرب على شوية حاجات دلوقتى لاما مش هنقدر نوصل للمنح دى
زى الجزيرة اللى هحتاج امشى فيها كتير عشان اخد كل الكنوز

ايوة لازم نحط فى الشنطة واجهزهم من دلوقتى
30 دعوة مستجابة ده على الاقل

يحكى أن
(واحدة في رمضان اللى قبل اللى فات سألت ها دعواتك استجابت ؟؟قالت ايوة 29 دعوة فى رمضان نفسه وال 30 لسه بس أنا متأكدة ان ربنا هيستجبها ..وعرفنا بعديها ان ربنا استجابها واتحققت 3 يوم العيد)

ايه اليقين ده

ايوة 30 دعوة 30 حلم 30 اى حاجة تتمنوها بيقين مش هاييجى رمضان اللى بعده الا لما يكنوا اتحققوا

ماشى

وبعدين

طول ماحنا صاييمن دعانا مستجاب كمان
بس مين هيقدر يبقى صاحى وعندو قوة يدعى ويركز الا اذا عود نفسو يصوم(احدث نفسى واياكم)
طيب وهعد طول اليوم بقرأ قرأن وافطر فطار خفيف واروح اصلى

طيب ازاى هقدر اصلى ساعة لو موقفتش نفسى دلوقتى نص ساعة
عشان لما اقف الساعة اقفلها بخشوع؟؟؟؟

طيب وازاى كمان لو معودناش نفسنا نصحى الفجر دلوقتى او قبله بربع ساعة ندعى
هنجيب التلت الاخير اللى فى نفحات ونفحات ونفحات فى رمضان

ايوة لااااااااااااااااااازم ندرب عشان ربنا بيحبنا ورازقنا بمنح ونفحات رغم ذنوبنا فلازم نحبو إحنا كمان ونقول سمعنا وأطعنا ..أحبـــــك ربى

لازم نستغل الشهر ده والله ربنا هيرزقنا باللى أحلى من ال 100Bmw
اللهم بلغنا رمضان واجعلنا فيه من الفائزين

أول خطوة التوبة والتسامح

الموضوع : 100 عربية BMW المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

10/08/2009

يلا بينا نكسب

أحلى من ال 100Bmw

الموضوع : 100 عربية BMW المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

نائب المدير عدد المساهمات : 3918

ان شاء الله نكسب الاحلى من 100bmw

ماشاء الله موضوعات حضرتك دائما متميزة بارك الله فيكم وسلمت يمناك

الموضوع : 100 عربية BMW المصدر : مسجد الهدي المحمدي الكاتب: aya
توقيع العضو/ه :aya

عضو جديد عدد المساهمات : 93

ما شاء الله موضوع محفذ جداا

جزاك الله خيرا واعلى الله همتك والمسلمين طوال الشهر الكريم

الموضوع : 100 عربية BMW المصدر : مسجد الهدي المحمدي الكاتب: ملك
توقيع العضو/ه :ملك

10/08/2009

اللهم امين

وجزاكم الله كل خير

اللهم بلغنا رمضان

اللهم تقبل منا ومنكم صالح الاعمال

الموضوع : 100 عربية BMW المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

100 عربية BMW

100 عربية BMW

مواضيع مماثلة

مواضيع مماثلة