كفيانا ذل بقي ويلا نعيشها صح

10/08/2009

عارف الذل هنا ايه زلك للمعصية إنت مزلول للمعصية لدرجة مش قادر تسيبها
ياجماعة لازم نعرف اننا متخلقناش علشان نعصي احنا اتخلقنا علشان نعبد
نعبد ربنا وبس
ربنا يوم ما خلقك جعل نفسك عمرها مهترتاح ولا تسكن إلا لو اتبعت منهج ربنا يعني يوم ما الواحد يفكر انه نفسه يعيش حياته ويعيشها غلط
ويروح يحب دي وتحب ده ويسمع أغاني ويوم ما تبطل صلاة
بقي هي دي الحياة
ويقولك انا واد روش انا مفيش حد أدي
لأ والله ان في القلب فاقة لا يسدها إلا حب الله
يعني مهما عملت الجزء ده مش هيتسد إلا بحبك لربنا واتباع أوامره
ولو قعدت تقنع نفسك لا لا انا عايز اعيش حياتي وانا لسه صغير ونفسي اعيش شبابي وليه اعيش مقيد
وبعدين بقي ابقي اتوب
طب ما انت مش هتعيش سعيد
زي هل مثلا ينفع حد يبني بيت من غير عمدان
مستحيل
أهو برده مينفعش حد يقول انا مسلم ومؤمن بالله ورسوله ومش بيصلي وبيسمع اغاني وبيسب الدين
ياأخي/أختي هي مش كلمة وخلاص
ده لما الواحد بيحب واحدة بيقطع نفسه علشانها علشان يثبتلها انه بيحبها
طب وربنا
كلنا عارفين اننا فطرنا علي الميل للجنس الآخر بس فيه فرق بين الطيب والحلال والحرام والخبيث
وكمان في جهاد للنفس ضد المعصية
وزي مثلا واحد باني بيت من
غير سقف معظم الناس حواليه عايشة في آمان إلا هو خايف يجي حرامي يسرقه
أوالمطرة تمطر تغرقه حاسس كل الدنيا شيفه مش حاسس بالأمان خالص
اهو ده زيه زي اللي مسدش فاقة حب الله في قلبه
لو نفسك قالتلك ياعم عيش حياتك واعمل كذا وكذا والحاجات دي كان فيها عصيان لربنا قولها انتي كدابة
لأن عمري مهعيش حياتي إلا في قربي من ربنا
كفيانا ذل بقي ويلا نعيشها صح 383808

هتقولي مانا شايف ناس كتير مش بتصلي والمغنيين اللي بيغنوا دول عايشين حياتهم ودايما سعدي
مين قالك الكلام ده ده صورة لكن من جواهم مليانين حزن وقرف ونفسهم حياتهم تنتهي
والدليل اسمع المقطع ده ::: أنا عشت الحياة دي !!! :::
وبعدين هو في حد بيحبك أكتر منن ربنا
ايوه مفيش حد في الكون ده بيحبك أكتر من ربنا
ده لما توب بيقبلك وبيكون فرحان بيك
طب شوفت الحديث القدسي والنداء الجميل ده
« يَا ابْنَ آدَمَ إِنَّكَ مَا دَعَوْتَنِي وَرَجَوْتَنِي غَفَرْتُ لَكَ عَلَى مَا كَانَ فِيكَ

وَلَا أُبَالِي يَا ابْنَ آدَمَ لَوْ بَلَغَتْ ذُنُوبُكَ عَنَانَ السَّمَاءِ ثُمَّ اسْتَغْفَرْتَنِي

غَفَرْتُ لَكَ وَلَا أُبَالِي يَا ابْنَ آدَمَ إِنَّكَ لَوْ أَتَيْتَنِي بِقُرَابِ الْأَرْضِ خَطَايَا ثُمَّ لَقِيتَنِي

لَا تُشْرِكُ بِي شَيْئًا لَأَتَيْتُكَ بِقُرَابِهَا مَغْفِرَةً »
وممكن الناس تكون تبت من الذنب وبرده فاكرالك الذنب
لكن ربنا لما بتوب توبه صادقة بيبدلك كل سيئاتك حسنات شوفت كرم أكتر من كده
ده ربنا أرحم بينا من أمنا اللي بتستحمل وتؤثرك علي نفسها وكل ده بدون مقابل بتعمل ده كله معاك لحبها الفطري لك
شوفت بقي ربنا بيحبك أكتر منها

ده ربنا انعم علينا بنعم لا حصر لها
علي ما أظن لو بشر ادالك نعمة من دي هتحب علي رجليه
ودايما تبقي منكسر ليه وتحب تعمل كل اللي يرضيه
طب جرب كده تغمض عنيك ساعة متواصلة ومتشوفش حاجة
يـــــــــــاه إحساس صعب وهتحس فعلا بنعمة ربنا عليك
طب
ما بالك بربنا اللي ادهملك من غير حاجة وهو الملك وانت العبد وفي غني عنك
خالص وانت تيجي في الأخر تعصية وتتفرج علي دي وهي ورايحة وهي وجاية
بتستخدم النعمة وتعصي بيها
فكرت في يوم من الأيام لو الناس بتتكلم حواليك وانت مش سامع هما بيقولوا ايه؟
هتعمل ايه؟
هتقول يا ريتني اعرف هما بيقولوا ايه
طب ما ربنا اداهملك أهو
ليه بتعصيه بالنعمة دي وتسمع أغاني
ليه بيكون منا الجحود
مع إله بيحبنا وهو في غني عننا
كفيانا ذل بقي ويلا نعيشها صح 318653

بص يا أخي/أختي أنا هقولك حاجة
إحنا إبتلينا في الدنيا دي بأربع حاجات
الشيطان والدنيا ونفس الإنسان وهواها
وكل دول أعداء لينا
أعداء فاهم
يعني لما تحس إن حاجة ربنا نهاك عنها وإنت مستمتع بيها
يبقي أكيد الأربعة دول زينوها في نظرك علشان هما أعدائك
بس للأسف انت كنت عامل زي تنابلة السلطان
وفرحت بالحاجة دي
ده سم بس انت مش بتحس بيه في الأول
تقعد الذنوب تسود في قلبك لغاية متحس بالكأبه
في الأول عادي كنت بتسمع أغاني وتحب بنات ومتصليش ومش حاسس بالخنقة دي
ماهي الذنوب تقعد تتراكم لحد ما تكتم علي نفسك وقلبك دي يبقي خراب
زي الغابة اللي مليانة اشواك كل الشجر الأخضر اللي كان فيها تقعد السيئات تاكل فيه لغاية ما يبقي شوك
وهل حد يقدر يعيش في المكان ده
فما بالك لما تكون انت حامله
فانت حاربهم واستعن بالله
والله ثم والله ثم والله عمرك مهتعيش سعيد إلا وانت قريب من
ربنا

كفيانا ذل بقي ويلا نعيشها صح 956824

لازم
تفوق بجد احنا متفطرناش علي عصيان ربنا واللي يقول إنه سعيد في بعده عن
ربنا يبقي بيضحك علي نفسه وهيفضل كده لحد ما يوصل لطريق مسدود ويا عالم
نهاية الطريق دي هتكون ازاي
هل هيموت زي ما نهاية اي واحد مش معروفه
ولا ممكن يلاقي حد يساعده
بس مفيش حد فينا ضامن عمره خالص فليه تأجل
غضب ربنا عظيم ومحش فينا يستحمله
فدلوقتي قدامك فرصة مضيعهاش
وهتعيش فعلا أحلى حياة في طاعة الله ورسوله
هتقولي بس أنا حاسس بالغربة والناس اللي حواليه كلهم زي
أديك قولتها غربه إحنا بالظبط في زمن الغربة يعني اللي يعمل حاجة كويسة الناس تقعد تتريق عليه
واللي يبقي بيسمع أغاني ويصاحب بنات يبقي هو الواد الميت فل و14
رسولنا نبهنا علي الزمن ده
طب اسمع الحديث ده كده
قال رسول الله صلى الله عليه وسلم:
(ستاتى
على أمتى سنوات خداعات يكذب فيها الصادق و يصدق فيها الكاذب ويؤتمن الخائن
و يخون فيها الامين وينطق فيها الرويبضه) قيل (وما الرويبضه؟) قال: (الرجل
التافه السفيه يتكلم فى أمر العامة)

ومتزعلش بالعكس لو ربنا معاك يبقي متخافش من حاجة خالص
ده ربنا
يعني خلق كل اللي انت شايفه ده يعني مفيش خوف
يعني أقولك علي مثال لو انت كنت مصاحب ملك وأهل المملكة كلهم بيعادوك وبيتريقوا عليك
هيهمك حاجة
لأ
مدام الملك بيحبك وانت صاحبه خلاص الأمر انتهي
ده بالتأكيد الملك كمان هيعاقب كل اللي بيعاديك أو يأزيك
طبعا ده بفارق التشبيه لله سبحانه وتعالي عز وجل
فلو حاسس إنك تايه ؟
استعن بالله أولا وتعال معانا هنا وهتعيش فعلا أحلى حياة إن شاء الله

الموضوع : كفيانا ذل بقي ويلا نعيشها صح المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

كفيانا ذل بقي ويلا نعيشها صح

كفيانا ذل بقي ويلا نعيشها صح

مواضيع مماثلة

مواضيع مماثلة