ممكن تموت وانت بتقرأ الموضوع ده .. مستغرب ليه؟

عضو جديد عدد المساهمات : 2238

أيوة يا عم

فى حاجة؟

بقولك : ممكن تموت وانت بتقرأ الموضوع ده

مفهاش حاجة غريبة يعنى

عمرك ما سمعت حد قبل كده بيقولك ممكن تموت دلوقتى?

أكيد طبعا سمعت

طيب يبقى ايه الفرق بقى بين الاتنين

ما أنا بقولك ممكن تموت وانت بتقرأ الموضوع ده = ممكن تموت دلوقتى

صح؟

يبقى مفيش حاجة غريبة

لكن لما الأمر اتعرضت عليك بشكل تانى كان ليه أثر تانى عليك . صح؟

حسيت بإحساس تانى؟

كأنى بقولك انك فعلا هتموت دلوقتى

الأمر واضح

ليه لما بنسمع حد بيقول : ممكن تموت دلوقتى

بنعتبر إن الكلام ده مش موجه لينا أو كلمة عابرة بتمر بس على الأذن وتعدى وكأن ولا حاجة حصلت؟

يا ترى انت مستعد تموت ولا ...؟

طيب

تعالى نكمل فى المشاركة التالية

الموضوع : ممكن تموت وانت بتقرأ الموضوع ده .. مستغرب ليه؟ المصدر : مسجد الهدي المحمدي الكاتب: أمة الله
توقيع العضو/ه :أمة الله

عضو جديد عدد المساهمات : 2238

بصراحة بقى ومن الآخر أنا كاتبة الموضوع ده للترهيب مش للترغيب

ولو عاوزين تغيره عنوانه غيروه

حسيت إننا عاوزين نفوق شوية

من الغفلة اللى احنا فيها

...
قصة أعجبتني اسمعوا
قال صا حب القصة

من كام يوم كنت ماشى أنا وكام واحد صاحبى وشوفنا حادثة على الطريق
والحادثة دى هى السبب اللى خلانى أكتب الموضوع ده

تعالوا نحكى تفاصيل الحادثة وهتعرفوا ليه أنا حكيت بالتفصيل بعد كده

........

من كام يوم خرجت من المدرسة وكنت ماشى أنا وكام واحد صاحبى

الأخ "س" والأخ "أ" والأخ"ح" والأخ"م"و أنا

فى الأول كنت ماشى أنا والأخ "ح" لوحدينا

لقيت الأخ "س" جى من ورايا وبيقولى استنى "أ" جاى وراك

وقفت أنا و "ح" استنينا "أ" لحد ماجه

مشينا كلنا مع بعض

لحد ما وصلنا لمكان

"س" كان عاوز يمشى من طريق واحنا كنا عاوزين نمشى من طريق تانى

المهم قعدنا نتحايل عليه لحد ما مشى معنا من الطريق اللى احنا عاوزينه

بعد شوية الأخ"ح" سابنا ومشى هو فى طريقه

فضلنا ماشيين لحد ما وصلنا لمكان تانى

وحصل نفس الموقف اللى حصل فى المكان الأولانى

"س" كان عاوز يمشى من طريق وكان الطريق ده الأقرب ليه إلى البيت

واحنا كنا عاوزين نمشى من الطريق التانى لأنه أقرب لينا

المهم فى الآخر هو مشى فى طريقه واحنا مشينا فى طريقنا

فضلنا ماشيين لحد ما لقينا كام واحد واقفين على رصيف فى نص الشارع وبيندهوا

يا "أ" يا أ" فقالى هروح أشوفهم عاوزين ايه وجاى يعنى

راح واحنا واقفين لقينا فى تجمع ناحية الشباب اللى ندهوا عليه

فرُحنا وراه

لقينا إن فى حادثة فى الطريق

سيارة صدمت فتاة

واحنا واقفين بنشوف اللى حصل أنا مكنتش واخد بالى لقيت "أط بيقول : " دى ماتت"

طبعا الموقف اختلف تماما

وكان موقف صعب

وكانوا مغطيين البنت دى بجرانين

ولا داعى لذكر تفاصيل أكتر من كده لعدم حاجتنا إليها

.......

تعالوا نحاول نحلل اللى حصل ونعرف ليه أنا ذكرت طريقى مع اللى كنت ماشى معاهم

تابع

الموضوع : ممكن تموت وانت بتقرأ الموضوع ده .. مستغرب ليه؟ المصدر : مسجد الهدي المحمدي الكاتب: أمة الله
توقيع العضو/ه :أمة الله

10/08/2009

ممكن تموت وانت بتقرأ الموضوع ده .. مستغرب ليه؟ 291190

ممكن تموت وانت بتقرأ الموضوع ده .. مستغرب ليه؟ 499807

متابع ان شاء الله

الموضوع : ممكن تموت وانت بتقرأ الموضوع ده .. مستغرب ليه؟ المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

زائر

ممكن تموت وانت بتقرأ الموضوع ده .. مستغرب ليه؟ 354671

ممكن تموت وانت بتقرأ الموضوع ده .. مستغرب ليه؟ 517985

الموضوع : ممكن تموت وانت بتقرأ الموضوع ده .. مستغرب ليه؟ المصدر : مسجد الهدي المحمدي الكاتب: ????
توقيع العضو/ه :????

عضو جديد عدد المساهمات : 2238

اليوم ده يا جماعة

كان آخر حصة فى المدرسة علينا فيها تربية دينية إسلامية

طبعا الفترة اللى فاتت احنا المدرسة عندنا فضوى نظرا لظروف امتحانات نصف السنة وما إلى ذلك
والعدد فى المدرسة قليل

فقرر المدرس انه يعد يكلمنا عن علامات الساعة
واتكلم شوية عن علامات الساعة الصغرى والكبرى

وعن يوم القيامة وقعد يقول بردو ان الواحد ممكن يموت فى أى وقت وكده

طبعا بدون تفصيل نظرا لضيق الوقت

دى أول حاجة

...............

تانى حاجة ان يقدر ربنا أن "س" يشوفنى أنا و"ح" واحنا ماشيين وييجى يقوى استنى "أ" جاى ورانا

ويقدر ربنا ان انا و"ح" نستنى وييجى معانا "أ" واللى شاف الحادثة
والله أعلم كان هيمشى من انهى طريق لو مكناش استنناه

لكنه القدر
قدر أن يمشى معنا

ودى تانى حاجة

..........

تالت حاجة ان احنا لما كنا ماشيين قعد يلح علينا "س" عشان نمشى من طريق تانى
واكننا صممنا ان احنا نمشى من الطريق التانى
وكأن القدر ينادينا لنرى تلك الحداثة

والموقف ده حصل مرتين لكن "س" سابنا فى المرة التانية زى ما ذكرت

ودى تالت ورابع حاجة

........

احنا بعد كده كنا ماشيين فى حالنا عادى ولا واخدين بالنا بحاجة حوالينا
وفجأة نسمع صوت شباب يعرفوا "أ" وبيندهوا عليه
يعنى لو كانوا مش واقفين فى المكان ده كنا ممكن نمشى عادى ولا ناخد بالنا من حاجة حصلت حواليا
لكن أكرر ، كان هذا القدر وكأنه ينادينا لنرى الحادثة

ودى خامس حاجة

.........

اللى عاوز أوصله ان فى كذا حاجة غريبة حصلت عشان تخلينا نمشى من الطريق ده ومش نمشى وبس
لا ومنخدش بالنا كمان ونلاقى اللى ينبهنا

الموت

الموت يا جماعة

الموت يا جماعة بييجى فى أى وقت

يعنى البنت اللى كانت ماشية دى كانت عارفة ان فى عربية هتيجى تخبطها دلوقتى؟

كانت عارفه ان على موتها دقائق؟

كانت عارفه ان وقت يسير يفصلها على الحياة الآخرة؟

هى كانت فتاة صغيرة
نسأل الله لها أن تكون من أهل الجنة

لكن يا جماعة عاوزين ناخد من اللى حصل ده درس

الموت فى أى وقت
ملهوش مكان معين ولا زمن معين

بل إن الله يقول :"أَيْنَمَا تَكُونُواْ يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ"يعنى فى أى مكان

مش لازم نتعب قبل ما نموت

مش لازم الواحد عشان يموت يجيله فشل كلوى ولا سرطان ولا أى حاجة من تلك الأمراض

لا

بل ممكن واحد مصاب بتلك الأمراض ويشفى بأمر الله ويعيش

وشاب فى كامل الصحة والعافية ويموت فى لحظة

فى لحظة

والأمثلة على ذلك كثيرة

الأمر فعلا محتاج تفكير كبير منا

لازم نفوق من الغفلة اللى احنا فيها

لازم نعرف الحقيقة

........

أنباء الموت بقت كتيرة أوى

مش بتحس ان فى الفترة الأخيرة بقيت تسمع كلمة موت كتير

كل فترة مش كبيرة نسمع ان حد مات

ولسه بردو من كام يوم واحد كان بيعى سكة القطر فاكعبل فى الحديد
وقع

القطر جه

خلاص

كان فى المستشفى ميت

خلاص

كان ماشى عادى

بيعدى الطريق

وقع

القطار خلاص

انتهى

.......

ولأى حد ممكن يحصل الموقف ده

فاكرين الجو لما كان برد وهواء شديد فى اسكندرية من كام يوم

أذكر ان كان فيه 3 ماتوا

من التلاتة دول واحد وقع عليه شىء (لا أتذكر ما هو) مات

يعنى ممكن أى حد ماشى فى الطريق

يلاقى حاجة تقع عليه وهو ماشى سالم عادى جدا فى الطريق يموت

ممكن واحد يبقى ماشى عادى جدا ويلاقى طبق دش وقع عليه من سطع عمارة

خلاص انتهى

ممكن واحد يبقى ماشى عادى جدا ويكون واحد مثلا واقف فى البلكونة ماسك فى ايدة أداه حادة
تقع من ايديه على اللى ماشى دى

يروح فيها

أسباب الموت كثيرة جدا

لكن احنا مش عندنا بصيرة

يا جماعة مينفعش

متفتكرش انك عشان تموت لازم تعدى ال60 سنة

صح النوم

وفوووووووووووووق

فوق

.........

فاركين يا جماعة الحادثة اللى أبو جود حكهالنا فى الموضوع ده

فاكرين المقطع اللى كان موجود

حمله من هنا

شفته البنتين كانوا ماشيين فى سلام وأمن

عادى خالص

زى أى واحد فينا

وفجاة

تيجى العربية عشان تخلص على واحدة منهم
والتانية تعيش

سبحان الله

إنه قدرها

كُلُّ نَفْسٍ ذَائِقَةُ الْمَوْتِ

كلنا هنموت

الموضوع ده كنت عاوز أكلم فيه من زمان

لما بنسمع مثلا شيخ معين أو داعية معين بيكلم عن الموت والقبر

ليه بنبقى قاعدين نسمع لكن مش حاسيين بالمستقبل اللى جى؟

مش حسيت قبل كده ان اللى الشيخ بيقوله ده
ينطبق على كل واحد فينا

أيوة

يعنى بينطبق عليك وبينطبق عليكِ
وبينطبق على كل واحد

لما حد يكلم عن عذاب القبر

ياااااااه

اللهم أجرنا من عذاب القبر

مفكرتش انك فى يوم من الأيام حتما هتنزل الحفرة دى

يمكن أنا مش عارف أوصل المعنى صح
لكن يعنى أيوة هتكون فى الحفرة دى

اللى بيتقال ده مش بيتقال على غيرك وانت لأ

لأ

ما انت بردو واحد من الناس

ويحصلك كل ده

يا جماعة الوقت دلوقتى بيجرى بسرعة جدا

وده من علامات الساعة

احنا دلوقتى قاعدين حاسيين انى اللى حصل من سنة كأنه حصل من شهر فقط
واللى حصل من شهر كأنه حصل من أسبوع فقط

الوقت

فجأة تلاقى نفسك بقيت السنة الجاية

السنين بتجرى بسرعة

يارب استرنا يارب

وقنا عذاب القبر
وقنا عذابك يوم تبعث عبادك

اللهم آمين

يا ترى عاوزين نبقى من أهل الجنة ولا من الأخرى؟

إن شاء الله

سنكون فى الجنة مع الحبيب المصطفى صلى الله عليه وسلم وصحابته الكرام

لكن لا بد من العمل

والحديث عن عذاب النار لا ينتهى
وكذلك الحديث عن نعيم الجنة لا ينتهى

ولهم يخصص موضوع

.........

جزاكم الله خيراً

وعذرا على الإطالة

والسلام عليكم ورحمة الله وبركاته

الموضوع : ممكن تموت وانت بتقرأ الموضوع ده .. مستغرب ليه؟ المصدر : مسجد الهدي المحمدي الكاتب: أمة الله
توقيع العضو/ه :أمة الله

10/08/2009

وعليكم السلام ورحمة الله وبركاته

جزاكم الله كل خير

اللهم اختم لنا بخاتمة السعادة

الموضوع : ممكن تموت وانت بتقرأ الموضوع ده .. مستغرب ليه؟ المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

عضو جديد عدد المساهمات : 2238

اللهم آآآآآآمين

اللهم آآآآآمين

جزاكم الله خيرا

الموضوع : ممكن تموت وانت بتقرأ الموضوع ده .. مستغرب ليه؟ المصدر : مسجد الهدي المحمدي الكاتب: أمة الله
توقيع العضو/ه :أمة الله

عضو جديد عدد المساهمات : 26

وعليكم السلام ورحمة الله وبركاته

"أَيْنَمَا تَكُونُواْ يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ

اللهم أحيى قلوبنا وردنا إلى دينك رداً جميلا

اللهم اختم بالصالحات أعمالنا واجعلنا من أهل الجنة

جزاكم الله خيرا

الموضوع : ممكن تموت وانت بتقرأ الموضوع ده .. مستغرب ليه؟ المصدر : مسجد الهدي المحمدي الكاتب: قلبى لربى
توقيع العضو/ه :قلبى لربى

10/08/2009

اللهم أمين

جزانا واياكم خير الجزاء

ممكن تموت وانت بتقرأ الموضوع ده .. مستغرب ليه؟ 760669

الموضوع : ممكن تموت وانت بتقرأ الموضوع ده .. مستغرب ليه؟ المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

ممكن تموت وانت بتقرأ الموضوع ده .. مستغرب ليه؟

ممكن تموت وانت بتقرأ الموضوع ده .. مستغرب ليه؟

مواضيع مماثلة

مواضيع مماثلة