هتفرق ايه تغير المادة التانية من الدستور رغم انها غير مفعلة ؟

10/08/2009

سمعت عن المادة التانية من الدستور ؟

فاسمع إذن..

المادة دي تنص على:

يعني المادة دي هي اثبات هوية مصر..
أنها دولة مسلمة.. تستند في دساتيرها و أحكامها على شريعة الإسلام
وشعبها بيتكلم عربي

الكلام ده فيه حاجة تزعل يا نــاس ؟

لكن ..

في وسط "هوجة" تغيير مواد الدستور طلعت مطالبات بتطالب بإلغاء المادة دي عشان
"عاملاهم مشكلة ! "

امال فين الأحضان والقبلات وشعارات الهلال والصليب ؟؟؟؟

وسبحان الله العظيم .. التاريخ يشهد أن عيش النصارى في ظل الإسلام هو قمة العدل والرحمة والتسامح معهم

وده على لسان المعتدلين المنصفين منهم..!
ومثال على ذلك حوار أجرته جريدة الغد مع المفكر القبطي
د. نبيل لوقا بباوي وكيل لجنة الثقافة والإعلام بمجلس الشورى قال:
من مصلحة الأقباط تطبيق الشريعة الإسلامية التى أعرفها جيدا.

ومن ضمن ما ذكره في المقال:
المشاكل التى يردد المتعصبون أنها اضطهاد للأقباط هى مشاكل يعانى منها المجتمع ككل
لأن المسلمين لا يعيشون فى قصور وبروج مشيدة بينما الأقباط فى مستنقعات..
المشاكل موجودة هنا وهنا والدولة ملتزمة تحل بالتوازى وباعتدال وبدون
استفزاز للأغلبية المسلمة.

** يكفي أن تعلموا أن أقباط مصر (= سكان مصر قبل دخول الإسلام) كانوا بيتعرضوا للبطش والظلم والتعذيب على يد الرومان اللي كانوا محتلين مصر (الرومان
كانوا وثنيين ثم اعترفوا بالمسيحية ..لكن اتخذوا ملة آخرى غير ملة مسيحية
أهل مصر .. بس الخلاصة اللي كان بيعذبهم مسيحيين مثلهم)

وما خلّص مسيحي مصر من هذا البطش وهذا الظلم .. إلا الفتح الاسلامي ودخول الإسلام لأرض مصر.

في مطالبات علني بتقول:
عايزين نشيل المادة دي
ونطالب بفصل الدين عن الدولة
ونشيل خانة الديانة من البطاقة

وفي منهم بيزوقوها ويقول:
عايزين مصر دولة مدنية >>> عالمانية تضمن حقوق المواطنة والديموقراطية
احفظوا الكلمات الأربعة دي
(مدنية -عالمانية - مواطنة - ديموقراطية)
عشان هتسمعوا تخاريف عنها كتير جاية وبإذن الله المنتدى هيوضح بإذن الله المنظور الشرعي لهم

خلاصة مطالباتهم
يعني عايزين دولة مش بتحتكم للدين في أحكامها

يعني نسيب الدين والتشريع الإسلامي على جنب
ونحط دساتير جديدة قائمة على عدم "حشر" الدين في أي بند ولا أي حاجة فيها ريحة دين اسلامي في القوانين

لأن "حشر" الدين بيعمل طائفية وحساسيات للأقليات غير المسلمة في مصر وبتضيع حقوقهم و و و

عارفين يا جماعة لو اتلغت المادة دي هيبقى:

- جائز معاها جدا أنه يكون رئيس الدولة .. نصراني

- و وارد جدا برضو تكون رئيس الدولة أو وزيرة الدفاع واحدة ست

وهو ده الحاصل في الدول العالمانية الكبرى
اللي بيطبقوا نظام الدولة المدنية (العالمانية) وبيقدموها عن الدولة الدينية

رئيس دولة الأرجنتين سابقا اسمه:
كارلوس منعم
أصله مسلم لكن ارتد عن الاسلام عشان يحكم دولة غالبية سكانها نصارى

وكذلك
باراك حسين أوباما
رئيس الولايات المتحدة الأمريكية
والده مسلم وهو مسيحي
اللي للأسف ناس كتير جدااااا انخدعوا فيه لما زار مصر وراح الأزهر ولازال أخواننا المسلمون يُعذبون ويُسحلون في سجن جوانتنامو
ولازالت رعاية أمريكا للمستوطنات اليهودية داخل أراضي فلسطين

وفي أسبانيا
مالاقوش راجل واحد ينفع وزير دفاع فأسندوا هذا المنصب لواحدة ست!!
والمضحك أنه حدث وأجلوا جلسة برلمانية لمناقشة بعض الأمور العسكرية لأن الست وزيرة الدفاع (( بتولــد )) !!

و كلتا الحالتين.. الأمر ده طبعا يتعارض مع الإسلام
في الاسلام.. الولاية الكبرى (يعني واحد يبقى رئيس أو ولي أمر) تكون لمسلم.. ولرجل وليس امرأة

لقول الله تعالى:
" وَلَن يَجۡعَلَ اللّهُ لِلۡكَافِرِينَ عَلَىٰ الۡمُؤۡمِنِينَ سَبِيلاً "

وده من عزة الاسلام.. ومن العزة اللي بيمنحها الإسلام للمنتسبين إليه
أنه لا يجعل العزة والغلبة ولا يتولى أمرهم .. كافر

شوفوا ربنا بيقولنا ايه؟؟
"وَلاَ تَهِنُوا وَلاَ تَحۡزَنُوا وَأَنتُمُ الأَعۡلَوۡنَ إِن كُنتُم مُّؤۡمِنِينَ"

يعني سبحان الله.. أمريكا كانت متخوفة من باراك أوباما أثناء الانتخابات عشان له جذور مسلمة !!

وأنت يا مسلم يا اللي دينك هو أغلى ما عندك مش خايف من تولي كافر عليك ؟؟

والدليل أنه ماينفعش الولاية الكبرى تكون لامرأة
حديث ورد فيه..
لما بلغ رسول الله صلى الله عليه وسلم أن أهل فارس قد ملكوا عليهم بنت كسرى ، قال :
( لن يفلح قوم ولوا أمرهم امرأة ) .
صحيح البخاري

نسيبنا من التاريخ والسياسة ونرجع للعقل..

ممكن حد يقول طيب ما المادة دي "فعليًا" ماكانتش بتتطبق
ايه اللي فارق يعني ؟

المثل بيقول:
"نص العمى ولا العمى كله"

والحكمة بتقول:
"ما لا يدرك كله .. لا يُترك كله"

لو أنت واحد مسلم وبتعمل ذنب معين أو 10 أو 50 ذنب تقبل أنك تتوصف أنك كافر أو لا دين لك ؟؟
ولو أنت شايف نفسك ضايع ومفيش فايدة فيك هل ده مبرر أنك تعيش زي الكافر وتموت كافر؟

أكيد لا

فاحنا بنؤكد على ضرورة وجود المادة دي وصيانتها من العبث ومحاولات الالغاء
حتى لو مش بتتطبق بشكل كامل!

سؤال تاني طيب لو
المادة دي عاملالهم أزمة مانشيلها وخلاص وكده كده احنا بنؤدي عباداتنا من
غير قيود والشعب المصري بطبعه متدين مش هتوصل به الدرجة أنه ينسلخ من
الدين بالسهولة دي؟

عايزين نوضح أن الغاء المادة دي مش مجرد زيادة حقوق للمواطنين المسيحيين في مصر

الحقوق موجودة و مكفولة من زمان

وشريعة الاسلام مش بتمشي عليهم بحذافيرها

بل العجيــــــــب ما قرأته على لسان د. نبيل لوقا في حواره السابق قال:
فى مسائل الأحوال الشخصية هناك مبدأ إسلامى متفق عليه فى جميع المذاهب
الفقهية الأربعة. وأقره الرسول وهو أنه بالنسبة لأهل الكتاب "اتركوهم
ومايدينون" أى اترك المسيحيين للانجيل واترك اليهود للتوراة والنص القرآنى
فى سورة المائدة يقول وليحكم أهل الإنجيل بما أنزل الله فيه.

يعني لو هم مش عايزين الشريعة الإسلامية تتطبق عليهم
هي فعلا مش بتتطبق !

لكن الخطر في الغاءها او محاولة التعديل فيها أنه خطوة لالغاء أشياء أكبر وأخطر

وخطرها بيزيد مع زيادة الحريات الفترة دي
لأنه كل واحد له مزاج في حاجة هيقعد يطالب بها

واحد عالماني مش مقتنع بالدين له هوى في طمس الدين هيطالب
واحد نصراني من أقباط المهجر حبايب امريكا وعنده استعداد يستعين بامريكا ضد بلده وعنده هوى في طمس الدين الاسلامي هيطالب

ماهي حرية بقى !

والفترة دي بيسموها فترة انتقالية.. الله أعلم الرئيس
الجاي واللي في ايده تغيير الدستور مرة تانية حتى بعد ما تتفق اللجنة.. هل
ممكن يغير المادة دي ولا لا

وطبعا الانسلاخ من المادة دي مش هيبقى بطريقة مباشرة لأن المصريين بفضل الله واعيين

لكن الخوف أنها تتجاب بشكل تدريجي أو يتعمل استفتاء عام ويكون تقييم النتيجة عن طريق موافقة الجميع او رفض الجميع
وهنا طبعا مشكلة...!!

ايه مخاطر الغاء المادة دي بالكلية ؟؟

"إن إلغاء المادة الثانية من الدستور ليس سوى مقدمة ومن بعدها يأتي الطوفان..
لقد فعلها أتاتورك عام 1928 فألغي المرجعية الإسلامية من الدستور تماما..
ولم يكتف بذلك.. فقد حارب الإسلام كله.. "
(بقلم د. محمد عباس)

** أتاتورك .. و تركيا
تركيا كانت دولة مسلمة زي كل بلاد المسلمين لحد ما حكمها مصطفى كمال أتاتورك
الشخص ده غير شكل البلد وهويتها المسلمة لكي تكون مثل دولة غربية
وكل ده كان على حساب الدين!

دي نبذة عن مصطفى كمال أتاتورك
ويذكر كتاب "الرجل الصنم" وهو من أهم الكتب التي تكشف سر كمال أتاتورك:
" …الذي يتمعن في حركة مصطفى كمال يرى
العجب في المدى الذي وصل إليه في تقليد الغرب: غيّر الأحرف التركية إلى
الأحرف اللاتينية.. غير القيافة إلى القيافة الغربية.. غير حتى الأعياد
الدينية، وجعل يوم الأحد هو يوم العطلة الرسمية بدلاً من يوم الجمعة، ومنع
الحج.. وأباح تزويج المسلمة لغير مسلم.. "

ورغم أنا بنؤكد على بقاء المادة دي .. بس عارفين ومتأكدين بفضل الله أن الخير في أمة محمد لا ينتهي
وأن أي إنسان مسلم أبيّ غيور هيرفض الغاء المادة دي حتى لو كان إيمانه ضعيف

انظروا لقول الله تعالى:
(... وَجَعَلَ كَلِمَةَ الَّذِينَ كَفَرُوا۟ السُّفۡلَى وَكَلِمَةُ اللّهِ هِىَ الۡعُلۡيَا وَاللّهُ عَزِيزٌ حَكِيمٌ )
التوبة: 40

إعلاء كلمة الله بتطبيق شريعته في الأرض
ربنا لم ينزل لنا الشرائع والأحكام اللي تصلح دنيانا و
آخرتنا وتضمن العدل والمساواة في الحقوق و ردع الظالم عن ظلمه.. عشان
نستبدلها بقوانين ودساتير لازم يشوبها ظلم وتيجي على حساب حد لصالح حد
ولازم هيكون فيها خطأ بدليل أنه مع مرور السنين بتطلع مطالبات تاني
بتغييرها!!!

طيب ايه اللي عامل قلق عند كتير من الناس حتى المسلمين منهم من أن تكون الدولة دينية إسلامية مش مدنية ؟؟

اللي عاملهم قلق أنهم خايفين وبيقيسوا شكل الدولة الدينية على شكل:

* دولة البابا في أوروبا
(الدولة اللي بيحكمها البابا وكأنه متحدث عن السماء وكلنا
عارفين ازاي أن النصارى بيتخذوا رهبانهم وقساوستهم أربابا من دون الله ..
يعني مفيش نقاش ولا كلام يعلو فوق كلام البابا

خايفين أنه لما يكون القانون قرآن وسنة يبقى مش هينفع يتناقش ولا يتنقد وبكده شايفين انه صعب الحوار او الاختلاف عليه

يعني بيقول لما تقول لي ان ربنا بيقول كذا مش هقدر اخالفك !

لان لو في حكم بالشريعة مش هيكون فيه وطني ومعارضة مش هيكون في معارضة اصلاً !

بس طبعاً ده غلط لان في فرق بين
القوانين الشرعية ووضع قوانين ينفع تتنقد زي قوانين المرور والمعاشات ..
إلخ من الحاجات الي سمح لنا الشرع فيها بالاجتهاد

لكن الحاجات اللي مفيهاش اختلاف زي أحكام الحدود والمواريث وأحكام الطلاق دي مفيهاش خلاف )

-----------------

* دولة الملالي في إيران (ولاية الفقيه)
(الدولة اللي مرجعيتها الملا أو آية الله كما يسمونها أو المرشد العام .. والشيعة بيعتقدوا في عصمة الأئمة.. يعني الإمام عندهم ده شخص لا يخطئ و لا يرد على قوله حتى لو بيقول تخاريف )

بس نحب نطمنهم أن:
الدولة الإسلامية تختلف تمام الاختلاف عن الدولة الدينية حسب الفهم الغربي للدولة الدينية

والدولة المدنية تختلف تمام الاختلاف عن الدولة الإسلامية

فالدولة المدنية تقوم على العالمانية والديمقراطية وكلاهما لا يتفق مع الإسلام

والسبب في هذا الاختلاف أن ديننا مختلف عن النموذجين اللي ذكرتهم
ديننا لا يعتقد بأن هناك متحدثا باسم السماء زي البابا

ولا يرى بعصمة رجال الدين زي الشيعة اللي بيعتقدوا في عصمة
الأئمة وبيرفعوا قدرهم على قدر الأنبياء و بيعتقدوا أن لهم قدرات إلهية
خارقة في الكون

(الكلام السابق مستفاد من نقاش قرأته على أحد المنتديات)

الخلاصة:
أن الدولة الدينية أو الإسلامية هي الدولة مرجعيتها هي الدين الإسلامي وفقط

بتطبق أحكام الدين في دساتيرها و قوانينها
في المواريث و أحكام الطلاق و غيرها

ده غير أن تطبيق الشريعة الاسلامية أصلا ككل في حد ذاته هو الخير للأمة
وأنجح نموذج ممكن نستدل به
دولة النبي صلى الله عليه وسلم
وخلافة الصحابة رضي الله عنهم من بعده

هل كان عندهم أساتذة قانون ولا دستور ؟؟

هي القوانين الإلهية بس اللي كانت بتحكمهم
ولذلك كانت العزة والوحدة في زمانهم
مكنش في تفرق ولا ظلم ولا الكلاكيع الاجتماعية اللي عايشنها دلوقتي

أما الدولة المدنية فعكس كده خالص!
بتقدم القوانين الوضعية (اللي وضعها البشر) على القوانين الإلهية
مش فارقة معاهم تتفق مع أحكام الدين الإسلامي ولا لا

لأن -في نظرهم- الدستور والقانون يكفل الحرية للجميع ومفيش مانع (دستوري) يمنع كده
ده طبعا لما يلغوا المادة!

**ملحوظة:
في مصر .. رغم أن في كتير من مواد الدستور هي أصلا قوانين وضعية لكن على الأقل عملوا لها عملية "أسلمة" = تتوافق مع الاسلام
لكن الغاءها بالكامل نذير شر لأننا هنكون كمن استبدل الذي هو أدني بالذي هو خير

السؤال المهم..
ايه دورك دلوقتي تجاه المادة دي ؟؟

نعم احنا عايزين نعيش بقى في استقرار ونجنى ثمار الثورة

بس مش عايزين ننسى ديننا

مانكونش زي اللي وفر لبيته وعياله الأكل والشرب
لكن نسي يغطي سقف بيته
فعمره ما هيعيش في أمان !

دورك:
* أنك تعرف كل اللي حواليك خطورة الغاء المادة دي

* أصلح نفسك كي يصلح الله لنا أحوالنا

* أكثر من الدعاء أن يولّي الله علينا خيارنا ولا يولّي علينا شرارنا ولا يكلنا لأنفسنا طرفة عين

طب لو حدث أن المادة دي صدر قرار بإلغاءها أو التعديل فيها بصورة شبه تلغيها؟؟

يبقى ساعتها
على جـ ــثـ ـتـ ـكـــ !

خروجك ساعتها هيبقى في سبيل الله
لأجل اعلاء كلمة الله!

( يَآأَيُّهَا
الَّذِينَ آمَنُوا۟ مَا لَكُمۡ إِذَا قِيلَ لَكُمُ انفِرُوا۟ فِى سَبِيلِ
اللّهِ اثَّاقَلۡتُمۡ إِلَى الأَرۡضِ أَرَضِيتُم بِالۡحَيَاةِ الدُّنۡيَا
مِنَ الآخِرَةِ فَمَا مَتَاعُ الۡحَيَاةِ الدُّنۡيَا فِى الآخِرَةِ إِلاَّ
قَلِيلٌ * إِلاَّ تَنفِرُوا۟ يُعَذِّبۡكُمۡ
عَذَابًا أَلِيمًا وَيَسۡتَبۡدِلۡ قَوۡمًا غَيۡرَكُمۡ وَلاَ تَضُرُّوهُ
شَيۡئًا وَاللّهُ عَلَىٰ كُلِّ شَىۡءٍ قَدِيرٌ* )

التوبة: 38-39

اللهم احفظ مصر بلدًا أمنًا أمانًا
وأبرم لها أمر رشد يعز فيه أهل طاعتك ويذل فيه أهل معصيتك وكل من أراد بالإسلام سوءًا

الموضوع : هتفرق ايه تغير المادة التانية من الدستور رغم انها غير مفعلة ؟ المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

عضو جديد عدد المساهمات : 42

كلام جميل والأهم اننا نطبقة عملي ونفعل المادة بجد في حيتنا

الموضوع : هتفرق ايه تغير المادة التانية من الدستور رغم انها غير مفعلة ؟ المصدر : مسجد الهدي المحمدي الكاتب: muslimah.lelah
توقيع العضو/ه :muslimah.lelah

عضو جديد عدد المساهمات : 1

موضوووووووووووووع رائع بس هم تلاقيهم خايفين من الشريعه الاسلاميه ديه عشان خايف لحسن يحرموا على البنات تخرج باللبس اللى احنا بنشوفه ده او تلغى السينمات اللى ملياه البلد والى تخلى غضب ربنا يحل على البلد وغير كده طبعا لو الشريعه الاسلاميه طبقت فى جميع الامور اكيد الخمور هتتحرم ويعنى مش هنعرف نخلى السياح يستمتعوا بالقعده وحاجات كتيره من البلاوى اللى ملياه البلد فطبعا لازم يقولوك عايزين دوله مدنيه ونفصل الدين عن الدوله عشان كل واحد يكون عنده حريه شخصيه ويقدر يمارس اللى هو عايزه من غير ما يحكمه دين بجد استغفر الله العظيم بنسمع كلام عجيب والغريب انه بيتقال من مسلمين ربنا يرحمنا يا رب هتفرق ايه تغير المادة التانية من الدستور رغم انها غير مفعلة ؟ 880447

هتفرق ايه تغير المادة التانية من الدستور رغم انها غير مفعلة ؟ 880447

الموضوع : هتفرق ايه تغير المادة التانية من الدستور رغم انها غير مفعلة ؟ المصدر : مسجد الهدي المحمدي الكاتب: Menna
توقيع العضو/ه :Menna

10/08/2009

ربنا يهدي الجميع لو الشريعه الاسلامية طبقت لعشنا أحلى حياة

هتفرق ايه تغير المادة التانية من الدستور رغم انها غير مفعلة ؟ 760669

الموضوع : هتفرق ايه تغير المادة التانية من الدستور رغم انها غير مفعلة ؟ المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

هتفرق ايه تغير المادة التانية من الدستور رغم انها غير مفعلة ؟

هتفرق ايه تغير المادة التانية من الدستور رغم انها غير مفعلة ؟

مواضيع مماثلة

مواضيع مماثلة