أمة اللهعضو جديد
تاريخ التسجيل : 28/10/2010
 |  موضوع: وقفة راجل بجد  الثلاثاء 27 سبتمبر 2011, 5:46 am | |
| السلام عليكم ورحمة الله
ازيكم يا اخوة ويا اخوات عاملين ايه ان شاء الله كلكم تمام
ممكن سؤال بسيط كده على الماشى
ايه اخبار الحته الفى الجنب الشمال عامله ايه معاك تعباك ولا مريحاك؟
هاحلكم موقف بسال واحد مره نفس السؤال ده
فقالى ياعنى ايه؟
قلت له قلبك عامل ايه ايه اخبار؟
قالى شغال
قلت له متاكد
قالى اه والله شغال امال انا بكلمك ازاى ؟
قلت له بالله عليك شغال كويس ؟
قالى اه
وبعدين سكت كده وقالى اه فهمتك لا مش شغال
بااااااااااااااااايظ
طب بالله عليكم يا شباب قلبكم عامل ايه شغال ولا بايظ ولا بيركن منك
لا بجد ما تكسفش وما تضحكش على نفسك هل فعلا قلبك شغال ولا محتاج صيانه
طب لو شغال ايه هو مقياس الشغل عندك انه بينبض انه بيحب انه بيحس
ولا ليك مقياس تانى
طب لو قلت لك ممكن تاخد المقياس ده وتقيسه بيه وتشوف ايه اخباره
مقياس حب الله والاستمتاع بطاعته
هتكون ايه النتيجه
هل انت فعلا بتحب ربنا بجد هل انت بتستمتع بالصلاه وبالقران ؟؟
فاكر رمضان ؟ فاكر انت كنت عامل ايه فى رمضان ؟ طب لو انت كنت من اللاعتكفوا العشر الاواخر فاكرهم كويس فاكر ايه العهد الانت اخدته مع ربنا؟
طب بالله عليك ما نفسكش ترجع زى ايام رمضان وتجرب تانى الايمانيات
طب بالله عليك ما زهقتش ونفسك تغير
ياريت يا شباب بعد الكلام ده نفكر بس مع نفسنا دقيقه ونشوف احنا نفسنا نكون ازاى؟ ونغير وضعنا ازاى؟
هاحكلكم موقف وبعدين ايه حكاية المواقف معاك ارغى ياعم ارغى
فى اخ عمل فرح اسلامى بس بجد كان فرح اسلامى جميل فبيسئلوه انت عملت الفرح ليه كده؟
قال لهم ان اتخيلت انى عملت دعوه وبعتها للرسول صلى الله عليه وسلم وانه واقف يجى الفرح فقلت لازم اعمل اللحاجه اللرسول لو شافها تعجبه والحاجه المتعجبوش مش هاعملها عشان كده الفرح طلع زى ما انتم شايفين
طب ايه الفايده من الحكايه دى الفايده انه بجد حاول تتخيل ان الرسول شايفك وانه ممكن يقابلك هل حالك هيرضيه ؟ هل لما هتشوفوا هتكسف منه ولا هتجرى عليه؟
ياريت نقف مع نفسنا وقفه بجد وقفة رجاله فعلا
الكلام ده برضه للاخوات
يارب يكون الرساله وصلت وما يكونش الكلام تقيل عليكم
انا اسفه لو كنت طولت عليكم
 الموضوع : وقفة راجل بجد المصدر : مسجد الهدي المحمدي الكاتب: أمة الله |
|
أحلى حياةمدير عام المنتدى
تاريخ التسجيل : 10/08/2009
| | موضوع: رد: وقفة راجل بجد الثلاثاء 27 سبتمبر 2011, 11:28 pm | |
| جزاكي الله الفردوس الاعلى
القلب محتاج صيانه اللهم طهر قلوبنا
ونفسي ارجع لرمضان
جعله الله في ميزان حسناتك الموضوع : وقفة راجل بجد المصدر : مسجد الهدي المحمدي الكاتب: أحلى حياة |
|
توفيقمشرف
تاريخ التسجيل : 22/07/2011
| | موضوع: رد: وقفة راجل بجد الأربعاء 28 سبتمبر 2011, 2:56 pm | |
| جزااااااكي الله الجنة
وبجد قلبي محتاج صيلنة
ادعولي بالله عليكم الموضوع : وقفة راجل بجد المصدر : مسجد الهدي المحمدي الكاتب: توفيق |
|
أحلى حياةمدير عام المنتدى
تاريخ التسجيل : 10/08/2009
| | موضوع: رد: وقفة راجل بجد الأربعاء 28 سبتمبر 2011, 8:24 pm | |
| طهر الله قلبك وقلوبنا
واصلح الله قلبك وقلوبنا
اللهم أمين الموضوع : وقفة راجل بجد المصدر : مسجد الهدي المحمدي الكاتب: أحلى حياة |
|
أمة اللهعضو جديد
تاريخ التسجيل : 28/10/2010
| | موضوع: رد: وقفة راجل بجد الأربعاء 28 سبتمبر 2011, 9:25 pm | |
| اللهم امين يارب العالمين
بارك الله فيكم اخواني وجزاكم الله خير الجزاء
|
|
توفيقمشرف
تاريخ التسجيل : 22/07/2011
| |
