القلوب لا تدخل المايكروويف !!!

عضو جديد عدد المساهمات : 2238

القلوب

لا تدخل المايكرو ويف !!!

في عصر السرعة الشديدة الذي نعيشه
كل شىء أصبح سريع وربما أسرع مما ينبغي !

كل حاجة بتتم بسرعة ..
ممكن تكلم مئات في يوم واحد على النت ..
ممكن تتواصل مع أكثر من فرد فى نفس الوقت ..
المعلومة بتاعة النهاردة بعد أسبوع بتبقى قديمة ..
وإختراع النهاردة السنة الجاية بيبقى راحت عليه ..

كل شىء سريع ..
وللأسف انعكس ذلك علينا فأصبح صبرنا قليل !

صعب تلاقي حد يسمع محاضرة طويلة أو يقرأ كتاب كبير .

الملل
سمة من سمات الحياة !

كل ده واقع بنعيشه ومش هنعلق عليه

لكن

غلط إننا نتعامل مع قلوبنا بنفس المنطق !

كثير يظن إنه لما يرجع لربنا ويتوب

قلبه سيتغير فورا بشكل كامل !

فالغضب يصبح حلم ..

والشهوة تصبح تقوى ..

والشر يصبح خيرا ..

نعم القلوب تتغير

ولكنها لا تدخل المايكروويف !!

وبرغم عصر السرعة
لسة المزارع بيزرع وينتظر أحيانا الثمار لمدة سنين .

لسة الطفل عشان ياخد دكتوراه بيحتاج سنين طويلة
إبتدائي وإعدادي وثانوي وسنين كلية وماجستير وبعدين يوصل للدكتوراه

فليه مستكثر إن قلبك ياخد وقت عشان يوصل لقلب سليم ؟؟؟

حتى لو الوقت ده يساوى عمرك
ياريت في الأخر نروح نقابل ربنا بقلب سليم

( يوم لا ينفع مال ولا بنون * إلا من أتى الله بقلب سليم )

ربنا قادر يغير قلوبنا في لحظة

ده صحيح ..

* لكن فين المجاهدة ؟؟

* فين الإختبار الي لو نجحنا فيه هنروح الجنة ؟؟

*فين المعاناة الي هيكون ثوابها الراحة ؟

(( الم * أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ * وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ))

في ناس بمجرد ما تبدأ فنفسها تشدها لورا تسيب الطريق
وتقول أنا خلاص منفعش !

مع إن المجاهدة دي والتعب ده والصراع ده
هو المطلوب ..
هو ده الى هتاخد عليه ثواب ..
هو ده الهدف من وجودك ..

إنك تطيع ربنا
رغم الدنيا الي بتشدك !
ورغم نفسك الآمارة بالسوء !
ورغم الناس الي بتحاول تصدك !
ورغم الشيطان الي بيوسوس لك !

وفي كل الفتن دي تكون واقف على بابه
تقوله لا تتركني لنفسي ولا للدنيا

فقط المطلوب منك تتعب شوية عشان توصل للجنة
أما النتيجة فربنا تكفل بها

( وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ)

فمينفعش نزهق من مجاهدة نفسنا ونقول مفيش فايدة !
لإن التعب ده هو طريقنا للجنة

ربنا ينجينا من الفتن ما ظهر منها وما بطن
ويرزقنا جميعا الجنة

اللهم آمين

الموضوع : القلوب لا تدخل المايكروويف !!! المصدر : مسجد الهدي المحمدي الكاتب: أمة الله
توقيع العضو/ه :أمة الله

10/08/2009

جزاكم الله كل خير

الموضوع متكرر

من هنا

الموضوع : القلوب لا تدخل المايكروويف !!! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

القلوب لا تدخل المايكروويف !!!

القلوب لا تدخل المايكروويف !!!

مواضيع مماثلة

مواضيع مماثلة