أحلى حياةمدير عام المنتدى
تاريخ التسجيل : 10/08/2009
 |  موضوع: أنا بحب اعاكس البنات  الثلاثاء 10 يناير 2012, 9:58 pm | |
| معاكسة الشباب للبنات والمهزلة اللى بتحصل فى كل حته
سؤال للشباب انت بتستفاد حاجة لما بتبص لديه وديه وديه وتقول ديه حلوة وديه وحشة وديه امورة وديه جامدة والكلام ده
ياترى انت بتستفاد حاجة غير انك بترضى شهوة حقيرة عندك انا اسفيعنى بس معلش استحملنى شوية
طيب انت دلوقتى هتقولى البنات هى اللى بتلبس مش محترم وهى اللى بتشدنى
طبعاً هرد عليك اقولك ماهو انت لو بتغض بصرك مكنتش اتفتنت بالبنات اللى
بتلبس ضيق والكلام الفاضى ده
وبعدين انت طبعاً دلوقتى هتقفل الموضوع وتقول ده واحد متعصب ومتشدد ومتخلف كمان هقولك اسمعنى للاخر
طيب انت دلوقتى هتقولى انت بتقول ايه معقول انا هغض بصرى لا مش معقول انا شاب وعايز اعيش زى كل الشباب
ماشى عيش براحتك بس هى حياتك متوقفة على معاكسة البنات لا والله ابداً
وبعدين البنت اللى انت بتعاكسها ديه اعتبرها اختك مراتك امك بنت خالك بنت
عمك اى واحدة من قرايبك ياترى ترضى صاحبك يعاكس اختك طبعاً هتقولى لا
هقولك اللى انت بتعمله فى بنات الناس هيتعمل فى اختك فى امك فى مرتك خاف
عليهم مش خايف عليهم ياعم سيبك من كل ده خاف من ربنا ايه خلاص مبتخفش من
ربنا
اكيد انت بتعاكس مرات واحد تانى اكيد مراتك بتتعاكس لو ترضى مراتك تتعاكس عاكس انت براحتك وساعاتها احب اقولك للاسف انت مش راجل
معلش بقى متزعلش منى هعمل ايه غير كده
استنى متقفلش الموضوع كمل بس شكلك كده اتضيقت طب كمل يمكن تفكر فى الموضوع
طب ربنا قال تغض بصرك هتقولى مينفعش هقولك ليه هتقولى اصل انا فى كلية والبنات هى اللى بتعاكسنى ههههه
ماشى اسمعنى بقى
قال تعالي : ( قُل
لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ
ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ{30} وَقُل
لِّلْمُؤْمِنَاتِ يَغْضُضْنَ مِنْ أَبْصَارِهِنَّ ... الآية ) .
ها ايه رايك لسه برده مش هتغض بصرك
طيب انت تعرف بقى ان عينك مجرد انها وقعت على حاجة حرام وانت مغضتش بصرك تبقى انت زنيت تعرف كده ولا لأ
الحكاية كده بقت خطيرة اووووى انا مش ممكن ازنى طيب يبقى تغض بصرك احسن
وهتقولى طيب ما أنا ممكن غصب عنى عينى تيجى على بنت متبرجة وغصب عنك هقولك
الدين يسر مش عسر يعنى انت محلل ليك اول نظرة بس بقى متخدهاش لعبة وتبص
تانى احنا قولنالك اهو اول مرة مش حرام عشان غصب عنك
ها بدات تقتنع ولا لسه ياعم
طيب هو انا اقتنعت بس برده مش هغض بصرى
طب ليه
عشان مش قادر مش ممكن
طيب اقولك فوائد غض البصر يمكن تقتنع خالص
1. إن غض البصر امتثال لأمر الله .
2. إن غض البصر يورِث القلب نوراً وإشراقا يظهر فى العين والوجه .
3. إن غض البصر يورث القلب سروراً وفرحة وانشراحاً أعظم من اللذة والسرور الحاصل بالنظر
4. إن غض البصر تخليص القلب من ألم الحسرة .
5. إن غض البصر يعمل على تخليص القلب من سُكر الشهوة .
6. إن غض البصر يورث صحة الفراسة .
7. إن غض البصر يفتح طرق العلم وأبوابه ويسهل عليه أسبابه .
8. إن غض البصر يجعل القلب مشغولاً بما يصلحه معرضاً عما يفسده .
9. إن غض البصر يسد على الشيطان مدخله إلى القلب .
10. إن غض البصر يمنع وصول أثر السهم المسموم الذي يكون فيه هلاك القلب.
دعواتكم بالزوجة الصالحة المصلحة
ولكل الاخوات بالزوج الصالح المصلح
يلا
 الموضوع : أنا بحب اعاكس البنات المصدر : مسجد الهدي المحمدي الكاتب: أحلى حياة |
|
ayaنائب المدير
تاريخ التسجيل : 26/08/2010
| | موضوع: رد: أنا بحب اعاكس البنات الخميس 19 يناير 2012, 6:52 pm | |
| اللهم ارزق بنات المسلمين بالازواج الصالحيم وارزق شباب المسلين بالزوجات الصالحات
وياريت بيتجى على معاكسة البنات المتبرجات او الى لبسهم مش كويس لكن للاسف دقوقتى بقت معاكسة حتى المحتركات وكمان الى اسوا لابسين نقاب
هقول اية غير الى بيعمل كدة دة حسبى الله ونعم الوكيل فية
وربنا يهدى شباب المسلمين وبنات المسلمين اجمعين الموضوع : أنا بحب اعاكس البنات المصدر : مسجد الهدي المحمدي الكاتب: aya |
|
م ىعضو جديد
تاريخ التسجيل : 05/02/2012
| |
