[center]االسلام عليكم ورحمة الله وبركاته

إخوتى فى الله حياكم الله وأسعد أيامكم بكل خير وكل طاعة تقربنا جميعا إليه آمين .

وبعد ياكرام

ياترى بتحب تقرأ إيه أكتر، الموضوعات المكتوبة بالفصحى ولا العامية ؟؟؟
وليه ؟؟

وكمان على هامش السؤال فى جزء تانى مهم جدا للنقاش ومحاتجة رأى حضراتكم بجد فيه وهو

تفتكروا من وجهة نظر حضراتكم مين الأفضل والأنسب للشباب

إننا نقدم الموضوعات لشبابنا مكتوبة بالفصحى ، من باب إنها أجمل اللغات وأثراها ولغتنا الأم اللى المفروض إننا نحييها ، وكمان فوق ده كله هى اللغة الوحيدة اللى ربنا إختارها للقرآن الكريم خاتم الرسالات السماوية ويكفى لها ولنا هذا الشرف ؟؟؟؟

ولا

إننا نقدم لهم الموضوعات مكتوبة بالعامية ، يعنى من باب التواصل معاهم بشكل أكبر ، خاصة إنه دلوقتى فى كتير من شباب " خربان خالص " فى الفصحى وهى كمان أصبحت مغربة فى عصرنا الحالى " عصر العولمة والإنجليزي والنت وخلافه " وكمان لأنها تقريبا قريبة من مصطلحاتهم الغريبة اللى شغالين بيها فى الكلام دلوقت .

وكمان لأنها سهلة وأحيانا بتكون أنسب فى بعض الموضوعات " زى الساخر مثلا ولو إنه والله فى كتابات ساخرة بالفصحى بجد مضحكة جدا جدا "

بصراحة الموضوع محتاج لتفكير مش كده ؟؟

على أى حال رأى حضراتكم بجد يهمنى جدا ، ومنتظراه ، ولو تسمحوا كمان تقييم الموضوع وجزاكم الله كل خير .

دمتم فى رعاية الله وحفظه