أمة اللهعضو جديد
تاريخ التسجيل : 28/10/2010
 |  موضوع: ليه بقينا كده  الخميس 23 يونيو 2011, 8:36 pm | |
| بسم الله الرحمن الرحيم
بعد صمت طويل وبعد فترة غياب لادرى لماذا كل هذا الغياب ولكنى كنت احس انى امر بفترة او بمرحله اكتئاب شديد لما يحدث حولنا اصبحنا نعيش فى مجتمع لا امان فيه وفى دنيا غريبة هل فعلا ما نعيشه الان هو من علامات الساعة موت شباب كتير كثرة الحوادث عدم اهتمام بعضنا ببعض حتى الولد معتش بيهتم بامه بالعكس ياريت تيجى على اد الاهمال وبس لكن على اد الضرب وممكن توصل على اد الطرد من البيت ليه بقينا كده
ليه اصبح كل واحد بيهتم بنفسه ومش عنده استعداد انه يسمع الناس حتى كثرت الامراض الى حتى مش ليها علاج وحتى الدكتور نفسه مش عارف عنها حاجة يفضل المريض يتالم يتالم حتى لما يموت هو ولا اهله عارفين عنده ايه مش عارفين يعملوا غير حاجة واحده وهو الدعاء له بالرحمة وربنا احن من الكل على عباده اللهم اشفى مرضانا ومرضى المسلملمين
تعرفوا يا اخواتى ساعات بسال نفسى فى ناس بتيجى الدنيا دى وقبل ما بتتولد بتموت وناس تعيش عمر صغير وناس تعيش عمر كبير له فى خلقه شئون لكن ساعات بسال نفسى ايه الى بيحصل بعد الموت تعرفوا بحس يخوف وخوف شديد اوى
تعرفوا زمان لما كنت بقول عن الموت مكنتش بخاف بس دلوقتى بخاف وبخاف اوى حتى من فكرة انى هموت اصلا كلامى غريب بس انا مش خرجت عن الموضوع بس فعلا احنا اصبحنا عايشين فى مجتمع غريب وغريب جدا حتى اصبحت اخاف من المستقبل نفسه
طبعا كلكم وخاصة اهل مصر سمعوا عن حادثة موت الشيخ وزوجته وهما فى شقتهم تعرفوا الواحد لما سمع عنها زعلت اوى حسيت ان معتش تعطى لاى حد الامان هذا الشيخ الى اعطا الامان لهذا الرجل وهو بيحفظ قرآن يعنى بيعمل حاجة لوجه الله مش يستاهل هذا الجزاء وحتى هذه الزوجة الى عاشت طول عمرها محترمة ومنتقبه محدش شفها خالص تيجى لما تموت تموت عاريه بعد ما تم اغتصبها تفتكروا بقا ليه بقينا كده
ليه مع كترة العلماء وكثرة التفقه فى الدين يحصل كثرة الاغتصابات وكثرة السرقة والنهب حتى اصبح الوقتى الواحد يخاف انه يقعد اخ مع اخته وحتى وصلت بالاب وبتنه شفتم ايه الى حصلنا ان اب يغتصب بنته وهى فى سن صغير حتى قبل البلوغ وممكن توصل هذا الاغتصاب ان حتى البنت تموت طيب ليه ليه بقينا كده ليه وصلنا لهذه الدرجة
زمن غريب وعالم غريب مع كثرة التكنولوجيا وكثرة التفتح نسينا دينا ونسينا كلام حبيبنا الرسول عليه الصلاه والسلام
تعرفوا يا اخواتى انا نفسى اعيش فى عالم جميل ونظيف مش يكون فى كلام كتير وكلام متناقض لبعض مش تعرفوا ايه الصح وايه الغلط
حتى علماء الازهر فيهم تناقض حد يصدق انهم يقولوا ان النقاب مش فرض عارفين انه مش فرض بس اقتداء للسنه فالمفروض انهم يقولوا كده والى عاوز يلبسه يلبسه مش يمنعوه وفى نفس الوقت المتبرجات والمكياج مش يتمنع انا عاوزة ضميركم نصدقهم دول فى ايه
انا اسفة ان كنت طولت عليكم بس انا كنت حاسة انى عندى حاله من الكبت والخوف من الموت ومن الى احنا فيه
اعذرونى لو كنت طولت بس نفسى اسمع رايكم فى الى انا بقوله
وسلام الله عليكم ورحمته وبركاته
 الموضوع : ليه بقينا كده المصدر : مسجد الهدي المحمدي الكاتب: أمة الله |
|
أحلى حياةمدير عام المنتدى
تاريخ التسجيل : 10/08/2009
| | موضوع: رد: ليه بقينا كده الخميس 23 يونيو 2011, 11:01 pm | |
|
جزاكي الله كل خير
كلامك مؤثر ومجرح في نفس الوقت
صحيح احنا ليه كدا
مع وجود القنوات الدينيه والحمد لله بكثره شديده
وكمان خلاص العلماء بيجوا لحد البيت والمسجد الي جنبنا ومفيش حد عايز يحضر بعد ما كنا بنشفهم في القنوات ونقول يااااااااااااه الوحد نفسه يشوفه ويسمع منه كدا على الطول وش لوش
بصراحه مش عارف اقول ايه ولكن الله المستعان
يااااارب اهدنا
ياااااااارب اصلح لنا حياتنا واخرتنا
يااااااارب
الموضوع : ليه بقينا كده المصدر : مسجد الهدي المحمدي الكاتب: أحلى حياة |
|
أمة اللهعضو جديد
تاريخ التسجيل : 28/10/2010
| | موضوع: رد: ليه بقينا كده الجمعة 24 يونيو 2011, 11:16 am | |
| ربنا يهدينا ويهدي الناس
جزاك الله خيرا للمرور وللمتابعه
|
|
أحلى حياةمدير عام المنتدى
تاريخ التسجيل : 10/08/2009
| | موضوع: رد: ليه بقينا كده الجمعة 24 يونيو 2011, 11:24 am | |
|
اللهم أمين
جزانا واياك خير الجزاء
ربنا يتقبل منا ومنكم
الموضوع : ليه بقينا كده المصدر : مسجد الهدي المحمدي الكاتب: أحلى حياة |
|
أمة اللهعضو جديد
تاريخ التسجيل : 28/10/2010
| |
