اقطع عرق .. وسيح دم >>!!

عضو جديد عدد المساهمات : 2238

خايف ؟؟؟

قلقان ؟؟

متردد ؟؟

لسه مش عرف تاخد القرار ؟؟؟

؟؟؟؟؟؟؟؟؟؟؟؟؟؟

أكيد ناس كتير مننا مرت او بتمر بنفس الاحاسيس دي في قرار التوبة ..

وده مش لأن التوبة صعبة والموضوع معقد والعملية كبيرة أوي..لأ ..

بالعكس ..التوبة أسهل ما يكون ..

هتقوم تصلي ركعتين وتستغفر ربنا من ذنوبك وانت علي يقين كامل ان ربنا هيقبلك حتى لو معاك ذنوب قد الارض والسما..

بس أنا مش بتكلم عن التوبة وخلاص..

أنا بتكلم عن التوبة النصوح ..
عن التوبة اللي ربنا يرضى بيها عنا ..

عن التوبة اللي نقطع بيها كل صلتنا بالمعاصي اللي كنا بنعملها..

لأن ناس كتير مننا بتتوب من ذنوب كتير هي بتعملها..

بس للأسف سايبة وراها شوية خيوط ممكن تشدها وترجعها تاني للمعصية في أي وقت ..

وعلشان تقطع الخيوط دي .. لازم تاخد القرار..اللي نقدر نقول عليه هنا إنه فعلاً ( القرار الشجاع )

الموضوع مش محتاج تردد ..!!

انت متردد له ؟؟؟

خايف ليه ؟؟

إوعى تكون لسه عندك ولو ذرة اعتقاد انك هتلاقي سعادة في طريق المعصية ؟؟؟

سوري في اللفظ تبقى ( مغفل كبير أوي ) والشيطان واكل على قفاك عيش ..

ده انت بنفسك بقالك كام سنة ماشي في الطريق ده وجربت كتير وبرده مش سعيد ..

ليه لسه مصر إنك تكمل فيه ؟؟؟

اقطع عرق وسيح دم ...

واجه خوفك .. واقتل كل ذرة يأس ممكن تقابلك في الطريق ..

اوعى تسمع لكلام اي حد من شياطين الانس اللي هيقولولك انك مش هتنفع ..

انت مسلم ..والمسلم عنده ارادة تهد جبال ..بس ده في حالة لو كان عنده هدف ..!

وانت أكيد عندك هدف انك تعيش وربنا راضي عنك ..

علشان كده لازم تقطع عرق وتسيح دم ..

لازم تاخد قرار بقى ..

كفاية تردد ..

لحد امتى هتفضل كده ؟؟؟

لحد امتى هتفضل تايه ؟؟؟

لحد امتى هتفضل سايب باب مفتوح بينك وبين المعصية ؟؟؟

يا حبيب قلبي لازم تقفل كل الابواب ..

إنت متضمنش نفسك ..

في لحظة ممكن تنتكس وتضيع تعب سنين فاتت جاهدت فيها علشان تصلح نفسك ..

شباب كتير وبنات ربنا اكرمهم بفضله وعرفوا ان العلاقة بين الولد والبنت في الجامعه وعلى الشات والموبايل حرام

وبفضل الله سابوا بعض ومش يتاقبلوا ولا يكلموا بعض لانهم عايزين يرضوا ربنا ..

طيب ليه بقى لسه الايميل بتاعها عندك ومحذفتوش ؟؟؟

وإنتي يا اختي ليه لسه رقم موبايله عندك ومتحذفتيهوش ؟؟

ليه يا أخي لسه الرسايل بتاعتها عندك على الموبايل وكل شوية تقعد تفتتحها وتقلب عليك المواجع ؟؟؟

ليه يا اختي لسه الوردة اللي كان جايبهالك في الفلانتين محتفظه بيها عندك في الأجندة ؟؟؟

ليه يا اخي لسه لهدية اللي كانت جايبهالك في يوم ميلادك حاططها على المكتب عندك وكل شوية تبصلها وترجع الذكريات ؟؟؟

ليييييييييه يا جماعه ؟؟

مش احنا خلاص بعدنا وقولنا كله علشانك يارب ..مش هنعصيك ولا هنغضبك تاني يارب..

ليه سايب كل الحاجات دي اللي ممكن ترجعك تاني في اي لحظة ؟؟

اقطع عرق وسيح دم

اقطع كل صلة بينك وبين المعصية ..

قفل كل طريق ممكن الشيطان يدخلك فيه ويرجعك من تاني ..

ليه يا اختى بعد ما ربنا انعم عليكي وعرفتي شروط الحجاب الصح ..والحمد لله غيرتي لبسك

وبقيتي تلبسي اسدال وعببايات واسعه ..

ليه لسه محتفظة بلبسك القديم في الدولاب ؟؟

وقبل ما تتنزلي كل يوم بتبصي وتفتكري أيام ما كنتي بنت استايل اخر حاجة بتجنني اي شاب يبصلك ؟؟

ليه لسه محتفظة بصورك القديمة باللبس اللي ميرضيش ربنا ؟؟

ليه تقلبي المواجع ؟؟

اقطعي عرق وسيحي دم

اقطعي كل صلة بينك وبين المعصية علشان مترجعيش ليها تاني ..

ليه يا اخي بعد ما ربنا تاب عليك وبطلت تدخل على المواقع القذرة اياها ..ليه لسه محطيتش برنامج مانع للمواقع دي على الجهاز ؟؟؟

ليه تعرض نفسك للفتنه ؟؟؟

انت مش ضامن نفسك ..في ثانية واحدة وفي لحظة ضعف ممكن ترجع تاني وترجع تقول ياريتني ..[/size]

اقطع عرق وسيح دم

اقطع كل صلة بينك وبين المعصية ..

اقفل كل باب مفتوح وكل طريق ممكن يرجعك ليها تاني ..

يلا يا شباب ويا بنات ياللي عايزين ترضوا ربنا ..

ياللي عايزين تعيشوا أحلى حياة بجد ..

ياللا نقطع عرق ونسيح دم وناخد القرار الشجاع ..

القرار الوحيد اللي أقسم بالله عمرك ما هتندم عليه ابدا

القرار اللي هيرجع الحياة لقلبك من جديد ..

أنا عارف ان بعض القرارات ممكن تكون مؤلمة بالنسبة لناس كتير ..

بس صدقوني.. ده ألم مؤقت .. وبعدها هتلاقي السعادة وراحة البال..

ساعات كتير الدكترة بيلجأوا لقطع جزء معين من الجسم لو انتشر فيه المرض علشان مينتشرش في باقى الجسم ..

قرار صعب ومؤلم .. بس لازم علشان إنقاذ حياة المريض..

ياللا اتشجع وخد القرار وانقذ قلبك ما يفوت الاوان ..

الموضوع : اقطع عرق .. وسيح دم >>!! المصدر : مسجد الهدي المحمدي الكاتب: أمة الله
توقيع العضو/ه :أمة الله

المراقب العام عدد المساهمات : 2681

رجاء ضبط الموضوع قبل ارساله

مش عارف اقراء الموضوع

اضغطتى معاينة وانظرى شكله قبل الارسال

بارك الله فيكى

الموضوع : اقطع عرق .. وسيح دم >>!! المصدر : مسجد الهدي المحمدي الكاتب: Yahia
توقيع العضو/ه :Yahia

10/08/2009

خلاص يا عم يحيى تم تظبيط الموضوع

جزاكي الله كل خير

الموضوع : اقطع عرق .. وسيح دم >>!! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

المراقب العام عدد المساهمات : 2681

يعنى بلاش نقرا الموضوع كويس لسه هترجم

انته فاهم ثقافتى عنجليزى بس مبفهمش غيرها

الموضوع : اقطع عرق .. وسيح دم >>!! المصدر : مسجد الهدي المحمدي الكاتب: Yahia
توقيع العضو/ه :Yahia

عضو جديد عدد المساهمات : 2238

جزاكم الله خيرا

وأسفه جدا

ولكن انا شوفته انه محتاج تظبيط بس انا نسيته

بعتذر مرة اخري

وجزاك الله خيرا أخي أحلي حياه للتظبيط

وربنا يجعله في موازين حسناتك

الموضوع : اقطع عرق .. وسيح دم >>!! المصدر : مسجد الهدي المحمدي الكاتب: أمة الله
توقيع العضو/ه :أمة الله

10/08/2009

اللهم أمين واياكم يارب

ربنا يتقبل منا ومنكم صالح الاعمال

الموضوع : اقطع عرق .. وسيح دم >>!! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

نائب المدير عدد المساهمات : 3918

جزاكى الله كل خير
موضوع رائع

الموضوع : اقطع عرق .. وسيح دم >>!! المصدر : مسجد الهدي المحمدي الكاتب: aya
توقيع العضو/ه :aya

عضو جديد عدد المساهمات : 2238

جزانا الله واياكي

الموضوع : اقطع عرق .. وسيح دم >>!! المصدر : مسجد الهدي المحمدي الكاتب: أمة الله
توقيع العضو/ه :أمة الله

اقطع عرق .. وسيح دم >>!!

اقطع عرق .. وسيح دم >>!!

مواضيع مماثلة

مواضيع مماثلة