أنا أااااااااسف

10/08/2009

أكتب هذا الموضوع فقط ..

لأقول لكم

أنا أسف

بعتذر عن أي غلطه غلطتها في حق حد

أو أي سخرية سخرتها من حد

أو أي كلمة شديت بيها علي حد

أو أي كلمة استهزأت بيها علي حد

بعتذر لإي أخ ضايقته ..

ياريت محدش يزعل مني

وانا كمان يا اخي مسامحك ومسامح كل الناس ( المسلمين ) الي غلطوا فيا او ظلموني .. حتى ولو كانوا مايستهلوش اني اسامحهم , بردو هسامحهم لاني هكون يوم القيامة ماستهلش وهيبقي نفسي ربنا يسامحني ..

عشان كده انا مسامحكم عسي الله أن يسامحني

فانا أخوكم شيسي

بطلب من كل الناس.. الي ضايقتهم

انهم يسامحوني وانا كمان مسامحهم ..

وانت يا أخي

ايوا انت يالي بتقرا الموضوع ..

لو في حد اي حد حتى ولو جامع القمامه في الشارع الي مره زعقت ليه عشان مجاش مرتين ورا بعض .. وهو زعل منك إنزل استسمحه .. وقول ليه متزعلش مني انا كنت عصبي شويه

يا اخي حتى ولو الي انت زعلان منه

وهو غلطاااان ومايستهلش

افتكر

هتيجي يوم القيامه وانت غلطاااااااااااان ومتستاهلش

وعرقك علي قد عملك ..

هل عند قدمك هل عند ركبتك

هل عند رقبتك ؟؟

محتاج ربنا يغفرلك ؟؟

إنت اصلاً متستاهلش !!!

يغفرلك

هيغفرلك لانه أولى بالتسامح منك

اذا كان إنت ياعبد سامحت مع الي غلط في حقك

ربنا اولى بذلك منك ..

زي أحد السلف لما مات له أحدهم

وكان يدعوا الله له ويقول

يارب لو كان هذا ضيفي لأكرمته وهو ضيفك اليوم وأنت أكرم الأكرمين

وزي الناس الي مترضاش تعطي صدقه للسائل في الشارع وتقولك أصله ما يستهلش أو أنه بيمثل

ما انت كمان ما تستهلش وبتمثل بإنك انسان كويس وبردو محتاج مغفره الله

خليك كريم متسامح

عشان ربنا يكرمك ويسامحك

ده في إخوه بتنام وامه بتكون زعلانه منه او ابوه زعلان منه

ده في اخوه مخاصمين امه او ابوه بقاله شهر وشهرين

إلي الله المشتكى

روح اتحااااااااااااااااااااااااايل علي كل انسان غلط فيك وانت زعلان منه عشان يسامحك ..

برجاء قبل شعبان
عسي ان يغفر لنا الله في شهر شعبان وندخل علي رمضان بقلب جديد .. وندرك ليلة القدر ..

أحبكم في الله

ومنتظر أي حد مضايق مني في شيء في اسلوبي او كلامي او حد شايل مني في اي شيء يدخل ويقولي وان شاء الله نتصافي ونتسامح

السلام عليكم ورحمه الله وبركاته

الموضوع : أنا أااااااااسف المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة