حلقات أنا تعبت من نفسي والله !

10/08/2009

يسعد اخوانكم في
منتدى الهدي المحمدي
أن يقدموا لكم
هذه الحلقات الرائعة وهي بعنوان
أنا تعبت من نفسي والله !

الحلقة الاولى

"أحمد !! أنا تعبت من نفسي والله !!!!"
انطلقت الجملة كالرعد على أسماع أحمد...حيث لم يكن يدري أن حال صديق عمره خالد قد ساء إلى هذا الحد...

ما الذي يعنيه خالد وما هي قصته ؟؟
هذا ما سنستعرضه معا بإذن الله..

فلنعد للوراء 10 دقائق فقط لنفهم ماذا حدث...

ترررررن ترررررن..جرس الهاتف يرن في حجرة خالد..
ترررررن ترررررن...

ظل الرنين طويلا..
وأخيرا رفع خالد سماعة الهاتف في بطء...
خالد: "سلام عليكم"
أحمد: وعليكم السلاااااام ورحمة الله وبركاته....يا هلا يا هلا"
خالد: أحمد ؟..إزيك يا أحمد..
أحمد: إيه ده إيه ده...مالك كده فيه إيه ؟
خالد: إيه ؟
أحمد: صوتك مش طبيعي !...أنت زعلان من حاجة ولا إيه ؟
خالد: لا أبدا..مفيش
أحمد: خالد فيه حاجة بجد ؟...أنت زعلان مني في حاجة ؟
خالد: لا والله يا أحمد صدقني..أنا بس كنت..يعني.....تعبان شوية..
أحمد: تعبان ؟ ..سلامتك يا عم...مالك عندك برد ولا إيه ؟
خالد:..ههه..لا يا عم أنا مش عيان الحمد لله...أنا بس زي ما تقول كده مكتئب حبتين...
أحمد: لا إله إلا الله...حصل إيه بس
خالد: خلاص بقى يا أحمد الله يكرمك...خير إن شاء الله..ادعيلي بس
أحمد: طب فهمني بس يمكن أقدر أساعدك..
صمـــت..
أحمد: ها ؟
خالد:..والله مش عارف أقول لك إيه يا أحمد..أنت صاحبي وحبيبي كمان والله بس..بس أنا مش عارف مالي,,,
أحمد: طب ولما أنا صاحبك وحبيبك بتخبي عليا ليه بقى ؟
خالد:....أصل الموضوع طويل فعلا يا أحمد
أحمد: والله يا خالد أنا مش عايز أتقل عليك بس أنا مابأحبش أشوفك مكتئي كده..
صمت...
خالد: أحمد !! أنا تعبت من نفسي والله !!!!
صمت يتخلله صوت تنفس شديد..
أحمد:...آ..آآ..طب...طب اهدى بس..
خالد:..............
أحمد:..خالد بالله عليك اهدأ...اهدأ بس علشان نفكر مع بعض...بص...تقابلني الليلة في صلاة العشاء في مسجد الرحمة..ماشي ؟
خالد: طيب يا أحمد..إن شاء الله..
أحمد: إن شاء الله..ولو سمحت اهدأ شوية على ما أقابلك..وما تخافش كل حاجة هتتصلح إن شاء الله...
خالد: ربنا يسهل..
أحمد: طيب...يللا بقى لحسن أمي عايزة التليفون
خالد: طيب..سلام عليكم
أحمد: وعليكم السلام ورحمة الله وبركاته

ظل أحمد حائرا...ماذا حدث لخالد !!..ما الذي جعله في حالة يأس واكتئاب هكذا.. ؟؟
""أنا تعبت من نفسي والله""...ماذا يعني خالد بما قال..
خالد شاب محترم..والكل يشهد له بذلك..
صحيح أنه ليس في قمة الالتزام، وكلنا ذوو أخطاء، لكن ما الأمر...

الله أكبر اللـــــه أكبر
أذان العشاء

ذهب أحمد للصلاة وهو يفكر في كيف يلقى خالدا وماذا سيقول له..

بعد الصلاة..
أحمد (بوجه مبتسم) : السلام عليكم
خالد: وعليكم السلام ورحمة الله وبركاته..إزيك يا عم
أحمد: الحمد لله تمام..إزيك أنت...إيه الأخبار ؟
خالد: الحمد لله على كل حال
أحمد: كويس ؟
خالد: آه الحمد لله ..
أحمد (في خباثة): يا وااد..علي أنا برضه ؟؟...(ويربت على قدم خالد)..
خالد (مبتسما): ههه..والله يا أحمد ربنا يكرمك..
أحمد: طيب..تحب نروح حتة ولا نخللينا في المسجد ؟
خالد:...براحتك..خللينا هنا لغاية ما نشوف هنعمل إيه..
أحمد: طيب جميل..انوي الاعتكاف بقى...............ها يا عم..إيه الحكاية من طق طق لسلام عليكم
خالد ينظر للأرض في أسى..
أحمد: مالك يا عم بس..فهمني..
خالد:..أحمد..توعدني أني لو قلت لك مش هأنزل من نظرك ؟؟
أحمدباستغراب: أنت بتتكلم في إيه يا خالد !..أكيد لأ طبعا إن شاء الله...إيهيابني أنت نسيت أننا أصحاب من أكتر من خمس سنين ولا إيه..

خالد يصمت قليلا..ثم يرفع نظره في بطء إلى أحمد وينطق بكلمتين..كلمتين فقط لا غير...

فتنة النساء

القسم الدعوي

بالتعاون مع
ملتقيات طلاب المحروسة

يقدمــــــــــــــــــــــــــــــــان

- هل أنت مبتلى بفتنة النساء ؟
- هل تواجه صعوبة في غض بصرك ؟
- هل تجاهد نفسك دائما لكنك تضعف باستمرار ؟
- هل قدرتك على التحكم في عينيك في الشارع أو على شاشة التلفاز أو الكمبيوتر...ضعيفة ؟
- هل تمارس العادة السرية ولا تستطيع التخلص منها ؟
- هل لك زميلات فتيات أو لكي زملاء أولاد ولا تستطيعين أن تقطعي الصداقة المحرمة بينكما ؟
- هل تعاني دائما من الوساوس الشيطانية ؟
- هل الشارع يعني لك المزيد من الآثام والذنوب ؟
- هل تريد أن تختار شريكة حياتك، أو تريدين أن تختاري شريك حياتك، ولا تستطيع كيف ؟
- هل تسعى وتتمنى الزواج لكنك تجد الكثير من المعوقات ؟
- هل تتمنين أن ترتدي الحجاب لكنك لا تستطيعين ؟
- هل تتمنين أن تحسني من ملابسك لكنك خائفة ؟
- هل وقعت أو وقعتي في الفاحشة وتريد أن تتوب..ولكن ؟

هل أنت مبتلى بفتنة النساء ؟؟؟

إذا كانت إجابتك على أي سؤال من الأسئلة العلوية بنعم
أو حتى إذا كانت كل إجاباتك بلا

فأنت في المكان الصحيح

أخي..حملتنا موجهة لك أنت..
وفوق ذلك..حملتنا تقوم بك أنت

أخي تابعنا
أختي تابعينا

نحتاج كل مسلم ومسلمة معنا بإذن الله..سواء كان قويا أو ضعيفا..ملتزما أو غير ذلك

أخي..ثق أننا نحتاجك

تابعونا في حملة الرقي إن شاء الله تعالى..أو إن شئتم فلنقل......حملة الطهارة

والله المستعان

فتابعونا

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

26/06/2010

متابعين

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: مشتاقة للجنة
توقيع العضو/ه :مشتاقة للجنة

10/08/2009

وعليكم السلام ورحمة الله وبركاته

جزكم الله كل خير على المتابعة

إن شاء الله بعد قليل مع الحلقة الثانية

فتابعونا

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

10/08/2009

الحلقة الثانية

"وما هي فتنة النساء ؟"

تعجب أحمد مما قاله خالد
فرغمأنه يعلم أن قضية فتنة النساء تعتبر أكثر القضايا حساسية بالنسبة للشبابوالفتيات في مثل عمرهم، إلا أنه سماع هذه الكلمة من خالد كان بمثابة صدمةله..

هو لا يدري لماذا، فكلنا نعاني من فتنة النساء.. لكنه صدم وهذا ما حدث..

حاول أحمد أن يخفي تأثير الصدمة من وجهه حتى لا يتراجع خالد في حديثه بعد أن تعاهدا أن يتصارحا في كل ما يقولان..

أحمد في هدوء: طيب يا خالد.. هدي أعصابك وتعالى نفكر بمنطقية..
خالد: .........
أحمد: خالد.. لو فضلت بالشكل ده مش هنعرف نوصل لحاجة.. وصدقني هتتعب نفسك على الفاضي..
خالد: أحمد أنت مش حاسس بيا
أحمد في شفقة: والله حاسس بيك يا خالد.. إزاي تقول كده بس
خالد: طيب يا أحمد.. بس أنا تعبان بجد
أحمد: وأنا عارف أنك تعبان.. وصدقني مش لوحدك.. بس برضه لازم تهدأ عشان نفكر مع بعض
خالد: أديني هادي أهو.. هنعمل إيه بقى ؟؟

مرت لحظات صمت.. ثم رفع أحمد بصره في بطء تجاه خالد قائلا:
يعني إيه فتنة النساء ؟

خالد: ما شاء الله.. واضح أنك هتساعدني جامد..
أحمد: أنا باتكلم بجد.. عشان نعرف نحل مشكلة لازم ندرسها كلها من أولها لآخرها.. يعني إيه فتنة النساء ؟؟
خالد مشاكسا: يعني النساء عاملين فتنة
أحمد يفكر بعمق: يا عم بجد.....فتنة النساء يعني

يا بييييه !

كان هذا الصوت هو صوت خادم المسجد معلنا وقت الرحيل..
أحمد مستفهما: ؟؟؟؟
خادم المسجد: هنقفل المسجد
خالد: أنا مصليتش السنّة لسه
خادم المسجد: صليها في البيت
خالد: بس أنا...
أحمد مقاطعا: خلاص يا خالد تعالى.. سلام عليكم يا حاج

خرج أحمد وخالد من المسجد ووقفا بجواره

أحمد: ماتبقاش تعاند معاه.. هو ملوش ذنب أنت عارف
خالد: بس.. طيب
أحمد: كنا بنقول إيه؟
خالد: كنا بنكتشف إيه هي فتنة النساء
أحمد: آه.. بص يا سيدي.. فتنة النساء دي شهوة..

فتنة النساء دي شهوة.. ومش لازم شهوة يعني شهوة جنسية.. لكن زي ما الأكل والشرب شهوة.. والنوم شهوة..
يعني حاجة الإنسان بيشتهيها..
ربنا سبحانه وتعالى خلق الإنسان نوعين ذكر وأنثى.. وخلق في كل نوع منهم ميل فطري تجاه النوع التاني..

وعلىفكرة الميل ده مش لازم يكون شهوة بس، وقصدي بـ"شهوة" هنا يعني الجنس يعنيأو قضاء الوطر.. لكن الميل العاطفي برضه ليه دور.. ودور كبير كمان..

فالميل اللي بين الولد والبنت أو الراجل والست عامة، ماينفعش أننا نمنعه ولا نقضي عليه.. ده مش حل..
وانتعارف ان ديننا الإسلام دين الوسطية.. بيتعامل مع احتياجات الإنسان وشهواتهالمعاملة الصحيحة.. لأن ربنا سبحانه وتعالى خبير بشؤوننا.. فهو أعلمبحالنا وأعلم بمصلحتنا.. وبالتالي الإسلام جاء مش بيقضي على الميل الفطريده لكن بيوجهه صح..

يعنيولا صح الواحد يقضي شهواته زي ما هو عايز، ولا صح يكبتها تماما.. لكن ربناسبحانه وتعالى جعل للشهوة دي متنفس شرعي اللي هو الزواج..

خالد: متهيألي مش محتاج أقولك أن ظروفي ماتسمحش بالجواز دلوقتي
أحمد: عارف.. أنا بس بأتناقش معاك

بسفكمقدمة عايزك تفهم أننا مش بنفكر في طريقة للقضاء على الشهوة قضاء نهائيونعيش مرتاحين وآخر حلاوة.. لكن الموضوع كله جهاد من أوله لآخره..
مفيش حل كده بسيط.. مش دوا هو هتاخده يخليك تبطل نظر للنساء ولا تبطل انجذاب ليهم..

خالد: جميل.. وأنا يا سيدي مشكلتي أني واللــــه بأجاهد.. بس دايما، أو نقول غالبا عشان أبقى صادق، بأقع وأرجع تاني زي الأول وأزفت..

أحمد: من أدمن القرع يوشك أن يفتح له
خالد: مين ؟
احمد:هههه.. من ادمن القرع يوشك أن فتح له.. يعني اللي يفضل يقرع الباب، يخبطعليه يعني، لازم هيتفتح له في يوم من الأيام إن شاء الله
خالد: طيب يا خويا.. وبعدين
أحمد: وبعدين دلوقتي أنا اتأخرت وأبويا هيستغرب وممكن يتضايق مني.. فبعد إذنك ومن غير زعل.. ممكن نكمل بكرة ؟؟
خالد: بس احنا ماقلناش أي حاجة لسه يا أحمد
أحمد: عارف والله..بص.. اعتبر كلامنا ده كله تمهيد وأننا لسه ما دخلناش في الموضوع.. وإن شاءالله أوعدك أننا هنتكلم كتير وبإذن الله هنوصل لحل مع بعضنا..
خالد في يأس: ............
أحمد: خلاص بقى عشان خاطري.. فرفش بقى
خالد: ربنا ييسر يا أحمد.. بس بالله عليك ادعيلي لأني بجد تعبان
أحمد: والله بأدعيلك يا عم.. وهأدعيلك كمان إن شاء الله... يللا بقى لحسن بابا يزعل بجد..
خالد: طيب هاشوفك بكرة امتى إن شاء الله ؟
أحمد: أنا الصبح هأكون في مشوار... خليها بعد العصر في المسجد إن شاء الله
خالد ضاحكا: عشان ننطرد تاني
أحمد: يا سيدي... يللا يا عم.. اي خدمة ؟
خالد: ربنا يكرمك يا أحمد.. أنا آسف على تعبك
أحمد: بس يلا.. يللا السلام عليكم
خالد: وعليكم السلام ورحمة الله وبركاته

نلقاكم الحلقة الثالثة إن شاء الله تعالى

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

26/06/2010

متابعين ان شاء الله

حلقات أنا تعبت من نفسي والله ! 112554

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: مشتاقة للجنة
توقيع العضو/ه :مشتاقة للجنة

10/08/2009

وعليكم السلام ورحمة الله وبركاته

جزاكم الله الجنة علة المتابعه

جزانا واياكم

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

عضو جديد عدد المساهمات : 684

حلقات أنا تعبت من نفسي والله ! LFEwc7jlSyPnEPK

منتظرين بارك الله فيكم

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: زهرة المدائن
توقيع العضو/ه :زهرة المدائن

10/08/2009

جزانا واياكم

وعوداً حميداً إن شاء الله

وننتظر مشاركاتك الرائعه

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

10/08/2009

الحلقة الثالثة
"لازم تطهر قلبك الأول يا خالد"

في اليوم التالي بعد صلاة العصر مباشرة في المسجد، نظر خالد حوله باحثا عن صديقه أحمد..
ظل يبحث عنه وينظر لكن بدون جدوى

بقى كده يا أحمد.. بتديني بمبه..بس لما أشوفك..

فكر خالد مغتاظا.. هل نسي أحمد الميعاد أم ماذا حدث.. لكنه لما خرج من المسجد تفاجأ بأحمد ينتظره بالخارج

أحمد ضاحكا: السلام عليكم.. إيه يا عم.. العصر ملوش سنة بعده.. كنت فين كل ده؟
خالد متعجبا: أنا اللي كنت فين ! انا عمال أدور عليك جوه
أحمد: بجد ؟!.. أنا آسف، أنا افتكرتك هتفهم إني مستنيك بره المسجد.. معلش
خالد: ولا يهمك يا عم.. المهم إيه أخبارك
أحمد: الحمد لله تمام.. أخباك أنت إيه
خالد: خير الحمد لله..
أحمد: ها.. هنقف هنا برضه ولا تحب نتمشى ؟
خالد: اللي تشوفه
أحمد: انجز يا عم
خالد: طيب طيب.. تعالى نتمشى أحسن.. مش ناقصين فضايح هنا..
أحمد: ههههه.. ماشي

تحرك خالد برفقة أحمد تجاه أحد الشوارع شبه الهادئة وبدأ أحمد الحوار قائلا

أحمد: ها يا عم.. لسه تعبان نفساويا ؟
خالد: اتريق براحتك.. ما أنت مش حاسس بيا
أحمد: ييييييه.. يا عم والله العظيم حاسس وفاهم ومقدّر.. بأهزر يا خالد بأهزررررر
خالد: هههه طيب يا عم بالراحة
أحمد: ده أنت إيه ده
خالد: ربنا يكرمك يا أحمد أنا عارف إني تاعبك معايا
أحمد: معلش.. ابقى ادفعلي فلوس يا سيدي.. ممكن نتكلم جد بقى ؟
خالد: اتفضل
أحمد: دلوقتي يا خالد أنا كل اللي فهمته منك امبارح أن موضوع فتنة النساء ده تاعبك
خالد: جدا
أحمد: تمام.. بس مفهمتش تقصد إيه بالظبط بحكاية فتنة النساء دي.. يعني غض البصر ولا الاختلاط ولا الكلام مع البنات ولا إيه بالظبط
خالد: أكيد كل ده مش كويس وبيكمل بعضه.. بس كنت أقصد نقطة غض البصر بالذات
أحمد: آه
خالد: أنت شايف يا أحمد البنات في الكلية أو في الشارع وفي التلفزيون وفي النت وفي كل حتى بقوا عاملين إزاي
أحمد: للاسف
خالد: أنا عارف أن دي مش مشكلتي لوحدي، بس أنا فعلا تعبان يا أحمد.. نفسي أرتاح بقى
أحمد: معلش يا خالد.. حياة الحياة كده لازم يكون فيها تعب ومشقة وجهاد.. أمال أنت عايزها جنة ؟
خالد: لا يا أحمد مش جنة ولا حاجة.. بس أنا مش عارف الشباب التانيين عايشين إزاي
أحمد: فيه ناس كتيرة منفضة يا خالد ومش هاممها الموضوع ده.. تغض ماتغضش، تصاحب ماتصاحبش.. مش فارقة كتير معاها..
الحمد لله أن احنا بفضل الله عز وجل مش من النوعية دي.. لأن دول أصلا مش حاسين أنهم بيعملوا حاجة غلط

خالد: الحمد لله رب العالمين.. طب نعيش إزاي
أحمد:.....
خالد: أغض بصري إزاي يا أحمد.. فهمني
احمد: بص يا خالد.. واهدأ وماتتنرفزش عشان الناس بتبص علينا.. ماينفعش تبدأ بغض البصر وأنت بالشكل ده
خالد: يعني إيه
أحمد:يعني ماتزعلش مني، بس إيه اللي يحصل لو انت غضيت بصرك وأنت اصلا مخك مليانصور.. هتفرق إيه ؟؟.. هتغضه إزاي أصلا وأنت قلبك متشرب الصور دي..

خالد: يعني إيه برضه ؟
أحمد: يعني أنت كده بتعالج أعراض يا خالد.. مش بتعالج المرض نفسه..
غض البصرمهم جدا طبعاااااا.. وأمر من الله عز وجل لازم نلتزم بيه.. بس ماينفعشتبقى الحاجة الوحيدة اللي تعملها هي غض البصر وتفتكر أن ده هيخلصك من كلمشاكلك كده..

بص يا خالد.. إيه رأيك في واحد راح للدكتور قال له يا دكتور أنا عيان..
قاله حاسس بإيه، قاله حاسس بسخونية وصداع... راح الدكتور اداله دوا للسخونية والصداع..
خده وارتاح شوية، بس بعدين تعب تاني

ليه.. لأن الدكتور واجه أعراض المرض، لكن مادورش إيه هي أسباب المرض نفسه عشان يواجهها..
فيه حاجة أهم من علاج السخونية والصداع وهي أنه يكشف عليه ويشوف.. ممكن يكون فيه مرض خطير وهو مش عارف... ربنا يحفظنا..

وضعك ووضعي ووضع كل الشباب دلوقتي كده يا خالد

خالد: طب إزاي ؟ إيه علاقة اللي بتقوله ده بموضوعنا ؟
أحمد:علاقته أن دلوقتي تعالى نتكلم عامة، عن واحد غرقان في بحور الشهوات وضايعمن أوله لآخره... وعايز ينتشل نفسه من اللي هو فيه... هل أول خطوة يعملهاهي غض البصر؟؟

طب هيغضبصره إزاي وهو قلبه أصلا متنيل على عينه.. ولو غض طب ما قلبه وعقله فيه منالصور والأفلام والمواقف ما يكفيه لأنه يرجع تاني للضياع..

إذن الحل، أنه يبدأ بقلبه الأول..
أو بمعنى اصح يهتم بقلبه مع طبعا غض البصر وكده

لازم ينضف قلبه الأول ويطهره علشان يقدر يغير حياته فعلا..

التخليةقبل التحلية يا خالد.. زي اللي يجيب كوباية مش نضيفة وعايز يشرب فيها.. مشكفاية أن المية تكون نضيفة.. لازم الكوباية نفسها - الوعاء اللي هتتحط فيهالمية - تكون نضيفة هي كمان

قلبك لازم يكون نضيف علشان يستقبل كلام الله عز وجل ويستشعره ويعيه وينفذه
لازم تطهر قلبك الاول يا خالد..

خالد: طب وهل القلب فعلا هو البداية الصحيحة ؟؟ هل القلب هو الأهم ؟؟

أحمد: ربنا سبحانه وتعالى بيقول: ((يَوْمَ لا يَنْفَعُ مَالٌ وَلا بَنُونَ * إِلا مَنْ أَتَى اللَّهَ بِقَلْبٍ سَلِيمٍ))
وكمان قالرسول الله صلى الله عليه وسلم: ((ألا وإن في الجسد مضغة : إذا صلحت صلحالجسد كله ، وإذا فسدت فسد الجسد كله ، ألا وهي القلب)) في جزء من حديثرواه البخاري

خالد: جميل جدا يا أحمد.. بس دلوقتي أنا لو اهتميت بقلبي وحاولت أطهره وأنا لسه مش بأغض بصري ما أنا هأفسده تاني
أحمد: يلالأ.. أنا مش بأقول طهر قلبك واقعد بص للنساء لغاية ما تطهره بعدين ابقىغض.. لأ طبعا.. أنا قصدي تهتم بتطهير القلب وتركز عليه، مع كمان غض البصرطبعا
خالد: طب وموضوع تطهير القلب ده.. سهل ولا إيه النظام ؟
أحمد: ماتقلقش.. ربنا هييسر لك بإذن الله.. وزي ما قلتلك كل حاجة محتاجة جهاد وصبر وتعب وو.. ومفيش حاجة هتبقى سهلة..
خالد: طيب انا اقتنعت.. ربنا يكرمك يا أحمد.. أطهره إزاي بقى ؟؟؟؟؟
أحمد: أنتكده عايز خطة إيمانية تمشي عليها.. عايزين نرفع مستوانا الإيماني.. لازمنكثر من العبادات.. لازم دعاء وتضرع.. لازم تبدأ تحفظ القرآن.. لازم قيامليل... لازم...
خالد مقاطعا: أحمد ! بالراحة يا عم أنت هتعقدني من أولها.. بالراحة الله يكرمك عشان اقدر.. مش هينفع أشتغل في كل حاجة مع بعض كده
أحمد: طيبخير.. بص... فيه شريط كان الشيخ هاني حلمي ربنا يحفظه عامله اسمه "طهرقلبك".. إيه رايك أنا وأنت نسمع الشريط ده ونتناقش فيه إن شاء الله ؟؟
خالد: يا ريت.. بس أنا كان نفسي نحط خطة زي ما قلت
أحمد: هنحط إن شاء الله.. بس نسمع الشريط الاول عشان يبقى عندنا دافع قوي ومعلومات كفاية بإذن الله
خالد: جميل
أحمد: إن شاء الله لما أروح هأبعتلك وصلة الشريط في إيميل
خالد: ربنا يكرمك يا أحمد.. جزاك الله خيرا
أحمد: جزانا وإياكم يا عم.. يللا نرجع بقى لحسن أنا تعبت من كتر المشي..
خالد: أوكييييييييي

وهكذا بدأ أحمد وخالد رحلة العودة إلى بيتيهما مرة أخرى

نلقاكم في الحلقة الرابعة إن شاء الله
مع شريط "طهر قلبك"

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

عضو جديد عدد المساهمات : 684

متابعين إن شاء الله

ربنا يتقبل منك يا رب

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: زهرة المدائن
توقيع العضو/ه :زهرة المدائن

26/06/2010

متابعين ان شاء الله

جزاكم الله خيرا

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: مشتاقة للجنة
توقيع العضو/ه :مشتاقة للجنة

10/08/2009

جزانا واياكم

الحلقة الرابعة
"طهر قلبك"

بعد أن وصل كل خالد إلى بيته، استلقي على فراشه يفكر فيما قاله له أحمد..
فكر خالد
"كلام أحمد صح أكيد.. وأظن أني كنت عارفه من قبل كده كمان... بس أنا حاسس أن الموضوع مش بالسهولة دي.."

خاف خالد وتوتر.. كلما تذكر جهاد السابق وفشله في كل مرة يشعر باليأس.. يشعر أنه عاجز عن أي تقدم..
يخشى أن تكون هذه المرة مثل مثيلاتها السابقة..

ويخشى أن... هااااااااااااوم

ذهب خالد في النوم وهو يفكر.. ولك أن تتصور اي أحلام سعيدة قد حظي بها في نومه..

****

بعدصلاة العشاء ذهب أحمد ليجلس على جهاز الكمبيوتر الخاص به، يتصفح شبكةالانترنت والمنتديات المشترك بها.. وربما يدردش قليلا مع بعض الأصدقاء..

لكنه بمجرد أن جلس على الجهاز وجد تنبيها بوجود إيميل جديد في صندوق الجي-ميل الخاص به..
تعجب خالد لأنه نادرا ما تصل إليه إيميلات على هذا الحساب..

فتح خالد الإيميل فوجدها الرسالة التي وعده أحمد بها.. كان قد انشغل وكاد ينسى الأمر..
الحمد لله أن أحمد لم يتأخر عليه...

وكان نص الرسالة كالتالي:

ضغط خالد على الوصلة وبدأ في تحميل الشريط..
الآن سيحمله ويسمعه.. أو ربما يسمعه غدا..

لعل هذه تكون بداية حقيقية لتوبته إن شاء الله
وخلاصه من هم طالما أرقه...

والله المستعان

نلقاكم في الحلقة الخامسة إن شاء الله
لا تنسوا سماع الدرس "اضغطوا على صورة الإيميل السابقة"

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

26/06/2010

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: مشتاقة للجنة
توقيع العضو/ه :مشتاقة للجنة

10/08/2009

وعليكم السلام ورحمة الله وبركاته

جزانا واياكم

بارك الله فيكي

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

عضو جديد عدد المساهمات : 684

متابعووووووووون

جوزيت الجنة

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: زهرة المدائن
توقيع العضو/ه :زهرة المدائن

10/08/2009

جزانا واياكم
بارك الله فيكم
***********

الحلقة الخامسة
"كل شيء.. راح"

مر أسبوع كامل على أحمد لم يتواصل فيه مع خالد.. رغم اتصال أحمد مرتين به وعدم رد خالد المستمر..
فظن أن لديه عذرا ما وقرر الانتظار حتى تتضح الأمور أكثر..

وذات يوم بينما يفتح أحمد الماسنجر الخاص به إذا بخالد متصل باسم "كل شيء راح"
قلق أحمد من الاسم وبدأ معه محادثة نصية

رب اغفر لي: السلام عليكم ورحمة الله وبركاته
خالد أنت هنا ؟
.
.
.رب اغفر لي: خالد ؟؟
بجد لو موجود رد عليا أنا قلقت عليك بجد..

كل شيء راح: وعليكم السلام ورحمة الله وبركاته
رب اغفر لي: فيه إيه يا خالد مالك.. شكلك مش طبيعي !
كل شيء راح: مفيش يا أحمد الحمد لله
عامل إيه أنت
رب اغفر لي: خالد !
كل شيء راح: أحمد بالله عليك سيبني في حالي.. بجد يا أحمد أنا تعبان شوية معلش
رب اغفر لي:
خالد أنا بجد مش عايز أتقل عليك.. بس مقدرش أسيبك كده
كل شيء راح: معلش
رب اغفر لي: لا حول ولا قوة إلا بالله
.
.
كل شيء راح: أنت مش شايف اسمي ؟
رب اغفر لي: شايف والله يا خالد
كل شيء راح: أمال عايز تعرف إيه تاني.. هو ده كل الموضوع.. كل شيء راح..
رب اغفر لي: طب ينفع تحكيلي ولا فيه مانع ؟
كل شيء راح: مش عارف والله يا أحمد.. بس أنا تعبان
أنا تعبان أوي يا أحمد
آآآه يا أحمد
رب اغفر لي: أنا مش بأتطفل عليك صدقني أنا بس نفسي أساعدك
كل شيء راح: شكرا يا أحمد.. ما أظنش هتقدر..
رب اغفر لي:
طب فضفضلي وأنا مش هأتكلم ماشي ؟
.
.
.
ماشييييييي ؟؟؟؟؟
كل شيء راح: ماشي يا أحمد... ماشي...
.
.
أنا تعبان يا أحمد والله..
ياااااااه.. مش عارف نفسي في إيه..
لو كان الموت راحة كنت قلت لك نفسي أموت.. بس تبقى مصيبة لو مت.. وطلع الموت مش راحة يا أحمد ..

فاكر يا أحمد الحوار اللي كلمتني فيه كذا مرة ؟؟
موضوع القرف.. فتنة الـ.. النساء..

خلاص يا أحمد.. أنا اكتشفت أن الموضوع ده ملهوش حل..

يبدو أن أنا ضعت خلاص.. ننسى بقى موضوع ملتزم وشيخ والكلام ده.. كله كلام والله.. ماحدش عارف إيه اللي وراء المنظر اللي أنا فيه ده..

أحمد أنا حاسس أني حيوان.. عارف بجد.. بأحس أني كلب مثلا أو حاجة كده..
بأحس أني مش إنسان مسلم.. بأحس أني عار أصلا على الإسلام..

تعرف؟؟.. والله مش عارف.. بس أنا حاسس بكده..

كأن ده مصيري وخلاص.. ولازم أستسلم للأمر الواقع..

بعد كده ماتقوليش يا خالد.. قل لي يا كلب.. قل لي يا مفتون.. قل لي أي حاجة زفت..

رب اغفر لي:

كل شيء راح: عارف أني كأبتك يا أحمد.. قلتلك من الأول سيبني في حالي مرضيتش..
رب اغفر لي: خالد بالله عليك اسكت.. كمل كلامك .. أنا مركز معاك والله

كل شيء راح: خلاص أنا معنديش كلام تاني عايز أقوله..
هي دي الخلاصة.. كل شيء.. انتهى..

رب اغفر لي: مش احنا يا خالد قلنا هنتكلم مع بعض في الحوارات دي وهنساعد بعضنا إن شاء الله؟
كل شيء راح: كله كلام يا أحمد..
رب اغفر لي: إزاي بس يا خالد
كل شيء راح:بصراحة وماتزعلش مني، هي دي الحقيقة.. شوف يا أحمد أنت كلمتني قد إيه وكاممرة.. وشريط وبتاع.. ربنا يكرمك.. بس إيه النتيجة ؟؟
رب اغفر لي: أنت سمعت الشريط ؟
كل شيء راح: آه والله
رب اغفر لي: طيب يا خالد يعني أنت ماشي في الطريق أهو.. أمال ليه نفسيتك في الأرض كده.. أنت.... ؟؟
كل شيء راح: ..
رب اغفر لي: أنت وقعت تاني يعني ؟؟
كل شيء راح: أيوة يا أحمد وقعت.. اتنيلت...سيبني بقى عشان أنا مش ناقص وأنا والله مكسوف منك بشكل معفن أصلا..
رب اغفر لي: يا سبحان الله.. احنا مش قلنا ننفض لموضوع الكسوف ده وتعتبرني زي دكتور ؟
آ..آسف والله يا خالد.. مش قصدي دكتور.. قصدي نبقى صرحاء مع بعض عشان نعرفنساعد بعضنا بإذن الله ؟؟ ووعدتك أنك مش هتنزل من نظري ولا الكلام الفاضيده ؟؟

كل شيء راح: ماشي يا أحمد.. شكرا
رب اغفر لي: قل لي بقى.. أنت كل اللي فيه ده عشان خاطر وقعت في الذنب يعني ؟؟
كل شيء راح:أحمد أنت مش عارف.. ربنا يثبتك يا رب بس بجد دي حاجة وحشة أوي.. عارف لماتعمل المعصية.. والله بييجي لك غم وهم وقرف ينكد عليك حياتك كلها..
وبعدين كل ده يأثر على مذاكرتي ويأثر على علاقتي مع أهلي ويأثر على كل حاجة..
كله بسبب المعصية
رب اغفر لي: معاك حق والله
كل شيء راح: ربنا يعفو عني
رب اغفر لي: آمييييين يا رب وإيانا..

بس أنت ملكش حق في اللي بتعمله ده
كل شيء راح: ؟؟
رباغفر لي: مش بأهوّن من مشكلتك والله.. بس يا خالد أنت عملت إيه يعني ؟؟قتلت ؟؟ سرقت ؟؟؟ زنيت ؟؟؟ يا أخي احمد ربنا أنك لسه بتصلي وأنك بفضل اللهلسه على التوحيد
كل شيء راح: كلامك عجيب يا أحمد !! ما هو ده اللي ناقص اللي أنت بتقوله ده !!!!
رب اغفر لي: أنت فهمتني غلط.. أنا مش قصدي أنك عملت ذنب بسيط.. لأ طبعا... ومش بأقولك احكيلي عملت إيه بالتفصيل.. أنا فاهمك صدقني..
لكن أنا قصدي إذا كان ربنا سبحانه وتعالى يقبل التوبة من اللي بيقتل ويسرق ويزني.. يبقى مش هيقبل التوبة منك يا خالد ؟؟
كل شيء راح: يا أحمد ماشي حتى لو تبت.. ما أنا بأرجع تاني يوم إيه اللازمة يعني !
رب اغفر لي: إزاي بقى يا خالد !.. تأكد أنك طول ما أنت بتجاهد نفسك ربنا مش هيخذلك.. أبدا
كل شيء راح:أحمد كلمني بمنطقية.. كلمني على قد عقلي يا عم... إيه لازمة إني أجاهدمليون يوم وبعد كده اقع في الآخر.. إيه اللازمة بقى ؟؟!
رباغفر لي: خالد.. هدي نفسك عشان نعرف نتفاهم.. ربنا سبحانه وتعالي يقول((والذين جاهدوا فينا لنهدينهم سبلنا)).. وأنت تقول لي إيه اللازمة !
وبعدينمن قالك أن ربنا يريد منك النتيجة ؟؟ أنت دايما ناسي أن ربنا سبحانه هوالخبيييييير يا خالد.. هو العليم.. هو اللي خلقك وعارفك وعارف تركيبكوأسلوبك وكل حاجة فيك ؟؟
ربناسبحانه أمرنا أننا نجاهد.. وأننا نسعى (وأن ليس للإنسان إلا ما سعى)..وأننا نبدأ وأننا نحاول وأننا ننوي وأننا ناخد بالأسباب وأننا نتوكل عليهوأننا نعمل كل حاجة نقدر نعملها.. لكن طالما أنت في الطريق يبقى ماينفعشتيأس !

كل شيء راح: يعني أنت عايز تقول أني طالما بأحاول واجاهد، إني لو وقعت في الذنب مش عليا وزر ؟؟
رب اغفر لي: أنا مقلتش كده يا عم.. هتوديني في داهية ..أنا قلت طالما بتجاهد يبقى ما تياسش.. لأن اليأس أصلا هيرجعك لورا..والشيطان هيقولك أديك حاولت ستين مرة وكل مرة تقع، مفيش منك فايدة..استفدنا إيه بقى من اليأس ؟؟ قتل همتك وعزيمتك وبوظلك كل حياتك...
وعلىفكرة فيه فرق بين الندم على المعصية اللي هو شرط من شروط التوبة، وبيناليأس اللي أنت فيه دلوقتي.. عشان ماتقوليش مش عايزك تتوب

كل شيء راح: طب اعمل إيه يا أحمد بس.. كتر المحاولات واستمرار الفشل بيخليني فعلا أيأس..
أنا بشر برضه وعندي مشاعر

رباغفر لي: ماحدش بيقولك تخلى عن بشريتك.. لكن هي دي سنة الله في الكون.. زيما احنا بشر وعندنا أحاسيس، ربنا خلقنا بشر مش معصومين.. وجعل الشيطانوالنفس والهوى ضدنا.. وأمرنا بالجهاد والصبر على المعاصي.. وجعل ثواب اللييصبر في الدنيا أنه ينعم في الجنة.. ولا أنت عايز الجنة ببلاش

كل شي راح :
رب اغفر لي: خالد معقولة أنا اللي هأفكرك ؟؟ نسيت قول الله عز وجل "قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم"

نسيت قول رسول الله صلى الله عليه وسلم: (مامن عبد مؤمن إلا و له ذنب ، يعتاده الفينة بعد الفينة ، أو ذنب هو مقيمعليه لا يفارقه ، حتى يفارق الدنيا ، إن المؤمن خلق مفتنا ، توابا ، نسيا، إذا ذُكِّرَ ذَكَر) والحديث صححه الألباني
ليك ذنب يا خالد.. ومفتن ونسيّ.. لكن تواب.. وإذا ذُكّرت ذكرت..

كل شيء راح: يا رب اغفر لي
رب اغفر لي: ده المؤمن يا خالد مش المسلم كمان !.. يا سبحان الله..

وشوف قول رسول الله صلى الله عليه وسلم في الحديث.. استنى أدور لك عليه..
.
.
.
قالرسول الله صلى الله عليه وسلم: (إن عبدا أصاب ذنبا ، وربما قال : أذنبذنبا ، فقال : رب أذنبت ، وربما قال : أصبت ، فاغفر لي ، فقال ربه : أعلمعبدي أن له ربا يغفر الذنب ويأخذ به ؟ غفرت لعبدي ، ثم مكث ما شاء الله ثمأصاب ذنبا ، أو أذنب ذنبا ، فقال : رب أذنبت - أو أصبت - آخر فاغفره ؟فقال : أعلم عبدي أن له ربا يغفر الذنب ويأخذ به ؟ غفرت لعبدي ، ثم مكث ماشاء الله ، ثم أذنب ذنبا ، وربما قال : أصاب ذنبا ، قال : قال : رب أصبت -أو قال : أذنبت - آخر فاغفره لي ، فقال : أعلم عبدي أن له ربا يغفر الذنبويأخذ به ؟ غفرت لعبدي ، ثلاثا ، فليعمل ما شاء) رواه البخاري

كل شيء راح: رب أذنبت فاغفر لي
رباغفر لي: ولا حديث قاتل المائة نفس.. ولا الحديث القدسي "قال الله تعالى :يا ابن آدم إنك ما دعوتني و رجوتني غفرت لك على ما كان فيك و لا أبالي ،يا ابن آدم لو بلغت ذنوبك عنان السماء ثم استغفرتني غفرت لك و لا أبالي ،يا ابن آدم إنك لو أتيتني بقراب الأرض خطايا ثم لقيتني لا تشرك بي شيئالأتيتك بقرابها مغفرة" والحديث حسن يا خالد
.
.

رب اغفر لي: عارف يا خالد... تعرف أن الياس والقنوط من رحمة الله دي من أعظم الذنوب عند ربنا ؟
كل شيء راح: بجد ؟
رب اغفر لي: آه بجد.. الشيخ هاني حلمي كان قال كده في شريط نفسي أتوب.. شريط حلو ابقى اسمعه
كل شيء راح: تاني
رب اغفر لي: يا سلااااااام.. إيه الجمال ده يا خواتي.. أبو الهول نطق
كل شيء راح: يا معفن
رب اغفر لي: ههههههههه... ممكن بقى تغير اسمك ده لأنه يجيب اكتئاب لوحده أصلا...
كل شيء راح: طب استنى
.
.
.
رحماك: إيه رأيك كده ؟
رب اغفر لي: يا سلااااااااااام.. فرق كبير جدا...
رحماك: بس أنا كنت فيه كذا نقطة عايز أسألك فيها..
رب اغفر لي: كل نقطة بخمسين قرش
رحماك: هههههه.. ماشي

بص يا سيدي..

نلقاكم في الحلقة السادسة إن شاء الله تعالى

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

26/06/2010

منتظريييييين

حلقات أنا تعبت من نفسي والله ! 112554

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: مشتاقة للجنة
توقيع العضو/ه :مشتاقة للجنة

عضو جديد عدد المساهمات : 684

متابعوووووووووووون

جوزيت الجنة
ربنا يتقبل منك

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: زهرة المدائن
توقيع العضو/ه :زهرة المدائن

10/08/2009

حلقات أنا تعبت من نفسي والله ! Amiraab2e8f58461

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

10/08/2009

الحلقة السادسة
هل أنا مُصر؟

رحماك: هههههه.. ماشي

بص يا سيدي..
أنا كان فيه كذا سؤال بيدور في ذهني بخصوص موضوع التوبة ده..
أنا عارف أن ربنا سبحانهوتعالى غفور رحيم.. وأنه يقبل توبة العبد ما لم يغرغر.. وأحاديث كتيرةجميلة عن التوبة.. لكن زي ما قلتلك كتر الوقوع بيولد إحباط..
فكنت عايز أسألك في كام نقطة، بس معلش تصبر عليا

رب اغفر لي: اتفضل يا عم.. كلي ودان صاغية

رحماك: ماشي.. أول حاجة،المقولة تقول لا صغيرة مع الإصرار ولا كبيرة مع الاستغفار.. طيب معنى كدهأن أنا لما أنظر نظرة حرام أو أعمل أي ذنب عامة، بعدين أتوب منه، بعدينارجع أقع فيه تاني.. يبقى كده وقعت في كبيرة ؟

رب اغفر لي: كبيرة؟ .. إزاي ؟
رحماك: عشان مصر عليها يعني..
رب اغفر لي: لا يا عم الموضوع مش كده.. أنت لما بتعمل الذنب.. هل بتتوب منه بجد ؟
رحماك: أيوة
رب اغفر لي: يعني بتكون ناوي فعلا على عدم العودة، ولا بتبقى نص نص؟
رحماك: لأ بأكون ناوي بجد.. بس بعدين بأضعف وبأقع تاني
رب اغفرلي: ماشي، بس المهم بتكون ناوي على عدم العودة، وبتحقق شروط التوبةالثلاثة (الندم، الإقلاع عن الذنب، العزم على عدم العودة)..يبقى أنت تبتبفضل الله.. لو ضعفت ووقعت تاني بقى ده مش إصرار..

رحماك: إزاي ما أنا وقعت في نفس الذنب؟
رب اغفر لي: لأ صدقني.. استنى أنا كان فيه فتوى تقريبا قريتها ليها علاقة بالموضوع ده.. ثانية كده معلش
رحماك: طيب بس بسرعة لحسن العصر قرب وأنا عندي أسئلة تاني
رب اغفر لي: ثواااااااااان
.
.
.
رحماك: أحمد ؟؟

رب اغفر لي: أنا جيت
رحماك: أخيرا.. كنت بتجيب الفتوى من مدغشقر حلقات أنا تعبت من نفسي والله ! Biggrin

رب اغفر لي: ههههههههه
معلش..

أهو بصيا سيدي.. ""ويعتبر العبد مصرا إذا لم يقلع عن المعصية ولم يتب منها ويندمعلى فعلها، أما من أقلع عن المعصية وتاب منها وندم على فعله لكنه عادإليها بعد ذلك لضعفه البشري فإن هذا لا يعتبر مصرا، فإن تاب تاب اللهعليه، وقد قال النبي صلى الله عليه وسلم: ما أصر من استغفر وإن عاد فياليوم سبعين مرة. رواه أبو داود والترمذي وغيرهما وحسنه بعض أهل العلموضعفه بعضهم.""
الكلام ده من فتوى من الشبكة الإسلامية.. ودي وصلتها لو عايز
http://www.islamweb.net/ver2/Fatwa/ShowFat...;Option=FatwaId

رحماك: ما شاء الله لا قوة إلا بالله.. ده كلام جميل أوي حلقات أنا تعبت من نفسي والله ! Biggrin

الشبكة الإسلامية دي إيه نظامها يا عم حلقات أنا تعبت من نفسي والله ! Biggrin

رب اغفر لي: إيه نظامها إزاي يعني ؟
رحماك: مش متساهلة يعني ولا حاجة حلقات أنا تعبت من نفسي والله ! Biggrin

رب اغفرلي: هههه.. لا متخافش ثقة إن شاء الله.. أنا الحمد لله بأعتبر الشبكةالإسلامية مرجعي الأول للفتاوى على الانترنت، وكمان ساعات أدور في إسلامواي وفي الإسلام سؤال وجواب بتاع الشيخ المنجد..

المهم..
كلامهمفي الفتوى بيقول إن التوبة ثم الذنب ثم التوبة وهكذا، لا يعتبر إصرارا..على فكرة مقولة "لا صغيرة مع الإصرار ولا كبيرة مع الاستغفار" قالها سيدناابن عباس رضي الله عنه..
رحماك: الحمد لله رب العالمين.. ربنا يكرمك يا حمادة..
بالنسبة لتاني سؤال..

رب اغفرلي: استنى.. بص برضه على الفتوى دي لقيتها وأنا بأدورلك على الأولى.. برضهأخ بيسأل هل تكرار الذنب والتوبة يعتبر إصرار ولا لأ.. والجواب فيه كلامكثير جميل ومفيد..
http://www.islamweb.net/ver2/Fatwa/ShowFat...;Option=FatwaId

رحماك: طب هأشوفها بعدين.. بالنسبة للسؤال التاني
رب اغفر لي: خالد.. ما تضيعش الموضوع حلقات أنا تعبت من نفسي والله ! Biggrin

.. روح اقرأ الفتوى وأنا مستنيك
رحماك: طيب يا رخم حلقات أنا تعبت من نفسي والله ! Biggrin

.
.
.
رحماك: الحمد لله رب العالمين.. قريتها.. جزاكم الله خيرا يا شيخ
رب اغفر لي: جزانا وإياكم وبطل تريقة حلقات أنا تعبت من نفسي والله ! Biggrin

ها كنت عايز إيه كمان

رحماك: كنت بأقولك يا سيدي.. دلوقتي احنا عرفنا أن بفضل الله تكرار الذنب مع التوبة مش إصرار.. جميل..
لكن سؤالي، موضوع تكرار الذنب ده مش يعتبر عدم صدق مع ربنا في التوبة ؟

رب اغفرلي: يا بني ما أنا قلتلك.. لو الواحد بيتوب كده أي كلام وهو عارف أنههيعمل الذنب تاني يبقى طبعا غلط.. لكن لو بيتوب بجد وبينوي فعلا أنه مايرجعش لكن تغلبه نفسه الأمارة بالسوء ويضعف وكده.. فسبحان الله كلنا بشربنخطئ..

رحماك: ماشي بس برضه
رب اغفر لي: أنت مش هتستريح غير لما أجيبلك كلام منقول، صح ؟
رحماك: بصراحة آه حلقات أنا تعبت من نفسي والله ! Biggrin

.. معلش والله يا أحمد
رب اغفر لي: بس يلا.. استنى بقى شوية..
.
.
.
رب اغفر لي: امسك يا تاعبني..
إنسانأذنب ثم تاب ثم كرر نفس الذنب و تاب وهكذا بحيث أنه يكرر الذنب مع أنهيريد الإقلاع عنه فهل تقبل توبته وماذا يفعل حتى يبقى على هذه التوبة دونالرجوع لهذا الذنب؟
والجواب هنا (ماتخافش قصير مش زي اللي فاتت)
http://www.islamweb.net/ver2/Fatwa/ShowFat...g=A&Id=1909

رحماك: شكراااااااااااااااااا جزيلاااااااااا..
معلش والله ماتزعلش.. بس أنا فعلا محتاج للفتاوى دي يا أحمد..
إن شاء الله في ميزان حسناتك يا عم..

رب اغفر لي: يا رب يا خويا..

رحماك: طيب هو فاضل كمان سؤال بصراحة..
رب اغفر لي: قول يا عم

الله أكبر الله أكبر

رحماك: حلقات أنا تعبت من نفسي والله ! Biggrin

رب اغفر لي: العصر أذن حلقات أنا تعبت من نفسي والله ! Biggrin

تلحق تقول بسرعة ؟

رحماك: لا ياعم أنا عايزك تركز.. طب بص..
مش عارف

بص أنا هأقولك موضوع السؤال وتبقى تدور على الرد بتاعه وتقوله لي بعدين إن شاء الله.. ماشي؟
رب اغفر لي: ماشي إن شاء الله
رحماك: السؤال هو عن الحديث اللي بيقول "إذا خلوا بمحارم الله انتهكوها".. عارفه؟ اللي هو ناس بتيجي بأعمال عظيمة زي جبل تهامة..

رب اغفر لي: أيوة أيوة عارفه.. إيه السؤال؟
رحماك: كنت عايز أعرف لأنيسمعت الحديث ده من زمان ومن ساعتها متحير.. هل المقصودين بالحديث ده هماللي بيقعوا في الذنوب لما يبقوا لوحدهم، ولا الحديث يقصد أنه بيمثل قدامالناس أنه ملتزم لكن لوحده بيظهر على حقيقته ؟

يعني هل لو واحد فعلا بيحاوليلتزم ويصلي ويصوم ويتصدق وو.. بس ساعات يضعف لوحده لما يكون في خلوة..يبقى بينطبق عليه الحديث ده، ولا إيه..

رب اغفر لي: آه فهمتك..
رحماك: أصل لو كده تبقى كارثة يا أحمد حلقات أنا تعبت من نفسي والله ! Sad

رب اغفر لي: طيب أنا معرفش، بس هأدورلك إن شاء الله وأقولك في أقرب فرصة بإذن الله..
رحماك: ربنا يعزك يا رب.. معلش أنا طولت عليك اوي يا أحمد
رب اغفر لي: أنت هتصلي فين ؟
رحماك: هاصلي في المسجد اللي جنبنا إن شاء الله..
رب اغفر لي: مش هأشوفك في الصلاة يعني؟
رحماك: لا يا عم ربنا يعزك.. أنتم المسجد اللي عندكم بيطول أوي حلقات أنا تعبت من نفسي والله ! Biggrin

رب اغفر لي: هههه.. طيب يا خويا..
أي خدمة ؟
رحماك: تشكرررررررر
رب اغفر لي: ادعيلي بقى لحسن أنا حالي مش متظبط أوي..
رحماك: ربنا يكرمك ويعزك ويحفظك ويعينك وييسر لك أمرك ياااااااا رب
رب اغفر لي: آمين.. وبظهر الغيب بقى.. يللا.. السلام عليكم ورحمة الله وبركاته
رحماك: وعليكم السلام ورحمة الله وبركاته
سبحانك اللهم وبحمدك نشهد أن لا إله إلا أنت نستغفرك ونتوب إليك

نلقاكم في الحلقة السابعة بإذن الله تعالى

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

26/06/2010

متابعين

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: مشتاقة للجنة
توقيع العضو/ه :مشتاقة للجنة

10/08/2009

حلقات أنا تعبت من نفسي والله ! Amiraad858d44b08

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

10/08/2009

الحلقة السابعة
إذا خلوا بمحارم الله انتهكوها

اليوم التالي كان يوم سبت.. وهو إجازة في كلية أحمد وخالد..
وعادة في أيام الإجازة يحبأحمد أن يجلس على الكمبيوتر بعد أن يرجع من صلاة الفجر ليمارس بعض أعمالهعليه، وهو يرى أن وقت ما بعد الفجر أنسب الأوقات للجلوس على الجهاز بدلامن النوم ثانية..

بعد أن راجع أحمد قائمةالإيميلات الخاصة به، تذكر ما وعد خالد به بخصوص البحث عن المقصود بحديث"إذا خلوا بمحارم الله انتهكوها".. ففتح الشبكة الإسلامية كعادته وبدأ فيالبحث..

..
بعد بعض المحاولات توصل أحمد إلى عدة فتاوى تناسب ما يريده..

"الحمد لله رب العالمين"..

فكان مما وجده:

السؤال
السلامعليكم ، أردت أن أسأل عن الحديث الشريف ( يؤتى يوم القيامة برجال لهمأعمال كجبال تهامة ييضا فيجعلها الله هباء منثورا،لأنهم كانوا إذا اختلوابمحارم الله انتهكوها) هل المقصود بذلك المبتلى بمعصية ولكنه لا يجاهرفيها بين الناس. وجزاكم الله خيرا.

الفتوى
الحمد لله والصلاة والسلام على رسول الله وعلى آله وصحبه أما بعد: ‏

فالحديث أخرجه ابن ماجه فيسننه عن ثوبان رضي الله عنه عن النبي صلى الله عليه ‏وسلم أنه قال "لأعلمن أقواماً من أمتي يأتون يوم القيامة بحسنات أمثال جبال تهامة‏بيضاً، فيجعلها الله عز وجل هباء منثوراً". قال ثوبان: يا رسول الله صفهملنا، جلهم ‏لنا، أن لا نكون منهم ونحن لا نعلم. قال: "أما إنهم إخوانكمومن جلدتكم، ‏ويأخذون من الليل كما تأخذون، ولكنهم أقوام إذا خلوا بمحارمالله انتهكوها" والمراد ‏بهؤلاء: من يبتعد عن المعصية ويتظاهر بالصلاحمراعاة للناس، وأمام أعينهم، وبمجرد ‏أن يخلو بنفسه ويغيب عن أعين الناسسرعان ما ينتهك حرمات الله، فهذا قد جعل ‏الله سبحانه أهون الناظرين إليه،فلم يراقب ربه، ولم يخش خالقه، كما راقب الناس ‏وخشيهم، أما من يجاهدلترك المعاصي، ولكن قد يضعف أحياناً من غير مداومة على ‏مواقعة المحرمات،ولا إصرار عليها، فيرجى ألا يكون داخلاً في ذلك.‏
والله أعلم.‏

--------------

ووجد أيضا فتوى لأخ يسأل عن الجمع بين هذا الحديث وبين حديث الأمر بعدم المجاهرة بالمعاصي..

السؤال
بسم الله الرحمن الرحيم
سؤاليعن معنى حديث للنبي صلى الله عليه وسلم والذي فيما معناه (أنه يأتي أقواميوم القيامة بحسنات كالجبال فيجعلها الله هباءً منثورًا، فقيل: عرفهم لنايا رسول الله فقال: هم قوم إذا خلوا بمحارم الله اتنهكوها .... ) وعن معنىحديث آخر وهو (كل أمتي معافاً إلا المجاهرون... ) , فأنا في
حيرةبين الحديثين , فإذا فعلت معصية وكنت معتاداً عليها في الخفاء وهي لا تفعلإلا في الخفاء ولم أحدث بها فأي الحديثين ينطبق على حالتي؟؟؟
وجزاكم الله خيراً.

الفتوى
الحمد لله والصلاة والسلام على رسول الله وعلى آله وصحبه أما بعد:

فقد روى البخاري ومسلم واللفظلـ البخاري عن أبي هريرة رضي الله عنه قال: سمعت النبي صلى الله عليه وسلميقول: كل أمتي معافى إلا المجاهرين وإن من المجاهرة أن يعمل الرجل بالليلعملا ثم يصبح وقد ستره الله فيقول يا فلان عملت البارحة كذا وكذا وقد باتيستره ربه ويصبح يكشف ستر الله عنه.
فالذي يجاهر بمعصيته أمامالناس، والذي يحدث الناس بما فعله من منكرات يكون قد أضاف إلى ذنبه ذنباًآخر كما قال الحافظ ابن حجر في الفتح: قد ارتكب محظورين: إظهار المعصية،وتلبسه بفعل المُجَّان.
ولا يعني ذلك أن من فعل الإثمولم يجاهر به لم يأثم ولم يعاقب عليه، بل يأثم وقد يعاقب عليه، إلا أنالمجاهر أقبح إثماً وأشد عقوبة منه؛ لأنه كما نقل ابن حجر عن ابن بطال :في الجهر بالمعصية استخفاف بحق الله ورسوله وبصالحي المؤمنين، ومنه ضرب منالعناد لهم، وفي الستر السلامة من الاستخفاف؛ لأن المعاصي تذل أهلها ومنإقامة الحدِّ عليه إن كان فيه حد ومن التعزير إن لم يوجب حدًّا. انتهى.
فالعاصي الذي يقع في الذنبنتيجة لقهر النفس أو وسوسة الشيطان أو غلبة الهوى فيستتر بمعصيته خجلاًوحياءً من الله ومن الناس، فلا ريب أنه أهون جرماً من المجاهر.
أما الذي لا يستحي من اللهولا يعظم حدوده وإنما يراقب الناس ويراعي البشر فإن وجد بين الناس أظهرتعظيم الحدود والحرمات والفرائض، فإن خلى بنفسه سرعان ما ينتهكها ويجعلالله أهون الناظرين إليه، وهو الذي توعده النبي صلى الله عليه وسلم فيالحديث الذي رواه ابن ماجه عن ثوبان والذي يقول فيه صلى الله عليهوسلم: لأعلمن أقواما من أمتي يأتون يوم القيامة بحسنات أمثال جبال تهامةبيضاء فيجعلها الله هباء منثورا، قال ثوبان: يا رسول الله صفهم لنا جلهملنا أن لا نكون منهم ونحن لا نعلم، قال: أما إنهم إخوانكم ومن جلدتكمويأخذون من الليل كما تأخذون ولكنهم أقوام إذا خلوا بمحارم الله انتهكوها.
فيجب عليك أن تقلع عن كل ذنبوتتوب إلى الله وتراقبه في السر والعلن، فإن من يعظم ملاحظة الناس إليهويستهين بنظر الله إليه لم يكن من المتقين الأبرار.
والله أعلم.

--------------

حمد أحمد ربه على نعمه الغزيرة.. وتعجب من عظيم رحمته وغفرانه لذنوب عباده الضعفاء..
سبحان الله العظيم

الله سبحانه يرزق عباده طاعته.. فيثيبهم عليها وهو من رزقهم إياها..
ثم يلهمهم أن يحمدوه على ما أطاعوه، فيثيبهم على حمدهم وهو من ألهمهم الحمد..

ويمهل من عصوه ويسترهم.. حتى إذا تاب عليهم ليتوبوا، وعادوا إليه، غفر لهم وأحال سيئاتهم حسنات كأنهم لم يذنبوا..
تابوا إليه ففرح بهم وهو من رزقهم توبتهم..

رحيم سبحانه
غفور

يتهدد بوعيده وعقابه من عصاه.. فإذا عاد إليه كان حبيبه..
ويجزي من أحسن بكرمه فيضاعف حسناتهم.. ومن يذنب فله سيئة تمحى إن استغفر وتاب...

سبحان الله العظيم..
جعل لنا فرصة في كل لحظة أن نتوب إلى الله ونبدأ عهدا جديدا معه..
فإذا أخطأنا فالفرصة لا تزال أمامنا..
فإذا أخطأنا فالفرصة لا تزال أمامنا..

فلا يزال يغفر ويعفو ويستر ويرحم.. ولا يمل حتى نمل..
سبحانه شكور..

...
قام أحمد بإرسال الفتوتين السابقتين إلى خالد في إيميل ليبشره..

وفي آخر اليوم عندما دخل خالد على الإيميل وجد ما أرسله إليه أحمد..
فرح خالد كثيرا بالفتوى..وحمده ربه على كرمه وجوده الوفير.. ورد على إيميل أحمد بإيميل يشكره فيه على مجهوده

لكن بعد ذلك حينما ذهب لفراشه لينام.. انتابته فكرة غريبة..
استرجع في ذهنه كل لقاءاته الأخيرة مع أحمد بخصوص فتنة النساء وما يتعلق بها..
جزى الله أحمد خيرا.. لكن إلى ماذا وصلنا حتى الآن ؟؟

تحدثنا مرة عن معنى فتنة النساء.. ومرة أعطاني شريطا وسمعته.. رغم إني لم أطبق شيئا مما قاله الشيخ حتى الآن..
لابد أن أعيد سماع الشريط..
وبعد ذلك كلمني عن كرم الله عز وجل ومغفرته.. وأعطانى فتاوى عديدة تخص هذا الأمر..

جزاك الله خيرا يا أحمد.. لكني لا أشعر أني تحسنت حتى الآن..
نعم بالطبع أستفيد من جهودك معي.. وهذه الفتاوى الرائعة.. لكني لم أتقدم خطوة في طريق الطهارة...

حتى الآن لازلت كما أنا..

حتى الآن لازلت أسير شهواتي.. هل سأبقى هكذا يا أحمد أم ماذا...
هل ستظل تحدثني وأنا لا أتقدم..

هل...
وذهب في نوم عميق...

نلقاكم في الحلقة القادمة إن شاء الله تعالى

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

عضو جديد عدد المساهمات : 684

متابعووووون

حلقات أنا تعبت من نفسي والله ! 362-WellDone

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: زهرة المدائن
توقيع العضو/ه :زهرة المدائن

26/06/2010

متابعين

الموضوع : حلقات أنا تعبت من نفسي والله ! المصدر : مسجد الهدي المحمدي الكاتب: مشتاقة للجنة
توقيع العضو/ه :مشتاقة للجنة

حلقات أنا تعبت من نفسي والله !

حلقات أنا تعبت من نفسي والله !

مواضيع مماثلة

مواضيع مماثلة