زهرة المدائنعضو جديد
تاريخ التسجيل : 01/09/2009
 |  موضوع: كانت ماشيه صح قوي  الخميس 04 نوفمبر 2010, 10:32 pm | |
| السلام عليكم و رحمة الله و بركاته
كانت ماشيه صح قوى ، كل البنات بتتمنى تكون زيها ، كل الشباب بيحترموها ، كل زميلاتها و زملائها في كل مجال بيحسدوها
كانت الإراده الصلبه و القوة التى لا تُهزم لأ يعني لأ و مفيش فصال و اه لازم تكون على حاجه صح مفيهاش شُبهة غلط
مهما كانت بتعذب قلبها برده اه للصح و مهما كانت حتمتع روحها برده لأ للغلط
كانت بتقدر تعمل ده و هي في قمة سن المراهقه و وسط بنات جيلها اللى كانت اصح حاجه عند اقل واحده فيهم ( غلط )بس هي كانت لوحدها صح ... حتى بينها و بين نفسها في احلام اليقظه والخواطر برده صح ... لم تفكر اللا بالصح ... فقد كانت دائماً تناجي الله... و كيف لمن يناجي الله و يشكو همه لله ان يملأ عينه مخلوق ... و انيفكر بغيره فهو الحبيب فوق كل حبيب ... هو قبل الأسرة و النفس و كل شئ
و لمّا كبرت و دخلت الجامعه واصبحت الحكايات الفراغيه حقائق مجسمه و وقائع ملموسه ... و بدأت تتعرضمباشرة للغزو الفكري و النفسي من كل الناس الغلط اللى حواليها برده فضلتصح و قاومت و هي راضيه ... الغلط مش بس كان ان بنت ترتبط بولد او تكذب علىاهلها و غيرها من الأخطاء الفادحه
لأ الغط كان انك تزوغ منمحاضرة حتى لو كنت حتعمل في الوقت الفاضي ده حاجه مفيده ... الغلط كان انكتغش في الإمتحان الغلط كان في انك تسرق جهد غيرك ...الغلط كان انك تقصر فيدراستك ...الغلط كان في انك تغيب ... ف حاجات كتير قوى قالت للوحش و الغلطلأ من ابسط حاجه فيه لأعمق شئ فيه
و فضلت صح برده حتى لمّااتخرجت و اصبحت تثق اكتر في خطواتها و اصبحت اقدر على اتخاذ قرارتها وبرده الغلط مكانش الحاجات الجسيمه و بس من رشوة و تسيب في اوقات العمل ولكن كان كل شئ و اى شئ مش مريح حتى لو كان بسيط و يتباهي به الآخرون ...حتى لو كان الأمر متعلق بكيفية الكلام و نوعية الحوارات... اللى ممكنتجمعها بزميلات العمل
برده لأ لكل و اى غلط مهما كان حجم الغلط
يا بختها ... انا بحسدها و الله
امّال ايه اللى حصل ؟؟؟!!!!؟؟؟ .... اللى حصل انها زهقت
هو احنا لحقنا ... انا حسدتها باين عليّا بجد
زهقت من لعب دور المثاليه ...العاقله ... الكبيييييييييرة ...صاحبة الإراده الفولازيه .... الجد جداً... اللى بتستحمل ... اللى بتستوعب ... اللى بتسامح
اللى حصل انها ابتدت تبص لكلاللى بيحسدوها و بيحترموها و شافتهم عايشين حياتهم بكل بساطه و سعاده ...ضميرهم مبيأنبهمش رغم انهم بيغلطوا ... من وجهة نظرها سابقاً ... بيكتفوابحسدها لكن عمرهم ما حولوا يجوا على نفسهم شويه و يقلدوها ... يقلدوها ليههمّ اغبياء عشان يحرموا نفسهم من مُتع الحياة ... دي واحده بتاعة ربنا وهمّ مالهم ... اللهم قوى ايمانها ... كانوا بيقولوا عنها كده ... و يا ربفي يوم من الأيام نبقى زيك
كانت بتتجنن لمّا يقولوها كدهو ينطلقوا و يعيشوا حياتهم ... مكانوش بيرتكبوا جرائم ... بس كانوابيعملوا حاجات هي مبتعملهاش ... حاجات مبيعاقبش عليها المجتمع ...بالعكسبتمر عادي جداً ... بيحكوا عنها بصوت عالى
حتى اللى بيرتكبوا اخطاء كبيرة برده سعداء ... برده محبوبين
برده ليهم ناس بتحترمهم وبتؤيدهم ... مهما كانت اخطائهم كبيرة بتحصل في حياتهم معجزات سعيده ...مهما كانوا وحشين بيلاقوا حد يقف جبنهم
امّا هي فلا تجنى من وراء الصح اى نتائج مبهره او مشجعه انها لا تجنى غير الصبر
في ايه ؟؟!!؟؟؟ تمردت على نفسها
اشمعنى انا اللى لازم اعمل كلشئ كما قال الكتاب ...اتعلم كما قال الكتاب ... اتزوج كما قال الكتاب ...اشتغل كما قال الكتاب ... اتكلم كما قال الكتاب ...اتعامل مع الناس كماقال الكتاب
حتى التهور و الإفراط في الأكلفي حياتى جريمه بتقلل من رصيدي درجات و بتحرمني من حق من حقوقي في الحياةوالكلام ده من وجهة نظر الكتاب
مش بس كتاب ربنا و الدين و لكن كتاب المجتمع الشرقي الفاضل الذي يجب اذا اردت الإلتزام بالصح فيه انك تاخده بعبله كده و بكل عقمه
المجتمع اللى بيوزنك بالكيلوو بيسننك زي المواشي و بيشترط عليك ان تختار وسطك الإجتماعي من قبلالميلاد و يشترط عليك ضمان مستقبلك الوظيفي و واقعك المادي فور التخرج ولو نجوت من واحده بالصدفه صعب قوى انك تقدر محافظ على كل شئ كما يجب
يا خسارة الحلو ميكملش
بس عند الناس اللى بتغلطو بتسرق حقوق مش بتاعتها الحلو بيكمل ... العجيب ان همّ ساعات و همّبيغلطوا اغلاط جسيمه بيعملوا في وسط الأغلاط دي حاجات صح كتير ... و انتعشان تفضل صح لازم تقبل افكار مجتمعك المغلوطه
و تقبل كل ضغوطه و تفضل متجنيش اللا الصبر
مش مهم اى حاجه المهم تفضل صح و تعيش صح و تموت صح
فانا مخلوق للصح
صحيح الكمال لله وحده و مفيش حد مبيغلطش بس انت من الناس اللى مش مسموح لهم بالغلط
و في سبيل هذا الصح حتخسر كتير يمكن تخسر السعاده
حاجه تزهق بصحيح مين فينا يقدريستحمل انه يعيش محروم من السعاده اللى قلبه يتمناها و يدور عليها ...مبينفعش كده ... لازم ندور على ثغرة و منفذ ... عشان نبرر لنفسنا الغلطلمّا نحيد قليلاً عن طريق الصح لنزيق قلوبنا معنى السعاده
هو دايماً الموضوع بيبقى كده
بس من نعمة ربنا علينا ان اللى ذاق حلاوة الصح و جمال مناجاة الله مبيقدرش بسهوله يتذوق جمال شهد ما دون ذلك ... من نعمة ربنا علينا ان اللى ذاق جمال نور الله مبيقدرش يرضي كتير بأى نور اقل من ذلك
نصحها احد المخلصينبعد فترة من الزهق و الملل ان تسير وراء احساسها لتفعل الصح و ان تتخذالقرار السليم ... ياااااااااااااااااااااااه ... تيقظت من غفلتها
كام واحده و كام واحد مننا حس بكل ده بينه و بين نفسه في فترة من الفترات ؟؟؟!!؟؟
بيتهيأ لى كتير
انا مش جايه النهارده من خلال موضوعي ده اكلمكم في الدين و لا انصحكم لأنى ببساطه
حد منكم ، حد بيغلط زيكمبس حد نفسه ميستمرش في الغلط ... و نفسه ان حد فيكم يلحق ياخد باله كويسقوى من كل كلمه في الرسالة دي ... قبل ما يضطر انه يجرب بنفسه انه يزهق منحياته او يزهق من الصح اللى فيها و يفقد الصبر ... نفسي حد ياخد باله قبل ما يضطر يتذوق مرارة الخطأ مهما كان بسيط او تافه
بكتب ده عشان اقول شكراً لكل حد ساعدني انى اكون صح لأطول فترة ممكنه في عمري و قبل من الناس بشكر ربنا انه حتى لمّا بعت لى ناس اتمرد بينهم على الصح شويه صغنطوطه اد كدهوهو اقول لهم انى زهقت كانوا الناس دول جزء من الصح و الخير اللى ربنامحاوطني بيه و كانوا برده طريقي للصح انا بشكرهم همّ كمان من كل قلبي
و نفسي ربنا سبحانه و تعالى يسامحنى و يسامح كل المخطئين مهما كانت اخطائنا بسيطه
بكتب عشان اقول لله ( ربنا لاتؤاخذنا ان نسينا او اخطأنا ،ربنا و لا تحمل علينا اصراً كما حملته علىالذين من قبلنا ، ربنا و لا تحمّلنا ما لا طاقة لنا به ، ربنا و لا تحملّنا ما لا طاقة لنا به ، ربنا و لا تحملّنا ما لا طاقة لنا به ، و اعفو عنّا و اغفر لنا و ارحمنا ، انت مولانا فإنصرنا على القوم الكافرين)
 الموضوع : كانت ماشيه صح قوي المصدر : مسجد الهدي المحمدي الكاتب: زهرة المدائن توقيع العضو/ه :زهرة المدائن | |
|
|
مشتاقة للجنةالمراقبة العامة
تاريخ التسجيل : 26/06/2010
| | موضوع: رد: كانت ماشيه صح قوي الجمعة 05 نوفمبر 2010, 4:57 pm | |
|  جزاكي الله خيرا توقيع العضو/ه :مشتاقة للجنة | |
|
|
زهرة المدائنعضو جديد
تاريخ التسجيل : 01/09/2009
| | موضوع: رد: كانت ماشيه صح قوي الجمعة 05 نوفمبر 2010, 10:23 pm | |
| وعليكي السلام ورحمة الله وبركاته
جزانا واياكي حبيبتي في الله
جوزيتي الجنة
وشكراً على التكرم بالمرور
توقيع العضو/ه :زهرة المدائن | |
|
|
ayaنائب المدير
تاريخ التسجيل : 26/08/2010
| |
موضوع رااااااائع سلمت يداكى
