زهرة المدائنعضو جديد
تاريخ التسجيل : 01/09/2009
 |  موضوع: تعملى ايه لو لقيتى نفسك مخطوفة !!  الخميس 04 نوفمبر 2010, 11:34 pm | |
| انا قررت اعمل شئ ايجابى مش لازم نسكت يا ستات ويا بنات مش لازم نسكت ولا نستسلم ويا روح ما بعدك روح
احنا بقينا فى زمن صعب مفيش امان لحد لا قريب ولا غريب
انا مش عاوزة اسود الدنيا قدامكم بس دى الحقيقة
بصراحة يا جماعة انا خايفة جدا وحاسة انه دور وبيلف ع الكل الحكاية كبرت وكترت قوى قوى كل يوم بنلاقى حوادث جديدة يا قتل يا اغتصاب يا سرقة
وكلها بتبدأ عادة بالخطف
مش بس للى بتركب تاكسى او حتى مكروباس وكمان اتوبيسات عامة او ماشية على رجلها
علشان كده لازم كل واحدة فينا تفكر ازاى تتصرف لو لا قدر الله حصل معاها حاجة زى دى وهبدأ بنفسى واقولكم بعض الاحتياطات والاقتراحات
اولا بالنسبة للتاكسى
1) ماتركبيش تاكسى لوحدك ولو اضطريتى اجلسى فى الخلف وميكونش فيه حد غيرك وتكونى حافظة الطريق كويس
2) إتأكدىان الباب بيتفتح من جوة ميكونش سنتر لوك او الأكرة مكسورة يعنى بعد ماتركبى اعملى نفسك ما قفلتيش الباب كويس وافتحيه تانى واقفلية وده علشانتقدرى تهربى بسرعة لو وقف فى اشارة او هدى عند اى ملف
3) احفظىنمرة التاكسى ودى بتتعلق على ظهر كرسى السواق وممكن تكلمى حد بالموبيلوتقوليله النمرة بصوت يسمعه السائق او حتى تعملى انك بتكلمى حد وتقوليلهانك راكبة تاكسى نمرته كذا وهتوصلى كمان كام دقيقة ويا ريت تبقى عصبيةوتتكلمى بغلظة علشان تسدى نفسه
ثا نيا لو راكبة مكروباص
1) متركبيشلوحدك ولو حصل متركبيش فى اخر العربيه يعنى خليكى على الكراسى الفردانىاللى على اليمين جنب الباب وده لسهولة الحركة والنزول وعشان محدش يقعدجنبك وطبعا تبقى عارفة الطريق
2) متقعديشسرحانة ابدا ابدا ابدا لازم تبقى صاحيه وواعيه للى حواليكى ومكشرة اومتجهمه وتبينى ده للى حواليكى ويا ريت تعملى نفسك متعصبه ومش طايقه حد ودهممكن يصرف نظرهم عنك بعكس لو كنتى مبتسمه اومحتاسة ولايصه او خجولة دهيطمع الناس فيكى اكتر
3) لولاقيتى المكروباس كله رجالة متركبيش ولو حسيتى ان الناس بتنزل وخلاص قربيفضى عليكى انزلى بلا تردد مع اللى هينزل واركبى واحد تانى ومتفكريش فىالفلوس او الزحمه والحر او التاخير لان حياتك اهم وربنا هيسترها معاكىويسهلك بغيره ان شاء الله
ثالثا لو ماشية فى الشارع
1)متمشيش لوحدك وتجنبى الشوارع اللى فيها اماكن مظلمه حتى لو اضطريتى تمشى من طريق اخر اطول بس أأمن
2) بلاش تمشى سرحانة وخليكى واعية للى حوليكى وامشى دايما مكشرة ومضايقة ومش مهم الناس تقول ايه
3) هام جدا جدا حاولى تمشى على الرصيف عشان محدش يهدى بالعربيه ويشدك فيها
4) وانتى ماشيه على الرصيف ابعدى عن السيارات اللى راكنة وقاعد فيها حد لنفس السبب السابق
لو الفاس وقعت فى الراس واتخطفتى فعلا"لا قدر الله"
علميا الانسان بيبقى فى اقوى حالاته وقت الخوف وده اللى كتير ما يعرفهوش
عشان كده اذكرى الله وتخيلى ايه اللى هيحصلك وخلاص بقى يا روح ما بعدك روح
اعملىكل اللى يخطر فى بالك وعندى الموت اهون من الاغتصاب واعرفى كويس ان نسبةنجاتك بتقل كل ما قربتى من المكان اللى المختطف مجهزة للجريمه يعنى رشىعلي عينه اسبراى او برفان وصرخى واشتمى واضربى بالايد والرجل وعضى وخربشىواعملى كل اللى عمرك ما عملتيه وانسى خالص انك بنت مؤدبه او متربيه ده مشوقته
انا قرأت أن واحده اجنبيه فى برنامج قالت انها تبولت على من حاول إغتصابها فتوقف مدهوشا للحظة مكنتها من القيام والجرى بسرعة
وأخيرا انا طولت عليكم بس الموضوع يستاهل وربنا يسترها علينا وعلى بناتنا وعلى كل المسلمين والمسلمات والمستضعفين فى الارض
رابعــا :ودي أهم حاجة بصراحة
1) حافظي على أذكار الصباح و المساء ففيها من الخير الكثير
عندكِ مثال صغير :
بسم الله الذى لا يضر مع اسمه شىء فى الأرض ولا فى السماء ، وهو السميع العليم. [ 3 مرات]
ما من عبد يقول في صباح كل يوم ومساء كل ليلة بسم الله الذي لا يضر مع اسمه شيء في الأرض ولا في السماء وهو السميع العليم ثلاث مرات فيضره شيء
الراوي: عثمان بن عفان المحدث: الألباني - المصدر: صحيح ابن ماجه - الصفحة أو الرقم: 3134
خلاصة الدرجة: صحيح
2) خلى خروجك من البيت للضرورة بس عشان تقللي من خروجك و تحافظي على نفسك.
3) حجــــابك حجـــابك....قوليلي بقى لو واحد شايف واحدة حجابها ساتر جدا و فيه كل الشروط ومافهوش دلع و شخلعة هيفكر يخطفها ليه؟؟؟
ده حتى هيقول في نفسه بالألفاظ بتاعتهم دى واحدة بتاعة ربنـــا .....و ربنا بيجعلكِ رهبة في قلوب الناس ضعفاء النفوس دول
4) إيه اللى يخليكِ زى الشاطرة كدة تخرجي لوحدك اصلا من غير ما يكون معاكِ راجل محرم...أمال هما قاعدين في البيت بيعملوا إيه؟؟؟
ولو مالقتيش محرم حاولي تخلي مشاوريك الضرورية اللى هتطلعك من بيتك "الصبح " و خدي أى حد من البيت معاكِ أو من صحابك
5) كنت رديف رسول الله صلى الله عليه وسلم فقال لي رسول الله صلى الله عليه وسلم يا غلام أو يا بني ألا أعلمك كلمات ينفعك الله بهن قلت بلى
فقال "احفظ الله يحفظك احفظ الله تجده أمامك تعرف إلى الله في الرخاء يعرفك في الشدة إذا سألت فاسأل الله وإذا استعنت باستعن بالله فقد جف القلم بما هو كائن فلو أن الخلق كلهم جميعاً أرادوا أن ينفعوك بشيء لم يقضه الله لك لم يقدروا عليه وإن أرادوا أن يضروك بشيء لم يقضه اللهلك لم يقدروا عليه واعمل لله بالشكر واليقين واعلم أن الصبر على ما تكرهخيراً كثيراً وأن النصر مع الصبر وأن الفرج مع الكرب وأن مع العسر يسراً"
الراوي: عبد الله بن عباس المحدث: عبد الحق الإشبيلي - المصدر: الأحكام الشرعية الكبرى - الصفحة أو الرقم: 3/333
خلاصة الدرجة: صحيح
 الموضوع : تعملى ايه لو لقيتى نفسك مخطوفة !! المصدر : مسجد الهدي المحمدي الكاتب: زهرة المدائن توقيع العضو/ه :زهرة المدائن | |
|
|
مشتاقة للجنةالمراقبة العامة
تاريخ التسجيل : 26/06/2010
| |
زهرة المدائنعضو جديد
تاريخ التسجيل : 01/09/2009
| | موضوع: رد: تعملى ايه لو لقيتى نفسك مخطوفة !! الجمعة 05 نوفمبر 2010, 10:17 pm | |
|
الشكر لله حبيبتي في الله
جوزيتي الجنة
وشكراً على التكرم بالمرور
توقيع العضو/ه :زهرة المدائن | |
|
|
