زهرة المدائنعضو جديد
تاريخ التسجيل : 01/09/2009
 |  موضوع: إرمي ودنك وملكش دعوة  الخميس 02 ديسمبر 2010, 10:39 pm | |
| 
أيحب أحدكم أن يأكل لحم أخيه ميتا؟
أيحب أحدكم أن يأكل لحم أخيه ميتا؟
أيحب أحدكم أن يأكل لحم أخيه ميتا؟
كم نسمع هذا الحوار
أصل حصل كذا .. إنتي تعرفي؟
لأ الحقيقة معرفش ولا سمعت .. أصلي مليش في الأخبار
أنا كمان مش بحب أسمع بس بالصدفة كده وصلتني الأخبار
ثم قصة تجر قصة تجر سيرة تجر فضيحة
لما نوصل لساعة .. ساعتين .. تلاتة
ونخرج من المحادثة وفمنا يقطر دما ولحما نيئا يهري بدن القائلين والسامعين
عزيزي اللي بتيجي هنا
لو حضرتك حصل معاك الحوار ده أمامك حل من إتنين
إما تكون بتحب السير حبك للحم البقر والخرفان مع شوية فتة عجب
يبقى دوس يا معلم وعافانا الله وإياك
يا إما ها ترد وتقول مش بحب سيرة الناس
لو قلت مش بحب سيرة الناس
إما حضرتك مش بتحبها فعلا
فياريت تشكر ربنا في صلاتك على نعمة لو عرفت قدرها ما كفاك أبد الدهر شكرها
ولو حضرتك مش بتحب تسمع فلك رد من إتنين
يا إما ها تهب في اللي أمامك لو كانت مرارتك مفقوعة وملكش طولة بال
يا إما ها تاخده بالراحة علشان تقول له كلمة حق بالراحة
يمكن ربنا يهديه ويلاقي حاجة تانية يعملها مايروحش بيها جهنم
والحقيقة إن طولة البال أفضل دون السماح باستكمال الحكاية
علشان طولة البال مش بتخسرك الناس وكده بتدعو لربنا عملي
ولما متكسفش مستر رويترز من سفهه وانعدام مروءته يمكن يكون لك صاحب ويحاول يقلدك
ممكن حضرتك برضه ما تسمعش
لكن تكون واحد من إتنين
يا إما حضرتك بتتمنى تسمع وها عايز تسمع بس تخاف الله
ربنا يزيدك ويثبتك
يا إما حضرتك بتستهل الحديث بالجملة الإستهلاكية
الواردة في أول البوست
إنت مش بتحب تسمع
هو مش بيحب يحكي
وإحنا اللي أوغاد ومفروض نخلع الجزم ونتمسح في الحديد
دلوقتي لو فعلا كان كلامك صدق ومش بتحب سير البشر وسيرتهم
الله .. أمال الفائض الإستراتيجي من لحم البشر ده اللي عندك
مين المسئول لوصوله لحضرتك؟
هل بينتقل عبر الأثير؟
هل بينتقل عبر الحمام الزاجل ويسقط على سعادتك كِسفا كزبل الحمام؟
ماهو بالعقل كده
طالما عندك سير وأخبار الناس
تبقى مستمع جيد وموصل جيد للكهربا وللبلاوي السودة
حضرتك عندك قصص وحكاوي
وتدعي أنك العالم ببواطن الأمور
قصصك دون أن أستمع لها
نصفها قصص تنتقل من فم لفم وكلما انتقلت زادت بهاراتها وتوابلها
وربعها إفترا ورمي محصنات وحقوق ناس
يا تخلص منك ومن سيرة أهل بيتك في الدنيا يا تتحاسب عليها عند الديان سبحانه الذي لا تأخذه سنة ولا نوم
والربع الأخير صحيح يا عم
والشخص اللي بتتكلم عليه هو وحش فعلا
بس حضرتك ضامن خاتمتك وخاتمته؟
إطلعت على قلبه فعرفت أهو شقي أم سعيد؟
ما كلنا فينا بلاوي
أيضيق صدر أحدنا بستر أخيه ويتمنى أن يستره الله؟
لا يحدثني بشر بإنه صديق لبابا وماما وطنط والأهل والأصدقاء بطنطا
وإنه يعرف كل شيء أو أغلب الأشياء ويبدأ في اللمز
إلا أضاءت بداخلي لمبتي الحمرا
لأن ده بالنسبة لي شخص خطر
متباهي بالمعاصي
مدعي علم وهو جاهل
مجتريء على لحوم البشر
أيحب أحدكم أن يأكل لحم أخيه ميتا؟
فكرهتموه
 الموضوع : إرمي ودنك وملكش دعوة المصدر : مسجد الهدي المحمدي الكاتب: زهرة المدائن توقيع العضو/ه :زهرة المدائن | |
|
|
أحلى حياةمدير عام المنتدى
تاريخ التسجيل : 10/08/2009
| | موضوع: رد: إرمي ودنك وملكش دعوة الجمعة 03 ديسمبر 2010, 10:07 am | |
| |
|
