أنت ليه ؟؟؟

10/08/2009

الموضوع وباختصار هو انت ليه؟؟

كتير مننا عايش فى الدنيا دى بس مش عارف هو عايش ليه!!

و بيعامل الدنيا انها مثواه الاخير ؟؟!!

و عنده ضعف يقين ايوه ضعف يقين لا تتعجب !!

و عايز يدخل الجنة وهو نايم !!

تعالوا نمسك نقطة نقطة

كتير مننا عايش فى الدنيا بس مش عارف هو عايش ليه
-----------------------------------------------------------
تلاقى الاخ قايم الصبح على نغمة المطرب الفلانى بيكلم صاحبه زتونة يلمالشلة ويتجمعوا فى سينما الشباب الطايش او قهوة طنش وعيش الحياة متساويش !!
وطبعا لا صلاة ولا حلال ولا حرام ملوش علاقة باى حاجة
هو مسلم بس مسلم فى البطاقة بس
ييجى من بيته متاخر يشرب سيجارته يرد على اهله باسلوب وحش ينام يقوم يعيد القصة دى تانى
تفتكروا هو بيعمل كده ليه؟؟
رغم انه عارف فين الحلال والحرام

هو بيعامل الدنيا على انها مثواه الاخير
-----------------------------------------
ايوه هو مش دارى انه بكده بيتعامل وفقا للقانون ده
اعيش حياتى اعمل اللى انا عايزه ميهمنيش حلال ولا حرام
فالموضوع اصبح تركيز على الدنيا وبس
عايز يبقى ربحى عالى
يبقى هدفى اشتغل اى شغلانة تحققلى الربح ده بغض النظر حلال ولا حرام
فنخلى بالنا ان الدنيا دار اختبار وللاسف كتير مننا مش واخد باله او عامل نفسه مش واخد باله من النقطة دى

هو عنده ضعف يقين ايوه ضعف يقين لا تتعجب
------------------------------------------------
ممكن واحد يستحمل انه يدخل السجن خمس او ست سنين مقابل المال عشان لما يخرج يبقى معاه فلوس كتير

ياااااااه بيبيع نفسه للفلوس بهذا الشكل يضيع من عمره كل ده عشان فلوس؟؟

*مثال ابسط*

شغلانة كويسة متطلباتها كذا كذا مرتبها كويس جدا فتكون النتيجة ان ناسكتير تتسابق انها تنفذ المتطلبات دى عشان يشتغلوا الشغلانة دى ليه لانهمايقنوا انها هتوفر لهم معيشة كويسة اذن اليقين ده دفعهم انهم يعملوا كده

طيب ازاى بقى فى حد يبقى عايز يقنعنا انه بيحب الله ورسوله وان عنده يقين بالله وهو بيعمل عكس ما يقوله
غير ملتزم بحلال او حرام والموضوع معاه مش فارق

يبقى بالفعل نثبت اننا بنحب الله ورسوله باتباع القران وسنه الرسول عليه الصلاة والسلام هو ده الحب الفعلى هو ده اليقين

مش بقول اننا مش هنغلط ونبقى ملائكة لان ده لا يمكن حدوثه لكن عندما يصبحالخطا شىء عادى فلا تنتظر سوى الاخطاء فحسب لانك تهاونت فى اخطاءك فكيف لكان تحرص على الصح فبلاش يا جماعة نتهاون فى اخطائنا
وخلينا نثبت حبنا لله ورسوله بالفعل مش بالكلام بس

يقول الله تعالى :
أَلْهَـكُمُالتَّكَّاثُرُ * حَتَّى زُرْتُمُ الْمَقَابِرَ * كَلاَّ سَوْفَتَعْلَمُونَ * ثُمَّ كَلاَّ سَوْفَ تَعْلَمُونَ * كَلاَّ لَوْ تَعْلَمُونَعِلْمَ الْيَقِينِ * لَتَرَوُنَّ الْجَحِيمَ * ثُمَّ لَتَرَوُنَّهَا عَيْنَ الْيَقِينِ * ثُمَّ لَتُسْـَلُنَّ يَوْمَئِذٍ عَنِ النَّعِيمِ.

خطيرة جداا
" لَوْ تَعْلَمُونَ عِلْمَ الْيَقِينِ " لو الإنسان وصل لمرتبة اليقين لباعَ نفسهُ للهِ عزّ وجل . وبالتالى اى تقصير او عدم الاهتمام بالصح من الغلط بيرجع بالدرجة الأولى إلى ضعف اليقين

الإحجام ، النِفاق ، الضعف ، البُخل ،عدم دفع المال ، عدم بذل الوقت في سبيل الله ، عدم التعرّف إلى الله ، عدمتلاوة القرآن ، تغليبُ الدنيا على الآخرة ، الوقوع في الشُبُهات ، التقصيرفي الواجبات ، كلُّ هذه الأمراض هي أعراضُ لمرض واحد هو ضعفُ اليقين . من علاماتِ آخر الزمان أن يفشوَ ضعفُ اليقين في الناس ، تجد المساجد ممتلئة لو دخلتَ إلى بيوتهؤلاء أجهزة اللهو ، لو دخلتَ إلى متاجرهم التعامل ربوي ، لو دخلتَ معهمفي لقاءاتهم اختلاط ، اختلاط في العلاقات الاجتماعية ، وتقصير في الواجباتالدينية ، وتسيّب في الانضباط الشخصي ، ما سِرُّ ذلك .. هو ضعفُ اليقين ..

هو عايز يدخل الجنة وهو نايم
-----------------
من الممكن ان يكون نفس الشخص اللى مش مهتم بحاجة لا حلال ولا حرام عارف كويس جدا ان فى جنة ونار فى ثواب وعقاب

بس زى الطالب اللى عارف ان فى نجاح ورسوب ويكون مش هامه ييجى يذاكر اخر يومين ده لو لحق وغالبا مش بينجح او بينجح بالعافية
فتلاقيه يقول ربنا رب قلوب الدين يسر وغيرها من العبارات اللى لما تسمعها رغم صحة معناها تعرف ان المقصود بقى فكك وطنش ومتعقدش نفسك
ففى ناس كتير عايز تدخل الجنة وهى نايمة
قال تعالى:

(أَمَّنْ هُوَ قَانِتٌ آنَاءَ اللَّيْلِسَاجِدًا وَقَائِمًا يَحْذَرُ الْآخِرَةَ وَيَرْجُو رَحْمَةَ رَبِّهِ ۗقُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ ۗإِنَّمَا يَتَذَكَّرُ أُولُو الْأَلْبَابِ )
﴿٩﴾ الزمر
اى أهذا الكافر المتمتع بكفره خير، أم من هو عابد لربه طائع له، يقضيساعات الليل في القيام والسجود لله، يخاف عذاب الآخرة، ويأمُل رحمة ربه؟قل -أيها الرسول-: هل يستوي الذين يعلمون ربهم ودينهم الحق والذين لايعلمون شيئًا من ذلك؟ لا يستوون. إنما يتذكر ويعرف الفرق أصحاب العقولالسليمة.

شوفتوا مقياس الايمان ايه العمل مش كلام وبس (أَمَّنْ هُوَ قَانِتٌ آنَاءَ اللَّيْلِ سَاجِدًا وَقَائِمًا يَحْذَرُ الْآخِرَةَ وَيَرْجُو رَحْمَةَ رَبِّهِ)

لازم تعرف انت ليه؟؟

قال تعالى :
(وما خلقت الجن والانس الا ليعبدون) الذاريات 56

والعبادة مش بس الصلاة والصوم وقيام الليل و---- لا كمان اى حاجة نافعة فى حياتك مهم جدا انك تدرك المعنى ده
لازم ندرك ان الدنيا دار اختبار نحقق فيها امنياتنا بالحلال وبما يرضى الله
لازم نرضى بما يقدره الله ونعيش فى حالة من الرضا
لازم نتخيل ان كل يوم هو اخر يوم لينا فى الدنيا مش تشاؤم ابدا لكن حذر عشان نبقى مستعدين فى اى وقت .. توقيت الامتحان غير معلوم..
وهنلاقي ان احلى حياة فى طاعة الله مش فى طاعة اهوائنا
وان ربنا لما يرضى عن عبده يحبب فيه خلقه ويا بخت اللى ربنا يحبه
مفيش حاجة تانية اجمل من كده واعتقد ان كل واحد فينا نفسه ينال الشرف ده

عن النبي صلى الله عليه وسلم ،قال : (( إذا أحب الله تعالى العبد، نادى جبريل، إن الله تعالى يحبفلاناً، فأحببه، فيحبه جبريل، فينادي في أهل السماء : إن الله يحب فلاناًفأحبوه، فيحبه أهل السماء، ثم يوضع له القبول في الأرض )) متفق عليه .

وهعطيكم مقطع عشان انا طولت عليكم
مقطع ممتاز جدا ياريت اللى مشافهوش يشوفه وميكسلش
للشيخ صلاح ابو اسماعيل (تضفير الطاعات) من اروع ما سمعت

للنمشاهده من هنا

للتحميل من هنا

الموضوع : أنت ليه ؟؟؟ المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

عضو جديد عدد المساهمات : 684

الموضوع : أنت ليه ؟؟؟ المصدر : مسجد الهدي المحمدي الكاتب: زهرة المدائن
توقيع العضو/ه :زهرة المدائن

10/08/2009

جزانا واياكم

أنت ليه ؟؟؟ 719628

الموضوع : أنت ليه ؟؟؟ المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة