|
مشتاقة للجنةالمراقبة العامة
تاريخ التسجيل : 26/06/2010
 |  موضوع: النصابين أشكال وألوان  الثلاثاء 25 يناير 2011, 9:07 pm | |
| السلام عليكم ورحمة الله
وبركاته
اللي يعيش ياما يشوف ، واللي يلف الدنيا يقابل نصابين كتير ، واللي
يقعد على النت كتير يقابل نصابين بس من نوع تاني : نصابين البنات !! دول بيكونوا
منشنين على البنات ، بيدوروا عليهم عشان يصطادوهم ، وكل واحد وأسلوبه ..
قابلت
منهم أنواع كتير ، وعرفت عنهم معلومات أكتر ، وحبيت أنقل "خبرتي" عشان الناس تاخد
بالها منهم وتعرف حقيقتهم ودول اللي جم في دماغي
دلوقتي
(1) النصاب المتدين
كلامه بيقول إنه عايش عشان يرضي ربنا وييعبده ، لكن حاله بيقول إن همه
البنات ليس إلا .
لما يكون بيكلم بنت ، أكيد كلامهم بيدور حول تفسير آيه !! أو
معلومة دينية أو حتى رأي فلسفي كبير وكلام مكلكع في قضية من قضايا الحياة !!
طول
ما هو قاعد معاها مش في دماغه صلاة ، وإذا افتكرها يبقى عشان يعرفها إنه بيصلي !!
لأ وفي المسجد كمان !! ( بعد إذنك هانزل أصلي في الجامع وأرجع نكمل كلامنا) - (
صليتي الفجر النهاردة ؟؟ مرنتيش عليا ليه ؟)
راجع الكلام هتلاقيه مليان كلمات
على غرار : أختي الغالية / بارك الله فيكي / ادعيلي
ومفيش مانع كمان يذم الولاد
الوحشين اللي بيضحكوا على البنات !!
بالتأكيد هتلاقيهم مرة اتفقوا يحفظوا القرآن
مع بعض !! أو حتى ينصحها بالحجاب أو قيام الليل ( هازعل بجد لو عرفت إنك قلعتي
الحجاب )
النتيجة قبل النهائية : هي : بأحبك ، هو
: بأحبك ( ايه الالتزام ده كله !!)
النتيجة النهائية :
غالبا بطيخ .. وبيبانوا قدام بعض وبيفقدوا احترامهم لنفسهم ، وحتى بيفقدوا الخيط
الرفيع اللي كان بيربط كل واحد فيهم بالله
النتيجة بعد
النهائية : هتقول ايه لربنا لما يواجهك بجريمتك ؟ بتنصب باستخدام دين الله وكلام
الله ؟ انت عارف مصيبة "من حفظ القرآن ليجاري به العلماء أو ليماري به السفهاء" ؟
أهو انت زيه كده أو أسوأ
نصيحة : لا يتقرب (بضم
الياء) إلى الله بمعصيته .. متضحكش على نفسك ومتضحكيش على نفسك وتفتكري إنه بيشدك
ناحية الصح ، بالعكسده بيزقك وبياخد بحجزك عن الصح "الذين ضل سعيهم في الحياة
الدنيا وهم يحسبون أنهم يحسنون صنعا"
انتظروا
النصاب
الرومانسي
النصاب الروش (الكووووول)
النصاب المفكر / الثورجي
النصاب
الخبرة
واللي عنده نصابين تانيين يبقى
يزودهم
|
|
منقول
 الموضوع : النصابين أشكال وألوان المصدر : مسجد الهدي المحمدي الكاتب: مشتاقة للجنة توقيع العضو/ه :مشتاقة للجنة | |
|
|
  | |
أحلى حياةمدير عام المنتدى
تاريخ التسجيل : 10/08/2009
| | موضوع: رد: النصابين أشكال وألوان الثلاثاء 25 يناير 2011, 9:17 pm | |
| |
|
| | |
مشتاقة للجنةالمراقبة العامة
تاريخ التسجيل : 26/06/2010
| | موضوع: رد: النصابين أشكال وألوان الأربعاء 26 يناير 2011, 10:55 pm | |
|  جزانا واياكم ******** (2) النصاب
الرومانسي
في الغالب بيكون واقع
في مشكلة : مشكلة في البيت أو مشكلة عاطفية - أي مشكلة والسلام - ويا عيني دايما
بيكون بيكون مظلوم وتعبان وبيتقطع والدنيا كلها عليه ( وملقاش غيرها يشكيلها على
أساس هي المنقذ !!) . لكنه صامد بس عشان رجولته ، ولما بيقعد لوحده يقعد ييعيط
ويسمع عبد الحليم ويشتكي ظلم الأيام له !!
(أنا تعبان ومتضايق وحاسس بالوحدة ومحدش فاهمني غيرك ، وباستريح معاكي انتي بس )
كلامه دايما عن الحب والعاطفة وازاي إنهم أسمى شئ في الوجود ، ولو
كاتب 10 سطور هتلاقي 9 منهم ( حب / عاطفة / رومانسية / قلب / عياط / دموع / خجل / مشكلة ) حاجة تجيب غثيان يعني حافظ كل المطربين والمطربات والممثلين والممثلات
ومتابع الأفلام الرومانسية القديمة والجديدة ، وتحس كده من كلامه إن الواد ايه : لو
الدنيا كلها وقفت بينه وبين "أخته" - اللي هي البت بتاعته يعني !! ( اللي غالبا
بيحكي مغامراته معاها لأصحابه إلا إذا كان ملوش أصحاب ولاد أساسا ) - هيتغلب عليها
، ومش هيهتم بأي حاجة عشان علاقتهم "الطاهرة البريئة" - اللي ميقدرش يقول لأبوه
عليها ولا تقدر تقول لأبوها عليها - تفضل زي ما هي ( أنا باقولك الكام ده بس عشان انتي زي أختي !!)
نصيحة : طبيعة البشر كده : الرجل بيميل للكلام مع البنت والعكس ، ودي غريزة ربنا خلقها لكنه في
نفس الوقت وضع قوانين تنظمها لأن في النهاية الندم والدموع الحقيقية مبترجعش حاجة -
ولأنه في النهاية الله سبحانه وتعالى هو اللي هيحاسبنا على العلاقة "الطاهرة البريئة" دي بين اتنين اخوات!!
نصيحة تانية : تأكدي إن أي حاجة مكانها الظلام فهي غلط - محدش بيتكسف يقول (فلانة دي مراتي) أو يقول ( فلان ده أخويا وحبيبي) ،
لكن تقدري تقولي للناس أو حتى لأهلك (فلان ده أخويا ومفيش بينا أكتر من كده ) ؟
توقيع العضو/ه :مشتاقة للجنة | |
|
|
| | |
أحلى حياةمدير عام المنتدى
تاريخ التسجيل : 10/08/2009
| | موضوع: رد: النصابين أشكال وألوان الأربعاء 26 يناير 2011, 11:13 pm | |
| |
|
| | |
safenaعضو جديد
تاريخ التسجيل : 24/04/2010
| | موضوع: رد: النصابين أشكال وألوان الخميس 27 يناير 2011, 1:58 pm | |
| |
|
| | |
مشتاقة للجنةالمراقبة العامة
تاريخ التسجيل : 26/06/2010
| | موضوع: رد: النصابين أشكال وألوان الخميس 27 يناير 2011, 8:36 pm | |
| - شيسي كتب:
متابع باقي النصابين
اقصد باقي الموضوع
جزانا واياكم وشكرا لمتابعة حضرتك توقيع العضو/ه :مشتاقة للجنة | |
|
|
| | |
أحلى حياةمدير عام المنتدى
تاريخ التسجيل : 10/08/2009
| | موضوع: رد: النصابين أشكال وألوان الخميس 27 يناير 2011, 8:39 pm | |
| |
|
| | |
مشتاقة للجنةالمراقبة العامة
تاريخ التسجيل : 26/06/2010
| | موضوع: رد: النصابين أشكال وألوان الخميس 27 يناير 2011, 8:41 pm | |
| - safena كتب:
-
الله عليكى يا أختى
مواضيعك رائعة جدا وتشد الانتباه
ونحن فى انتظار الباقى
شكرا لمتابعة حضرتك توقيع العضو/ه :مشتاقة للجنة | |
|
|
| | |
مشتاقة للجنةالمراقبة العامة
تاريخ التسجيل : 26/06/2010
| | موضوع: رد: النصابين أشكال وألوان الخميس 27 يناير 2011, 8:42 pm | |
| - شيسي كتب:
العفوووووو
بس هما فين النصابين دول
انا مستني ان شاء الله
حاااااااااااااااااااااااااااااااضر توقيع العضو/ه :مشتاقة للجنة | |
|
|
| | |
أحلى حياةمدير عام المنتدى
تاريخ التسجيل : 10/08/2009
| |
| | |
مشتاقة للجنةالمراقبة العامة
تاريخ التسجيل : 26/06/2010
| | موضوع: رد: النصابين أشكال وألوان الخميس 27 يناير 2011, 8:46 pm | |
| (3) النصاب الروش ..
الكووووووول
(هاااااااااااااااي) ..
نموذج للشاب المنفتح ماعندوش مشكله في اي حاجة ((peace)
بالنسبه له اي جمله تحتوي على واحده من الكلمات دي( الله- الرسول الاسلام -
حرام- لا يجوز- او حتى حلال ) تدل على تخلف ورجعيه وحاجة مش cool
ما يعرفش في الدين غير آيتين (الدين يسر_وربك رب
قلوب!!!)
وتحاول تفهمه ان دول مش آيات يقولك (so what ? ايه التشدد ده) هو احنا غلطنا في البخاري!!
بالنسبة له جريمة انك مانزلتش سيتي ستارز في الويك اند او
ماسفرتش مارينا في الsummer vacation
مش قادر يفهم الناس
الرجعيين اللي مش بيعترفوا بالصداقةبين الولد والبنت ومش قادرين يفهموا الفرق بين
الفريند والgirlfriend !!
صاحبنا ده ممكن مانعتبروش نصاب
اوي يعني ممكن نعتبره منصوب عليه من الاعلام والثقافة الغربية
المستوردة
كلامه بينحصر بين
قضيتين مهمتين ، العربيات والبنات ، ولو فيه شريط جديد يبقى دي حالة طارئة ، وضارب
الدنيا والدين طناش
بيعتبر إن
من حقه إن بابا يلبي كل رغباته وماما تقعد تخدم فيه طول النهار ، وهو - كفاية عليه
إنه موجود أصلا .. هيقطع نفسه يا عيني ؟
شكله مكبر دماغه .. لكن الواقع بيقول إنه غالبا مفيش دماغ أصلا عشان
يكبره ، وعادة هي دي نفس نوعية دماغ البنت الي بتحب الصنف
ده
وفي الغالب يا عيني بيطلع
صاحبنا النصاب ده في الآخر من نوعية صاحبنا بتاع زمان اللي كان واهمنا إنه بيتكلم
ألماني ويقعد يقول (لنجر فلسكاك فلشته شينا) وفي
الآخر طلع بيتكلم كوابري أساسا وقصده (النقر في السكك في الشتاء شينة يعني قبيحة
)!!!
توقيع العضو/ه :مشتاقة للجنة | |
|
|
| | |
safenaعضو جديد
تاريخ التسجيل : 24/04/2010
| | موضوع: رد: النصابين أشكال وألوان الخميس 27 يناير 2011, 8:56 pm | |
| |
|
| | |
أحلى حياةمدير عام المنتدى
تاريخ التسجيل : 10/08/2009
| | موضوع: رد: النصابين أشكال وألوان الخميس 27 يناير 2011, 8:57 pm | |
| |
|
| | |
مشتاقة للجنةالمراقبة العامة
تاريخ التسجيل : 26/06/2010
| | موضوع: رد: النصابين أشكال وألوان الأحد 06 فبراير 2011, 3:01 pm | |
|
(4) النصاب المفكر /
الثورجي
أنواع كتير وأبرزهم
نوعين : ليبرالي / شيوعي
كاره للمجتمع ولحظه العاثر اللي طلعه وسط ناس هو خسارة فيهم
أصلا
بيعتبر إن (العرب - الشرق - الإسلام ) يعني جمال وصحراء وخيام ،
ومفيش أمل منهم لو بعد مليون سنة ، وإن النجاة فيما جاءت به أمريكا
وأوروبا
صاحبنا مثقف - أو
هكذا يبدو - عارف كلمتين عن (تشارلز ديكنز - وهـ.ج.ولز - وجول
فيرن) وكلمتين عن (ماري كوري - ونسبية أينشتاين -
ومندل - وداروين) وكلمتين كمان عن (شافيز -
وكاسترو - وجيفارا - وغاندي ) وبيضرب ده كله في الخلاط عشان يطلع الحاجة
الأصفرا اللي هيسقيها للبنت !!
مبهور بالقشرة ، ومش واخد باله إنه مفيش لب ، مؤمن إن لا يمكن عربي
أو مسلم يكون زي دول إلا لو سابه من حوار الإسلام ده خالص وركز في المفيد :
رأسمالية - شيوعية - اشتراكية على حسب
مفيش مانع يكون عنده قدر من التدين ، لكنه التدين الذي لا يتعارض
مع مشيئة الغرب !!
تدين لا
يعترف بمعظم الغيبيات ، لا يعترف بالجن (انتو لسه عايشين في
العصور الوسطى ؟) ولا يعترف بحديث الذبابة والإناء (ايه القرف ده ؟) ولا بآيات السحر والحسد (خرافات وخزعبلات وجهل يرفضه العقل
والعلم)!!
تدين
يعتبر الوسطية (حجة الضعيف اللي مش قادر ياخد قرار ، العالم
:يمين وشمال وبس)
ومش مدرك إن أعلى نقطة في الجبل تقع عند منتصفه
!!
مقادير النصب : خمس معالق
إحباط + شوية كلام كبير مع رشة من المصطلحات البرجوازية الراديكالية الفاشية
التقلية !!+ كوبايتين فضفضة وكوباية مشاعر وأحاسيس ضعف (عشان يبقى الواد جمع بين
العلم والحساسة في نفس الوقت !!!)
نصيحة له : "إن الدين عند الله الإسلام" .. لف ودور واتخذ من الأديان ما
شئت ، وهتلاقي إن "ومن أعرض عن ذكري فإن له معيشة ضنكا"
نصيحة لها : أسهل حاجة الكلام الكبير ، لكن الرجل الحق
بيستخدم الكلام في مكانه الصحيح ، وتأكدي إن "من كثر كلامه قل
عمله"
توقيع العضو/ه :مشتاقة للجنة | |
|
|
| | |
أحلى حياةمدير عام المنتدى
تاريخ التسجيل : 10/08/2009
| | موضوع: رد: النصابين أشكال وألوان الإثنين 07 فبراير 2011, 8:02 pm | |
| |
|
| | |
مشتاقة للجنةالمراقبة العامة
تاريخ التسجيل : 26/06/2010
| | موضوع: رد: النصابين أشكال وألوان الإثنين 07 فبراير 2011, 8:14 pm | |
| الأخير) النصاب الخبرة
ده بقى خبرة بجد - خبرة في كل
حاجة .. خبرة في البنات وازاي ينقي الصيدة بتاعته ،وازاي يكلمهم
محدد أهدافه وخطواته ,, راجل عملي ومبيضعش وقت!!
بيكلم بنات كتير ،ومظبط جدول مواعيده ، والواحدة من دول مبتطولش
معاه ..كلها كام يوم ويقلب على غيرها النوع ده في
الغالب هو اللي بيسجل محادثات المسنجر ويحتفظ بالايميلات ورسايل الموبايل ، تحسبا
للظروف .. الحاجات دي مبتضرش !!
وميزته إنه سريع :
سريع في الدخول وأخذ ما يريد والخروج والنتيجة :
صفعة كويسة مش بطالة على وجه البنت بتفوق فيه غالبا وبتعرف إن الله حق
نصيحة أخيرة لها : والله ..والله.. والله .. لا
يفيد البكاء على اللبن المسكوب لو بكاء لحد بعد بكرة!!
خلي بالك
ختاما : هذا الموضوع مش للبنت اللي بايعة
القضية ، ومش للبنت اللي فاهمة القضية!!
الموضوع
للبنت اللي فاهمة إنها ملتزمة -ونحسبها كذلك- لكن مش فاهمة القضية دي بالذات ، ممكن
تكون فاكرة إن دعوة الأولاد إلى الله عادي ،وممكن تكون فاهمة إن الصداقة دي عادي
،وممكن تكون مبهورة بشخصية فلان
فحبينا نوري ونفهم قبل كل شئ
سبحانك اللهم وبحمدك نشهد ألا إله إلا أنت
نستغفرك ونتوب إليك توقيع العضو/ه :مشتاقة للجنة | |
|
|
| | |
أحلى حياةمدير عام المنتدى
تاريخ التسجيل : 10/08/2009
| | موضوع: رد: النصابين أشكال وألوان الإثنين 07 فبراير 2011, 8:31 pm | |
| |
|
| | |
ayaنائب المدير
تاريخ التسجيل : 26/08/2010
| | موضوع: رد: النصابين أشكال وألوان الثلاثاء 08 فبراير 2011, 12:15 am | |
| الله عليكى بجداكتر اكتر من راااااااااااائع
تسلم ايدك بجد وانا مستنية باقى النصابين
ربنايحمينا ويبعدهم عنا وعن بنات المسلمين اجمعين يااااااااااااارب الموضوع : النصابين أشكال وألوان المصدر : مسجد الهدي المحمدي الكاتب: aya |
|
| | |
مشتاقة للجنةالمراقبة العامة
تاريخ التسجيل : 26/06/2010
| | موضوع: رد: النصابين أشكال وألوان الثلاثاء 08 فبراير 2011, 3:22 pm | |
| الرائع مرورك يا يويو ودا كان اخر نصاب النصابين التنيين في الصفحة الاولي ******** أخي شيسي جزانا واياكم  توقيع العضو/ه :مشتاقة للجنة | |
|
|
| | |
|
ههههههههههههههههههههههه 
