يترجح...يتخسر!!!

10/08/2009

الميزان

الميزان مهم جدا فى حياتنا

بنستخدمه لاغراض كتيرررر

لو تخيلت نفسك انك ماشى فى طريق طويل

وطول ما انت ماشى بتشترى حاجات

حاجات بتحبها وحاططها فى شنطة

وحاجات بتكرها وحاططها فى شنطة تانية

هتقول وطالما بكرهها اشتريتها ليه اصلاً ؟؟

لان ليها متعه مؤقتة ولذة زائلة

وروحت البيت وحبيبت توزن

وفى كل الاحوال هترضى هترضى

لانك اشتريت خلاص

ومن جواك بتتمنى ان الحاجات اللى بتحبها ترجح

ولكن

اكتشفت انى اللى رجح هى كفت الحاجات اللى بتكرهها

]الموقف ده بيفكرك بموقف اهم

يوم القيامة

مع فارق التشبيه طبعا

الطريق اللى ماشى فيه هو حياتك وعمرك

الحاجات اللى بتكرهها سيئاتك

ولكن بتعملها للذتها المؤقتة الزائفه

والحاجات اللى بتحبها حسناتك

تحب انهى كفه ترجح يوم القيامة؟؟؟؟؟

سؤال صعب محتاج تفكير

لان اجابتك للاسف مش بلسانك

لكن بأعمالك!!!!!

عملت ايه تزود بيه ميزان حسناتك؟؟؟؟؟

العلماء قسموا احوال البشر يوم القيامة الى 3 اصناف:::

1-قوم رجحت حسناتهم بسيئاتهم
=يدخلون الجنة ولا تمسهم النار ابدا

2-قوم تساوت حسناتهم بسيئاتهم=يوقفون بين الجنة والنار ماشاء الله ان يوقفوا ثم يؤذن لهم فى دخول الجنة

3-قوم لقوا الله مصرين على كبائر الاثم والفواحش ومعهم اصل التوحيد=يدخلون النار بقدر ذنوبهم

-منهم من تأخذه النار الى كعبيه

-ومنهم الى انصاف ساقيه

-ومنهم الى ركبتيه

-ومنهم من يحرم على النار منه فقط موقع السجود

سلم يارب سلم

اعتقد احنا دلوقتى مستعدين نزود ميزان الحسنات

وامامنا الفرصة بل الفرص واشكال متعددة من الحسنات

1.الصدقة..

حتى ولو ربع جنيه حتى ولو جنيه لا تحقر شئ كله فى ميزان حسناتك

يترجح...يتخسر!!! 318653

2.القرأن ..

تعرف انك ممكن تختم القرأن كل شهر؟؟؟!!

ركز معى..

لو جعلت لنفسك ورد كل يوم

بعد كل صلاة تقر؟أ صفحتين من القرأن وش وظهر

مثال عل الجزء الاول (وافتح معى المصحف وجرب بنفسك)

بعد صلاة الفجر هتقرأ صفحتين وش وظهر
(صفح 2 3 4 5)

بعد صلاة الظهر هتقرأ صفحتين وش وظهر
(صفح 6 7 8 9)

بعد صلاة العصر هتقرأ صفحتين وش وظهر
(صفح 10 11 12 13)

بعد صلاة المغرب صفحتين وش وظهر
(صفح 14 15 16 17)

بعد صلاة العشاء صفحتين وش وظهر
(صفح 18 19 20 21)

خلص الجزء الاول قى اول يوم

وهكذا ..حتى نختم كل 30 يوم ان شاء الله

مش بس كده !!!

ده كمان ليك بكل حرف حسنه

عن
ابن مسعود قال : قال رسول الله صلى الله عليه وسلم { : من قرأ حرفا من
كتاب الله فله حسنة والحسنة بعشر أمثالها ، لا أقول الم حرف ، ولكن ألف
حرف ، ولام حرف ، وميم حرف } . رواه الترمذي .

يترجح...يتخسر!!! 318653

3_الذكر..

عن أبي ذر رضي الله عنه أيضا أن ناسا من أصحاب رسول الله صلى الله عليه وسلم قالوا للنبي صلى الله عليه وسلم يا رسول
الله ذهب أهل الدثور بالأجور يصلون كما نصلي ويصومون كما نصوم ويتصدقون
بفضول أموالهم قال أوليس قد جعل الله لكم ما تصدقون إن بكل تسبيحة صدقة
وكل تكبيرة صدقة وكل تحميدة صدقة وكل تهليلة صدقة وأمر بالمعروف صدقة ونهي
عن منكر صدقة ...."الى اخرالحديث

4- رد السلام...

ودى والله هدية ..

عَنْ
سَهْلِ بْنِ حُنَيْفٍ رَضِيَ الله عَنْهُ قَالَ: قَالَ رَسُولُ اللَّهِ
صَلَّى اللَّهُ عَلَيْهِ وَسَلَّمَ: "مَنْ قَالَ السَّلامُ عَلَيْكُمْ
كُتِبَتْ لَهُ عَشْرُ حَسَنَاتٍ، وَمَنْ قَالَ السَّلامُ عَلَيْكُمْ
وَرَحْمَةُ اللَّهِ كُتِبَتْ لَهُ عِشْرُونَ حَسَنَةً، وَمَنْ قَالَ
السَّلامُ عَلَيْكُمْ وَرَحْمَةُ اللَّهِ وَبَرَكَاتُهُ كُتِبَتْ لَهُ
ثَلَاثُونَ حَسَنَةً".الطبرانى (6/75 ، رقم 5563) قال الألباني: صحيح لغيره

وغيرها كتير من ابواب الخير التى لاتعد

دعوة لزيادة ميزان الحسنات

دعوة الى ملئ ميزان الحسنات بالخيرات

مش عايزين نندم

يوم يندم فيه من ندم

ويسعد فيه من سعد

"فأما من ثقلت موازينه فهو فى عيشة راضية وأما من خفت موازينه فأمه هاويه وما ادارك ما هى نار حامية"

يوم لا ينفع مال ولا بنون الا من أتى الله بقلب سليم

كتير بنسمع ان دخولنا الجنة مش بأعمالنا

بل برحمة ربنا !!!

ايوه طبعا صح!!

طيب ليه نشتغل ؟؟؟؟؟؟؟؟؟؟

اعمالنا ليست ثمن لدخول الجنة

ولكنها سبب لدخولها

يعنى مهما نعمل مش هنستحق دخول الجنة

ولكن لابد ان نعمل لكى ندخل الجنة

مش عايزين نوصل اننا نقول

ربى ارجعون لعلى اعمل صالحا فيما تركت

فيُقال لنا كلا

لو قالولك ان الميه هتقطع بعد 3 ايام

هتعمل ايه ؟؟؟؟

هتفضل تملى جراكن واطباق بالميه

لان فرصة ..لو الميه قطعت ..انتهت!!

فلما تقطع الميه

هيسعد من سعد ..اللى هو ملى المياه وارتاح

وهيخسر من خسر وهو المحروم اللى لم يملى المياه

اهى الدنيا كده

قطع المياه هو الموت وانتهاء عمرك

والمياه هى الحسنات اللى بتعملها

اسأل الله العظيم رب العرش الكريم

ان يرزقنا الاخلاص فى القول والعمل

وان يتقبلها منا بقبول حسن

وان يُثقل لنا بها موازين حسناتنا

اللهم امين امين امين

وصلى الله وسلم على رسولنا محمد صلى الله عليه وسلم تسليما كثيرا

الموضوع : يترجح...يتخسر!!! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

عضو جديد عدد المساهمات : 684

الموضوع : يترجح...يتخسر!!! المصدر : مسجد الهدي المحمدي الكاتب: زهرة المدائن
توقيع العضو/ه :زهرة المدائن

زائر

الموضوع : يترجح...يتخسر!!! المصدر : مسجد الهدي المحمدي الكاتب: ????
توقيع العضو/ه :????