حطم قيودك واعمل take off

10/08/2009

فى الطريق إلى الله تبارك وتعالى يجد الإنسان منا عوائق وعلائق

عوائق : حاجات بتقف حاجز بينك وبين ربنا سبحانه وتعالى

علائق :وحاجات بتمسك فيك وبتشدك ومتبقاش عارف تتخلص منها إزاى

قيود بتقف حائل بينك وبين ربنا سبحانه وتعالى

والأشياء دى من الأهمية بمكان إننا إحنا نعرف إزاى الطريقة اللى نتخلص بيها من هذه العوائق والعلائق

حطم قيودك واعمل take off 809751

أحد خبراء علم النفس عمل تجربة على مفهوم القيود دى

جاب صندوق وقسمه لجزئين جزء معدنى وجزء خشبى وكان يجرى تجربته على بعض الكلاب

جاب كلب ووضعه فى الجزء الخشبى ووضع طعاما فى الجزء المعدنى

وكان يطلق الصفارة لإغراء الكلب بأخذ الطعام

كان الكلب يذهب لإحضار الطعام ثم يطلق العالم تيارا كهربائيا إلى الجزء المعدنى بعد الصفارة بخمس ثوانى

تعلمت الكلاب أن صوت الصفارة تعقبه صعقة

فكان تقفز فور سماعها لصوت الصفارة حتى قبل إطلاق التيار الكهربى

ثم قام العالم بربط الكلاب فى الجزء المعدنى وإطلاق الصفارة ثم التيار الكهربى على التوالى

وفى كل مرة كانت الكلاب تقفز عقب سماع الصفارة تفاديا للتيار الكهربى

لكن لأنها مربوطة معرفتش تهرب

فأصيبت بحالة من السعار

وكانت تحاول بأقصى قوة

ثم أصيبت باليأس

يطلق العالم الصفارة ثم التيار الكهربى والكلاب ساكنة لا تتحرك بمنتهى الإستسلام

واستمر الحال لأيام

ثم فك العالم القيود وكرر التجربة الصفارة ثم التيار الكهربى

فلاحظ أن الكلاب قد استسلمت حتى بعد فك القيود وتحررها

فلم تحاول الهرب وتفادى التيار الكهربى

فأصبح عندهم قيد نفسى بالرغم أنهم أحرار

هذا القيد النفسى هو

" اليأس "

حطم قيودك واعمل take off 318653

فتكرار المحاولات الفاشلة فى حياة الواحد مننا بتعمل القيد ده

قيد اليأس من النجاح
وده حال كتير مننا فى طريق لربنا سبحانه وتعالى
مش ياما تبت ورجعت
مش ياما سمعت مواعظ وقالولك على حلول وبرده منفعش
فبقى عندك قناعة إنه مفيش فايدة
فرضخت لليأس وبقيت تصعق وتعذب وأنت راضى

وفيه ناس رضت بحياتها واطمئنت بها ومش عايز يتغير ومش عايز ياخد المحاولة
وعلشان كده أى مواعظ وشحنات لقلبه متنفعش بعد كده

حطم قيودك واعمل take off 809751

طب دى المشكلة الحقيقة اللى بتواجهنا فى الطريق إلى الله ( قيد نفسى , وهمى , غير حقيقى : اسمه اليأس ) , الحل فين :

1- لا تستلم لليأس : حط ايدك على مشكلتك واستعن بالله تعالى وتتوكل عليه ويبقى عندك حسن ظن بالله ونيتك صادقة وعزيمتك قوية

فاليأس لا يعرف طريقه إلى قلب المؤمن أبدا : " إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ "

2- ابعد عن المثبطات : لازم تبعد عن الصورة السيئة اللى بتثمل لك القناعة السلبية دى دايما

تروح مثلا لأخ وتقوله : أنا عايزين نقضى رمضان السنة دى بشكل تانى ونعمل ونسوى
يقولك : كان غيرك أشطر كلنا كنا عايزين ومبنعملش حاجة
فلازم تبعد عن أصحاب السوء
مش بس اللى بيساعدوك على المعصية لا وكمان اللى مش بيساعدوك على الطاعة وياخدوا بايدك

3- إخوان الصدق : أخوك الحقيقى اللى لما تقع
ويتعثر قدمك فى الطريق ياخد بايدك ويقولك " متخافش لينا رب وهنوصل وإن شاء
الله أنا عندى يقين إنه مش هيضيعنا إحنا مالناش سكة إلا هيا "

فيعلى همتك ويجدد فيك الطاقة الإيمانية لأن عنده حسن ظن بالله تعالى

4- البداية المحرقة : أول عشرة متر دول أخطر حاجة
مثلا لما واحد ناوى يصوم فأصعب فترة عليه فترة الصبح وهو قايم ريقه ناشف الشيطان يلعب فى دماغه ده لسه فاضل 8 ساعات بلاش النهاردة
فلو عدى الساعتين اللى فى الأول دول وصبر هيكمل ولو استسلم لليأس مش هيكمل
سكة الإلتزام برده كده
علشان كده قالوا : البداية المحرقة تؤدى إلى النهاية المشرقة

فيلا بينا نعمل take off
ونبعد عن اليأس اللى بتخلينا فى الأرض ونطير فى السماء

الموضوع : حطم قيودك واعمل take off المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

عضو جديد عدد المساهمات : 20

السلام عليكم ورحمة الله وبركاته
بارك الله فيكم وجزاكم عنا خيرا باذن الله
سبحان الله الذى لا يقنط من روحه الا القوم الخاسرون.
كيف اليأس والقنوط يارب وانت ربى فالى من ألجأ وكل من سواك عدم وعزتك وجلالك لأظل أناجيك وأناديك يا ربى يا منعم عليا انعم.

الموضوع : حطم قيودك واعمل take off المصدر : مسجد الهدي المحمدي الكاتب: يارب قدرنى
توقيع العضو/ه :يارب قدرنى