مدير أمن البحيرة لضباطه فى مقطع فيديو: «إحنا أسيادهم.. واللى يمد إيده على سيده ينضرب بالجزمة»
كتب ٢٦/ ٢/ ٢٠١١
أثار مقطع فيديو يظهر فيه اللواء مجدى أبوقمر، مدير أمن البحيرة، يلقى كلمة لعدد من ضباط المديرية، يوم ٦ فبراير الجارى، حالة من الجدل بين المواطنين، بعد تسريب الفيديو على الإنترنت، أمس الأول، بالتزامن مع حادثى اشتباك وإطلاق نار بين مواطنين وضباط شرطة فى محافظتى القاهرة والجيزة.
تبلغ مدة مقطع الفيديو ٣ دقائق و٢٢ ثانية، لكن المتداول منه على نحو واسع عبر موقع «فيس بوك» مدته دقيقة و٤٨ ثانية، ويظهر فيه اللواء «أبوقمر» وحوله عدد من قيادات ضباط المديرية فى ساحة بنك القاهرة بدمنهور وهو يقول: «إحنا موجودين ورجالة، وبندافع عن المواقع بتاعتنا صح، ومفيش أى (عـ..) يقدر يقرب منكم، وإحنا إيد واحدة، وعمالين يطلّعوا فى إشاعات إن مساعدين الوزير يروحوا المحاكمة.. أنا بقى أمشى؟.. الكلام ده كله كذب، والمقصود بيه يستولوا على البلد والسلطة، وأى شخص غلط لازم ييجى ويتعمل معاه إجراء قانونى.. واللى يمد إيده على سيده لازم ينضرب بـ(الجزمة)، بس وإحنا بنتعامل مع الناس يجب تكون المعاملة بأسلوب كويس، أما المنحرف فله معاملة خاصة، ولازم نقف إيد واحدة ولا نسمح بالكلام ده، شدوا حيلكم».
من جانبه، علق اللواء مجدى أبوقمر لـ«المصرى اليوم» على مقطع الفيديو قائلاً: «الكلام فى الفيديو واضح جداً، وكان يتعلق بالمنحرفين والخارجين على القانون، لكن تم قطع أجزاء منه بطريقة (لا تقربوا الصلاة)، والغرض من ذلك إثارة المواطنين ضد الشرطة، لأن الجزء الثانى المستقطع من الفيديو يحث أفراد الشرطة على حسن معاملة المواطنين، وعدم التعالى عليهم».
الموضوع : مدير أمن البحيرة لضباطه فى مقطع فيديو: «إحنا أسيادهم.. واللى يمد إيده على سيده ينضرب بالجزمة» المصدر : مسجد الهدي المحمدي الكاتب: ????
موضوع: مدير أمن البحيرة لضباطه فى مقطع فيديو: «إحنا أسيادهم.. واللى يمد إيده على سيده ينضرب بالجزمة» 
السبت 26 فبراير 2011, 3:29 pm
