أنا ونقابي

10/08/2009

تقول احد الاخوات

السلام عليكم ورحمة الله وبركاته
صراحة عندما قرأت قصص الاخوة والاخوات حسيت اني مش عندي حاجة أقولها زيهم كدا
اللهم بارك فيهم ...عظات وعبر وقصص أفادتني
لكن لما دورت لقيت حاجة ممكن أقولها جايز مش تكون زي اللي قبلي لكن لعلي أصدق النية فيصل ليكم المقصود
حكايتي هي مع النقاب وان كانت مش في النقاب في حد ذاته ودا هوضحه ليكم
نبدأ من الاول...كحال كتير من شباب المسلمين مش عرفوا الالتزام الا متأخر
يعني بالنسبة لي عرفته بعد 18 سنة من عمري وكانت بداية متدرجة ..لما بدأتالطريق ده وبدأت بالطرحة الطويلة...وشوية شوية الملحفة وكان نفسي البسالنقاب اوي...كنت كتير اسمع الدكتور حازم ربنا يباركله ويجازيه عني كل خير..كنت بسمعه دايما يقول نقاب..ففكرت مع نفسي هو ليه مش يكون النقاب ده هوالحجاب فعلا...في الوقت ده انا كنت جاهلة تماما وغير مقتنعة تماما بالنقابخصوصا ان حياتي في بيت غير ملتزم هي اللي وصلتني لكده.
لما عرفت حكم النقاب وهداني الله لفرضيته مكنتش متخيلة اني لما اجيب سيرتهفي البيت هتتقام عليا حرب..كنت متخيلة انه عادي هلبسه زي ماكنت بعوز البساي حاجة بجيبها والبسها ومش بيكون في اي اعتراض..لكن للاسف اللي حصل غيركده
وفضلت 3 شهور أقنع فيهم وأصلي وأدعي الله اني البسه واحاول اجتهد فيالدعاء لحد مااقتنعوا خلاص لكن ده اللي كان بيوحوه ليا لاني اما بدأتالتنفيذ رجعوا كما كانوا.
لما قعدت مع نفسي وفكرت هما ليه وافقوا وبعدي رفضوا...هو الله مش عايزني البسه ؟؟
هو ربنا مش قادر يغير قلوبهم ؟؟ وأسأله تسخطية من دي ربنا يغفرهالي
لكن انتهيت من التفكير دا باتهام نفسي بعدم الصدق
وهو ده فعلا اللي كان...هو انا كنت صادقة وأنا بدعي؟؟
انا كان اخر حاجة بعملها الدعاء في الصلاة المكتوبة..اه بجتهد فيه لكن مشعملت اي حاجة زيادة تخليني اقول اني صادقة في السير في الطريق الي الله
طالما انا مش صادقة أهلي هيوافقوا ازاي ؟؟
اذا كنت مش صادقة مع الله في نيتي في لبس النقاب اهلي هيصدقوني؟؟؟!!!!
وبدأت هنا اصحح النية ...وأشوف انا عايزة البس النقاب لييييه ؟؟
انا خلاص عرفت انه فرض ....بس كان لازم اصدق
وهنا عرفت يعني اية حلاوة قيام الليل....اه مكنتش بصليه قبل كده الا في السنة مرة مثلا
لكن مع صدق النية وأحسبني صدقتها في لبس النقاب ولا ازكي نفسي والله سترني الله واياكم
المهم بدأت اقيم الليل وازيد من الطاعات وحسن الخلق
لمدة شهرين وأنا علي الحال ده
كنت أبكي لدرجة اني عنيا تورم وأقول يااااا رب استرني
يا رب لو انت راضي عني استرني بالنقاب
لاني وقتها رغم ان ماكنش بيظهر شيء الا جزء من وجهي اثناء خروجي الا اني كنت حاسة ان كلي مكشوف
حاسة اني مش مستورة وعايزة النقاب يسترني
ووقتها ربط رضا الله عني في الدعاء بلبسه
يا رب لو انا صادقة البس النقاب ويكون علامة رضاك عني
وبقي فاضل حوالي يومين علي امتحاناتي الشفوي وكانوا اجازة وقعدتهم في البيت
وكنت بدعي الله في اليومين دول انه لو راضي عني ان مع اول نزول ليا الشارع يكون بالنقاب
ودعيت ربنا كتير اني اصدق النية وانه يصلح لي نيتي وينصرني علي نفسي واتباع الهوي
لان وقتها اني البس النقاب يعني هيكون فيها امتناع عن اللبس والزينة والالوان
وخصوصا اني كمان كانت عايزة يكون كله اسود تشبها بأمهات المؤمنين
فكنت دايما ادعي بان الله يبعد عني نفسي وينصرني عليها وفضلت كده فترة
لحد مابفضل الله ربنا كرمني وكلمتهم تاني وكانت اخر مرة اكلمهم فيها وفوضت امري لله
كان الكلام دا يوم سبت والمفروض عندي امتحان تاني يوم
يعني كان قبل الامتحان بيوم والوقت كان بالقرب من العصر والمادة كبيرة ولازم اخلصها واتقنها لانه شفوي يعني برجلة كمان
لحد قرب العصر مكنش في اي موافقة علي النقاب وكانوا كلهم خرجوا وسابوني في البيت
طبعا وقتها انا كنت مدمرة نفسيا وحاسة خلاص
اني من الناس اللي ربنا استغني عنهم
وبقيت اقول في نفسي انا الله استغني عني ومش راضي عني
الامتحان بكرة وهنزل من غير النقاب
انتي مش صدقتي للمرة التانية
انتي بتخدعي الله
وكلام من ده لحد ماكان هيحصلي حاجة فعلا
وقتها مقدرتش ازاكر وقولت هنجح في الدنيا ليه بقي طالما الله مش راضي عني
خسرت اخرتي يبقي لازمتها اية الدنيا
ودا اللي كان مسيطر عليا وقتها وقمت لقيت شيء في البيت لازم اعمله
قولت اعمله برًا لوالدتي وبالفعل سبت المزاكرة اللي مش عارفة اركز فيها
وأثناء ماانا بعمل الشيء دا لقيت والدتي جت من برة وبتقولي أبشري
البسي النقاب
ياااااااااااااااااه ...أية اللي بتقوله ده
هلبس النقاب ...ازاي وامتي وفين....قالتلي خلاص انتي عايزة ترضي ربنا ومش هنقف في الطريق ده
مقدرتش اتمالك نفسي الا اني احضنها وابوسها وفرحة جوايا و....
احاسيس كتير كدا متلغبطة
لكن اول مادخلت قوضتي برده حسيت بعدم رضا الله
لان انا كنت بدعي اني انزل بيه تاني يوم
طيب هنزل ازاي وانا اصلا مش عندي نقاب وصعب اتصل بواحدة من صحباتي لانهم بعيد عني وفي عطلة ليهم ومزاكرتهم
لكن المفاجأة كانت هنا....ياتري اية هي ؟؟؟
واحدة كنت مش شوفتها من اكتر من 10 سنين كانت عزلت من المنطقة
فوجئت بيها تقول انها رجعت من فترة وبتبيع ملابس محجبات
ورغم انها مش شافتني من سنين ولا تعرف حاجة
قالتلي مش عايزة نقاب ؟؟؟؟؟
ياااااااااااااااااااااااااااااااااا الله
نقاب
لا تتخيلوا فرحتي
من غير تردد قولتلها طبعا وقد كان الحمد لله
جابتلي النقاب ولبسته
كنت بقيسه في البيت قبل مااخرج احساس مش قادرة اوصفه
والحمد لله ربنا ييسرلي المزاكرة ونزلت تاني يوم
اللي هو اول نزول ليا في الشارع بالنقاااااااااب
بتاجي ...بستري
والله ثم والله احساس لا يوصف...وانا ماشية والنقاب بيرفرف علي راسي وقلبي معاه
مع كل شوية هوا يحركوه قلبي انا اللي بيتحرك
مع حركتي بيه قلبي انا اللي بيتحرك
انا ماشية مستورة
انا متشبهة بامهات المؤمنين
انا بنصر ديني
انا سترت نفسي ومنعت نظر اخواتي الشباب عني
انا امتثلت لامر الله ورسوله
وفضلت اردد كل الحاجات دي بيني وبين نفسي طول الطريق
فاللهم لك الحمد
ياااااا رب كم انت كريم...سترتني لما طلبت منك النقاب رغم ذنوبي الكتير
سبحانك يسرت ليا طريق عمري ماتخيلت اني امشي فيه
بفضلك عليا وبنعمتك أهدتني نعمة كبيرة نعمة التشبة بزوجات الرسول
وبفضلك عليا انعمت عليا بسببها بنعمة الصحبة الصالحة
انا بحبك اوووووي ياااااااااااااااااا رب

اللي عايزة اوصله لكل أخت تعثر عليها لبس النقاب بسبب اهلها
انها عليها بالصدق ... (( من صدق الله صدقه الله )
والدعاء في كل وقت خاصة جوف الليل الاخير

عايزة اوصل ليكم كمان ان اللي في أمر ومش قادر علي نفسه فيه يستعين بالله
يفر الي الله ...يطلب منه العون ويتذلل بين يديه

ربنا كريم جدااااا لكن لازم نري الله منا الصدق

كمان ان اللي يريد الستر ربنا بيستره ودي اتعلمتها فعلا وحسيتها
وبحمد الله علي نعمة الستر خصوصا لما بنزل الشارع واشوف منظر البنات ربنا يهديهم ياااااا رب

معلش بقي انا طولت عليكم
ستركم الله في الدنيا والاخرة :)
واٍسألكم الدعاء لي بالثبات حتي الممات

الموضوع : أنا ونقابي المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

عضو جديد عدد المساهمات : 684

الموضوع : أنا ونقابي المصدر : مسجد الهدي المحمدي الكاتب: زهرة المدائن
توقيع العضو/ه :زهرة المدائن

10/08/2009

جزانا واياكم

أنا ونقابي 719628

الموضوع : أنا ونقابي المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

نائب المدير عدد المساهمات : 3918

بجد بكيت من قلبى

ربنايبارك فيك
ويسعدك اخى الكريم على هذاالموضوع القيم

ويثبتنى على النقاب

الموضوع : أنا ونقابي المصدر : مسجد الهدي المحمدي الكاتب: aya
توقيع العضو/ه :aya

10/08/2009

وفيكي بارك ربي

ربنا يتقبل منك يارب ويثبتك علة لبس النقاب يارب

وجميع المسلمات

الموضوع : أنا ونقابي المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة