أنا آسف يا مصر

10/08/2009

مرينا بأحداث الفترة الأخيرة دي

تخلينا نقول بأعلى صوت

أنا آسف يا مصر ...

أنا آسف على ترك دوري الفترة اللي فاتت ...

قال تعالى :

إِنَّ اللَّـهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنفُسِهِمْ وَإِذَا أَرَادَ اللَّـهُ بِقَوْمٍ سُوءًا فَلَا مَرَدَّ لَهُ وَمَا لَهُم مِّن دُونِهِ مِن وَالٍ
الرعد: ١١

و لاشك ان بداية التغيير هو كلمة لأ طالما كنا نقدر

ضد اتجاه واقع محبط و حياة بدون هدف

و لكن بداية التغيير لازم يكون

أنا و المجتمع و بلدي

و أنا ( نفسي ) تأتي أولا ...

في وسط الأحداث اللي احنا فيها

انشغلنا بالأخبار و الإعلام اللي مودينا يمين و شمال

و نسينا حاجات مهمة كتير

( واجبات الوقت )

المفروض الفترة دي أعمل ايه ...

حسيت بالمعنى دا في وسط الأحداث دي

إن الملك أمره بكن ... فيكون

أحوال ناس اتقلبت من فوق لتحت و من تحت لفوق

قال تعالى :

قُلِ اللَّـهُمَّ مَالِكَ الْمُلْكِ تُؤْتِي الْمُلْكَ مَن تَشَاءُ وَتَنزِعُ الْمُلْكَ مِمَّن تَشَاءُ وَتُعِزُّ مَن تَشَاءُ وَتُذِلُّ مَن تَشَاءُ بِيَدِكَ الْخَيْرُ إِنَّكَ عَلَىٰ كُلِّ شَيْءٍ قَدِيرٌ
﴿آل عمران: ٢٦﴾

سبحان الله و كذلك أحوالنا يوم القيامة

أعمالك ترفعك فوق و تكون من أهل الجنة

أو تذلك و تكون في النار و العياذ بالله

ناوي على ايه ؟؟

و انت شوفتها بعينيك في الدنيا

و لنا في آيات الله في الأرض عبر و عظة ...

لاحظ في الآية أيضا قول الله تعالى

بيدك الخير ...

الخير كله بأمر الله سبحانه و تعالى

فانت ان كنت ناوي تصلح حالك و بلدك

عليك أن تعلم أن الخير بيد الله

فتلجأ لله سبحانه و تعالى

و زي ما الناس كانت بتطالب بإسقاط النظام

النظام مش بس سياسة دولة

النظام هو دولة و شعب

فلازم يكون هناك ثورة أيضا على النفس

لكن المقصود ان الابتلاء اللي كان في مصر لاشك هو بسبب ذنوبنا

و تولي الفساد القيادة أكيد بفساد الأفراد

يعني أعمالك شر

هيولي عليك الله الشر

فيبتلينا الله بهم

ليه ؟

قال تعالى :

وَلَقَدْ أَرْسَلْنَا إِلَىٰ أُمَمٍ مِّن قَبْلِكَ فَأَخَذْنَاهُم بِالْبَأْسَاءِ وَالضَّرَّاءِ لَعَلَّهُمْ يَتَضَرَّعُونَ
﴿الأنعام: ٤٢﴾

عشان نلجأ لرب العالمين

فدي أهم و أكبر و أعظم خطوة في الفترة دي

لأن بكل بساطة لا ملجأ و لا منجا منه إلا إليه

ربنا سبحانه و تعلى يبتلينا في الفترة دي عشان ( نرجع )

سواء كان بالدعاء و التضرع ان ربنا يصلح حالنا و حال أمتنا أو بالتوبة

قال تعالى :

أَوَلَمَّا أَصَابَتْكُم مُّصِيبَةٌ قَدْ أَصَبْتُم مِّثْلَيْهَا قُلْتُمْ أَنَّىٰ هَـٰذَا ۖ قُلْ هُوَ مِنْ عِندِ أَنفُسِكُمْ ۗ إِنَّ اللَّـهَ عَلَىٰ كُلِّ شَيْءٍ قَدِيرٌ
﴿١٦٥﴾

دور في حياتك ...

ايه ممكن يكون من الذنوب ما أنت مقيم عليه ينزل البلاء عليك و على أمتك

و توب فورا و ارجع الى الله

و اسأل ربنا سبحانه و تعالى التوبة للمسلمين أجمعين

موضوعنا النهاردة
حقيقة و خطة التغيير

ومع أول خطوات التغير : تغير النفس

أنا قولت أنا عايز أتغير

طيب أتغير من ايه و أتغير لإيه ؟؟

أتغير من إيه تبدأ بمحاسبة النفس

و محاسبة النفس لازم تكون بصدق و مع الفترة الجديدة زي ما احنا عايزينها

لا لليأس

و نعم لـــــ

1- التوبة

اقهر أي ذنب في حياتك بالتوبة و الحسنات الماحية

باب التوبة لسة مفتوح بفضل الله و برحمته علينا

و بعدين ابدأ اصلاح نفسك بطريقة ترضي ربنا عنك

و نبدأ نصلح المجتمع حوالينا

و الأهم في الفترة دي فترة التغيير

2- إخلاص النية

ما ينفعش تطلب التغيير و انت مش عارف انت بتغير نفسك ليه ؟ و عشان مين ؟

و ما ينفعش تكون بتغير نفسك إلا لسبب واحد بس

أن يرضى الله عنك

تغيير يدخلك الجنة ... و بس

و لن يحدث التغيير إلا بالاستعانة بالله

انك تدعي كتير و تسأل الله أن يرزقك الصلاح و الإصلاح

و زي ما هتكون بتحاول تغير نفسك

لازم تحاول تغير مجتمعك

ما تسيبش السفينة تغرق ...

غرق السفينة معناها غرقك انت كمان ...

و عشان تكون أحد قادة السفينة

و كل من على السفينة قائد ليه مكان و ليه ثغرة هو واقف عليها

لازم يكون عنده

3- علم

علم كافي يقدر يمشي بيها السفينة صح

يبقى من أهم نقط التغيير انك تتعلم صح

سواء كان علم شرعي تعرف دينك صح و كويس و بعمق و من مصدر ثقة عشان تقدر تواجه أي موجة فتنة أو ابتلاء تتعرض ليها

أو علم دنيوي في المكان اللي ربنا ولاك فيه سواء كنت مهندس طبيب معلم أو حتى حرفة يدوية

لأن صلاح بلدنا هيبقى بصلاحنا في دينا أولا ثم دنيانا

4- طور نفسك أولا بأول

و المهم في تركيزك في خطوات التطوير شيء مهم جدا

انك تعرف " فنك ايه ؟ "

ايه المجال اللي انت شاطر فيه و متميز فيه و تبدع ما تشتتش نفسك

لازم تكون خطتك دقيقة ... و عملية

فابحث عن نفسك و فنك و تميزك و زيد فيه

5- حسن الخلق

النقطة الأخرى المهمة اللي محتاجين نركز فيها

هو حسن الخلق

ما تختلفش كتير مع الناس

و احترم الرأي الآخر طالما يوافق

وجهة نظر شرعية صحيحة

لأن أصعب شيء في الفترة الحالية هو التشتت و الفرقة

الأهم ان ما يبقاش فيه فرقة في صفنا دلوقتي

لأن أكتر حاجة هتعيق هدف التغيير هو الفرقة في الصف

قال تعالى :

وَأَطِيعُوا اللَّـهَ وَرَسُولَهُ وَلَا تَنَازَعُوا فَتَفْشَلُوا وَتَذْهَبَ رِيحُكُمْ وَاصْبِرُوا إِنَّ اللَّـهَ مَعَ الصَّابِرِينَ
﴿الأنفال: ٤٦﴾
فالأهم من أي شيء دلوقتي

اننا ما نرفعش أصابع الاتهام لكل طرف

و نلقي الاتهامات لبعض بالسلبية

و أن ننسب النصر لله تعالى
و تيقن أن الله لن يولي علينا خيارنا إلا أن نتغير نحن أولا
فابدأ بنفسك سلسلة التغيير

يبقى كخطوات عملية محتاجينها

1 - التحلي بحسن الخلق و البعد كل البعد عن الجدال و الفرقة و تشتيت الصف

2 - واجب الوقت : التوبة الجماعية و الدعاء و اللجوء إلى رب العالمين

3 - ابدأ بخطة التغيير:

1 - نفسي أولا بمحاسبة النفس : خطة لمحاسبة النفس

2- الأهم هو الإخلاص و الاستعانة بالله عز و جل

3 - العلم : دينك و دنياك ... طور نفسك أولا بأول

و نسأل الله أن يجنبنا الفتن ما ظهر منها و ما بطن و أن يصلح أمرنا على ما يرضي الله عنا

الموضوع : أنا آسف يا مصر المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

عضو جديد عدد المساهمات : 42

موضوع جميل جدا والكلام قيم أنا آسف يا مصر 123765

الموضوع : أنا آسف يا مصر المصدر : مسجد الهدي المحمدي الكاتب: muslimah.lelah
توقيع العضو/ه :muslimah.lelah

10/08/2009

جزانا واياكم خير الجزاء

أنا آسف يا مصر 760669

الموضوع : أنا آسف يا مصر المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة