ياسلام على الحب وحلاوة الحب!! الان أرض الحب

10/08/2009

الحمد لله وكفى ، وصلاة وسلاما على عباده الذين اصطفى ثم أما بعد

انهاردة ياجماعة هانتكلم عن الحب
بس مش الحب الحرام
مش الحب الوهمي
مش الحب اللى ضيع شباب المسلمين
مش الحب اللى خلي البنات تلبس أقذر لبس وتضحي بأخرتها
مش الحب اللى خلى الزنا ينتشر فى بلاد المسلمين
هانتكلم عن حب نظيف
حب حقيقي بجد بين اعظم زوجين
ندخل فى الموضوع تخيل لو حبيبتك قالت لك( حبيبى انت هتنام وانا سهرانه علشانك )
تخيلوا
لو كلمه من الكلمات دى اتقالت لشاب دلوقتى يعمل ايه؟؟؟؟؟
كان سيدنا ابوسليمان بيصلى ركعتين قيام ليل بيتهجد نزل يسجد
نام فى السجود وهو نايم لقى حوريه من حوريات الجنه بتركله برجليها وبتقوله الكلام ده ياجماعه(((حبيبي أتنام وقد ربيت لك فى الخدور؟!!))))
حبيبى أتنام والله ينظر الى المتهجدين فى تهجدهم؟
حبيبى اتنام وانا اربى لك فى الخدور ؟

حبيبى مش دى الكلمه الى الشباب كله بيضيع شبابه كله عشان يسمعها كلمة
’’ بحبك ‘‘
الشباب بيعمل ايه عشان ينتزع كلمة بحبك من واحده
أد ايه بيلف وأد ايه بيتعب وأد ايه بيجيب هدايا وأد ايه بيسهر مع اصحابه

يتعلم يقول ايه وميقولش ايه ولو قالتها له فى الآخر بقى سهل
انها تقولها لغيره ده ان مكنتش قالتها لغيره فعلا

انما الشاب اللى بتكلم عليه ده ماشاء الله الله أكبر

اتقالت له كلمة حبيبى من غير مايدفع مهر 200 الف جنيه
ولا كتب قايمه ب100ألف جنيه
ولاجاب شقه وفرشها عفش بخمسين الف جنيه
ياه يعنى مهر الجنة سهل اوى كده يارب دى الجنة ياجماعة
’ ارض الحب ‘
ولما اتقال له كلمة (حبيبى) اتقالت له هو بس
واللي قالتهاله جمالها شكله ايه؟ تخيلوا حور الجنه جمالهم شكله ايه ياجماعه

حورية الجنة دى من جمال وشها بس لو طلت يعنى طله كده على الارض لأنارت الارض من جمالها
من جمال وشها ولونها زى اللؤلؤ
يعنى مش بياض بياض ايه بقى ده ربنا بيقولك زى اللؤلؤ
عينيها ده ربنا بيقولك حور عين يعنى عينيها ساحره
يعنى شكل عينيها ايه؟ لون عينيها ايه؟ رسمة عينيها شكلها ايه؟
بيقولك انت لو شفت شدة سواد النن بتاع العين

على فكره محدش ابدا فى مصر او الوطن العربى او العالم
لون عينه اسود ميه فى الميه العيون السوده دى اخطر الف مره من اى عيون ملونه
الحور عين طب الأوصه بتاعتها؟ طب شعرها؟
انا مش عايز الشباب يتعب :)
انا عايز الشباب يعرف بس الجنه جميله قد ايه
والبنات ميغيروش ولمت تشوف اللي هتخطبها باذن الله ميقولهاش على الموضوع ده:)
وبعدين المسلمه الملتزمه هتبقى احلى منهم
يعنى بسبعين مره
تخيلي يعنى هتبقي عامله ازاى بقى ؟
ده لو الحور لبست خمار (لنصيفها) على راسها خير من الدنيا وما فيها

يعنى لو جبنا ملكات جمال العالم بالبهرجه والزينه واللبس بتاعهم
وجبناها وهي محجبه جمالها هيسحقهم سحق من غير وجه مقارنه اصلا!!!!!

تخيل ياسلاااااااااااااااااااام طيب ثغرها ’’ ضحكتها ‘‘ لوضحكت بس يعنى فى الجنه بيقولك تضىء جنبات الجنة
فيسأل ما هذا؟ فيقال حوريه ضحكت لزوجها
شايف ضحكتها جميله ازاى
ولا نانسى عجرم ولا هيفاء ولا الهيصة دي كلها
ده ريقها بيقولك لو تفلت فى البحر تقلبه عسل عذب

يعنى تخيلوا لو بنت وولد من اللي قاعدين مع بعض فى الجامعه دول وهي تفلت فى وشه هيشلها يرميها فى النيل على طول :))

انما الحوريه دى لو تفلت فى وشك زوجها فى الجنه
يااااااااااااااااااه ده لو تفلت فى بحر يبقى عسل امال لو تفلت فى وش زوجها يبقى ايه؟

لالالالالا يا جماعه ده ريقها بس طيب صوتها بيقولك تغنى لزوجها
بصوت لم يسمع فى الدنيا على الاطلاق
يعنى اجمل من اجمل المغنيات الى مجننين الشباب دلوقتى ها؟!!!!
اكمل ؟........ ولا كفايه
كفايه بقى علشان النساء هيزعلوا
والشباب هيتعب برضه
انا مش عايزكوا تتعبوا ياجماعه انا عايز أقولكم
قد ايه الجنه دى ارض الحب
قد ايه الجنه دى هي الى فيها قصص حب حقيقيه
ده ربنا بيوصف لك كلام الحب اللى هاتقولهولك
بيقول ايه ’’ عربا ‘‘
يعنى هتقولك كلام حب لاسمعته فى اغانى الحب ولا قريته فى قصص الحب ولا قريته فى
جوابات الحب ولا الشعراء الى بيحبوا عرفوا يوصفوه فى الشعر بتاعهم دول ""عربا""

وربنا بيقولك ايه تانى عليها ’’ قاصرات الطرف ‘‘ يعنى عينيها عليك
من كتر العشق والحب
بالله عليك يا اخى لو انته قاعد فى محاضره او فى الجامعه بتبص لقيت واحده بصتلك تعمل ايه؟
وبالذات لو حلوه هيغمى عليك طبعا :))
طيب تخيل بقى لو لقيتها نص دقيقه حاطة عينيها عليك؟
هتقول لالالالالالالا ده الموضوع كبر بقى
طيب تخيل ان انت كل متبصلها تلاقيها بتبصلك
طب تخيل لو مبتشلش عينها من عليك
طب تخيل انها بقى بتبصلك بنظرة وله وشوق وهيام
ده ’’ الحب يا جماعه ‘‘

علاقة الحب اللى مابين الزوج وزوجته فى الجنه لم تسمع مثلها فى الدنيا على الاطلاق حب حقيقى ولو غبت عنها شويه تجيلك تقولك ’’ ان لك اهلون ‘‘ وحشتنى ’’ ياسيدى على الحب ‘‘ بس كلمة وحشتنى منها بقى مسمعتش زيها فى الدنيا دى كلها
رقة ايه وحنية ايه
انا مش هقدر اوصف وتقولك لقد ازددتم بعدنا جمالا
ايه الجمال ده ’’ شفت الدلع ‘‘ ايه الحلاوه دى وكمان ايه
يا جماعه ’’ يسقون من رحيق مختوم ‘‘

تيجى تمد ايدك على كباية العصير تقولك لا انا الى هسقيهالك بأيدي تمد الكبايه وتسقيك بأيديها
ايه رايك بقى فى الحب ده؟
ايه
رايك ها؟ وانتى بردو زوجك فى الجنه هيحبك كده هيسقيكى بايديه وعينه عليكى
وانتى بتشربى ويحبك ويقولك كلام عمرك ماسمعتيه وايه هيبقى
فى جمال سيدنا يوسف
تخيلى اللى الستات لما شافوه قطعوا ايدهم الى من بياضه !!!!
كان لما يشرب ميه تشفها وهي نازله فى عنقه!!!!
اللى قالوا عليه ’’ان هذا الا ملك كريم ‘‘
تخيلوا كل ده حب ودى قصص حب حقيقيه هنعيشها متحسوش انها وهم لان ده ان شاء الله هيحصل بجد
تخيل معايا بقى انك دلوقتى على القصر بتاعك الى على نهر الكوثر الى خدته ب’’ 12 ‘‘ ركعة سنه فى يوم
وهبقى اوضح لكم للى ميعرفش المهم انت وهي انت وحبيبتك قاعدين
وربنا جمع بينكم لانكم كنتم بتصلوا قيام ليل انتوا الاتنين
ومن اهل الالتزام
تخيل قدامكم بقى كبايات عصير بمزاج التسنيم
واطباق حمام بألذ مايكون من طعم وقدامكم أوانى ذهب خالص فيها
100 نوع فاكهه كل ثمره ليها طعم غير التانى
يعنى مثلا الموز له 70 طعم كل طعم غير التانى
وجميع الفواكه كده تصور تخيل بقى المتعه دى وهي زينة ايه وجمال ايه وزوجك وسامة ايه ورومانسية ايه
ومفيش وقت بقى قدامك عمر لاينفذ
مش زي ناس تقولك عايزه اروح عشان بابا ومش عاوزة اتأخر
ومفيش بقى الكلام بتاع الدنيا مش مستعد اتقدم دلوقتي معيش فلوس أتقدم أبوها مايوافقش
مفييييييييييييييييييش الكلام ده
وانتوا بقى كل واحد يشيل كباية العصير يسقى التانى وعينيكوا على بعض وبتقولك اشرب ياحبيبى
ها تدفع فيها كام دى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تدفعوا فيها كام ياشباب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الشباب اللى عامل ان هو بيحب والبنات الى عامله انها بتحب
ياجماعه حب ايه احنا مش فى ارض الحب
ارض الحب فى الجنه
انتى نفسك تتجوزى شاب وسيم وقوى ومعاه عربيه اخر موديل
طب متطمعى انك تتجوزى شاب من اهل الفردوس الاعلى
تخيل شباب الفردوس الاعلى دول جمال ايه وقوة ايه ووسامة ايه وملك ايه
’’ فلوس يعنى واملاك ‘‘
وانت لو عرضت عليك تتجوز واحده جميله تقول اه والله ياريت !!!
بس الواحد معندوش امل غير بعد 25 سنه كده على مايكون كون نفسه
طب لو عرضت عليك واحده نجمه سينمائيه؟
طب نجمه عالميه؟
طب تتجوز ملكة جمال العالم؟
طب مش نفسك تتجوز حوريه من حوريات الفردوس الاعلى؟
مش نفسك يا اخى ياشباب مش نفسكوا فى كده اشمعنى انتم فى الدنيا طموحين وفى الاخره زاهدين؟
اللى هتبقى حياتك باذن الله للابد
يعنى لو عندك عربيه ايجار يومين هتزوقها وتظبطها ولا اللى هتبقى ملكك؟ فكر
واطمح للاعلى مكسل يا اخى ده انا لو قلتلك هديك عماره فى المعادى او فى
اسكندريه على البحر هاتموت فيها من الفرحة

انت ممكن تاخد قصر فى الجنه ب 12 ركعة سنه فى اليوم تخيل لو حافظت عليهم
كل يوم هتعمل كام قصر لغاية متموت تخيل ملكك هيبقى قد ايه فى الجنه
وانا بقولك قصر انت مش متخيل ده بيقولك الشجره فى الجنه الفرس يجرى فى ظلها 100 سنه ميخلصهاش!!!!!

مابالك قصر فى الجنه انت مقدر بأيه مش بمليار جنيه لا ده ب 12 ركعة سنه فى
يوم واحد طب اعمل ايه انا معرفهمش 12 ركعه امته ولا ازاى هقولك
_ عندك ركعتين قبل الفجر
_ عندك اربع ركعات قبل الظهر واتنين بعده
_ عندك ركعتين بعد المغرب
_ وعندك اتنين بعد العشاء
ها كتير على قصر فى الجنه؟
يااااااااااااه يا اخى ده لو قلتلك صليهم وهديك عربيه سبور والله ماهتنام!!!!
لو انت بتموت هاتنزل وتصليهم وانت فرحان عشان اول متخلص الركعتين اللى بعد العشاء تجرى تاخد العربيه !!!
لا هو فعلا لما بتخلصهم الملائكه بيكونوا بنولك القصر ده فى الجنه ابسط ياعم وبعدين يا جماعه والله متاع الدنيا ده زايل
هتاخد عربيتك دى القبر؟ هتاخد بيتك القبر؟ هتاخد رصيدك فى البنك القبر؟
اعمل للآخره بقى فووووووووووق فووووووووقى
يالا متفوتوش ركعة سنه تخيل كده لونمت مثلا عن الفجر وملحقتش سنته انت ضيعت قصر ياااااااااااااااااه هتندم قد ايه
تعرفوا يا جماعه
اغنى اغنياء العالم فى فتره من الزمن معاه اموال لو اتوزعت على فقراء العالم هتكفيهم وتفيض دى تعادل ميزانيات دول
عارفين
بنته اخرتها كانت ايه اتجوزت اربع ازواج كل واحد كانت بتدور معاه على
السعاده منهم واحد شيوعى راحت شقته كانت بتمسحله البلاط وتغسله المواعين
وتطبخله وتكنسله
بتدور على السعاده يمكن تلاقيها وفى الاخر ماتت منتحره لما يئست ان فى سعاده فى الدنيا
تعرفوا ’’ مارلين مونرو‘‘
مين فينا مين فى مصر مين فى الدنيا يوصل للشهره الى هي وصلتلها فى العالم وبعد كده فى الاخر بنت بعتتلها قالتها انا نفسى ابقى زيك

بعتتلها ’’ مالين مونرو ‘‘ ورقه لغاية دلوقتى عاينينها فى المتحف البريطاني
ترد عليها قالتلها انا اتعس امرأه فى العالم
اوعى تدخلى السكه دى
ايه ده مش دول الى خدوا الدنيا!!!!!
دنيا ايه يابنى منا قلت لك انها سراب ’’ يحسبه الظمآن ماءا ‘‘
بنحسبها ميه ياجماعه لغاية متتطلع روحنا وراها ونموت عطشانين بردو قال تعالى ’’ افرأيت ان متعناهم سنين ‘‘
افرأيت
افرأيتى افرأيتم افرأينا ان متعناهم سنييييييييييييييييييييييين لو مسك كل
الموبيلات ولو ركب كل العربيات ولو سكن احسن البيوت ومشى مع كل البنات
وطلع كل الرحلات وحصل كل المراكز وبقى عندوا شركات وارصده فى البنوك وعاش
حياته كلها بالطول والعرض وسمع كل الاغانى وبص على كل اللى نفسه فيه وقال
اللى نفسه فيه ولبس اللى نفسه فيه وأكل اللى نفسه فيه وركب الى نفسه فيه
’’ افرأيت ان متعناهم سنين ثم جاءهم ما كانوا يوعدون ‘‘
جالهم عذاب القبر وجالهم عذاب القيامه وجالهم العقوبه على معصيه معصيه فى النار يااااااااااااااااااااااااااااه ’’ ما اغنى عنهم ما كانوا يمتعون ‘‘
خلاص هايستفيد ايه؟
قال صلى الله عليه وسلم ’’ يؤتى بانعم اهل الدنيا يوم القيامه فيغمس غمسه فى النار فيقول له الله تعالى : هل رايت نعيم قط ؟؟؟؟ فيقول لا والله
مارايت نعيم قط!!!!!
ويؤتى باتعس اهل الدنيا فيغمس غمسه فى الجنه فيقول له الله تعالى : هل رايت شقاءا قط؟؟؟ فيقول لا والله

غمسه يا جماعه عارف لما تجيب حتة بسكوت تنزلها فى كباية شاى وتطلعها فى ثانيه كده هي دى الغمسه
تخيل انعم اهل الدنيا اكتر واحد اتمتع بنساء وعربيات ولبس وراحه وكل نعيم الدنيا غمسه واحدة فى جهنم نسته كل ده!!!
وعلى العكس اتعس اهل الدنيا يغمس غمسه بردو بس فى الجنه خلاص نسى الايام الى كان بيلحس فيها التراب من الجوع
البرد الى قطع جسمه ومش لاقى حاجه تحميه منه
النوم على رصيف الشارع
مد ايده للناس
بغمسه فى نعيم الجنه نسى كل الشقاء ده
ليه فى ايدك تاخد كل النعيم ده وتقول لا ؟
كفايه كده
ليه مصمم تقولي ياعم انا امتع نفسى بردو واكلم واحب واشتغل البنات!!!!
وانتى ليه تلبسى ضيق وليه تكلمى شباب فى حب انتوا عارفين انه اخرته حرام!!!!
عايزين نروح ارض الحب بقى لانها مش هنا
ها مين مستعد ييجي معانا ؟؟؟؟؟؟؟؟؟؟؟؟؟؟؟؟

وصلِ الله وسلم على نبينا محمد وعلى
آله وصحبه وسلم

الموضوع : ياسلام على الحب وحلاوة الحب!! الان أرض الحب المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

عضو جديد عدد المساهمات : 359

عليه أفضل الصلاة والسلام

جزاك الله خيرا على هذا الموضوع الرائع واسلوبك الشيق فى عرضه

ياسلام على الحب وحلاوة الحب!! الان أرض الحب 499807

ياسلام على الحب وحلاوة الحب!! الان أرض الحب Sigpic158278_10

الموضوع : ياسلام على الحب وحلاوة الحب!! الان أرض الحب المصدر : مسجد الهدي المحمدي الكاتب: safena
توقيع العضو/ه :safena

10/08/2009

جزانا واياكم خير الجزاء

ربنا تقبل منا إنك أنت السميع العليم

ياسلام على الحب وحلاوة الحب!! الان أرض الحب 123765

الموضوع : ياسلام على الحب وحلاوة الحب!! الان أرض الحب المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

زائر

تسلم ايديك قليلة عليك ربنا يحفظك قليلة بردوا يااااااااااارب ينصرك ويحميك

الموضوع : ياسلام على الحب وحلاوة الحب!! الان أرض الحب المصدر : مسجد الهدي المحمدي الكاتب: ????
توقيع العضو/ه :????

10/08/2009

جزاك الله كل خير اخي يحيى

ياسلام على الحب وحلاوة الحب!! الان أرض الحب 719628

ياسلام على الحب وحلاوة الحب!! الان أرض الحب 760669

الموضوع : ياسلام على الحب وحلاوة الحب!! الان أرض الحب المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

نائب المدير عدد المساهمات : 3918

ياسلام على الحب وحلاوة الحب!! الان أرض الحب 4aa4d5b63f74c2250364aa4d5b63fb320

ياسلام على الحب وحلاوة الحب!! الان أرض الحب 4aa4d5fda6af21224854aa4d5fda6edd0

بجد بجد مش لاقية حاجة اقولها راااااااااااااااااااااااااااائعة تسلم اخى الكريم على عرضك الميسر والشيق ربنايبارك فيك ويجعلة فى ميزان حسناتك
وينعم علينا ربنا ونكون مثل هؤلاء الحور العين

الموضوع : ياسلام على الحب وحلاوة الحب!! الان أرض الحب المصدر : مسجد الهدي المحمدي الكاتب: aya
توقيع العضو/ه :aya

عضو جديد عدد المساهمات : 2238

بجد بجد موضوع جميل

ربنا يجعلنا من اهل الجنة

ياسلام على الحب وحلاوة الحب!! الان أرض الحب 3755_1270063730

الموضوع : ياسلام على الحب وحلاوة الحب!! الان أرض الحب المصدر : مسجد الهدي المحمدي الكاتب: أمة الله
توقيع العضو/ه :أمة الله

10/08/2009

جزانا واياكم

بارك الله فيكم

ربنا يتقبل منا ومنكم صالح الأعمال

وان يجعلنا من اهل الفردوس الأعلى

اللهم أمين

الموضوع : ياسلام على الحب وحلاوة الحب!! الان أرض الحب المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

نائب المدير عدد المساهمات : 3918

اللهم امين ياااااااااااااااااااااارب

الموضوع : ياسلام على الحب وحلاوة الحب!! الان أرض الحب المصدر : مسجد الهدي المحمدي الكاتب: aya
توقيع العضو/ه :aya

عضو جديد عدد المساهمات : 1

جزاكم الله خيرا

الموضوع : ياسلام على الحب وحلاوة الحب!! الان أرض الحب المصدر : مسجد الهدي المحمدي الكاتب: عصام رابح
توقيع العضو/ه :عصام رابح

10/08/2009

جزانا الله واياكم خير الجزاء

الموضوع : ياسلام على الحب وحلاوة الحب!! الان أرض الحب المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

ياسلام على الحب وحلاوة الحب!! الان أرض الحب

ياسلام على الحب وحلاوة الحب!! الان أرض الحب

مواضيع مماثلة

مواضيع مماثلة