أحلى حياةمدير عام المنتدى
تاريخ التسجيل : 10/08/2009
 |  موضوع: البشرية هتخسر إيه ؟ لو القطر داس عليك ؟؟  الأحد 04 يوليو 2010, 5:51 pm | |
|
البشرية هتخسر إيه ؟ لو القطر داس عليك ؟؟
و خلونا ندخل في الموضوع على طول 
تخيل جنابك إنك قاعد لا بيك و لا عليك 
و عايش زي ما الناس عايشة 
بتاكل و بتشرب و بتنام - لكن ما بتتجوزش علشان الجواز غالي 
و ماشي مع القطيع عادي خالص 
و فجأة  !!
.
.
.
.
.
.
.
.
تيجي عربية نقل الشرقية بمقطورة و محملة طن زلط تدوس عليك  !!
أو قطر أسباني مكيف و آخر حلاوة ( فعص ) جنابك و خلى وشك زي قفاك 
من الآخر يعني ,
إنك ( إتكلت ) و مُتّ و خرجت من الدنيا ,
و تعالى فكر معايا بقى إيه اللي الدنيا فقدته بموت جنابك  ؟؟
المترو التعطل ؟؟ و لا الهرم اتقلب جبنة و الناس أكلته  ؟؟
متهيأ لي  ما فيش أي حاجة هتحصل ,
غير إن الأسرة يعيطوا عليك  و أصحابك برضه ,
و آخرتها شهر بالكتير 
طبعا مش عارف أنا عاوز أوصل لإيه لسه , صح  ؟؟
اللي أن اعاوز أقوله إنك مت ( كما يموت البعير ) ,
مت و خلاص , و ما كانش ليك أي دور في الدنيا تأثر بغيابك ,
يعني لو كنت انت فعلا ليك دور في الدنيا و بتخدم دينك بجد أكيد كان هيحصل فراغ في الموضع اللي انت كنت فيه ده ,
لكن ما حصلش فراغ لأنك ما كنتش ماسك موضع أصلا 
" إن كل مِنَّا على ثغر فلا يُؤتَيَنَّ من قِبَلِه "
يعني كل مسلم منا على ثغر من ثغور الإسلام و ليه دور بيقوم بيه ,
فلا يجب أن يسمح للعدو أن يدخل من الثغر بتاعه , و لا أن يترك الدور اللي بيقوم بيه ,
لكن الحالة دلوقتي للأسف في الحضيض ,
إحنا مش واقفين على ثغور أصلا 
فضلا عن أن نؤتى من قِبَلها !! - و لا أزكي نفسي
لازم يا جماعة كل واحد يشوف ليه ثغر يقف فيه ,
يشوف له دور يؤديه ,
يشوف حاجة يعملها للدين ,
بحيث و هو عايش يبقى ليه دور 
و لما يموت يبقى فعلا فيه مكان فارغ بعده , حد تاني غيره يملاه
الثغر ده مش لازم يكون في الجيش و لا في الحرب ,
لأ
ممكن دورك و ثغرك يبقى دور بتقوم بيه في وظيفتك ,
أو في شارعك و بين الجيران و ( الحتة بتاعتك ) ,
يبقى في الكلية و بين زمايلك و في سكشنك ,
أو في أي مكان ,
المهم يكون ليك دور !!!
أستودعكم الله
 الموضوع : البشرية هتخسر إيه ؟ لو القطر داس عليك ؟؟ المصدر : مسجد الهدي المحمدي الكاتب: أحلى حياة |
|
Yahiaالمراقب العام
تاريخ التسجيل : 22/03/2011
| | موضوع: رد: البشرية هتخسر إيه ؟ لو القطر داس عليك ؟؟ الأربعاء 06 أبريل 2011, 9:15 pm | |
| |
|
ayaنائب المدير
تاريخ التسجيل : 26/08/2010
| | موضوع: رد: البشرية هتخسر إيه ؟ لو القطر داس عليك ؟؟ الأربعاء 06 أبريل 2011, 10:18 pm | |
| |
|
أحلى حياةمدير عام المنتدى
تاريخ التسجيل : 10/08/2009
| |
