شوفت حصل ايه لازم تدخل الموضوع ده

10/08/2009

الحمد لله والصلاة والسلام على رسول الله صلى الله عليه آله وسلم ,,,,,,, أما بعد

يقول أحد الأخوه

عاوز أكلمكم عن الموت لان أنا لاول مره فى حياتى منذ خلقنى الله أفقد حد غالى عليا

بالأمس مات واحد من أعز أصدقائى (( رحمه الله رحمة واسعه ))

سافر سفره الاخير وعنده كام سنه ؟؟؟؟؟؟

22 سنه يا جماعه فى عز شبابه ما شاء الله كان صحه وجسم وقوه وشباب و...........

كل ده راح فين بقى تحت التراب ... لا كلام .. ولا حركه .. ولا نطق .. ولا ولا ولا

ياترى رأيك ايه ؟؟ لسه بتقول لى هتوب بكره ؟

وزى ما الناس بتقول ما كانش تعبان ولا كان فى المستشفى ولا ......... مفيش اى سبب ظاهر

كان فى عمله ووقع عليه سلك كهربا قتله .... (( ربنا يغفر له ويرحمه ))

يا شباب اعتبر نفسك مكانه كنت هتروح لربك تقول له ايه .. ياما واحد دعاك
لطريق الله وانت تقول له ادعيلى ... يا شباب موت الفجأه بقى أكتر ظاهره
منتشره اليومين دول ؟؟

بنادى كل اللى بيسمع أغانى ومش قادر يفارقها .. روح قابل ربك وغنى له ..ها ايه رأيك تقدر ؟؟ ينفع يعنى ؟؟ طب ليه مش عاوز تبعد عنها

يا اللى بتدور ليل نهار عالشات على واحده تكلمها و....................
ابقى خدها فى ايدك وانت رايح تتحاسب قول لربنا اصلى كنت بحبها .؟؟ ها ينفع
؟!!!

يا اللى ليل نهار عالمواقع الاباحيه !!! هتقول لربنا ايه على عمرك ووقتك وشبابك ؟!!

منظر الجنازه امبارح كان مهيب وبالذات ان والد صاحبى لسه ميت من كام شهر
وصاحبى ده هو الكبير والولد الوحيد .. متخيلين حال بيتهم ايه ؟؟

الجنازه كلها شباب جايين يودعوا واحد كان معاهم من ساعات قليله ... ياااااااااارب ارزقنا حسن الختام يااااااااااااارب

ياشباب كل واحد مأخر توبته من ذنوب هو عارفها وربه أعلم بيها يبعد عنها قبل ما الموت يفاجأه ..

البنت اللى انت ماشى معاها والله لو دفعوا لها مال الدنيا كله مش هتوافق
تقعد معاك فى قبرك ساعه واحده .. وهى اللى كانت بتعد معاك بالساعات وانت عايش ...

اتخيل أخى اول ما تنزل قبرك وتسمع أصوات اهلك وحبايبك وهم ماشيين وراجعين وبعدها قبرك يضيق عليك !!!

وبعدها تلاقى ملكان أسودان أزرقان يجران شعورهما ويبحثان القبر بأنيابهما
ولهم نظر كالبرق وصوت كالرعد ... حالك ايه وانت شايفهم .. اتخيل منظرهم
بالله عليك وانت هتعيش كلامى ده ..

واتخيل صوت كالبرق بيقول لك من ربك ؟؟ ما دينك ؟؟ من نبيك ؟؟

هترد تقول ايه ؟؟

وآآآآآآآآآآآآآآآآآآآآآآآآآه لما تسمع منهم صدقت ... أو كذبت ... انت عارف
ايه اللى هيتقال لك لو مت دلوقتى ..عملك يقولك ؟؟ اسأل نفسك؟؟

وبعد ده كله يدخل عليك رجل أسود الخلقه قبيح المنظر أسود الثياب رائحته نتنه

تقول له بأعلى صوتك وانت مرعوووووووووب .. انت ميــــــــــــــــــــــــــــــن ؟!!!!

وآآآآآآآآآآآه من رده عليك لما يقول لك .. أنا عملك السئ ... مش كده وبس
اسمع المصيبه العظمى .......... معك الى يوم
القياااااااااااااااااااااااااامه ...

يارب ارحمنا

انت متخيل حبيبى فى الله ... ياترى ايه اللى هينجيك من ده كله ... عملك
ايه يا مسكيــــــــــــــــــــــــــــــــــــــــــــــ ن !!!

قدمت ايه فى دنيتك ... ياترى عندك صلاة وصيام وذكر وقران ودعوه وصبر على
الاذى .. ولا رايح شايل على ظهرك أغانى عمرو وتامر وهيفا ونانسى ؟.؟؟؟؟؟

معاك غيبه ونميمه ومواقع اباحيه وبنات ومخدرات ؟؟

معاك ايه ينجيك ... اسأل نفسك ... متقراش وتهز راسك وتمشى ... لحد امتى هتعيش فى الغفله اللى انت فيها دى ؟؟

لحد ما تموت .. وبعدها تصرخ وتقول رب ارجعون ...

يلا يا اخوه باب التوبه مفتوح .. أشهد الله على توبتى من كل ما يغضبه على وأسأله قبول توبتى وانتوا كمان لازم نتوب بئى كفايه كده ...

ما اخبيش عليكم انا مفوقتش الا ما شوفته فى النعش قدامى وفوقت أكتر وهما بينزلوه القبر ... يارب اغفر له وارحمه وعافه واعف عنه ....
اللهم اجعل قبره روضة من رياض الجنه ولا تجعله حفرة من حفر النيران ...

اللهم انه شئ فاشمله برحمتك يا من رحمته وسعت كل شئ ....

بالله عليكم ادعوا لاخى محمد (( رحمه الله )) ولوالده (( حسن )) رحمهما الله

اللهم ارحم محمد ووالده حسن
اللهم امين

الموضوع : شوفت حصل ايه لازم تدخل الموضوع ده المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

عضو جديد عدد المساهمات : 2238

ياالله

شكرا أخي علي العظة

يارب ارحمنا يارب ارحمنا

اللهم اغفر لنا واجعل قبورنا روضه من رياض الجنه

واغفر لأموات المسلمين وثبت الأحياء علي الطاعة

المشكله اللي الناس مش عارفين الحقائق ديه ومش عايزين يعرفوا

ولا حول ولا قوة الا بالله ربنا يعزك أخي الكريم علي الموضوع الأكثر من رائع

الموضوع : شوفت حصل ايه لازم تدخل الموضوع ده المصدر : مسجد الهدي المحمدي الكاتب: أمة الله
توقيع العضو/ه :أمة الله

10/08/2009

ربنا يتقبل منا ومنكم صالح الاعمال

شوفت حصل ايه لازم تدخل الموضوع ده 61870_1256334971

الموضوع : شوفت حصل ايه لازم تدخل الموضوع ده المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

شوفت حصل ايه لازم تدخل الموضوع ده

شوفت حصل ايه لازم تدخل الموضوع ده

مواضيع مماثلة

مواضيع مماثلة