هى دى الناس الى عايشة جاتنا نيلة

نائب المدير عدد المساهمات : 3918

هي دي الناس الي عايشة .. جتنا نيلة في حظنا :((

هحكيلكم موقف صغير..

وانا راجع من الكليه ..

كنت راكب العربيه فى الكرسى الاخير ..

وراكب جنبى 3 شباب نفس سنى تقريبا..

المهم..الشاب اللى قاعد جنبى على طول كان معاه مجله عمال يقرأ فيها

وتعابير وشه تدل

على انه منبهر بحاجه فيها..

وطبعا لا انا اعرفه ولا هو يعرفنى

..

المهم..شوية ولقيته بيورينى

المجله ويقولى:

(شوف ..اتفرج..هى دى الناس اللى عايشه ..جتنا نيله فى حظنا)

المجله كانت فيها صور فرح احد المطربين المشهورين..

الشاب من كتر ما الدنيا توغلت فى

قلبه ونفسه ان يبقى عنده زى الناس دى مقدرش يمسك نفسه من اللى شافه

وقعد يفرج

المجله على الناس علشان يشاركوه احزانه !!

قلت: سبحان الله

﴿زُيِّنَ لِلنَّاسِ حُبُّ الشَّهَوَاتِ مِنَ النِّسَاء وَالْبَنِينَ وَالْقَنَاطِيرِ الْمُقَنطَرَةِ مِنَ الذَّهَبِ

وَالْفِضَّةِ
وَالْخَيْلِ الْمُسَوَّمَةِ وَالأَنْعَامِ وَالْحَرْثِ ذَلِكَ مَتَاعُ
الْحَيَاةِ الدُّنْيَا وَاللّهُ عِندَهُ حُسْنُ الْمَآب﴾

شوفت لفظ (زُيِّنَ) ؟؟

جاى من التزيين والزينه..وده معناه ان الحاجه دى حاجه عاديه ..بس بعد

الزينه بقت حاجه جامده جدااااااا كل الناس بتحبها..

كمثال..

لو جبت لك هديه عاديه جدا..مادليه

بجنيه ونص ..بس قمت حاططها فى علبه محترمه ولاففها لفه محترمه بسولوفان وفيونكه..

وبقت بالمنظر ده ..

طبعا وانا جايبهالك ..انت هتموت عليها ..ده ايه الهديه الرهيبه دى؟؟
وانت

فى قمة الاعجاب والانبهار بيها..

لكن لما تاخدها وتكتشف حقيقتها ..وتعرف انها حته مادليه

بجنيه ونص..هتعرف انك كنت مغفل
لما كنت هتتجن علشان تاخدها وهتموت نفسك

عليها..صح ولا لاء؟؟؟

اهو هو ده اللى الناس هتكتشفه يوم القيامه ..لما تلاقى كل الحاجات

اللى
فوق دى (النِّسَاء وَالْبَنِينَ وَالْقَنَاطِيرِ الْمُقَنطَرَةِ مِنَ
الذَّهَبِ وَالْفِضَّةِ وَالْخَيْلِ الْمُسَوَّمَةِ وَالأَنْعَامِ

وَالْحَرْثِ) مش نافعاك..لما تلاقى فلوسك اللى بالمليارات مش نافعاك..ولا مراتك ولا ولادك ولا

اى شئ سوى عملك الصالح..

هتعرف كويس ربنا ختم الايه وعرفك حقيقة الكلام ده فقال عز

وجل
(ذَلِكَ مَتَاعُ الْحَيَاةِ الدُّنْيَا وَاللّهُ عِندَهُ حُسْنُ الْمَآب)

وسبحان الله ..وعلشان الناس متفهمش

ان احنا بنقولهم متتمتعوش..لا..
ده من رحمة ربنا انه أحل لينا الشهوات دى كلها
ولكن ..

بشرط :ان احنا منتعلقش بيها وتشغلنا عن العمل لاخرتنا ..
او ان احنا نحبها لدرجة تجعلنا

نفضلها على حب الله فتعمى ابصارنا وتخلينا نرتكب المعاصى والذنوب ونبيع الدين علشان

نوصل للشهوات دى..!

وللاسف ده بقى حال كتيييييييييييير مننا..بنهلك فى نفسنا ونموت

بعض علشان شهوات الدنيا الفانيه!!

ياريت نرجع نعيد حساباتنا تانى يا جماعه؟؟

وأبشركم فى

اخر الموضوع بالايه اللى ربنا جابها مباشرة بعد الايه دى

﴿قُلْ أَؤُنَبِّئُكُم بِخَيْرٍ مِّن ذَلِكُمْ لِلَّذِينَ اتَّقَوْا

عِندَ
رَبِّهِمْ جَنَّاتٌ تَجْرِي مِن تَحْتِهَا الأَنْهَارُ خَالِدِينَ فِيهَا
وَأَزْوَاجٌ مُّطَهَّرَةٌ وَرِضْوَانٌ مِّنَ اللّهِ وَاللّهُ بَصِيرٌ

بِالْعِبَادِ﴾

يارب ارزقنا حبك وانزع شهوات الدنيا من قلوبنا يارب

الموضوع : هى دى الناس الى عايشة جاتنا نيلة المصدر : مسجد الهدي المحمدي الكاتب: aya
توقيع العضو/ه :aya

المراقب العام عدد المساهمات : 2681

اللهم امين

هى دى الناس الى عايشة جاتنا نيلة 123765

الموضوع : هى دى الناس الى عايشة جاتنا نيلة المصدر : مسجد الهدي المحمدي الكاتب: Yahia
توقيع العضو/ه :Yahia

10/08/2009

جزاكي الله كل خير

الموضوع متكرر

من هنا

الموضوع : هى دى الناس الى عايشة جاتنا نيلة المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

هى دى الناس الى عايشة جاتنا نيلة

هى دى الناس الى عايشة جاتنا نيلة

مواضيع مماثلة

مواضيع مماثلة