حــوار في حمام الجــامعة !

عضو جديد عدد المساهمات : 2238

(( الطهور شطر الإيمان ))

كلنا سمعنا أكيد الحديث ده

الطهور : الوضوء
شطر الايمان : نصف الايمان

تخيلوا خطورة الوضوء ؟؟

بس للأسف ناس كتير " بتكروته " وبتضيع على نفسها لذة الوضوء و لذة تساقط الذنوب عنها بالوضوء

فالوضوء الصحيح من علامات حبك لربنا وحبك لرسوله

فإن شاء الله من هنا و رايح عايزين نتوضى بــ"حب"

تعالوا ننتقل معاكو
لمكان لا يخطر لكم على بال : )

ننتقل معاكو لحمام في الجامعة
وكان هذا المشهد...

الموضوع : حــوار في حمام الجــامعة ! المصدر : مسجد الهدي المحمدي الكاتب: أمة الله
توقيع العضو/ه :أمة الله

عضو جديد عدد المساهمات : 2238

مريم واقفة أمام المرآة في حمام الجامعة لتصلح حجابها

وبجانبها 3 بنات ودار بينهم هذا الحوار...

سارة: ييييه لسه هفك الايشارب عشان أتوضى

دينا : وتفكيه ليه؟... بلـّي طراطيف صوابعك بالمية وامسحي بها القـُصة أو شوية شعر من ورا.... الدين يسر يا بنتي !
وأنتي يا بنتي ماتيلا تتوضي عشان نلحق السيكشن

ريهام : لا لا أنا هابقى أجمع الصلاة لما أروح ... ما بعرفش أتوضى بره البيت

سارة : ليه يعني يا ست ريهام ؟... ما تتوضي يا بنتي زي ما بيتوضى الناس!

حاجة عجيبة !!

وبدأت سارة في الوضوء ... ومريم تراقبها من خلال المرآة
لترى..

كيف ستتوضأ كما يتوضأ الناس !

بدأت سارة بغسل اليدين 3 مرات
ثم أخذت 3 رشفات صغيرة من الماء لفمها وتمضمضت
ثم بلت أنفها سريعا بالماء 3 مرات

وغسلت وجهها بالماء 3 مرات

(مع ملاحظة أنها لم تخلع الايشارب)

ثم توقفت عن الوضوء وبدأت في تشمير كم القميص وقالت:

يااااه التونيك ده ضيق مووت... ايدك معايا يا دينا يا اختي شديه لورا

وبدأت دينا في "ملحمة" تشمير كم سارة..

دينا: ايه البتاع ده لبستيه ازاي؟

سارة: المهم انجزي... واعملي الكم التاني

دينا وهي تشد الكم بكل قوتها : رحمتك يااارب... بصي أنا آخري قبل الكوع بشوية كده اتوضي وخلاص

ثم غسلت سارة يديها سريعا 3 مرات
ثم بللت أطراف أصابعها ومسحت به قصتها الأمامية
وبللته مرة آخرى لتمسح أذنها من تحت الايشارب

ثم بللته أخيرا لتمسح على شرابها الفيليه الأنيق

دينا : اوبس!.. انتي حاطة مونيكير؟

سارة: ماله؟

دينا : بقولك مونيكييير... بيعمل عازل ومينفعش الوضوء بيه

سارة : من اللي قال كده؟.. انتي هتفتي؟

دينا : لا طبعا مش بافتي....اسألي أي حد حتى اسألي البنوتة اللي حجابها طويل دي

سارة: سلام عليكم...معلش ممكن نسألك على حاجة ؟

مريم وهي مبتسمة : طبعا يا حبيبتي...معلش أنا تابعت حواركم من الأول مش باتنصت بس صوتكم كان عالي شوية وكنت ناوية أكلمكم بس بعد ما تخلصوا كلام

سارة: صحيح اللي بتقوله المفتية دي؟

مريم : ربنا يبارك فيكم كلكم يارب طيب تسمحوا لي ابدأ معاكم قصة الوضوء من الأول ؟

التلاتة : اتفضلي!
.

.

.

الموضوع : حــوار في حمام الجــامعة ! المصدر : مسجد الهدي المحمدي الكاتب: أمة الله
توقيع العضو/ه :أمة الله

26/06/2010

متابعة معاكي ان شاء الله

حــوار في حمام الجــامعة ! 499807

الموضوع : حــوار في حمام الجــامعة ! المصدر : مسجد الهدي المحمدي الكاتب: مشتاقة للجنة
توقيع العضو/ه :مشتاقة للجنة

عضو جديد عدد المساهمات : 2238

أشكرك علي المتابعة

حــوار في حمام الجــامعة ! Wwwgoodwayinlifecom2

الموضوع : حــوار في حمام الجــامعة ! المصدر : مسجد الهدي المحمدي الكاتب: أمة الله
توقيع العضو/ه :أمة الله

المراقب العام عدد المساهمات : 2681

متابع ان شاء الله

الموضوع : حــوار في حمام الجــامعة ! المصدر : مسجد الهدي المحمدي الكاتب: Yahia
توقيع العضو/ه :Yahia

عضو جديد عدد المساهمات : 2238

شكرا لك أخي للمتابعة

حــوار في حمام الجــامعة ! Goodwayinlifecom24

الموضوع : حــوار في حمام الجــامعة ! المصدر : مسجد الهدي المحمدي الكاتب: أمة الله
توقيع العضو/ه :أمة الله

عضو جديد عدد المساهمات : 2238

مريم : بصوا يا حبيباتي...أولا احنا مش بنتوضأ زي الناس لكن بنتوضى زي النبي صلى الله عليه وسلم
فطريقة الوضوء دي اتعلمناها من الصحابة اللي نقلوها من النبي وبعد كده عرفناها منهم ... فعشان كده لازم نلتزم بالطريقة اللي كان النبي بيعملها لأن العبادة مينفعش نغير فيها على مزاجنا

دينا : يعني ايه ؟

مريم : يعني بنعملها زي ما فعلها النبي لا نزود ولا ننقص عن فعله

سارة : بس أنا ما زودتش ولا نقصت !

مريم: طيب أتوضى الأول قدامكم الوضوء على بعضه وبعدين نعرف احنا قصرنا في ايه

‎1. انوي الوضوء بقلبي

بدون نطق بالنية، لأن النبي -صلى الله عليه وسلم - لم ينطق بالنية في وضوئه ولا صلاته، ولا شيء من عبادته، ولأن الله يعلم ما في القلب فمفيش داعي نقول اللي فيه.

يعني بلاش نقول بلسانا نويت أتوضى أو نويت الوضوء
لكن نستشعرها بقلبنا

‎2. ثم اسمي و أقول: " بسم الله "‏

‎3. ثم أغسل الكفين ثلاث مرات.

‏

‎4. ثم أتمضمض وأستنشق معا بالماء ثلاث مرات.

الاستنشاق = يعني إدخال الماء في الانف

بمعنى أن الماء اللي يدخل الفم و الأنف للمضمضة والاستنشاق ماء واحد يدخل في الاتنين في وقت واحد.

والمضمضة مش مجرد رشفة مية تدخل الفم
لكن لازم المية تدخل جوة الفم وتديرها بداخله ثم تخرجها

والاستنشاق يكون بجذب الماء بنَفَسٍ من الأنف ، ثم إخراجه منها.

ويُستحب المبالغة في الاستنشاق ( أي يستنشق بقوة ) إلا إذا كان صائماً ، فإنه لا يُبالغ ، حتى لا يدخل الماء إلى الجوف.

(سارة في نفسها: و آاادي أول غلطة ! )

‎‎5. ثم أغسل الوجه ثلاث مرات من الأذن إلى الأذن بالعرض، ومن منابت شعر الرأس إلى أسفل الذقن بالطول.‏

‎6. ثم أغسل اليدين ثلاث مرات من أطراف الأصابع إلى المرفقين
وطبعا نبدأ باليمنى ثم اليسرى.‏

- تنبيه :

- كلمة الكوع كلمة خاطئة لكن اسمها مرفق (مكان الكوع الصحيح في اليد هي العظمة البارزة بعد الكف)

عشان كده يا سارة كان لازم تشمري الكم أكتر من كده لأن الماء كده ماوصلش للمرفق .

7. ثم أمسح الرأس مرة واحدة

عن طريق بل اليدين ثم أمررهما من مقدمة الرأس إلى المؤخرة، ثم أرجع للمقدمة تاني .‏

‎‎8. ثم أمسح الأذنين مرة واحدة ببلة ايد واحدة

بأني أدخل السبابتين في تجويف الأذن (مش الفتحة اللي فيه) وأمسح بصوابع الابهام الجزء الخلفي الظاهري من الأذن.‏

‎9. ثم غسل الرجلين ثلاث مرات من رؤوس الأصابع إلى الكعبين يبدأ باليمنى ثم اليسرى.‏

تنبيه :

-الكعبان: هما العظمتان البارزتان اللتان في جانب القدم وليسا العظمة الكبيرة في مؤخرة القدم
- مؤخرة القدم اسمها عقب وليس كعب

-نحاول نخلل (ندخل) الماء بين أصابع القدم عند الغسل

وبالنسبة للمسح على الشراب
فمينفعش نمسح على شراب فيليه... لكن ممكن نمسح على أي شراب حتى لو خفيف بس مش شفاف وأكون لبسته على طهارة (يعني اتوضيت ولبسته)
وبنمسح بس على الشراب من فوق
ومدة المسح بتاعته بتتحدد من أول مرة مسحت عليه فيها...ومدتها يوم وليلة
يعني مدتها 24 ساعة أمسح فيها على الشراب من أول مرة مسحت فيها بعد نقض الوضوء

معلش طولت جدا
بس في نقطة مهمة جدا لازم تتقال

من فروض الوضوء حاجة اسمها الترتيب والموالاة

الترتيب ده اللي هو ترتيب خطوات الوضوء نفسها وعملها بالترتيب اللي فعله النبي صلى الله عليه وسلم في أعضاء الوضوء

سارة: طب لو نسيت وعملت حاجة قبل حاجة ؟

مريم: تعيدي الوضوء تاني

سارة: ياااه للدرجة دي ؟

مريم تبتسم: أيوة.. لأن رسول الله صلى الله عليه وسلم توضأ الوضوء بالترتيب ولم يتركه ولا مرة واحدة، فده دليل على وجوبه، وفعل الرسول صلى الله عليه وسلم إذا كان بيبين فيه شئ واجب فهو واجب.‏

دينا : طيب يعني ايه موالاة ؟

مريم : الموالاة ..

لازم اللي بيتوضأ يغسل أعضاء وضوئه في وقت متقارب، ولا يؤخر عضو منهم عن الآخر.‏

‎‎ فلو أخّرنا عضو لغاية ما نشف العضو اللي قبله فعليه إعادة الوضوء من جديد.‏

يعني مثلاً مش يغسل ايده ويروح يشرب شاي ويرجع وبعد كده يغسل وشه ويروح ربع ساعة ويرجع وهكذا ! ( ده غلط طبعاً )

أو زي ما عملتي يا سارة تركتي الوضوء وفضلتي تشمري في الكم

‎‎ والدليل :

أن رجلاً توضأ فترك موضع ظفر على قدمه ، فأبصره النبي صلى الله عليه وسلمـ فقال: (ارجع فأحسن وضوءك فرجع ثم صلى )

‎‎ فلو الموالاة غير واجبة لكان كفاه غسل ما تركهمن غير إعادة الوضوء.

سارة : نورتي المحكمة ... ربنا ينور سكتك يا شيخة

دينا : ماهو كله من التونيك الضيق اللي أنتي لابساه

سارة : الله يرحم التونيك الباستاج بتاعك... مش عايزين نتكلم

مريم تقاطعهم مبتسمة : ربنا حيي ستيـــــر ... المهم أن لبسنا يكون بيرضي ربنا .. لأن ربنا اللي بنقابله في الصلاة هو ربنا اللي بنمشي على أرضه و بندور في ملكوته !

سارة و دينا في نفس واحد:

على فكرة أنا حبيتك اوي
ثم تضحكان لهذه المفارقة

مريم : ربنا يحبكم يارب..

سارة: يارب!.. طيب سؤال.. ساعات باشوف ناس وهي بتتوضى بتغسل رقبتها وقفاها هل ده صح؟

مريم : لا طبعا غلط لأن ده زيادة عن فعل النبي صلى الله عليه وسلم

دينا : فكرتيني بالواد ميدو ابن أختي أول ما يجي يتوضى يروح حاطط راسه تحت الحنفية عشان يغسل راسه ولما يوصل لرجله يغسلها لحد الركبة

مريم تضحك : يااه يظهر عنده ذمة اوي!
خدوا بالكم! .. في فرق بين:

* المسح على عضو الوضوء
(مجرد مس خارجي زي المسح على الرأس والأذنين)

* غسل عضو الوضوء
(ننزل مية كتير على العضو..زي غسل الرجلين واليدين
وفيها شيء مهم لازم الماء يتقطر من العضو عند غسله)

سارة : استعدي بقى للسؤال القونبُلة ده

مريم تضحك : أفزعينا بقنابلك يلا

سارة : طيب بفرض أني نسيت عضو في الوضوء خالص.. هل أعيده من الأول...طيب ما النسيان مش بنتحاسب عليه؟

مريم: عندنا في الشرع مصطلحين الفرق بينهما كبير

واجب (فرض): هو اللي لو عملته أخد عليه ثواب ولو تركته استحق عليه عقاب(عليّ ذنب)

مستحب(سنة): هو اللي لو عملته لي ثواب ولو تركته مش علي عقاب

الفرق بينهم أن
* واجبات (فروض) الوضوء
لو نسي حاجه منها يعيد الوضوء

* مستحبات (سنن) الوضوء
لو نسي شيء منها لا يعيد الوضوء

سارة : عشان كده!..طيب أنا مااعرفش الفرض من السنة!!

مريم: بسيطة !

فروض الوضوء هي اللي ربنا ذكرها في الآية

أعوذ بالله من الشيطان الرجيم

يَا أَيُّهَا الَّذِينَ آمَنُواْ إِذَا قُمْتُمْ إِلَى الصَّلاةِ فاغْسِلُواْ وُجُوهَكُمْ وَأَيْدِيَكُمْ إِلَى الْمَرَافِقِ وَامْسَحُواْ بِرُؤُوسِكُمْ وَأَرْجُلَكُمْ إِلَى الْكَعْبَينِ

1. ‏غسل الوجه (وداخل فيه غسل الفم والأنف بالمضمضة والاستنشاق)
2. غسل اليدين إلى المرفقين
3. مسح الرأس
4. غسل الرجلين إلى الكعبين

ومعاهم
5. الترتيب
6. الموالاة

فدول لو نسيتي حاجة منهم تعيدي الوضوء .. الباقي كله سنن لو نسيتي حاجة منهم لا تعيدي الوضوء

لكن طبعا الأفضل إسباغ الوضوء كما علمنا النبي صلى الله عليه وسلم

دينا : طب بالمرة قولي سنن الوضوء عشان نكون بس على نور

مريم :

1. السواك
2. التسمية
‎3. غسل الكفين ثلاثاً في أول الوضوء

*تنبيه :

لو كنتي لابسة خاتم لازم تخللي الماء من تحته.

4. البدء بالمضمضة والاستنشاق قبل غسل الوجه

5. التيامن (البدء باليمين)‏

6. المبالغة في المضمضة والاستنشاق
إلا للصائم فمكروهة له .

‎7. غسل الأعضاء ثلاث مرات أو مرتين

8. تخليل اللحية للملتحين (إدخال الماء فيها بالأصابع)

‎9. تخليل أصابع اليدين والرجلين ‏

دينا : ربنا يغفر لنا ...جزاكي الله كل خير

يلا يا آنسة سارة ورينا الوضوء اللي على أصوله

مريم : هو للأسف مش هينفع تتوضأ عشان المونيكير لازم تشيله الأول

سارة: يااه فكرتيني ما ده اللي جاية أسألك عليه من الأول

مريم : هو فعلا زي ما دينا قالت ماينفعش!

بس حظكم الحمدلله كان معايا أسيتون .. هو لكم هدية.. اتفضلوا !

سارة : جزاكي الله كل خير... خلاص هاشيله دلوقتي

مريم: ربنا يكرمكِ ...
ثم تلتفت لريهام :

طيب أختي أنتي اسمك ريهام صح ؟

ريهام: آه

مريم: هو ماينفعش تجمعي الصلوات طالما في إمكانك تصليها على وقتها ... لأن ربنا رفع عنا المشقة في العبادة

"وما جعل عليكم في الدين من حرج"

فأنتي استعيني بالله واتوضي الآن

ريهام : بس أنا مش عايزة أخلع الايشارب

مريم : ممكن تمسحي عليه من برة بس تاخدي بالك وأنتي بتغسلي وشك أن حدود الوجه كلها يكون وصلها مية

ريهام : آاه طب شكرا

مريم : العفو حبيبتي
لو في جزئية مش فاهمينها قولوا وأحاول أوضحها

سارة: لا كده فهمنا كل حاجة

مريم : طيب معلش أنا مضطرة أستأذن عشان عندي سكشن...
ولو ليكم أي سؤال تاني ادخلوا منتدى الهدي المحمدي وهيردوا عليكم إن شاء لله

سارة و دينا : مع السلامة!

=====================

الموضوع : حــوار في حمام الجــامعة ! المصدر : مسجد الهدي المحمدي الكاتب: أمة الله
توقيع العضو/ه :أمة الله

10/08/2009

جزاكم الله كل خير

موضوع رائع ومبسط جداً

توصيل المعلومه باسلوب يفهمه الجميع

بارك الله فيكي

الموضوع : حــوار في حمام الجــامعة ! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

المراقب العام عدد المساهمات : 2681

بارك الله فيكى

الموضوع : حــوار في حمام الجــامعة ! المصدر : مسجد الهدي المحمدي الكاتب: Yahia
توقيع العضو/ه :Yahia

عضو جديد عدد المساهمات : 2238

وفيكم بارك ربي

ربنا يتقبل يارب منا ومنك

الموضوع : حــوار في حمام الجــامعة ! المصدر : مسجد الهدي المحمدي الكاتب: أمة الله
توقيع العضو/ه :أمة الله

26/06/2010

جميل جداااا

حــوار في حمام الجــامعة ! 499807

الموضوع : حــوار في حمام الجــامعة ! المصدر : مسجد الهدي المحمدي الكاتب: مشتاقة للجنة
توقيع العضو/ه :مشتاقة للجنة

عضو جديد عدد المساهمات : 2238

جزانا الله واياكي أختي الحبيبه

انتي اللي جميله

الموضوع : حــوار في حمام الجــامعة ! المصدر : مسجد الهدي المحمدي الكاتب: أمة الله
توقيع العضو/ه :أمة الله

عضو جديد عدد المساهمات : 43

جزاكى الله خيرا

الموضوع : حــوار في حمام الجــامعة ! المصدر : مسجد الهدي المحمدي الكاتب: ahmed hesham
توقيع العضو/ه :ahmed hesham

عضو جديد عدد المساهمات : 2238

جزانا الله واياك

الموضوع : حــوار في حمام الجــامعة ! المصدر : مسجد الهدي المحمدي الكاتب: أمة الله
توقيع العضو/ه :أمة الله

حــوار في حمام الجــامعة !

حــوار في حمام الجــامعة !

مواضيع مماثلة

مواضيع مماثلة