ayaنائب المدير
تاريخ التسجيل : 26/08/2010
 |  موضوع: آددددي يااااعم الناس اللي بتربي دقنها !!  الثلاثاء 12 يوليو 2011, 1:33 pm | |
| آددددي يااااعم الناس اللي بتربي دقنها !!
كلمة بيرددها ناس كثير اوي .. ومش عارفين أثرها في قلب كل مُلتحي مُلتزم كويس بجد
تخيل لما تكون إنت مُلتحي وحاسس ان صورتك في نظر الناس مشوهه والمفروض انها تكون العكس
وتقعد تسأل نفسك .. طيب انا مالي ؟! ..
وتبقى عايز تصرخ وتقول .. مش أنا والله ..
انا مليش دعوة بالناس دي .. الاسلام مش كدة !!
وتصحى الصبح تقرأ في الصحف .. -مُلتحون- يهاجمون قافلة اعلامية .. وليل نهار هجوم على المُلتحين
وتسأل نفسك نفس السؤال .. طيب انا مُلتحي .. أنا لية صورتي يحصل فيها كدة
ادام الناس .. ويبدأ صراخك يزيد وتقول أنا مش كدة والله !!!
تفتح التلفزيون .. تلاقي عادل إمام مطلعك تكفيري وإرهابي ومنافق وزاني !! وغيره من الممثلين كثير
ويزداااد الصــراخ
تقول صباح الخير لوالدك .. تلاقيه بيقولك روح يابني احلق دقنك .. عيش شبابك
تنزل في الشارع .. تحس فكر بعض الناس بقى ظاهر في نظراتهم ليك وكلامهم ..
بأنك تكفيري وإرهابي بناء على اللي بيقرأوه ويسمعوه في التلفزيون
تيجي تدافع عن الدين في حاجة .. الناس تصرخ فيك .. انت هتعملي نفسك شيخ ..
انت هتكفرني انت ها.. مع انه ممكن متكنش لسة قولت حاجة اصلاً O_0
تروح الكلية .. صحابك اللي كانوا بيحبوك .. بدأوا يشوفك وميسلموش عليك .. عشان لا مؤاخذة أمن الدولة
ترجع البيت تقعد مع العائلة ولما تيجي سيرة المُلتحين .. تلاقي السيرة
الغريبة فقط هي اللي بتبقى على الألسنة .. المُلتحي اللي بيبص للبنات ..
والمُلتحي اللي بيسرق .. والمُلتحي اللي كفر اهل بيته .. والمُلتحي الحرامي
اللي فاتح محل .. والمُلتحي اللي مربيها منظر
وانت قاعد عمال تسمع ومش عارف تقول اية !!
وكـــــــــــــــــــل دة عشان سبب واحد فقط
مثال سئ وسط ملايين من الامثلة الجميلة جداً اللي الناس مبيشوفهاش .. لأن عنيهم دايماً واقعة على الغلط
مبيشوفوش المُلتحي اللي بيصلي على طول في المسجد .. المُلتحي اللي بيحفظ
قرآن .. المُلتحي اللي بطل يصاحب بنات .. المُلتحي البار لوالديه ..
المُلتحي الخلوق ابو ابتسامة الجميلة .. دايماً كلامهم بيبقى على الصنف
الآخر
هو احنا لية بنعمل دعاية سيئة عن المُلتحين ؟
لية نحط المُلتحين كلهم في سلة واحدة .. اصلاً لية نقول مُلتحي وغير
مُلتحي ؟؟!!! .. لية حاطين في دماغنا انه المُلتحي دة ملاك بجناحات وبيطير
.. ولية بنقوله يا شيخ ونديله لقب ثقيل زي دة .. لية منعتبروش مُسلم عادي
بشر بيغلط ويصحح .. ويغلط تاني ويستغفر ولسة مُقيم على ذنب ومش عارف يتخلص
منه .. وهكذا
حتى الرسول صلى الله عليه وسلم قال
ما من
عبد ((((مؤمن)))) إلا و له ذنب يعتاده الفينة بعد الفينة ، أو ذنب هو مقيم
عليه لا يفارقه حتى يفارق الدنيا ، إن المؤمن خلق مفتنا توابا نساء ، إذا
ذكر ذكر - السلسلة الصحيحة للشيخ الألباني
صدق رسول الله صلى الله عليه وسلم
عايزين المُلتحي يذوب وسط ملايين المُلتحيين .. عشان متبقاش اللحية سمة
فئة معينة قليلة ويحس انه عليه كاميرات مراقبة .. لو فعل معصية او خطأ ..
الناس ترفع عليه السيوف .. ولو فكر يعمل حاجة حلال زي البلاي ستاشن مثلاً
.. الناس تقوله .. في شــــيخ يلعب بلاي ستاشن !! ولو اقنعته .. يفضل حاسس
انه في حاجة غلط !! .. طبعاً لأنه حاسس انك جاي بطبق من المريخ :D
وآخر القول .. رفقاً بالمُلتحي .. لأنه بشر خطاء كما قال رسول الله صلى الله عليه وسلم
كــــــــل بنـــي آدم خطــــــــاء وخيـــر الخطائــين التوابـــون
مش عايزين تعميم .. عايزين نبص دايماً لصورة الشاب المُلتحي المُتدين بجد
.. واللي لسة بيطلع السلم .. ندعيله بدل ما نقوله .. أحلقها ملهاش لزمة ..
او احلقها عشان انت بتسئ للإسلام .. يبقى احنا بالظبط بنقوله - استسلم -
زي اللي بيشوف المصحف عليه تراب ويحس انه هاجر القرآن بقاله كثير .. فيجي فكر الشيطان يقوله
حطه تحت المخدة عشان ميتربش :)
وجزاكم الله خيراً :)
---------------------------------------- -------------
ضـــــــــد تعمــــيم الصورة السيئة عن المُلتحيــــــــــن
 الموضوع : آددددي يااااعم الناس اللي بتربي دقنها !! المصدر : مسجد الهدي المحمدي الكاتب: aya |
|
أحلى حياةمدير عام المنتدى
تاريخ التسجيل : 10/08/2009
| | موضوع: رد: آددددي يااااعم الناس اللي بتربي دقنها !! الثلاثاء 12 يوليو 2011, 10:50 pm | |
| جزاكم الله كل خير
عندك حق
الناس شايفه ان الملتحي ده حاجه وحشه
بس سبحان الله في ناس خلاص بدأ الفكره دي تتغير في نظرهم الموضوع : آددددي يااااعم الناس اللي بتربي دقنها !! المصدر : مسجد الهدي المحمدي الكاتب: أحلى حياة |
|
مشتاقة للجنةالمراقبة العامة
تاريخ التسجيل : 26/06/2010
| |
أمة اللهعضو جديد
تاريخ التسجيل : 28/10/2010
| | موضوع: رد: آددددي يااااعم الناس اللي بتربي دقنها !! الثلاثاء 12 يوليو 2011, 11:18 pm | |
| المسلمين هما الي بيشوهو صورة الاسلام وبيخلوا الغرب يشمتوا فينا
انا والله شفت ملتحي بيشرب سجاير ازاي ديه مش عارفه ده ملتحي علشان يسوأصورة الملتحين
غير التلفزيون ودا اكبر مصيبة
ولما بيقولوا للملتحي احلق ذقنك عيش حياتك
انا بصراحة مبعتبرش الراجل راجل الا باللحيه النبي صلي اللهالله عليه وسلم قال انها زينة الرجال
وقال (من تشبه بقوم فهو منهم ) لو الراجل حلق لحيته يبقي من النساء
جزاك الله خيرا اخت ايه علي الموضوع المهم جدا |
|
ayaنائب المدير
تاريخ التسجيل : 26/08/2010
| | موضوع: رد: آددددي يااااعم الناس اللي بتربي دقنها !! الثلاثاء 12 يوليو 2011, 11:36 pm | |
| جزانا واياكم خيرالجزاء
فعلا والله الراجل معتبرهوش راجل صح غيرلمايكون لة لحية كفاية انها تشبة بسيدالخلق اجمعين
ربنا يهدينا لمايحبة ويرضاة جزاكم الله خيرا
الموضوع : آددددي يااااعم الناس اللي بتربي دقنها !! المصدر : مسجد الهدي المحمدي الكاتب: aya |
|
