وآدي لي سنين على دا الحال بقاسي المر والأوزار !!

10/08/2009

بسم الله والحمد لله والصلاة والسلام على رسول الله صلى الله عليه وسلم ..

أما بعد ..

هنتكلم عن حكاية بتتكرر من ملايين السنببن .. بتتكرر بعدد الخلق تقريبا كل يوم ..

الحكاية دي حكايتي وحكايتك وحكاية أبوك وجدك وأجدادنا كلهم ..

ومن قبل دول ودول ..

حكاية أبونا آدم ..عليه السلام ..

الحكاية بدأت بأن الله عزوجل قال للملائكة أنه سيجعل في الأرض خليفه ..

وخلق آدم عليه السلام ..

وامر الله الملائكة أن تسجد لعظم ما خلق الله .. وليس لآدم نفسه .. عليه السلام ..

فسجدوا إلا إبليس أبى واستكبر وكان من الكافرين ..

ومن هنا بدأت الحكاية ..
حكاية كل واحد من يوم أن خلق الله آدم .. إلى أن تقوم الساعه ..

دخل أبونا الجنة .. ورزقه الله عزوجل زوجة منه لتؤنس وحدته ..

ولكن إبليس مبيحبش يسيب حد على حاله مع ربنا ..

بدأ يوسوس لسيدنا آدم وامنا حواء .. ووقع المحظور .. أكلا من الشجرة التي نهاهما الله أن يأكلا منها ..

ومضى قدر الله عزوجل في آدم .. أن يهبط إلى الأرض ..
حتى يتجرع مرارة الذنب ..

ومن هنا بدأ الصراع بين نسل آدم ونسل إبليس ..

وآدي لي سنين على دا الحال بقاسي المر والأوزار !! 318653

وآدي لي سنين على دا الحال بقاسي المر والأوزار !! 318653

ولكن وقفة لابد منها نستخلصها من القصة ..

انظر لحال آدم مع الذنب .. وحال إبليس مع الذنب ..

الاتنين أذنبوا ذنب واحد بس ..
وعلى الرغم من كده آدم - عليه السلام - أصبح أبو الأنبياء ..
وإبليس أصبح عدو الله وأبو الملاعين ..

يا ترى إيه اللي جعل الفرق بينهم كما بين السماء والأرض كده ؟؟

الفرق هقولهولك بس بعد ما تصل عالنبي
صلى الله عليه وآله وسلم ...

وآدي لي سنين على دا الحال بقاسي المر والأوزار !! 318653

الفرق هو التعامل مع الذنب ..
بعد الذنب بتعمل إيه ؟؟

آدم عليه السلام تاب وأناب واستغفر واسترجع ..
فقربه الله تعالى واجتباه ..
ووعده بالعودة إلى بيته من جديد .. الجنة ..

ولكن إبليس ..
أذنب ولكنه تكبر بعد الذنب .. تكبر أن يتراجع .. قال أنا خير من آدم ..

فوعده الله بأن يعذبه مما خلقه منه .. خلقه من النار وسيعذبه بالنار .. خالدا مخلدا فيها ..

اللهم أجرنا من النار ..

وآدي لي سنين على دا الحال بقاسي المر والأوزار !! 318653

ومات أبونا آدم .. وتوالت الأيام والعصور والأزمان ........
وجينا احنا في الدنيا عشان ربنا يختبرنا ويمتحننا ويرى مدى صبرنا وصدقنا وعزيمتنا ..

وابتدت حكاية كل واحد مننا .. الصراع مع أعدائه .. النفس والهوى والشيطان ..
معركة المصير .. يا تفوز يا تخسر .. مفيش فيها تعادل ..

وآدي لي سنين على دا الحال بقاسي المر والأوزار !! 318653

عشان أواجه كل عدو من دول أنا محتاج صبر وقوة إيمان وعلم ... عشان أقدر أتغلب عليهم وادفع شرهم عني ..

في مننا بفضل الله اللي بيقع ويقوم بسرعه ..
وفي اللي بيقع ويناااااام على الذنب ..
ولسان حاله بيقول ..

وآآآآآآآآدي لي سنيــــــــن على دااااااا الحااااااااال .. بآسي المر والأوزار ..

لسان حاله بيقول لحد امتى هفضل كده .. لحد امتى ..
ياترى هموت على خاتمه شكلها إيه ..

لكن للأسف في صتف تالت .. لا بيفكر في توبة .. ولا بيأرقه ذنبه .. ولا دريان بحاجه خالص .. وعامل فيها عبيط ...
وآدي لي سنين على دا الحال بقاسي المر والأوزار !! 318653

الصنف الأول ده حاله طبيعي لأننا كلنا أصحاب ذنوب ..
بس خلي بالك ده ذنوبه مفيهاش إصرار ..
يعني وقع في نظرة محرمة .. يتوب منها في الحال ..
وقع في سرحان في شيء مش كويس ( مقدمات أي ذنب .. التفكير فيه) .. ينتبه بسرعه ..
دول اللي ربنا عزوجل قال عنهم ..
( إن الذين اتقوا إذا مسهم طائف من الشيطان تذكروا فإذا هم مبصرون .. وإخوانهم يمدونهم في الغي ثم لا يقصرون) ..

يارب اجعلنا منهم ..

دول أصحاب القلوب الحية .. نسأل الله أن نكون منهم ..

وآدي لي سنين على دا الحال بقاسي المر والأوزار !! 318653

الصنف الثاني ..
وهو ده اللي جايين نتكلم عشانه انهارده ..
كلنا هذا الرجل .. مش كده ..

عمالين نقع في الذنب ونتمادى فيه حبتين تلاته ..
وبعدين نفوق .. احنا بقينا ليه كده .. يارب نجينا ..
ونتوب .. بس توبة ناقصة .. مش كامله ..

ونعيش على دا الحال فترة من الزمن حالنا مع ربنا كويس ..
وتيجي فترة كلنا بنقف فيها عن التزود من الأعمال ..
بحس إن أنا بقيت في الامان ..بحس إن أنا بقيت ملاك .. مفيش ذنوب .. وده في
حد ذاته ذنب كبير إنك تظن إنك بقيت فُله ومش بتعمل ذنوب ...

فبوقف رصيد الحسنات .. وهنا المشكلة ..

احنا قولنا قبل كده إن طريق بنا يا تقدم إلى الأمام .. يا رجوع للخلف .. مفيهوش واحد واقف بياخد Break الراحة متنفعش في الطريق ده .. ((((( قال
ابن الجوزي: ومن الصفوة أقوام مذ تيقظوا ما ناموا، ومذ سلكوا ما وقفوا.فهم
في صعود وترق. كلما عبروا مقاما إلى مقام، رأوا نقص ما كانوا فيه
فاستغفروا
.....
اللهم اجعلنا منهم ))))

ولأننا وقفنا فنقع تاني ..
والمشكله إن أنا بقع في نفس الذنب القديم..
وارجع تاني أفكر تاني وأندم تاني وأقرب تاني ..

وهكذا تدور رحى الحياة ..

وآدي لي سنين على دا الحال بقاسي المر والأوزار !! 318653

ولكن لحظة لا بد منها .. اسال فيها نفسك .!!

وقت الذنب بتبقى ضامن حياتك ؟؟
وقت الذنب بتبقى مستخبي من ربنا ؟؟

الخطورة يا شباب في موت الفجأة إنه بييجي بغته .. وياااااما مات لينا أصحاب في زهرة الشباب .. صح ولا أنا غلطان ..
موت الفجأة بئى منتشر انتشار الهواء في الكون ..
موت الفجأة بييجي من غير إنذار ..
بياخدك على حالتك اللي انت فيها ..

ياترى هتموت وقت التوبة ولا وقت الذنب ؟؟
ده اللي احنا خايفين منه ..

يااااااااارب ارزقنا حسن الخاتمة .. يارب

وآدي لي سنين على دا الحال بقاسي المر والأوزار !! 318653

أنا عارف إننا قرأنا كلام كتير عن التوبة ..
وربما ملينا من القراءة بسبب رجوعنا للذنب تاني ..

بس المره دي بجد هنتغير إن شاء الله ..

الموضوع كله محتاج مراجعة حسابات ..
ولحظة تفكر في العاقبة ..
وده يبقى وانت بتزور القبور ..
تاخد ورقة وقلم وتعد مع نفسك ..
هتكتب حالك يمكن لما تكتبه وتنظر له تترعب ..
وأكيد هتترعب لأن نفسك وشيطانك بيشغلك دايما بعيوب غيرك عن عيوبك ..
وبيشغلك بصغار ذنوبك عن كبارها ..
وبيشغلك بالناس والدنيا عن حالك انت..

عاوزك تواجه نفسك بذنوبك .. وتسألها .. هو احنا نقدر على عذابه ؟؟
هو احنا نقدر على ناره ؟؟
هو احنا نقدر على غضبه ؟؟
هو أنا آجي في ملكه ده كله إيه ؟؟
هو أنا أملك النفس اللي بتنفسه عشان أعصيه ؟؟
أنا آخرتي بيضا ولا سودا زي عملي ؟؟
أنا لما آجي أموت هقدر أقول لا إله إلا الله ؟
أنا لما ييجوا يغسلوني هيلاقوا وجهي أبيض مبتسم .. ولا أسود مكتئب ؟؟
أنا يا ترى الملائكة اللي هتيجي تنتزع روحي .. هتنادي عليا بأي اسم ؟؟
يا مذنب .. ولا يا منافق .. ولا يا كذاب .. ولا يا حرامي .. ولا يا إيه بالظبط ؟؟
لحظة دخولي القبر .. القبر هيضمني ضمة الام الحنون ولا هيضمني ضمة تختلف منها أضلاعي ؟؟
ياترى هعرف أجاوب على الملكين ولا مش هعرف ؟؟
يا ترى .. وألف يا ترى ..

ياترى
قلبك مشغول بمين ؟؟
وآدي لي سنين على دا الحال بقاسي المر والأوزار !! 318653

يبقى اول خطوة بجد عشان نتعالج من مرض الذنوب ده ..
هو الوقفة .. واقرأ الموضوع ده
دعوة لمحاسبة نفسك !!!

بس زي ما قولنا .. وقفة صادقة .. مش كاذبة زي كل مره ..

إن شاء الله هنتغير .. وهنبقى من عباد الله الصالحين ..

بس أهم حاجه اللي عاوز يتغير يبطل كلام ويبدأ في العمل ..

وآدي لي سنين على دا الحال بقاسي المر والأوزار !! 809751

وآدي لي سنين على دا الحال بقاسي المر والأوزار !! 809751

واجبنا المرادي هو . ..
1- وقفة مع النفس ...
بالصورة اللي قولنا عليها ..
وهيساعدك على كسر الخوف من الموضوع ده إنك تسمع الدرس ده ..

لو تقدر عليه اعصيه ..

2- المحاسبة اليومية ..
وده جدول بسيط جدول سنة اولى التزام ..
واظب عليه لحد ما تنتظم .. هنبدا بعده في جدول سنة تانيه إن شاء الله :)

جدول سنة أولى التزام
وآدي لي سنين على دا الحال بقاسي المر والأوزار !! 809751

نصيحة اليوم ..

التوبة والندم سبب كشف الغم والهم ودفع البلاء ..

السعيد من وعظ بحال أبيه آدم فتاب واستغفر .. والشقي من دعاه إبليس فأصر واستكبر ..

وآدي لي سنين على دا الحال بقاسي المر والأوزار !! 383808

وآدي لي سنين على دا الحال بقاسي المر والأوزار !! 383808

ألقاكم قريبا بإذن الله لنكمل رحلة الرجوع إلى الله عزوجل ..
نسأل الله التوفيق والسداد ..
أحبكم في الله
والسلام عليكم ورحمة الله وبركاته ..

الموضوع : وآدي لي سنين على دا الحال بقاسي المر والأوزار !! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

نائب المدير عدد المساهمات : 3918

وعليكم السلام ورحمة الله وبركاتة

ماشاء الله موضوع رااااااااااائع وشامل كل شى ربنا يعزك يارب
ويرزقنا واياكم حسن الخاتمة

بارك الله فيكم ونفع بكم

الموضوع : وآدي لي سنين على دا الحال بقاسي المر والأوزار !! المصدر : مسجد الهدي المحمدي الكاتب: aya
توقيع العضو/ه :aya

10/08/2009

اللهم آمين

وفيكم بارك ربي

ونفعنا الله واياكم

الموضوع : وآدي لي سنين على دا الحال بقاسي المر والأوزار !! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

وآدي لي سنين على دا الحال بقاسي المر والأوزار !!

وآدي لي سنين على دا الحال بقاسي المر والأوزار !!

مواضيع مماثلة

مواضيع مماثلة