عدى عليك كام يوم..؟؟
كام ساعة راحت منك..؟؟
كام ركعة فاتتك..
؟؟ خلصت كام جزء..؟؟؟
حاجات كتير بنتسئلها او بنسألها لنفسنا طوال الشهر الكريم...
وكأن رمضان بينبهنا ويعرفنا ان الدنيا ساعاتها محدودة,ويدربنا على (إدارة وقتنا) وحسن استغلاله...
......
من الحاجات المفيدة جدا فى رمضان وبيعودنا عليها وتفرق فى حياتك جدا,,حسن ادارتك لوقتك واستغلالك لكل ثانية فيه...
فجأة تلاقى نفسك تركت السرير والكسل,,وبقيت حد تانى كده غير ابو شعر منكوش اللى بيخوف ده..
سحورك بميعاد,,وامساكك عن الطعام والشراب فى ميعاد..الفجر أذن تجرى على الصلاة...مستنى الشروق ومخلى بالك اووى من وقته الصحيح بالثانية..فطورك
بميعاد,وطوال اليوم لغتك اتحولت من ساعات عادية الى اوقات محددة باوقات الصلاة...
كله بالميعاد والثانية....
رمضان خلانا نخلى بالنا جدا من وقتننا ,,ونعرف نحسبه كويس علشان نستغله كويس...
ياريت العادة دى تفضل فينا حتى بعد رمضان,,حتلاقى نفسك الملل ميعرفش لك طريق..ووقتك كله بتقضيه فى حاجات تفيدك,,,وكمان الأهم مش حتقصر فى فروضك...
رمضان علمنا نحافظ على الصلاة فى وقتها...علمنا ان الله أكبر,,اوعى تصغر ربك فى قلبك بعد كده,,,اوعى تضيع صلاتك,,واعرف بقى تدير وقتك...متقولش انا فى شغل
ولا برة البيت...خلى وقتك ومشاويرك هى اللى مبنية على وقت فرضك,,مش العكس..!!!
وسبحان الله أول كلمة فى الآذان,,الله أكبر,,وآخر كلمة, لا إله إلا الله...
كأنها رسالة بتقول ان الله أكبر من كل حاجة اكبر من الشغل ,,اكبر من الدنيا,,أكبر من اصحابك اللى مكسوف تسيبهم وتروح تصلى,,أكبر من مديرك اللى خايف منه,,,
ويطمنك الآذان بعد كده ويقولك,,انت مش مصدق....؟؟؟طيب (لا إله إلا الله),,,
هو اللى بأيده الرزق والشغل والأمر وقلوب الناس,,اسمع كلامه والتزم بأوامره حيكفيك ويتولى أمرك...
الوقت حنتسأل عنه يوم القيامة بين يدى الله ياجماعة,,أرجوكم اهتموا به...
الأمم بتبنى نهضتها بالتنظيم الجيد والعمل الجاد...
وانت قائد وحامل لواء,,,واهم سمات القائد وأسرار نجاحه..حفاظه على وقته...
وقتك يا حامل اللواء أمانة....اتعلم بقى من رمضان..
ربنا ينور حياتكم بالطاعات والأعمال الصالحات...
الموضوع : ♥♥ رســـــالة رمضــانية ♥♥ المصدر : مسجد الهدي المحمدي الكاتب: ????
موضوع: ♥♥ رســـــالة رمضــانية ♥♥ 
الأربعاء 17 أغسطس 2011, 7:24 pm
