هــااااام .. ناوي على إيه بعد رمضان ..؟؟

10/08/2009

ناوي على ايه بعد رمضان ؟؟

أول حاجة نعملها :: الدعاء ::
يا مثبت القلوب .. ثـــبــت قلبي على دينك

لازم نلزم هذا الدعاء على طول
ده مش بعد رمضان بس .. ده على طول في كل الاوقات
ده كان اكثر دعاء النبي صلى الله عليه وسلم

هــااااام .. ناوي على إيه بعد رمضان ..؟؟ 45832ccb29

هــااااام .. ناوي على إيه بعد رمضان ..؟؟ 45832ccb29

الحاجة التانية :: اني انا اعمل لنفسي جدول إيماني ::

جدول للطاعات التزم بيه ..

زي ما بعض النساء والرجال ربنا يبارك فيهم بيعملوا

جدول للريجيم
وبيلتزموا بيه جدا ويقولوا لا يمكن أفرط فيه
تيجي تديله سكر يقولك لا انا عامل دايت

طب مانا كمان دايت عن المعاصي
ما نشغلها دايت .. بلاش معاصي ونخليها دايت

ده الجدول الايماني
انا كنت بصلي في رمضان اد ايه
مثلا 11 ركعة
ماشي
خليهم 5 – بعد رمضان –
ركعتين خُفاف .. وركعتين طـُوال .. ووتر
وأواظب عليهم ..
" أحب الأعمال الى الله أدومها وإن قل "

هــااااام .. ناوي على إيه بعد رمضان ..؟؟ 45832ccb29

صُمت في رمضان أد إيه ؟؟
الشهر كله 30 يوم
طيب انا عايزك تصوم بعد الشهر 3 أيام في الشهر
ولو قدرت اثنين وخميس يبقى جزاك َ الله خير
جميل اوي

طيب قريت القرآن كام مرة ؟؟
والله أخت اتصلت بي َ من دبي .. أٌقسم بالله
قالتلي ختمت القرآن 26 مرة
والله 26 مرة يعني تقريبا كل يوم ختمة ..!!
أنا مش هقوللك اختمه 26 مرة
أنا هقولك اختمه في الشهر 3 مرات
وسهل جدااا والله وعلى فكرة سهل جدا انك تختمه 10 مرات
بلاش عشر مرات خليهم 5 مرات
وهقولك على طريقة سهلة جداا تقدر تختم بيها القرأن خمس
مرات – في الأيام العادية –

قبل كل فريضة اقرأ جزء واحد ياخد معاك تلت ساعة
روح المسجد بدري تلت ساعة ..
صلي ركعتين تحية المسجد .. افتح المصحف
اقرأ عشرين صفحة
جميل اوي كده مش هتكلفك حاجة
كده قبل كل فريضة يبقى في الشهر تختم كام ؟؟
خمس ختمات في الشهر مرتاحة وجميلة حاجة زي الفل .. سهلة وبسيطة

هــااااام .. ناوي على إيه بعد رمضان ..؟؟ 45832ccb29

وكنت في رمضان بتعمل ايه تاني ؟؟

بتذكر ربنا كتير جدا
صح ؟؟
لسانك إيه الي هيعطله ؟؟
أن رجلا قال يا رسول الله إن شرائع الإسلام قد كثرت علي فأخبرني بشيء أتشبث به قال : لا يزال لسانك رطبا من ذكر الله .
الراوي:عبدالله بن بسر المازني المحدث: الألباني - المصدر: صحيح الترغيب - لصفحة أو الرقم: 1491
خلاصة حكم المحدث:صحيح
سبحان الله ..
النبي صلى الله عليه وسلم جمعله كل حاجة في ذكر الله
لان الانسان لا يفعل معصية وهو يذكر الله

أنا أتحدى واحد بيبص على بنت وهو بيذكر ربنا
خد بالك
واحد ييجي يقولي مش عارف اغض بصري
اقوله اذكر الله
يقولي الذكر هيعمل ايه ..!!
اقوله بس جرب والله لا يُجرب
لكن بس ذوق طعم الذكر
يبقى وهو ماشي كده
عمال يقول سبحان الله والحمد لله ولا إله إلا الله والله أكبر
طيب بالله عليك استعظم كده واحد بيقول لا إله إلا الله
وهيبص على وحده ..!!
أنا لا أتخيــــلها .. مش ممكن بجد
علاج غض البصر .. هو ذكر الله
هــااااام .. ناوي على إيه بعد رمضان ..؟؟ 45832ccb29

علاج أي شئ في الدنيا ... ذكر الله

" مثل الذي يذكر ربه والذي لا يذكر ربه مثل الحي والميت "
الراوي: أبو موسى الأشعري المحدث: البخاري - المصدر:
صحيح البخاري - لصفحة أو الرقم: 6407
خلاصة حكم المحدث: [صحيح]

والحديث التاني
قال النّبِيّ صلى الله عليه وسلم قَالَ: "مَثَلُ الْبَيْتِ الّذِي يُذْكَرُ اللّهُ فِيهِ، وَالْبَيْتِ الّذِي لاَ يُذْكَرُ اللّهُ فِيهِ، مَثَلُ الْحَيّ وَالْمَيّتِ".
رواه مسلم.

بردو
سبحان الله

وكمان النبي صلى الله عليه وسلم له حديث إعجاز
ألا ادلكم على خير اعمالكم ....
يا الله ...
عايز كمان اقول حاجة عن ذكر الله
ذكر الله خمس انواع

1 :: ذكر الله عند ورود الامر ..
جالك الأمر ( وأقم الصلاة ) لازم تصلي
يبقى انت لو صليت يبقى انت ذاكر لله ..
البسي الحجاب .. لو عملتيه يبقى انتي ذاكرة لله .

2 :: ذكر الله عن ورود النهي ..
إوعى تشرب خمر .. إوعى تمشي مع بنات ..
لو عملت كده يبقى انت ذاكر لله ..

3 :: ذكر الله في الأحوال والمناسبات ..
عند دخول المسجد .. عند خروج المسجد .. عند دخول البيت ......
كل ده ذكر الله .

4:: ذكر الله المقيد بعدد ..
بعد الصلاة تسبح 33 مرة وتحمد 33 مرة و....

5 :: ذكر الله المطلـــــق ..
الَّذِينَ يَذْكُرُونَ
اللَّـهَ قِيَامًا وَقُعُودًا وَعَلَىٰ جُنُوبِهِمْ وَيَتَفَكَّرُونَ
فِي خَلْقِ السَّمَاوَاتِ وَالْأَرْضِ رَبَّنَا مَا خَلَقْتَ هَـٰذَا
بَاطِلًا سُبْحَانَكَ فَقِنَا عَذَابَ النَّارِ ﴿١٩١﴾

لكن أعظم ذكر .. أعظم ذكر في الكون ده كله
ان يكون الله منك على بالك دائما
ازاي بقى .. مثلا واحد راح يشتري علبة سجاير
ف وهو بيشتريها افتكر ده ربي حبيبي حرمها
لا يا عم .. خد السجاير واديني بدلها اي حاجة
فإن فعل كده فالله منه على باله

واحدة خارجة ومتزينة وعاملة في نفسها full makeup
بقى واستريتشات وايه
وهي خارجة .. ايه ده يا خبر ابيض
فين بقى يدنين عليهن من جلابيبهن ..؟؟
لأأأ خلاص يارب والله لا يمكن اعمل في نفسي حاجة بتغضبك

وهو ده معنى لبيك اللهم لبيك .. جئتك بحُب
شفت المعنى الجميل ده ..
لو استحضر الواحد المعنى ده وهو بيحج .. هيحج بجد
لبــــــــــــيك اللهم لبيك ..
انا جيت لك يا صاحب الجلال والاكرام

يبقى احنا استحضرنا كده النقاط

اول حاجة الدعاء ..
تاني حاجة ان احنا نعمل لنفسنا جدول ايماني
تالت حاجة ان احنا ربنا يكرمنا نلزم الذكر
اخر حاجة نسامح الي مخاصمينهم
وده من الذكر
صالح كل الناس الي انت مخاصمهم
ونُرضي الأم والأب
نُرضي الزوج/ة والاولاد
نُرضي جيراننا
ونرضي كل حبايبنا
وآخر حاجة مهمة جدااا
ان احنا مننساش ابدا .. اخواننا في فلسطين والعراق
إخواننا المسلمين في كل مكان
ندعيلهم دايما
ونحاول بقدر الامكان ان احنا مننساهمش في كل صلاة
ربنا يبارك في الجميع ياارب ..
جزاكم الله خير

:: نقلاً عن الشيخ محمود المصري حفظه الله ::

رابط المقطع ..
ناوي على إيه بعد رمضان..؟؟

الموضوع : هــااااام .. ناوي على إيه بعد رمضان ..؟؟ المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

26/06/2010

هــااااام .. ناوي على إيه بعد رمضان ..؟؟ 549443

الموضوع : هــااااام .. ناوي على إيه بعد رمضان ..؟؟ المصدر : مسجد الهدي المحمدي الكاتب: مشتاقة للجنة
توقيع العضو/ه :مشتاقة للجنة

عضو جديد عدد المساهمات : 2238

باذن الله ناوين علي حاجات كتير بعد رمضان الله المستعان ان شاء الله

ربنا يعنيا يارب علي طاعته جزاكم الله خيرا علي هذا الموضوع الهااام جدا ربنا يبارك في حضرتك

الموضوع : هــااااام .. ناوي على إيه بعد رمضان ..؟؟ المصدر : مسجد الهدي المحمدي الكاتب: أمة الله
توقيع العضو/ه :أمة الله

عضو جديد عدد المساهمات : 93

هــااااام .. ناوي على إيه بعد رمضان ..؟؟ 291190

جزاكم الله كل خير

لا بجد موضوع فى معاده

الموضوع : هــااااام .. ناوي على إيه بعد رمضان ..؟؟ المصدر : مسجد الهدي المحمدي الكاتب: ملك
توقيع العضو/ه :ملك

عضو جديد عدد المساهمات : 2238

هوا رمضان مش بقاله كتير وكمان المهم ان احنا نستفيد منه مش شرط بقي امتي

ربنا يكرمك يا اخت ملك

الموضوع : هــااااام .. ناوي على إيه بعد رمضان ..؟؟ المصدر : مسجد الهدي المحمدي الكاتب: أمة الله
توقيع العضو/ه :أمة الله

10/08/2009

ربنا يتقبل منا ومنكم صالاح الاعمال

وربنا يرزقنا الصدق في القول والعمل

الموضوع : هــااااام .. ناوي على إيه بعد رمضان ..؟؟ المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

هــااااام .. ناوي على إيه بعد رمضان ..؟؟

هــااااام .. ناوي على إيه بعد رمضان ..؟؟

مواضيع مماثلة

مواضيع مماثلة