مسك ايدك تعالى اقولك المرة الجايه الدور فين وعلى ايه كمان
.
.
اخواتى الحلوين المخطوبين القمرات
فى موضوع لفت نظرى بجد وحسيت قد ايه صعب وسىء قووووووى
عاوزة اتكلم معاكم فيه انا اختكم فى الله وقلبى عليكم بجد وربى يعلم
...
ايوة تجاوزاتك بينك وبين خطيبك ، خلى بالك يا حبيبتى طريق الشيطان آخرته وحشه اوووووووى
خدى بالك اوعى تبررى ده بحبه وحبك ، او بأنك كويسه ومحترمه بس ده عادى يعنى خطيبى وبتاع
لا طبعا ده مش عادى خالص انك تتنازلى مع الانسان اللى هتكمل حياتك معاه
عشان مهما كان خطيبك اللى هو جوزك مستقبلا كويس وشاريكى ومحترم
هيجى عليه يوم تحصل مشكله بينه وبينك والدنيا تتقلب فوق دماغك باللى كنتى بتعمليه
اوعى تردى وتقولى ده خطيبى بيحبنى وواثق فيا وعارف انى بعمل كده بس عشان بحبه لالالالالالالالالا
هو فى نفسه هيقول مادام بسهوله كده عملت معايا كده بدافع الحب يبقى اكيد اى حد حبته او هتحبه سواء قبلى او بعدى
هتتنازل وهتعمل معاه كده بردوا كمان زى ماخانت ربها وثقه اهلها فيها معايا ممكن تخون ثقتى فيها وتعمل كده مع غيرى قدام
اللى عاوزة اقوله بجد لو انتى محصلش بينك وبين خطيبك اى حاجه ، عارفين يعنى ايه اى حاجه حتى لو مسكه ايد بريئه بس،
يبقى خليكى زى مانتى كده بريئه فى كل حاجه ومحافظه على طاعه ربك وعلى نفسك وعلى ثقه اهلك وعلى احترامك لذاتك
وحبيبتى اللى لسه بادئه، وبتقولى دى مجرد بوسه فى الهوا وخلاص ، اعرفى ان الصغير بيكبر ، واعرفى تماما ان الشيطان معاكى كده وهيلازمك عشان بتبررى لنفسك الغلط لا اقفى هنا وقولى كفايه وخلاص أنا عارفه ربنا وهخاف منه اوووووووووى ومش هاعمل كده تانى عشان ربى ونفسى واهلى
وحبيبتى اللى عديتى مرحله البرائه احنا كمان لسه فيها اعرفى يا حبيبتى أن رحمة الله عز وجل وسعت كل شيء ، وإحسانه على خلقه كبير ، ومن هنا ربنا سبحانه وتعالى فتح الباب للتائبين ، وقبل ندم النادمين ، ولم يحرمهم من رحمته.
واسمعي ربنا بيقولك ايه يقول الله عز وجل : (إِنَّ اللّهَ لاَ يَغْفِرُ أَن يُشْرَكَ بِهِ وَيَغْفِرُ مَا دُونَ ذَلِكَ لِمَن يَشَاء )
أليس هو الذي نادى عباده وقال(قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ)
كما قال سبحانه : ( أَلَمْ يَعْلَمُوا أَنَّ اللَّهَ هُوَ يَقْبَلُ التَّوْبَةَ عَنْ عِبَادِهِ وَيَأْخُذُ الصَّدَقَاتِ وَأَنَّ اللَّهَ هُوَ التَّوَّابُ الرَّحِيمُ ) التوبة
يلا قوليله لا كفايه انا مش هاغلط تانى انا بحب ربنا واهلى ونفسى وعشان بحبك انت كمان هحافظ عليا ليك
يلا قربى من ربنا والحقى نفسك قبل الندم وفوات الاوان ابدئى من الوقتى مش من كمان شويه وربنا هيكون جنبك ومعاكى
اتمنى يكون كلامى دخل قلوبكم وفهمتوه وحستوه كويس وربنا يتمم لينا كلنا على خير يا حبايبى ان شاء الله
وان شاء الله لو مشيتى مع كلامى هتعيشى حياة سعيده جدا خاليه من الزعل والمشاكل بينك وبين خطيبك
عشان بركه ربنا ورضاه عليكوا موجود وربنا الهادى يااااااارب.
ربنايرزقنى واياكم وجميع بنات المسلمين بالازواجالصالحين اللهم امين يارب
الموضوع : مسك ايدك تعالى اقولك المرة الجايه الدور فين وعلى ايه كمان المصدر : مسجد الهدي المحمدي الكاتب: aya
موضوع: مسك ايدك تعالى اقولك المرة الجايه الدور فين وعلى ايه كمان 
الإثنين 19 سبتمبر 2011, 9:53 pm
جزاك الله خيرا لخوفك علينا
