أيوة أنت يا بنى متجننيش !! أنت ازاى غنى ومبتصليش ؟؟

10/08/2009

حد فاهم حاجة من عنوان الموضوع؟

طيب نقول السلام عليكم

أولاً

ازيكم يا ردالة ؟
ايه أخباركم؟

المهم عاوزين ندخل فى صلب الموضوع على طول

حد يقولى خليه سائل

أقوله احنا مش بندرس كيمياء دلوقتى

المهم نخش فى الموضوع وخلاص

ثانيًا وده الأهم

ازيكم مرة تانى بردو؟

...

طيب
1
2
3

لا خليها
3
2
1

الناس هتزعل كده

.

تعالوا كده مع بعض نقرأ الموقف ده

هيثم ومصطفى ماشيين مع بعض فى الشارع وفجأة يلاقوا عربية فخمة أوى جاية عليهم
وفجأة تانية بردو يلاقوا العربية وقفت
بس عربية ايه آخر حاجة يعنى

المهم أول ما العربية وقفت
لقوا بنت جميلة جدا نزلت من العربية
وكان صوت الأغانى لسه مقفول وبالطبع أو غالبا كانت غير محجبة ومتبرجة والذى منه

فهيثم بيقول لمصطفى : أنا مش عارف ايه الناس .. أمرهم غريب أوى ياه
مصطفى :ليه ، قصدك ايه يعنى؟
هيثم : دايما
بسمع ان الواحد لازم يلتزم ويستقيم عشان ربنا يكرمه لكن فى الواقع بشوف
عكس ذلك خالص ، يعنى مثلا بت زى دى ، شوف عاملة ازاى وأكيد طبعا بمنظرها ده
غير ملتزمة ولا أى حاجة ، طيب هى ليه مبسوطة بحياتها كده مع إنها مش قريبة
من ربنا؟
مصطفى : عندك حق فعلا الموضوع ده ساعات بيحيرنى
هيثم : اه وكمان تلاقى ناس كثير غنية ومعاها فلوس ومش قريبة من ربنا ، ازاى؟ معرفش
وأحيانا بردو يلا تلاقى ناس ملتزمة بس حياتها على أدها
ويقول هيثم فى نفسه : انتى يا بت متجننيش !! انتى ازاى غنية ومبتصليش؟؟

يللا بينا على الموقف التانى

أحمد وعمر وهشام راكبين عربية عمر وبيتفسحوا مع بعض فى أحد الأماكن السياحية

أحمد وهشام شباب عاديين جدا مش ملتزمين وفى نفس الوقت مش فى الناحية التانية أوى
أما عمر بقى فتلاقى دايما مع البنات والأغانى على ودنه على طول وشغااااااااااااااااااال ....... يونيفرسال
كانوا مع بعض وفجأة أذان المغرب أذن وكان صوت المؤذن جميل جدا فعجب أحمد
فأحمد قال لهم يا جدعان صوت المؤذن ده كده شكله حلو وجذبنى أنا هروح أصلى المغرب فى السريع وآجى بسرعة ، بيس؟
هشام : اصبر يا عم أنا أصلا زهقت من القاعدة هنا بقلنا كثير ويمكن يكون صوت الإمام حلو ، أنا مش عارف ايه الأماكن اللى عمر بيوديلنا دى
أحمد : ايه رأيك يا عمر؟ ها هتيجى معانا؟
عمر : انت بتهزر يلا؟ أنا أصلا مبصليش
وكمل سماع الأغانى و ...... كده يعنى
فقال أحمد فى نفسه : يا بنى متجننيش !! أنت ازاى غنى ومبتصليش
ودار فى ذهنه نفس الأفكار التى دارت فى ذهن صاحبنا فى الموقف الأول

طيب نيجى هنا بقى ونقف وقفة

لا لا .. خليك قاعد على الكرسى انت هتقف ليه؟ أنا أقصد وقفة ذهنية أو أى حاجة يعنى
اتفضل استريح

فعلا كلنا بنشوف الواقع ده فى حياتنا وأحيانا ربما نستغرب
تلاقى الناس
البعيدة عن ربنا معاها فلوس كثييييييييييير وتلاقى كل واحد من الأسرة معاه
عربية وربما معاه شقة لوحده ، وفى الهاى على طول التوب يعنى
فمثلا لو تلاقى واحد سايق عربية فخمة ، تشوفوا كده تحس من مظهره انه انسان مش ملتزم
وبالمثل لما تلاقى واحدة مثلا سايقة عربية فخمة تلاقيها متبرجة وغير محجبة و .. و .. و ..
وطبعا السيارة دي مجرد مثال لكن فى غيره كثييييييير

تابعونا

الموضوع : أيوة أنت يا بنى متجننيش !! أنت ازاى غنى ومبتصليش ؟؟ المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

10/08/2009

عودا حميدا

تعالوا كده ناخد كام قصة من التاريخ ونشوف كيف مرت الأحداث

أولا : قصة قارون

يقول الله تعالى :"إِنَّ قَارُونَ كَانَ مِن قَوْمِ
مُوسَى فَبَغَى عَلَيْهِمْ وَآتَيْنَاهُ مِنَ الْكُنُوزِ مَا إِنَّ
مَفَاتِحَهُ لَتَنُوءُ بِالْعُصْبَةِ أُولِي الْقُوَّةِ إِذْ قَالَ لَهُ
قَوْمُهُ لَا تَفْرَحْ إِنَّ اللَّهَ لَا يُحِبُّ الْفَرِحِينَ "

يعنى قارون ده شوف وصف الكنوز فى القرآن عامل ازاى

ده كان معاه ايه ده؟

على كده كان عايش حياة مليئة بالترف والغنى

طب ازاى؟

وهو أصلا كافر

لكن رغم ذلك ربنا شوف اداه كنوز ازاى؟

وكان فى ناس بتتمنى يبقى عندها زى اللى عند قارون

فَخَرَجَ عَلَى قَوْمِهِ فِي زِينَتِهِ قَالَ الَّذِينَ يُرِيدُونَ
الْحَيَاةَ الدُّنيَا يَا لَيْتَ لَنَا مِثْلَ مَا أُوتِيَ قَارُونُ
إِنَّهُ لَذُو حَظٍّ عَظِيمٍ

وفى فرق بين الرجاء والتمنى

فالرجاء قريب الحدوث

أما التمنى فهو مستحيل أو بعيد الحدوث

يعنى أقول : أرجو أن أنجح ، لكن لا أقول : أتمنى أن أنجح . فهذا يفيد استحالة النجاح

ومن أدوات التمنى : ليت

شوف هنا قومه قالوا : يا ليت لنا

يبقى معنى ده ايه؟

معناه انه مستحيل يبقى عندهم زى اللى عند قارون

شوف بقى يا سيدى قارون ده كان معاه حاجات أد ايه

وبعد ذلك قارون ده بقى ولا حاجة

وشفنا نهايته كانت ايه

فَخَسَفْنَا بِهِ وَبِدَارِهِ الْأَرْضَ فَمَا
كَانَ لَهُ مِن فِئَةٍ يَنصُرُونَهُ مِن دُونِ اللَّهِ وَمَا كَانَ مِنَ
المُنتَصِرِينَ

مثال ثان : قصة فرعون

لا نحتاج إلى تفصيل فى هذه القصة لأن تقريبا كلنا عارفنها

لكن العبرة إن فرعون شوفوا كان يكذب بأيات الله و .. و .. و..

وفى الآخر بردو

وَجَاوَزْنَا بِبَنِي إِسْرَائِيلَ الْبَحْرَ
فَأَتْبَعَهُمْ فِرْعَوْنُ وَجُنُودُهُ بَغْياً وَعَدْواً حَتَّى إِذَا
أَدْرَكَهُ الْغَرَقُ قَالَ آمَنتُ أَنَّهُ لا إِلِـهَ إِلاَّ الَّذِي
آمَنَتْ بِهِ بَنُو إِسْرَائِيلَ وَأَنَاْ مِنَ الْمُسْلِمِينَ{90} آلآنَ
وَقَدْ عَصَيْتَ قَبْلُ وَكُنتَ مِنَ الْمُفْسِدِينَ{91} فَالْيَوْمَ
نُنَجِّيكَ بِبَدَنِكَ لِتَكُونَ لِمَنْ خَلْفَكَ آيَةً وَإِنَّ كَثِيراً
مِّنَ النَّاسِ عَنْ آيَاتِنَا لَغَافِلُونَ{92}

آخر مثال : مبارك

شوفوا مبارك ده كان ايه قبل الثورة وبقى ايه بعد الثورة

شوفوا مبارك ده كان سبب فى قتل اد ايه من الناس

شوفوا مبارك ده كان سبب فى تشرد أد ايه من الناس

شوفوا مبارك ده كان سبب فى مرض أد ايه من الناس

شوفوا مبارك ده كان سبب فى ظلم أد ايه من الناس

شوفوا مبارك ده كان سبب فى أد من الفساد فى بلدنا

شوفوا مبارك ده كان سبب فى ايه وفى ايه وفى ايه

سجن وعذب وقتل وأمرض وظلم

طيب شوفوا بردو كان معاه أد من الفلوس

شوفوا كان معاه أد ايه من الأراضى

شوفوا كان معاه أد ايه من العقارات

شوفوا كان معاه أد ايه من أى حاجة من الحاجات اللى شفناها دى

طيب ما كان غنى اهو

طب ازاى كان غنى ومعاه كل الفلوس دى وفى نفس الوقت كان بيعذب ويشرد ويقتل و .. و ..

ازاااااااااااااااااى يا ناس؟

ربنا قادر انه ياخد منه كل النعم اللى كان فيها دى

ده أكيييييييييييد

طب ليه؟

تابعونا

الموضوع : أيوة أنت يا بنى متجننيش !! أنت ازاى غنى ومبتصليش ؟؟ المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

10/08/2009

عدنا بفضل الله

فَلَمَّا نَسُواْ مَا ذُكِّرُواْ بِهِ فَتَحْنَا عَلَيْهِمْ أَبْوَابَ كُلِّ شَيْءٍ حَتَّى إِذَا فَرِحُواْ بِمَا أُوتُواْ أَخَذْنَاهُم بَغْتَةً فَإِذَا هُم مُّبْلِسُونَ

الآية دى هى محور موضوعنا النهارده

فالنعم دى ممكن تكون استدراج لا أكثر

مجرد إكثار من الذنوب

وبذلك سيزيد لهم العذاب يوم الحساب

اللهم نجنا

إن مقدار مع المرء من فلوس أو عقارات أو نعم دنيوية ده مش مقياس لرضا الله عنه

طيب ما احنا شايفين أمريكا وإنجلترا من أكثر الدول تقدما دلوقتى

وهم أصلا غالبهم ليس مسلم

لأ

الموضوع مش كده

الموضوع إن الدنيا لا تساوى عند الله جناح بعوضة

فمهما كثرت تلك النعم الدنيوية فهذا لا يمثل شيئا فهى كجناح البعوضة

يقول الرسول - صلى الله عليه وسلم - :" لو كانت الدنيا تعدل عند الله جناح بعوضة ما سقى كافر منها شربة ماء "

الراوي:
سهل بن سعد و أبو هريرة و عبدالله بن عمر و ابن عباس و جماعة من
الصحابة و الحسن و عمرو بن مرةالمحدث: الألباني -
المصدر: السلسلة الصحيحة - الصفحة أو الرقم: 686

خلاصة حكم المحدث: صحيح بمجموع طرقه

يبقى لما احنا نشوف واحدة متبرجة وعايشة فى نِعم

ده مش مقياس

وفى ناس كثيرة غنية ومش حاسة بأى سعادة

ولست أرى السعادة جمع مال .. ولكن التقى هو السعيد

فالسعادة سعادة القلب والروح لا سعادة البدن

اللهم آتنا قلبًا صالحًا

لكن بردو عشان ناخد الموضوع من الاتجاهين

فيه ناس بردو ملتزمة وما شاء الله عليها معاها فلوس أد الدنيا

لكن بتنفقها فى ما أمر به الله ورسوله

مش بتنفقها فى الحرام

وبتلاقى فلوسهم بتزيد ببركة من الله

فهناك الكثير أيضا من الأغنياء الملتزمين

وعددهم كبير جدًا

وطبعا مش حرام إن الواحد يكون غنى ومعاه فلوس

ايه الحرام فى كده يا أخويا؟

طالما لا يستخدم هذه النعمة فى معصية الله فلا حرج

وعيش حياتك يا عم ولا فى حاجة

بس يمكن انت بتحس باللى مش ملتزمين أكثر عشان اللى بيدور فى ذهن البعض زى ما حصل مع هيثم فى أول الموضوع

فانت قيس الأمور صح

وعيش حياتك صح

وهات جبنة صح الصح

ومتخليش حد يضحك عليك صح

ومتنساش تعيش معنا أحلى حياة

أيوة أيوة

ومتنسانيش بردو من دعوة صالحة

والسلام عليكم ورحمة الله وبركاته

وكل عام انتم بخير

الموضوع : أيوة أنت يا بنى متجننيش !! أنت ازاى غنى ومبتصليش ؟؟ المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

عضو جديد عدد المساهمات : 426

أيوة أنت يا بنى متجننيش !! أنت ازاى غنى ومبتصليش ؟؟ 123765

الموضوع : أيوة أنت يا بنى متجننيش !! أنت ازاى غنى ومبتصليش ؟؟ المصدر : مسجد الهدي المحمدي الكاتب: nada
توقيع العضو/ه :nada

نائب المدير عدد المساهمات : 3918

موضوع راااااائع

مش هننساك ان شاء الله بدعوة صالحة
بارك الله فيك

الموضوع : أيوة أنت يا بنى متجننيش !! أنت ازاى غنى ومبتصليش ؟؟ المصدر : مسجد الهدي المحمدي الكاتب: aya
توقيع العضو/ه :aya

10/08/2009

وفيكم بارك ربي

جزانا الله واياكم

وتقبل الله منا ومنكم

الموضوع : أيوة أنت يا بنى متجننيش !! أنت ازاى غنى ومبتصليش ؟؟ المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

مشرف عدد المساهمات : 628

جزاك الله خيرا
ويارب تموت

شهيد

الموضوع : أيوة أنت يا بنى متجننيش !! أنت ازاى غنى ومبتصليش ؟؟ المصدر : مسجد الهدي المحمدي الكاتب: توفيق
توقيع العضو/ه :توفيق

10/08/2009

جزانا الله واياكم خير الجزاء
اللهم أمين

الموضوع : أيوة أنت يا بنى متجننيش !! أنت ازاى غنى ومبتصليش ؟؟ المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

أيوة أنت يا بنى متجننيش !! أنت ازاى غنى ومبتصليش ؟؟

أيوة أنت يا بنى متجننيش !! أنت ازاى غنى ومبتصليش ؟؟

مواضيع مماثلة

مواضيع مماثلة