أمة اللهعضو جديد
تاريخ التسجيل : 28/10/2010
 |  موضوع: يماما مش هتجاوبى عليا ؟؟؟؟  الأربعاء 21 ديسمبر 2011, 12:07 pm | |
| كلنا عارفين ان من خصائص الطفل ...انه بيسأل كتير...وبيكون الدافع ورا ده اما حب الاستطلاع او القلق او الخوف او التمرد ...وممكن يكون حاسس انه اتقن اللغة والكلام فبيستخدمه فى الاسئلة
وممكن يكون بيسأل محاولة لجذب انتباه الآخرين
من ناحيتنا كمربين ...ان احنا منمنعش الطفل من كثرة الاسئلة او يرفضوا الاجابة او يظهروا التهرب منه ..لأن الطفل بكده هيزداد تصميم انه يعرف الاجابة وربما تكون خاطئة او من مصدر غير موثوق
فتكون العاقبة وخيمة لما تكون الاجابة خاطئة والمربى بعد كده مش هيعرف يغير اللى وصل للطفل من مفاهيم خاطئة الا بصعوبة شديدة
ودى بعض نماذج لأسئلة غريبة أطفال سألوها ونماذج الاجابة عليها
1- من أين جئت؟
من بطن ماما, ولما يزود فى الكلام نقوله : كل طفل زيك يكبر جوا بطن الأم لغاية لما يقدر يعيش لوحده فيخرج للدنيا وميبأش متعلق بمامته , وفى سن السابعة او الثامنة نقوله: الطفل يخرج من بطن امه زى خروج البيضة من الفرخة.
2- لماذا ليس لدى ثدى كبير مثل أمى؟
الولد والراجل ثديهما صغير والبنت والأم ثديهما كبير وربنا خلقنا كده.
3- من أين يأتى اللبن الذى ترضعه أمى لأختى الصغيرة؟
الطفل الرضيع ملوش أسنان زى الكبار عشان يأكل بيها عشان كده أنا بأكل الطعام العادى وبحوله للبن عشان أختك ترضعه.
4- لماذا لا يلد بابا طفلا؟
النساء تلد وتربى الاطفال والرجال بعملوا أعمال شاقة تحتاج لقوة.
5- لماذا لا ألد طفلا مثلك ياماما؟
لما تكبرى هتتزوجى ووقتها هتولدى طفل زييى.
6- لماذا يتزوج الرجل امرأة؟
كل بيت لازم يكون فيه رجل وامرأة ,الرجل يعمل خارج البيت والمرأة تعمل داخل البيت وكل طفل لازم يكون ليه بابا وماما زيك
7- لماذا لا يتزوج الأخ أخته؟
لو الأخ تزوج أخته هيفضلو اتنين بس فى البيت لكن لو تزوج واحدة تانية من عائلة تانية هتكبر وتزيد العائلة وانت طبعا تحب يكون لينا أقارب كتير.
8- لماذا لا نستحم أنا وأختى أو أنا وأبى معا؟
لأن انت بقيت كبير زى أختك والأولاد والبنات الكبار ميستحموش سوا.
9- أين يوجد الله؟
فى السماء فوق وهو مش زينا هو اعلى مننا هو بيشوفنا كلنا فى وقت واحد زى اللى بيطلع فوق سطح العمارة بيشوف كل الناس فى الشارع.
10-اين توجد الجنة؟
الجنة مكان مريح وجميل فيه كل حاجة حلوة والناس الكويسين الصالحين بيدخلوا الجنة.
11-أين ذهبت جدتى التى ماتت؟
راحت عند ربنا ولو استرسل فى السؤال نقوله: كل انسان ليه فترة يعيشها مع الناس فى الأرض ويموت زى الأزهار والشجر والحيوانات كلها بتموت بعد فترة من الزمن.
 الموضوع : يماما مش هتجاوبى عليا ؟؟؟؟ المصدر : مسجد الهدي المحمدي الكاتب: أمة الله |
|
