أنا ابقى زيـه ..؟.. ياااااااااااه قول يارب ..!!

10/08/2009

- شايف الاخ جارنا ده ما شاء الله ازاي حافظ القرآن كامل وبالتجويد وبيعلم غيره
كمان .. ما شاء الله عليه انا بحبه اوي من غير ماعرفه من كلام الناس عليه

-- ما شاء الله عليه .. انا كمان بحبه اوي .. ربنا يزيده يارب ويثبته ..
طب وانت ؟
- أنا إيـه ؟
-- وانت ليه متبقاش زيه ؟
- أنا أبقى زيه .. ياااااااااااه قول يارب !
-- يااااااارب .. بس ليه متبقاش زيه يعني هو احسن منك في ايه
عشان يحفظ القرآن والناس تحبه من غير ماتعرفه وانت لا ؟؟
هو مثلا عقله غير عقلك ؟
او في حاجة بتميزه عنك ؟؟
- لا طبعا .. بس اصل يعني دي نعمة ربنا انعمها عليه !
-- ماهو بردو النعمة دي منزلتش عليه لوحده كده وهو قاعد ..
هو عشان همته عالية وعنده هدف .. وبردو مجاوبتش على سؤالي ..
انت لييييييه متبقاش زيه مش فاهم ؟؟
- ياعم ربنا يسهل ويكرمني وابقى زيه .. انت بتتكلم كده
وكأنك انت الي زيه يعني !
-- الحمد لله انا ربنا انعم عليا بهمة عالية ودلوقتي بحفظ القرآن ؟
-ايه ده بجد من امتى ده ؟
-- من اول اما شفت الاخ ده ما شاء الله وشه نور وهمته عالية ومحبوب وكمان حامل لكتاب ربنا .. قلت لنفسي ليه مبقاش زيه واحسن كمان
ومن وقتها وانا بدأت همتي تعلى وبحفظ القرآن اهو
وربنا كارمني اخر كرم الحمد لله
- ما شاء الله عليك
-- شفت بقى انا لما شفت الاخ ده وحسيت انه متميز عني بحفظ القران
وهو معندهوش حاجة مش عندي غير همته العالية ..
قررت اعمل زيه ازاي وانافسه من بعيد لبعيد ..
- امممممممم..
-- اممممممم ايه ؟
- تصدق انت فعلا عندك حق انا ليه مبقاش زيه وزيك كده ..
خلاص انا نويت من دلوقتي اني ابدأ حفظ للقرآن ان شاء الله
وانت تساعدني مش كده :) ؟؟
-- طبعا يا بطل :)

أنا ابقى زيـه ..؟.. ياااااااااااه قول يارب ..!! 99627310bb310904acdab07167e98634

أنا ابقى زيـه ..؟.. ياااااااااااه قول يارب ..!! 99627310bb310904acdab07167e98634

انتهى الحوار بين صاحبنا المجهول وصاحبه المجهول والاخ المجمهول بردو :)
بس بالله عليكم كام مرة بيتكرر الحوار ده بين الشباب وبعضهم ؟؟
كام مرة انت شفت حد متميز في حاجة معينة
واُعجبت اوي بهمته وبحب الناس ليه ..
وكام مرة شفت واحد زميلك متميز عنك في الدراسة ومتفوق
وقلت عليه ما شاء الله ربنا يوفقه .. ومفكرتش هو ليه احسن منك في النقطة دي !
وانت تناقصك ايه عشان تبقى زيه كده ؟؟

أنا ابقى زيـه ..؟.. ياااااااااااه قول يارب ..!! 4fb0e71d5eff612ff97823aba9cc401a

أنا ابقى زيـه ..؟.. ياااااااااااه قول يارب ..!! 4fb0e71d5eff612ff97823aba9cc401a

كام مرة شفتي بنت ملتزمة وبتحب ربنا ومحبوبة من الناس ودايما مبتسمة ولبسها واسع وجميل ووشها كله نوووور ومقلتيش في بالك
الله ايه النور ده ما شاء الله عليها ..
ومفكرتيش انك ليه متكونيش كده ؟؟

كام مرة بردو انت شفت واحد صاحبك بارع جدا في التصميمات بالفوتوشوب وبيعمل حاجات دعوية حلوة اووي
وقلت يا بخته يعرف في الفوتوشوب انا لو كنت اعرف فيه
كنت عملت حاجات حلوة اوووي
ولو حد قالك ليه متبقاش زيه ترد الاجابة المشهورة ..
ياااه انا ابقى زيه .. قول يارب
طيب يا عم هو في حد مانعك تتعلم ؟؟ يعني هو مثلا اتولد وهو متعلم فوتوشوب .. ماهو عشان اتعلم بقى بارع كده
ليه متبقاش زيه ؟؟ ليه يكون همته اعلى منك ؟؟
هو احسن منك في ايه يعني ؟؟

أنا ابقى زيـه ..؟.. ياااااااااااه قول يارب ..!! 6c269a61f9b10fe5566324a41bcc14bb

أنا ابقى زيـه ..؟.. ياااااااااااه قول يارب ..!! 6c269a61f9b10fe5566324a41bcc14bb

جميل انك لما تشوف حد بارع في حاجة او عنده مهارة في حاجة
تقول عليه ما شاء الله وتتمنى من قلبك انك تبقى زيه
بس الاجمل من كده انك تشعر بغيرة .. الغيرة الكويسة
الي تخليك تحاول تبقى زيه وفي مكانته
الغيرة الي تحركك وتخليك ايجابي اكتر مش سلبي ومعندكش حاجة تقولها
غير (انا ابقى زيه .. ياااااااااااه قول يارب ) لماحد يسألك ليه مبقيتش زيه !!!!
متخليش الشيطان يضحك عليك ويقولك الناس دي فين واحنا فين ..
ده الناس مقامات يابني والكلام ده !!!
يعني الناس الي انت شايفهم دول اول اما اتولدوا بقوا بارعين كده في
حاجات معينة ومتعلمين الحاجات دي ؟؟
ماهما بردو شافوا ناس غيرهم بارعين في حاجة معينة وشعروا بغيرة منهم
وحبوا يكون زيهم وبفضل الله ثم بـإرادتهم بقوا أحسن
وإنت فين همتك بقى ؟؟؟

أنا ابقى زيـه ..؟.. ياااااااااااه قول يارب ..!! 99627310bb310904acdab07167e98634

ليه متكونش الاول في دراستك ؟
ليه متكونش حافظ القرآن كامل ؟؟
او حتى حافظ شوية اجزاء منه وبتحاول تحفظه كامل ؟
ليه ميكونش ليك دور في مجتمعك
ومحبوب من الناس لفعلك للخير وسعيك عليه ؟
ليه متكونش متميز في كل حاجة وعارف في كل حاجة ؟

أنا ابقى زيـه ..؟.. ياااااااااااه قول يارب ..!! 4fb0e71d5eff612ff97823aba9cc401a

وانتي ليه متكونيش لابسة الحجاب الكامل زي صاحبتك ؟
وليه لما تكوني في مكان وحد يسألك حاجة في الدين متعرفيش تجاوبي
وواحدة غيرك هي الي تجاوب ؟
ليه متعلمتيش زيها واتفقهتي في الدين ؟
ليه متكونيش متميزة في كل حاجة ؟
ليه متكونيش بنت مسلمة صح ملتزمة وقريبة من ربنا ومتوفقة ومحترمة
ومحبوبة من الناس وداعية في الوسط الي انتي فيه
وتفهمي في الكمبيوتر وبرامجه ؟
ليه وليه وليييييييييييييه
ليه متكونش همتكوا اعلى من كده ؟
اسئلة كتير اوي محتاجة اجابة
بس اعتقد الاجابة المعقولة هي
لان احنا ينقصنا الهمة العالية !
لازم تبقى همتنا اكبر من كده ونكون متميزين في كل حاجة
عشان تبقى مثل اعلى وقدوة وتخلي الناس تغير فكرتها عن المتلزمين
وتبقى ملتزم فاهم وعارف في كـــل حاجة !

الموضوع : أنا ابقى زيـه ..؟.. ياااااااااااه قول يارب ..!! المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

أنا ابقى زيـه ..؟.. ياااااااااااه قول يارب ..!!

أنا ابقى زيـه ..؟.. ياااااااااااه قول يارب ..!!

مواضيع مماثلة

مواضيع مماثلة