يابنتى خديه و بعد الجواز ربنا يهديه ..

عضو جديد عدد المساهمات : 2238

:: السلام عليكم ورحمة الله وبركاته ::

هذه القـصة وأبطالها كلهم من وحي الخيال ولكنها قد تتكرر أحياناً فى الواقع ~

يابنتى خديه و بعد الجواز ربنا يهديه .. Rocking_chairs

يابنتى خديه و بعد الجواز ربنا يهديه .. Rocking_chairs

جلست منال جانباً على إحدى المقاعد المتواجدة فى حديقة الجامعة
وكان ملامح الحزن تبدو واضحة على وجهها فجائتهاصديقتها المقربة نيهال مبتسمة قائلة :أنا جييييييت :D
ردت منال بنظرة حزينة
: أهلاً نيهال

نيهال : انا تمام الحمد لله بس انتى شكلك مش تمام نؤهياً
ردت منال : مفيش حاجة يانيهال

نيهال: لا شكلك زعلان وفي حاجات مش حاجة بس
منال : مممم انا حاسة انى هموت

خفضت رأسها قليلاً وقالت
منال : هشام// نيهال : ماله
منال : كان خطوبته امبارح

نيهال: مش ده ابن عمك اللى كنتى بتقولى عايز يخبطك
منال: اه ماهو مطلعش عايز يخطبنى بقى ولا حاجة انا اللى طلعت موهومه ومعيشة نفسي فى حلم

نيهال: ازاى ؟؟
منال : اصلهم من زمان كانوا يقولوا هشام لمنال من واحنا صغيرين وانا كنت بحس انه كان مهتم بيا عن بقية قرايبى رغم انى عمرى ماكان ليا علاقة بيه عشان مغبضش ربنا ولا كنت مبيناله حاجة بس منكرش انه قلبي كان فرحان بيه

نيهال :استنى يامنال مش ده اللى كان مقطع فى صلاته وانتى قولتى لاخوكى ينصحه صح ؟؟ وكان بيشرب سجاير ساعات ؟
منال : اه هو هو مكنش ملتزم اوى بس لما عماتى يقولوا منال لهشام كنت اقولهم لا مش ملتزم يقولولى بكرة هيلتزم يبنتى خديه وبعد الزواج ربنا هيهديه ويبقى زى الفل

نيهال : بكرة يامنال وانتى ايش ضمنك بقى مش ممكن لا يتلزم ولا لأ
وافرض ملتزمش هتعملى ايه يافالحة
يامنال انتى ما شاء الله عليكى اكتر واحدة ملتزمة بينا
واكتر واحدة محافظة على ميعاد صلواتك وقرائنك مبيفارقش شنطتك
تروحى تتنازلى عن ده كله مقابل إعجاب بسيط

منال : لا مانا كنت هحاول معاه بعد الجواز احاول اهديه
نيهال : وانتى متجوزاه ياختى عشان تديله دروس دينيه ويا صابت يا خابت !!
يامنال انتى ربنا بيحبك وهو اللى مخلاش ابن عمك يلتفت ليكى
احنا عايزين حد يرفعنا ولا ينزلنا مش ده كان كلامك يامنال
كان ممكن لو اتجوزتيه يكون ابتلاء ليكي

وَعَسَىٰ أَنْ تَكْرَهُوا شَيْئًا وَهُوَ خَيْرٌ لَكُمْ ۖ وَعَسَىٰ أَنْ تُحِبُّوا شَيْئًا وَهُوَ شَرٌّ لَكُمْ ۗ وَاللَّهُ يَعْلَمُ وَأَنْتُمْ لَا تَعْلَمُونَ) سورة البقرة 216

الموضوع : يابنتى خديه و بعد الجواز ربنا يهديه .. المصدر : مسجد الهدي المحمدي الكاتب: أمة الله
توقيع العضو/ه :أمة الله

10/08/2009

جزاكم الله كل خير

الحمد لله انها متجوزتش هشام

لازم اختيار الدين الاول

ربنا يرزقنا ويرزق الجميع الصالحين

الموضوع : يابنتى خديه و بعد الجواز ربنا يهديه .. المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

عضو جديد عدد المساهمات : 2238

ابتسمت منال لنهال ابتسامة حزينة ومضت تفكر فى كلام نيهال
ومرت السنين وتزوجت منال وتزوج ابن عمها من عروسه ايضاً وكانت منال معزومة فى منزل عمها الكبير ووجدت هناك صدفة ابن عمها وزوجته وبعد مضي 5 ساعات حان أذان المغرب ..قام زوج منال وأستأذن لينزل يصلي المغرب ...

)(
()
)(

منال لزوجها: فى حفظ الله ياوليد
ليلى زوجة هشام : ياهشام مش هتنزل تصلى ياهشام قوم دى الاقامة اقامت من فترة ياهشـــــام

هشام :يوووووه ياستى بعد الماتش الماتش هيشتغل ما تهدى شوية
ليلي : ياهشام الماتش يتاجل انما الصلاة لأ ..سيب بقى السيجارة اللى فى ايدك وقوم صلي
هشام : يوووووه انا عايش مع شيخة بصى ملكيش دعوه ده شىءبينى وبين ربنا ممكن تسيبينى فى حالى ومتعملليش واعظة دينية
ليلى بنظرة حزينة : براحتك انت حر
)(
()
)(
ثم دخلت ليلى إلى الشرفة محاولة ان تدارى دمعتين سقطوا من عينها
ذهبت خلفها منال
منال لـ ليلى
مالك بس ياقمر متضايقيش نفسك ربنا يهديه بإذن الله
ليلي: لا يامنال ده مش ممكن انا كنت عمرى مااتصوره كده انا حاولت معاه كتيرر اووى ومفيش فايدة
انا كنت عمرى ما كنت عاوزةإن زوجى يكون ده ابدااا
منال : طيب ممكن أسألك سؤال ومتزعليش مني
انتى ليه رضيتى بيه لما اتقدملك
ليلى :مانا قولت ممكن احاول معاه لما نتجوز احاول اهديه

هنا منال ابتسمت ابتسامة بسيطة وتذكرت انه كان ذلك كلامها بالفعل قبل ونظرت نظرة إلى السماء وتذكرت كلام نيهال وتذكرت

(وَعَسَىٰ أَنْ تَكْرَهُوا شَيْئًا وَهُوَ خَيْرٌ لَكُمْ ۖ وَعَسَىٰ أَنْ تُحِبُّوا شَيْئًا وَهُوَ شَرٌّ لَكُمْ ۗ وَاللَّهُ يَعْلَمُ وَأَنْتُمْ لَا تَعْلَمُونَ) سورة البقرة
216
وقالت فى سرها الحمد لله يــارب كم انت رحيم بي
ثم نظرت لـ ليلى وقالت لها
معلش يا ليلى ده ابتلاء ربنا يقدرك عليه ويهديه

ليلى : يارب .. ثمانصرفت ليلى من البلكونة

رن جرس هاتف منال وظهر اسم زوجها على الهاتف وردت منال
وليد : حبيبتى حضري نفسك بقى عشان انا طالع وهنمشي

منال : من عيونى ياوليد.. يااحلى هدية من ربنا

أنـتهــت

ملحوظـة ))

مش شرط أنه يكون انسان مش ملتزم ويستمر على كده
فى ناس كثيرة بتكون غير ملتزمة وبيمن عليها الله بالتوبه

ربنا قادر انه يهدي اى عبد من عباده لكن الموضوع وما فيه انه الواحد ميتنازلش فى الدين لانه مش ضامن ولا نتسخط على قدر الله لانه ممكن نكون حاجة شايفنها انها الخير لينا ومتطلعش خير خالص لينا

الموضوع : يابنتى خديه و بعد الجواز ربنا يهديه .. المصدر : مسجد الهدي المحمدي الكاتب: أمة الله
توقيع العضو/ه :أمة الله

نائب المدير عدد المساهمات : 3918

اللهم امين يارب
الحمدلله فعلا انها متجوزتش هشام اهم حاجة الاخلاق
والدين

ربنايرزقنا ياااااارب وجميع بنات المسلمين بالازواج الصالحين
اللهم امين يارب

الموضوع : يابنتى خديه و بعد الجواز ربنا يهديه .. المصدر : مسجد الهدي المحمدي الكاتب: aya
توقيع العضو/ه :aya

عضو جديد عدد المساهمات : 2238

اللهم آمين يارب

ومتنسوش حديث رسول الله صلي الله عليه وسلم

( إذا جاكم من ترضون دينه وخلقه فزوجوه إلا تفعلوه تكن فتنة في الارض وفساد كبير )

ربنا يوعدنا ويوعدكم بالازواج الصالحين

ويوعد الاخوة بالزوجات المصلحات

جزاكم الله خيرا

الموضوع : يابنتى خديه و بعد الجواز ربنا يهديه .. المصدر : مسجد الهدي المحمدي الكاتب: أمة الله
توقيع العضو/ه :أمة الله

10/08/2009

اللهم امين

جزانا واياكم خير الجزاء

الموضوع : يابنتى خديه و بعد الجواز ربنا يهديه .. المصدر : مسجد الهدي المحمدي الكاتب: أحلى حياة
توقيع العضو/ه :أحلى حياة

عضو جديد عدد المساهمات : 42

وعليكم السلام ورحمة الله وبركاته
جزاكِ الله خيرا
فعلا ( وَاللَّهُ يَعْلَمُ وَأَنْتُمْ لَا تَعْلَمُونَ)
الحمد لله حمدا كثيرا

اقتباس :: الموضوع وما فيه انه الواحد ميتنازلش فى الدين لانه مش ضامن ولا نتسخط على قدر الله لانه ممكن نكون حاجة شايفنها انها الخير لينا ومتطلعش خير خالص لينا

الموضوع : يابنتى خديه و بعد الجواز ربنا يهديه .. المصدر : مسجد الهدي المحمدي الكاتب: "نور"
توقيع العضو/ه :"نور"

عضو جديد عدد المساهمات : 2238

جزانا الله وإياكي خير الجزاء

شكرا أختي الكريمة علي مرورك الطيب

نتمني لكي الافادة دائما

الموضوع : يابنتى خديه و بعد الجواز ربنا يهديه .. المصدر : مسجد الهدي المحمدي الكاتب: أمة الله
توقيع العضو/ه :أمة الله

يابنتى خديه و بعد الجواز ربنا يهديه ..

يابنتى خديه و بعد الجواز ربنا يهديه ..

مواضيع مماثلة

مواضيع مماثلة