أنا مش قادر أفهم ليه معترض أن اللحية فرض ؟؟
ليه عايز تحسسني أن
اللحية دي من القشور و كأن الشخص الملتحي دا واحد ترك الدين كله و راح
أتعلق باللحية و كأنها - وحدها - هي اللي هتدخله الجنة
يا سيدي دا احنا حتى بنحب الرسول و نحب نمشي على أجمل ستايل لأعظم الخلق أجمعين
صلّ على النبي يا جدع D:
صلّى الله عليه و سلّم
مممممم طيب أقول لك على حاجة حلوة
مش الرسول صلّى الله عليه و سلّم قال كما في الصحيح : " صلّوا كما رأيتموني أصلي "
تقدر بقى سيادتك تصلي على كيف كيفك ؟؟
آه يعني تبتكر طريقة للصلاة من دماغك يعني ؟؟
ههههه لا طبعاً .. ليه ؟
عشان الرسول قال اهه صلّوا كما رأيتموني أصلي
طيب خد المفاجأة دي
الرسول - صلّى الله عليه و سلّم - قال برده كما في الصحيح : "اعفوا اللحى "
يبقى مثلاً مثلاً يعني ..
تقصد أن الرسول كان يقصد يعني اعفوا لحاكم .. بس براحتكم ؟؟
D:
طيب تقصد إيه يا راجل يا طيب
كل أمر هو واجب ما لم تأت قرينة تصرفه للإستحباب
عايز أقول لك على حاجة كمان ع الطاير كدا
اللحية دي شيء من أشياء كتيييييييير
مش هي الدين كله يعني
آه يعني الراجل الطيب الملتحي اللي هناك دا شخص عادي جدا
ممكن يغلط و ممكن يكشر في وشك شوية و ممكن و ممكن
أنت عارف إيه هي أحوال الناس !
أقصد يعني أقول لك أن اللحية تنبت للأشخاص ، مش الأشخاص هم اللي بينبتوا للحية
حلو المثل دا D:
ههههههه آه بجد .. يعني احنا بشر عاديين خالص مالص
بس في حاجة بقى مهمة
احنا مأمورين اننا نكون خير مثال لخير هدي لنبينا الحبيب صلّى الله عليه و سلّم ..
يعني على أد ما تقدر طبّق كلام الرسول و أفعاله
لو كنت عايز الرسول يبتسم ليك على الحوض كدا في وسط الزحمة و الحر ده
يبقى خليك خير مثال لخير هدي لخير الخلق و النبيين صلوات الله عليهم أجمعين
خليك دايما مبتسم و أملأ الدنيا فرح و سرور
و بلاش كآبة يا جدع
دا احنا مسلمين ..
هو أنا يعني اللي هقول لك أن الرسول كان على طول مبتسم .. مهو أنت عارف كل حاجة
أقول لك على فكرة حلوة !
D:
خليك دايماً
ملتح و ابتسمـ
الموضوع : خليك دايماً ملتح و ابتسمـ المصدر : مسجد الهدي المحمدي الكاتب: aya
موضوع: خليك دايماً ملتح و ابتسمـ 
الثلاثاء 24 يناير 2012, 9:37 pm
