السلام عليكم ورحمه الله وبركاته
انهارده باذن الله حناخد الدرس الثالث من دروسنا فى .....
" فقـــــــــه الطهـــــــارة "
نبدأ
بســــم الله
الدرس الثالث
أخدنا الدرسيين اللى فاتو ياقمرات تعريف الطهاره و فضلها و انواع المياه
حنتكلم فى درس انهارده بأذن الله عن ...
" إسقاطات على أنواع المياه "
يعنى حنجاوب بقى على سؤال المره اللى فاتت...
هل أى ماء نقدر نتطهر بيه ؟؟؟
تعالو سوا نشوف كده حالات مختلفه للمياه وامتى يكون الماء طهور وامتى لا
- بالماء المستعمل
*****
الماء المستعمل هو : الماء المنفصل عن أعضاء المتوضئ أو المغتسل
طيب ايه حكم الماء ده - يعنى ينفع نستعمله تانى ولا لأ ؟؟؟ -
الاجابه ...
ايوه ممكن نستعمله تانى لان الماء أصله طهور و عند أستعماله ألتقى بـ طاهر ( جسم الانسان )
علشاان كده الماء المستعمل بياخد حكم الاصل - حكم الماء - ويظل طهور
وافكركم يا بنات ان طهور يعنى طاهر فى نفسه مطهر لغيره
الدليل
حديث الربيع بنت معوذ رضى الله عنها : ان رسول الله مسح رأسه من فضل ماء كان بيده . حسنه الالبانى .
فضل ماء يعنى باقى ماء كان بيده - طبعا ده أثناء الوضوء -
- الماء الذى خالطه تراب
*****
يعنى لو عندك ماء وقع فيهم شوية تراب ينفع تتوضى بيهم ؟؟؟
الاجابه ... ايوه ينفع بأذن الله
لان التراب طاهر - حتى احنا ممكن نتيم بيه -
فالتراب بيشترك مع الماء فى صفتين - الطهاره والطهوريه - يعنى طاهر فى نفسه ومطهر لغيره
اذن الماء اذا خالطه التراب يظل الماء طهور
- الماء المشمس والساخن
*****
الماء المشمس : هو الماء الذى يُسخن بواسطة الشمس
ويُلحق بيه المياه الساخنه من السخان وما الى ذلك
ايه حكم الماء ده ؟؟؟
الماء ده ايضا طهوووور
الدليل :
روى عن سيدنا عمر رضى الله عنه وصححه الالبانى : انه كان يُسخن له الماء فى قمقم فيغتسل به --- (القمقم : اناء)
وعن ايوب قال سألت نافعا عن الماء الساخن فقال : كان بن عمر يغتسل بالحميم . حسنه الالبانى ---
( الحميم : الماء شديد السخونه )
4- الماء الذى خالطه طاهر
*****
يعنى فى حالة ان الماء سقط فيه اى شيئ طاهر زى مثلا : دقيق & كلور & شامبو ..... الخ
هل الماء ده بيظل طهور ولا لا ؟؟؟؟
هنا بقى بننظر الى الماء هل اتغير حاجه من اوصافه ولا لا ( اللون - الطعم - الرائحه )
فلو الطاهر اللى اختلط بالماء ده غير صفه من صفات الماء لدرجة أننا لا نستطيع ان نطلق اسم ماء عليه ...
فى الحاله دى أصبح الماء طاهر فى نفسه ولكن غير مطهر لغيره - يعنى مبقاش طهور -
اما لو التغير اللى حصل فى الماء كان طفيف لا يذكر والماء لازال بصفاته وخصائصه
يبقى هنا الماء طهور
- زى الماء اذا اختلط بيه صابون اثناء الغسل مثلا - او لو وقع فى الماء ورق شجر وما الى ذلك -
- الماء الذى خالطته نجاسة
*****
باذن الله حنتكلم عن النجاسات بالتفصيل فيما بعد
لكن مؤقتا نعرف ان النجاسات هى : الاشياء الخبيثه الغير طاهرة
طيب لو النجاسات خالطت الماء يبقى ايه حكمه ؟؟؟
برده الحكم على حسب مقدار التغير اللى حصل فى الماء
يعنى لو النجاسه غيرت حاجه من خصائص الماء يبقى الماء أصبح نجس
اما اذا الماء لم يتغير شيئ من خصائصه يبقى الماء ياخذ حكم الاصل - طهور -
طيب احنا محتاجين دليل على الكلام ده
الدليل على فكره ذكرناه قبل كده الدرس اللى فات
ويمكن فى بنات النقطه دى حيرتهم شويه علشان كده حنحاول نستفيض فى شرحها
فاكرين دليل طهورية ماء البئر هو نفسه الدليل فى النقطه دى
عن ابى سعيد الخدرى رضى الله عنه قال :
قيل: يارسول الله انتوضأ من بئر بضاعه بضم الباء وهى بئر يلقى فيها الحيض - بكسر الحاء وفتح الياء -
ولحوم الكلاب والنتن ، فقال رسول الله صلى الله عليه وسلم : " الماء طهور لاينجسه شئ"
الحيض هنا المقصود بيها : الخرق التى يمسح بها دم الحيض
*****
طيب هنا ايه اللى حصل - ليه الماء ده مقلناش انه اصبح نجس ؟؟؟
هنا يابنات الماء لكثرته لا تؤثر فيه هذه النجاسات فلا تغير شيئ من خصائصه - لون & طعم & ريحه -
لذلك الماء لازال طهور
زى ماء البحر او ماء النهر - مهو برده اكيد بيُلقى فيه نجاسات صح ولا ايه ابتسام جميل -
لكن الماء لكثرته لا يؤثر فيه النجاسه
والاخت كونن ذكرت الدرس اللى فات كمان كلام حلو جدا فى النقطه دى
الكلا هنا #75
لكن احب انقله كمان للفائده
-----------
تسمحولي اقول تنويه بسيط يمكن القرويين او البدويين يعرفوه اكتر من العايشين في المدن وهو ان ماء الابار ماء طهور بمعني انه طاهر في زاته ويستخدم للتطهربه لانه ماء جاري وليس راكد فلا يتنجس الماء بما يلقي به لانه لاتركد به نجاسه انمامثله مثل النهر كم من قازورات تلقي به ولكنه طهور لانه جاري ايضا فلا تعلق به قزاره او نجاسه فقط هذا بحكم بيئتي القرويه وما اعرفه اذن لا تعارض مع الحديث الشريف
6 - الماء الآسن - الآجن -
*****
الماء الآسن هو: الماء المُخزن - اللى بنجزنه يعنى مثلا علشان لو الميه اتقطعت ابتسام جميل -
وقد يتغير لطول مكثه
حكم الماء ده ....... طهور
طالما لم تسقط فيه نجاسة تنجسه
7 - الماء المقدس
*****
الماء المقدس هو ماء زمزم
طبعا هو ماء طهور اكيييييد
لكن - ياترى هل يجوز اننا نستخدم ماء زمزم فى الوضوء والغسل ؟؟؟
الاجابه ... ايوه جائز بأذن الله
الدليل :
عن على بن ابى طالب رضى الله عنه
ان رسول الله صلى الله عليه وسلم دعا بسجل من ماء زمزم فشرب منه وتوضأ
- سجل : دلو -
نكتفى بهذا القدر
ونكمل باذن الله الدرس القادم
الواجـــــــب
*****
- اذا سقط القليل من الدقيق فى اناء به ماء هل يجوز ان نتوضأ بهذا الماء ؟؟
- هل يجوز ان نتطهر بالماء اذا اختلطت به نجاسه ؟
الموضوع : فقة المراة المسلمة 3 المصدر : مسجد الهدي المحمدي الكاتب: aya
موضوع: فقة المراة المسلمة 3 
الأحد 26 فبراير 2012, 4:40 pm
